Микрофон. Архив

Референдумга карата 15 үгүт тобу каттоодон өттү. Дебаттардын графиги

162
(жаңыланган 17:41 03.01.2021)
БШК катталган үгүт топторунун ортосунда теледебат өткөрүү үчүн акысыз эфир убактысын бөлүштүрүү боюнча чүчү кулак уюштурган.

БИШКЕК, 3-янв. — Sputnik. 2021-жылдын 10-январына дайындалган Кыргызстандын башкаруу формасын аныктоо боюнча референдумга карата 15 үгүт тобу каттоодон өттү. Бул тууралуу БШКнын расмий сайтына жарыяланды.

Маалыматка ылайык, 2021-жылдын 2-январына карата БШК 10-январда өтө турган бүткүл элдик добуш берүүгө коюлган "макул", "каршы", "бардык варианттарга каршы" деген 15 үгүт тобун каттады. Алар:

  • президенттик республикага "макул" – 8 үгүт тобу;
  • президенттик республикага "каршы" – 1 үгүт тобу;
  • парламенттик республикага "макул" – 3 үгүт тобу;
  • парламенттик республикага "каршы" – 1 үгүт тобу;
  • бардык варианттарга каршы – 2 үгүт тобу.

2020-жылдын 28-декабрынан тартып 2 телерадио уюмунда – КТРК менен "ЭлТР" МТРКда референдумга коюлган маселелер боюнча үгүт топторунун дебаттары жана жекече чыгып сүйлөөлөрү өткөрүлүүдө.

Мурда БШК катталган үгүт топторунун ортосунда теледебат өткөрүү үчүн акысыз эфир убактысын бөлүштүрүү боюнча чүчү кулак уюштурган.

Чүчү кулактын негизинде бөлүштүрүлгөн эфир убактысына ылайык, КТРК телеканалында үгүт топторунун кезектеги дебаттары 2021-жылдын 4-5-январында өтөт, эфир убактысы – саат 20:00дөн 22:00гө чейин.

"ЭлТР" МТРКда үгүт топторунун дебаттары 2021-жылдын 6-январынан 8-январына чейин (кошо алганда) өткөрүлөт, эфир убактысы – саат 19:00дөн 20:30га чейин.

Ошондой эле "ЭлТР" МТРКда үгүт топторунун жекече чыгып сүйлөөлөрү 2021-жылдын 4-5-январына каралган, эфир убактысы – саат 22:05тен 23:30га чейин.

КТРК телеканалында үгүт топторунун жекече чыгып сүйлөөлөрү 2021-жылдын 6-январынан 8-январына чейин (кошо алганда) каралган, эфир убактысы – саат 22:30дан 23:30га чейин.

Дебаттардын жана чыгып сүйлөөлөрдүн графиги тууралуу төмөнкү шилтеме боюнча кененирээк маалымат аласыз.

162
Белгилер:
эфир, үгүт, башкаруу, референдум, БШК
Тема:
Жаңы Конституциянын долбоору жана референдум (71)
Тема боюнча
БШК: 28-декабрга карата 311 эл аралык байкоочу катталды
Жо Байден ант берүү учурунда

Жо Байден ант берип кызматына киришти

146
(жаңыланган 23:21 20.01.2021)
Демократ жана мурдагы вице-президент Жо Байден АКШнын 46-президенти болупк алды. Ал конгресске 36 жыл мүчөлүк кылган.

БИШКЕК, 20-янв. — Sputnik. Жо Байден ант берип АКШнын президенттик кызматына киришти.

"Мен, Жозеф Робинет Байден, салтанаттуу түрдө Америка Кошмо Штаттарынын президенттик кызматын ак ниеттүүлүк менен аткарууга, Конституцияны кайтарууга жана коргоого болгон күчүмдү жумшайм деп ант берем", — деп билдирди.

Байден тарыхтагы эң кары президент. Ал 78 жашта.

Эске салсак, 3-ноябрда АКШда президенттик шайлоо өтүп, жыйынтыгында демократ Жо Байден шайлоочулардын 306 добушун алып жеңишке жеткен. Ал эми анын атаандашы АКШнын учурдагы башчысы Дональд Трамп 232 добуш алган. 7-январда добуш берүүнүн жыйынтыгы толугу менен расмий бекитилген.

146
Белгилер:
инаугурация, АКШ, Жо Байден
Тема боюнча
Тарыхта биринчи ирет… Байден өз командасына трансгендерди алмай болду
Трамп жубайы Меланья менен америкалыктарга акыркы ирет кайрылышты
АКШнын жаңы шайланган президенти Жо Байден

Байден бүгүн АКШга кирүү боюнча кыргызстандыктарга коюлган чектөөнү алып салат

211
(жаңыланган 23:12 20.01.2021)
Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарынын АКШга кирүүсүнө чектөөлөр бар.

БИШКЕК, 20-янв. — Sputnik. АКШнын жаңы шайланган президенти Жо Байден Кыргызстан кошулган бир катар өлкөлөрдүн жарандарына Кошмо Штаттарга кирүүгө тыюу салууларды жокко чыгарганы жатат. Бул тууралуу анын командасына шилтеме берип РИА Новости маалымдады.

Чектөөлөрдү мурда Дональд Трамптын администрациясы киргизген.

"Байден ал чечимди жокко чыгарып, негизинен мусулмандардан турган жана Африка өлкөлөрүнүн жарандарына АКШга кирүүгө уруксат берет. Ошондой эле Мамлекеттик департаментке аталган өлкөлөрдүн жарандарына виза берүү маселесин жаңылоону тапшырат”, — деп айтылат билдирүүдө.

Ошондой эле Байден иммигранттарды АКШдан чыгарылбай, убактылуу жашоого мүмкүндүк берген DACA программасын бекемдөөнү карап жатканы кошумчаланды. Аталган программа ушул тапта депортациядан 700 миң кишини сактап турганы кошумчаланды.

Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Жо Байдендин инаугурациясы 20-январь күнү Вашингтон шаарында өтөт.

211
Белгилер:
виза, Кыргызстан, Мигрант, инаугурация, Жо Байден
Тема боюнча
Серепчи: АКШ менен РФ ортосундагы өз ара кызматташуу багыты өзгөрүүдө
Тарыхта биринчи ирет… Байден өз командасына трансгендерди алмай болду
COVID-19 анализ тапшыруу. Архивдик сүрөт

Кыргызстандагы коронавирус: дагы эки киши көз жумуп, 155 адамдан оору чыкты

0
(жаңыланган 11:42 21.01.2021)
Каза болгондор Бишкек менен Чүйдө дарыланып жаткан. Коронавирус пандемиясы Кыргызстанда 1 394 кишинин өмүрүн алып кетти.

БИШКЕК, 21-янв. — Sputnik. Кыргызстанда коронавирусту акыркы суткада 155 киши жуктурса, 136 бейтап айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 6;
  • Чүй облусу — 63;
  • Ош облусу — 12;
  • Талас облусу — 1;
  • Нарын облусу — 6;
  • Ысык-Көл облусу — 11;
  • Жалал-Абад облусу — 11;
  • Баткен облусу — 3.

Кыргызстанда жалпы COVID-19 инфекциясынын 83 585 учуру катталды.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек — 56;
  • Ош шаары — 0;
  • Чүй облусу — 37;
  • Ош облусу — 9;
  • Талас облусу — 2;
  • Нарын облусу — 7;
  • Ысык-Көл облусу — 13;
  • Жалал-Абад облусу — 7;
  • Баткен облусу — 5.

Жалпы айыккандардын саны 79 509 болду.

Бир сутка ичинде республика боюнча COVID-19 илдетинен Бишкекте жана Чүйдө эки бейтап каза тапты. Ушуну менен илдеттен көз жумгандардын саны 1 394кө жетти.

Учурда стационарда 708 бейтап дарылнууда. Ал эми амбулатордук дарыланууда 1 044 киши бар.

0
Белгилер:
бейтап, жуктуруу, айыгуу, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
23-январдан тарта Кыргызстанга чет өлкөдөн киргендердин ПЦР-анализи болушу керек