Кыргыз Республикасынын герби менен трибуна. Архив

Айыптоого эч негиз жок. КТРК дебаттын өчүрүлүшү боюнча билдирүү таратты

798
(жаңыланган 16:39 31.12.2020)
Кечээ президенттикке талапкерлердин теледебаты аяктары менен социалдык тармактан түз эфирдин видеосу жоголуп кеткен.

БИШКЕК, 31-дек. — Sputnik. Коомдук телерадио корпорациясы кечээ кечинде түз эфирге чыккан президенттикке талапкерлердин дебатынын видеосу эмнеге өчүп калганын түшүндүрүп, расмий билдирүү таратты.

Маалыматта КТРК Youtube каналы аркылуу түз эфирден көрсөткөндөн кийин видеохостингге сакталары белгиленет. Ал эми трансляция бүткөндөн кийин Youtube баракчасында начар сапатта калгандыктан, ал өчүрүлүп HD форматындагы сапаттуу видеого алмаштырылары айтылат.

"Түз эфирдеги теледебаттын видеосун алмаштыргандан кийин жаңы сапаттагы форматы маалыматтарды сактоочу каналдан чыгып кеткен. Ушуга байланыштуу 30-декабрдагы теледебаттын видеосу Youtube каналына жүктөлбөй калган. Бул техникалык мүчүлүштүк калыбына келтирилери менен видеохостингге жүктөлүп, көрүүгө мүмкүнчүлүк жаралат", — деп айтылат маалыматта.

Ошону менен катар КТРК теледебаттар ачык аянтчада, бардык талапкерлерге бирдей шарт түзүү менен өткөрүлүп жатканын айтат. Телеканалды мындай цензурага айыптоого кымындай дагы негиз жок деп эсептей турганы баса белгиленген.

Эскерте кетсек, кечээ теледебаттардын биринчи турунун акыркы бөлүгү аяктаган. Телеканал Бабыржан Төлбаев, Курсан Асанов, Равшан Жээнбеков, Жеңишбек Байгуттиев, Улукбек Кочкоров жана Абдил Сегизбаевдин дебатын көрсөткөн.

Ал аяктары менен социалдык тармактан түз эфирдин видеосу жоголуп кеткен. Бул коомчулуктун сынына кабылган эле.

798
Белгилер:
теледебат, өчүрүү, видео, КТРК
Тема:
Кыргызстандагы президенттик шайлоо – 2021 (191)
Тема боюнча
Президенттик шайлоо эки тур менен өтүп калса кандай болот? Шарты
Европа, Америкада жашайт. Ажолукка талапкерлер кандай уул-кыздарды тарбиялаган
Жо Байден ант берүү учурунда

Жо Байден ант берип кызматына киришти

34
(жаңыланган 23:21 20.01.2021)
Демократ жана мурдагы вице-президент Жо Байден АКШнын 46-президенти болупк алды. Ал конгресске 36 жыл мүчөлүк кылган.

БИШКЕК, 20-янв. — Sputnik. Жо Байден ант берип АКШнын президенттик кызматына киришти.

"Мен, Жозеф Робинет Байден, салтанаттуу түрдө Америка Кошмо Штаттарынын президенттик кызматын ак ниеттүүлүк менен аткарууга, Конституцияны кайтарууга жана коргоого болгон күчүмдү жумшайм деп ант берем", — деп билдирди.

Байден тарыхтагы эң кары президент. Ал 78 жашта.

Эске салсак, 3-ноябрда АКШда президенттик шайлоо өтүп, жыйынтыгында демократ Жо Байден шайлоочулардын 306 добушун алып жеңишке жеткен. Ал эми анын атаандашы АКШнын учурдагы башчысы Дональд Трамп 232 добуш алган. 7-январда добуш берүүнүн жыйынтыгы толугу менен расмий бекитилген.

34
Белгилер:
инаугурация, АКШ, Жо Байден
Тема боюнча
Тарыхта биринчи ирет… Байден өз командасына трансгендерди алмай болду
Трамп жубайы Меланья менен америкалыктарга акыркы ирет кайрылышты
АКШнын жаңы шайланган президенти Жо Байден

Байден бүгүн АКШга кирүү боюнча кыргызстандыктарга коюлган чектөөнү алып салат

73
(жаңыланган 23:12 20.01.2021)
Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарынын АКШга кирүүсүнө чектөөлөр бар.

БИШКЕК, 20-янв. — Sputnik. АКШнын жаңы шайланган президенти Жо Байден Кыргызстан кошулган бир катар өлкөлөрдүн жарандарына Кошмо Штаттарга кирүүгө тыюу салууларды жокко чыгарганы жатат. Бул тууралуу анын командасына шилтеме берип РИА Новости маалымдады.

Чектөөлөрдү мурда Дональд Трамптын администрациясы киргизген.

"Байден ал чечимди жокко чыгарып, негизинен мусулмандардан турган жана Африка өлкөлөрүнүн жарандарына АКШга кирүүгө уруксат берет. Ошондой эле Мамлекеттик департаментке аталган өлкөлөрдүн жарандарына виза берүү маселесин жаңылоону тапшырат”, — деп айтылат билдирүүдө.

Ошондой эле Байден иммигранттарды АКШдан чыгарылбай, убактылуу жашоого мүмкүндүк берген DACA программасын бекемдөөнү карап жатканы кошумчаланды. Аталган программа ушул тапта депортациядан 700 миң кишини сактап турганы кошумчаланды.

Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Жо Байдендин инаугурациясы 20-январь күнү Вашингтон шаарында өтөт.

73
Белгилер:
виза, Кыргызстан, Мигрант, инаугурация, Жо Байден
Тема боюнча
Серепчи: АКШ менен РФ ортосундагы өз ара кызматташуу багыты өзгөрүүдө
Тарыхта биринчи ирет… Байден өз командасына трансгендерди алмай болду

UFC: Хабиб Нурмагомедовдун иниси алгачкы беттешинде атаандашын утуп алды. Видео

0
(жаңыланган 00:13 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

0
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу