Мамлекеттик кызматкерлер. Архив

Президенттикке талапкерлер 105 млн. сом коротушту. Тизме

331
(жаңыланган 22:44 04.01.2021)
Мамлекетти башкарам деген ниет менен саясий жарышта 17 киши ат салышууда. Талапкерлер шайлоо учурунда бардык чыгымдарды шайлоо фондунан гана алып жабышы керек. Жумшала турган каражаттардын эң көп делген суммасы 200 миллион сомдон ашпаш керек.

БИШКЕК, 4-янв. — Sputnik. Борбордук шайлоо комиссиясы 31-декабрга карата президенттикке талапкер болгондордун шайлоо фондундагы каражаттардын чыгымдалышы боюнча маалыматты жарыялады.

Бул бүгүнкү күнгө, 4-январга карата берилген сандар. 17 талапкердин фондуна 114,2 миллион сом келип түшсө, алардын 105,4 миллион сому сарпталган.

Талапкерлер боюнча маалыматтар төмөнкүчө (сом менен):

  • Жапаров Садыр Нургожоевич. Түшкөн каражат — 62 049 700, пайдаланылды — 57 531 126;
  • Исаев Канатбек Кедейканович. 1 412 000 — 1 348 62;
  • Арстанбек Мыктыбек. 1 117 000 — 1 115 750;
  • Сооронкулова Клара Сыргакбековна. 1 128 650 — 1 050 080;
  • Ташов Имамидин Асамидинович. 4 924 600 — 4 924 600;
  • Сегизбаев Абдил Кенешевич. 4 609 910 — 4 546 510;
  • Мадумаров Адахан Кимсанбаевич. 2 847 100 —2 845 67;
  • Касенов Аймен Абдыталипович. 3 872 805 — 3 758 398;
  • Кочкоров Улукбек Абдышевич. 1 724 890 — 1 634 383;
  • Байгуттиев Жеңишбек Сейтбекович. 3 337 850 — 2 963 867;
  • Абакиров Эльдар Курманбекович. 1 581 893 — 1 563 636;
  • Асанов Курсан Сатарович. 2 576 656 — 2 494 264;
  • Абдылдаев Арстанбек Бейшеналиевич. 2 310 000 — 2 305 415;
  • Жээнбеков Равшан Бабырбекович. 3 159 250 — 3 143 67;
  • Калмаматов Бактыбек Орозалиевич. 1 419 020 — 1 410 151;
  • Тольбаев Бабыржан Латиханович. 14 224 572 — 10 872 523;
  • Иманалиев Каныбек Капашович. 1 962 568 — 1 962 320.

Баарыныкы биригип 114 258 464 сом, пайдаланылганы — 105 470 992 сом.

Маалымат булагы: Кыргызстандын БШКсы

БШКнын маалымат кызматы банктык же башка мекемелер талапкерлердин атайын эсебине түшкөн жана андан алынган акчалар боюнча ар бир аптада маалымат берип турууга милдеттүү экендигин айтты. Аны БШК расмий сайтына жайгаштырууга тийиш.

Кыргызстанда президенттик шайлоо 2021-жылы 10-январда өтөт. Мамлекетти башкарууга мүмкүнчүлүк бере турган саясий жарышка 17 киши ат салышууда.

Талапкерлер аталган саясий өнөктүк учурунда бардык чыгымдарды шайлоо фондунан гана алып жабышы керек. Жумшала турган каражаттардын эң көп делген суммасы так айтылбаганы менен, анын чеги 200 миллион сомдон ашпаш керек.

331
Белгилер:
акча, талапкер, президенттик шайлоо, Кыргызстан
Тема:
Кыргызстандагы президенттик шайлоо – 2021 (195)
Тема боюнча
Элдин шайлоо боюнча суроолоруна жооп берчү колл-борбор иштей баштады
Президенттик шайлоо: коомдук тартипти 11 миңден ашуун милиционер көзөмөлдөйт
Театрлаштырылган көрсөтмө үчүн Садыр Жапаровго эскертүү берүү сунушталды
Общий зал в Жогорку Кенеше, где проводится заседание депутатов

Жогорку Кеңеште жаңы вице-спикер шайланууда. Көрсөтүлгөн талапкерлер

4
(жаңыланган 12:22 27.01.2021)
Төраганын орун басары кызматына парламенттин оппозициялык фракцияларынын квотасы менен көрсөтүлүп, шайланат.

БИШКЕК, 27-янв. — Sputnik. Жогорку Кеңештин депутаттары вице-спикерди шайлап жатат.

Төраганын орун басары кызматына оппозициялык фракциялардын квотасы менен көрсөтүлөт. "Ата Мекен" фракциясы Нурбек Сыдыгалиевди, "Өнүгүү – Прогресс" фракциясы Уланбек Исмаиловдун талапкерлигин сунуштады.

Мурдагы вице-спикер Мирлан Бакиров белгисиз себептерден улам өткөн жылдын 23-декабрында кызматын тапшырып кеткен.

4
Тема боюнча
Садыр Жапаров премьерликтен качан кетиши керек? Өкмөттү кандай тагдыр күтөт
Аягына чейин иштесеңиз болмок. Касымалиева кызматтан кеткен Бакировго кайрылды
Улуттук гвардиянын маршы. Архив

Генералдык штаб кайрадан Коргоо министрлигине айланышы ыктымал

27
(жаңыланган 12:08 27.01.2021)
Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Куралдуу күчтөр бул мекемеге 2014-жылы бириккен.

БИШКЕК, 27-янв. — Sputnik. Кыргызстандын Куралдуу күчтөрүнүн Генералдык штабын кайрадан Коргоо министрлиги деп өзгөртүү маселеси каралып жатат. Бул тууралуу маалыматты Генштабдын маалымат кызматы тастыктады.

Мекеменин Facebook баракчасында "Жарандар министрликти түзүүгө кандай карайт?" деген сурамжылоо жүргүзүлгөн. Анда элдин көбү бул идеяны колдогон.

"Өлкөгө жаңы жетекчинин келиши менен эски системага кайтуу планы бар. Тагыраагы, мыйзамга өзгөртүүлөр киргизилиши мүмкүн", — деп белгилеген Генералдык штаб.

Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Коргоо министрлигине кайтуу менен өлкөнүн аскердик доктринасы өзгөрөт.

Эске салсак, Куралдуу күчтөр Генералдык штабга 2014-жылы бириккен.

2018-жылы Жогорку Кеңеште Коргоо министрлигин кайтаруу маселеси көтөрүлгөн. Анда депутат Алмамбет Шыкмаматов Генштабдын генералдары чет мамлекеттерде таанылбай жатканын, анткени мындай орган сыртта анча маанилүү мекеме эместигин белгилеген.

27
Белгилер:
өзгөртүүлөр, мыйзам, реформа, Коргоо министрлиги, Генералдык штаб, Куралдуу күчтөр, Кыргызстан