Борбордук шайлоо комиссиясынын имараты. Архив

БШК Садыр Жапаровдун өкүлүн жана КТРКны айыпка жыкты. Үгүт учурундагы жазалар

368
(жаңыланган 14:18 08.01.2021)
Кээ бир талапкерлерге үгүт иштерин эрте баштаганы, айрымдарына белгиленген эрежелерди бузганы үчүн чара көрүлгөн.

БИШКЕК, 8-янв. — Sputnik. Президенттик шайлоонун алдында үгүт эрежелерин бузуу фактысы боюнча талапкерлерге жана КТРКнын директоруна жалпы суммасы 55 миң сомдук айып салынды. Бул туурасында Борбордук шайлоо комиссиясынын маалымат кызматы билдирди.

Бардык учурда өкмөт тарабынан аныкталган Эреже бузуулар боюнча бирдиктүү реестрге катталган.

Айыпка жыгылгандар:

  • Садыр Жапаров — эл менен жолугушуу учурунда театралдаштырылган көрсөтмө уюштурганы үчүн талапкердин Каракол шаары боюнча штабынын жетекчиси А.А. Коробаевге 7500 сом;
  • Адахан Мадумаров — үгүт иштерине жашы жете элек балдарды катыштырганы үчүн талапкердин Баткен райондук штабынын жетекчисине 7500 сом;
  • КТРК — шайлоо процессинин катышуучуларына маалыматты бирдей жеткирүүдө эреже бузганы үчүн, тагыраак айтканда, теледебаттын 1-турунун 30-декабрдагы видеосунун YouTube каналынан өчүрүлүшү боюнча телеканалдын директору Бактияр Алиевге 5500 сом;
  • Имамидин Ташов — үгүт иштерин мөөнөтүнөн мурда баштаганы үчүн талапкерге 7500 сом;
  • Бактыбек Калмаматов — үгүт иштерин мөөнөтүнөн мурда баштаганы үчүн талапкерге 7500 сом;
  • Өзгөн районунда "Кароол айылынын элдик коому" коомдук фондунун жетекчисине талапкердин штабы менен макулдашпай туруп үгүт материалдарын чыгарганы үчүн 7500 сом;
  • Алай районунда үгүт материалына кайдан чыгарылганы туурасында маалыматты жазбай таратканы үчүн М.Т. Исраиловго 12 500 сом.

Жогоруда аталган тараптардын баары айып пулдарын төлөп кутулган.

368
Белгилер:
талапкер, бузуу, эреже, БШК, айып пул
Тема:
Кыргызстандагы президенттик шайлоо – 2021 (189)
Тема боюнча
БШК Садыр Жапаровго эскертүү бербей, уюштуруучуга чара көрүүнү чечти
КТРКдагы дебат. БШК талапкерлерге каршылашын каралабоо тууралуу эскертүү берди
Президенттикке талапкерлер 105 млн. сом коротушту. Тизме
АКШнын жаңы шайланган президенти Жозеф Байдендин архивдик сүрөтү

Серепчи: АКШ менен РФ ортосундагы өз ара кызматташуу багыты өзгөрүүдө

36
(жаңыланган 17:54 20.01.2021)
Жаңы президенттин администрациясынын жүргүзчү саясаты бир катар мамлекеттердин, анын ичинен АКШнын да өзөктүк каражаттарды толук түрдө көзөмөлдөө боюнча башка макулдашууларды түзүүгө алып келиши мүмкүн.

БИШКЕК, 20-янв. — Sputnik. АКШнын жаңы шайланган президенти Жозеф Байдендин администрациясы инаугурациядан кийин СНВ-3 келишиминин узартылышы боюнча маселени карашы мүмкүн. Sputnik радиосунун обосунда бул маселени аскердик саясат таануучу Андрей Кошкин айтып берди.

Мамлекеттик катчылыкка сунушталып жаткан Энтони Блинкен инаугурациядан кийин Стратегиялык жактан чабуул жасаган куралданууну чектөө жана кыскартуунун андан аркы чаралары жаатындагы келишим боюнча иш жүрөрүн билдирген.

Анын айтымына караганда, Ак үйдөгү команда бул келишимдин узартылышы боюнча иштейт.

Мамлекеттик катчыга талапкер администрация муну менен бирге эле ракета менен кол салууга каршы коргонуу системасынын чектелиши боюнча кандай гана чара болбосун макул болбой тургандыктарын айтты.

Sputnik радиосунун обосунда Россиянын Плеханов атындагы Экономика университетинин саясат таануу жана социология кафедрасынын жетекчиси Андрей Кошкин бул боюнча комментарий берди.

"СНВ-3 долбоорун узартуу боюнча демилгеден улам Байдендин администрациясын кубаттоого болот. Кайсы бир жактан алып караганда бул АКШ менен РФ ортосундагы өз ара кызматташуу өңүтүн өзгөртөт. Бул — жарыша куралдануунун артынан түшүп алууну кармап турган механизмди сактап калууга умтулуу. Кыязы, администрациянын АКШда страгегиялык куралданууну кармап туруу боюнча жаңы саясатынын башталышы. Ал эмне болгон күндө да башка макулдашууларды түзүүгө алып келет. Бул бир канча мамлекеттердин, анын ичинен АКШнын да өзөктүк куралдарды толук көзөмөлдөө боюнча башка макулдашууларды түзүүсүн шартташы мүмкүн", — деди Кошкин.

СНВ-3 негизинде ар бир тарап өзөктүк куралдарын жети жылдан кийин алардын саны континент аралык баллистикалык ракеталардын, суу астында жүрүүчү кайыктардын баллистикалык ракеталарынын жана бомбалоочу оор техникалардын санын 700дөн жана башка техникалардын санын да айтылган чектен ашырбаш керектиги каралган.

СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат, эгер узартылбаса, ири өзөктүк державаларды тизгиндеп турган нерсе калбай калат.

36
Белгилер:
өзөктүк курал, мамлекеттик катчы, Жо Байден, АКШ, Россия
Тема боюнча
Тарыхта биринчи ирет… Байден өз командасына трансгендерди алмай болду
Байдендин инаугурациясынын алдында Капитолий катуу кайтарууга алынды. Видео
Бишкек мэриясы. Архив

Мэриянын Транспорт башкармалыгына жаңы жетекчи дайындалды

46
Акматбаевди жаңы кызматка которуу буйругуна мэрдин милдетин аткаруучу Балбак Түлөбаев кол койгон.

БИШКЕК, 20-янв. — Sputnik. Таалайбек Акматбаев мэриянын алдындагы Шаардык транспорт башкармалыгынын башчысы болуп дайындалды. Бул тууралуу Бишкек мэриясынын маалымат кызматы кабарлады.

Билдирмеге ылайык, аталган буйрукка мэрдин милдетин аткаруучу Балбак Түлөбаев кол койгон.

Акматбаев буга чейин Октябрь районунун акиминин орун басары болуп иштеп жаткан. Ал мыйзамдын 30-беренесине ылайык, жаңы кызматка ротация жолу менен дайындалды.

46
Белгилер:
кызмат, ротация, буйрук, Бишкек мэриясы, Бишкек
Тема боюнча
"Бишкек санитардык полигонуна" жаңы жетекчи дайындалды
Эл аралык аэропортто COVID-19га текшерүүдөн өткөндөн кийин жүргүнчү. Архив

23-январдан тарта Кыргызстанга чет өлкөдөн киргендердин ПЦР-анализи болушу керек

0
Өлкөгө коронавирус инфекциясынын жаңы штаммынын кирүүсүн алдын алуу максатында текшерүү алгоритмине өзгөртүүлөр киргизилди.

БИШКЕК, 20 янв — Sputnik. Үстүбүздөгү жылдын 23-январынан тарта өлкөгө авиатранспорт аркылуу келген кыргызстандыктар үчүн акыркы 72 саат ичиндеги ПЦР-анализи терс чыккан маалымдамалары сөзсүз болушу керек. Бул тууралуу өкмөттүн сайтына жарыяланды.

Ага ылайык, өлкөгө коронавирус инфекциясынын жаңы штаммынын кирүүсүн алдын алуу максатында текшерүү алгоритмине өзгөртүүлөр киргизилди.

"Эл аралык каттамдарды ишке ашырууда аба кемесинин бортундагы жүргүнчүлөргө сурамжылоо өткөрүлөт. Келген учурда анкеталар санитардык-карантиндик посттордун кызматкерлерине берилет. Аэропортто дене табын өлчөө, санитардык ченемдердин жана социалдык обочолонуу талаптарынын сакталышы, ПЦР-иликтөөсүнүн бар-жогу текшерүүгө алынат. Клиникалык көрсөткүчтөр байкалган учурда ооруканага жаткырылат", — деп айтылат маалыматта.

ПЦР-тесттин мөөнөтү учуу узактыгына, же авиакаттамдын кармалуусу сыяктуу объективдүү себептерден улам өтүп кетсе (72 саат), жарандар аэровокзалдан ПЦР-иликтөөдөн өтүүгө тийиш болот.

Кыргызстандын чек арасын автомобилдик пунктулар аркылуу кесип өтүүдө акыркы 72 саат ичинде жасалган ПЦР-анализи терс чыккан маалымдама суралат. Ошондой эле дене табы өлчөнүп, санитардык ченемдердин жана социалдык обочолонуу талаптардын сактылышы текшерилет. Клиникалык көрсөткүчтөр байкалган учурда ооруканага жаткырылат. Байланышта болгон жактар анкета толтуруп, обочолонууга жөнөтүлөт.

0
Белгилер:
штамм, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
ДССУ: апта ичинде COVID илдетинен өлгөндөр боюнча рекорд жаңыланды
Бишкекте эки киши каза таап, жалпы 162 адам СOVID жуктурду. Акыркы маалымат