ЖККУнун Парламенттик ассамблеясынын байкоочулары жана тышкы иштер министри менен жолукту

Шайлоо: ЖК төрагасы жана ТИМ башчысы эл аралык байкоочулар менен жолукту

138
(жаңыланган 22:04 08.01.2021)
Кыргыз бийлигинин жетекчилери шайлоого байкоо салуу үчүн келген миссиянын өкүлдөрүнө таза шайлоо өткөрүүгө ишендиришти.

БИШКЕК, 8-янв. — Sputnik. КМШга мүчө мамлекеттердин Парламенттер аралык ассамблеясынын жана ЖККУнун Парламенттик ассамблеясынын байкоочулары Жогорку Кеңештин төрагасы жана тышкы иштер министри менен жолукту.

Парламенттин маалымат кызматынын билдиришинче, жолугушууда Мамытов эл аралык стандарттарга шайкеш келген демократиялык шайлоону өткөрүү үчүн бардык шарттар түзүлгөнүн белгилеген. Аны менен катар шайлоо маалында Кыргызстанда коомдук тартипти камсыздоого багытталган бардык чаралар көрүлөрүн айткан.

Соңунда делегация башчылары Президенттик шайлоону жана референдумду ийгиликтүү өткөрүп алуу тилегин билдиришкен.

Жолугушууга КМШ ПААнын байкоочулар тобунун координатору, Россия Думасынын депутаты Виктор Заварзин жана ЖККУ ПАнын байкоочулар миссиясынын координатору, Тажикстандын Оли Мажлисинин депутаты Рустам Шохмурад катышкан.

Наблюдатели от МПА СНГ также встретились с министром иностранных дел Русланом Казакбаевым. 08 января 2021 года
© Фото / пресс-служба МИД КР
Россия Думасынын депутаты Виктор Заварзин

Ал эми тышкы иштер министри Руслан Казакбаев ЖККУ ПАнын байкоочуларына Кыргызстан инновациялык технологиялар менен шайлоо процессинин моделин ийгиликтүү ишке ашырган Борбор Азиядагы өлкөлөрдүн бири экенин белгилеген.

Наблюдатели от МПА СНГ также встретились с министром иностранных дел Русланом Казакбаевым. 08 января 2021 года
© Фото / пресс-служба МИД КР
Тышкы иштер министри Руслан Казакбаев
"Өткөөл мезгилде Кыргызстанда болуп жаткан демократиялык процесстерге колдоо көрсөткөнүңүздөр үчүн ыраазычылык билдирем. Өлкө жетекчилиги тарабынан таза демократиялык шайлоо өткөрүүгө бардык күч-аракеттер көрүлүп жатат, атап айтканда жыйынтыктар бурмаланбайт. Кыргызстандын эли бийликтин бирден-бир булагы, ал өлкө кандай жол менен кетерин жана аны ким башкара тургандыгын чечет", — деди министр.

Миссиянын мүчөлөрү өтө турган иш-чаралардын жыйынтыгында, мониторинг тобу коомчулукка көз карандысыз калыс маалымат берерин баса белгилешти.

Ал эми КМШнын Парламенттер аралык ассамблеясынын байкоочулар миссиясынын мүчөлөрү менен жолугушууда кыргыз бийлиги таза жана акыйкат шайлоо өткөрүү менен гана көп улуттуу кыргыз элинин ишенимине ээ боло аларын айткан. Ошондой эле шайлоонун жана референдумдун жыйынтыгы боюнча эл аралык байкоочулардын объективдүү баа берүүсүнө ишеним арткан.

Миссиянын координатору Виктор Заварзин шайлоо жана референдумдун даярдыгына мониторинг жүргүзүүнүн алкагында Миссиянын ишмердүүлүгү жана пландары жөнүндө маалымдаган. Ошону менен бирге Кыргызстанда таза демократиялык шайлоолорду өткөрүүгө багытталган аракеттерге канааттануусун билдирди.

Жолугушуунун аягында тараптар алдыдагы шайлоолор Кыргызстандын эл аралык имиджин чыңдоого чоң салым кошот деген ишенимин билдиришти.

138
Белгилер:
жолугушуу, референдум, шайлоо, Кыргызстан, миссия, байкоочу
Тема:
Кыргызстандагы президенттик шайлоо – 2021 (188)
Тема боюнча
БШК: 28-декабрга карата 311 эл аралык байкоочу катталды
Президенттик шайлоо: КМШнын байкоочулар миссиясын Мамдума депутаты жетектейт
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

УКМК депутат Дүйшөн Төрөкуловду желкелеген бойдон кармап кетти. Сүрөт

139
(жаңыланган 10:23 16.01.2021)
Биринчи май райондук сотунун чечими менен депутат Төрөкулов эки айга УКМКнын тергөө абагына камалган.

БИШКЕК, 15-янв. — Sputnik. Коррупция беренеси менен шектелип Жогорку Кеңештин депутаты Дүйшөн Төрөкулов кармалды. Бул тууралуу УКМКнын маалымат кызматы кабарлады.

  • ГКНБ задержал депутата Жогорку Кенеша от фракции Бир Бол Дуйшона Торокулова
    Коррупция беренеси менен шектелип Жогорку Кеңештин депутаты Дүйшөн Төрөкулов кармалды
    © Фото / пресс-служба ГКНБ
  • ГКНБ задержал депутата Жогорку Кенеша от фракции Бир Бол Дуйшона Торокулова
    Билдирмеге ылайык, ал 15-январь күнү Ош шаарынан кармалып, Бишкек шаарына алып келинген.
    © Фото / пресс-служба ГКНБ
1 / 2
© Фото / пресс-служба ГКНБ
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

Билдирмеге ылайык, ал 15-январь күнү Ош шаарынан кармалып, Бишкек шаарына алып келинген.

Ошондой эле УКМК менен ИИМдин тергөө кызматы биргелешип кылмыштуу топтун мүчөсү Жантай Шаменовду дагы Чүй облусунун аймагынан кармаганы айтылат.

Биринчи май райондук сотунун чечими менен депутат Төрөкулов эки айга УКМКнын тергөө абагына камалган. Ал эми Шаменов убактылуу кармоочу жайга киргизилди.

Белгилей кетсек, Дүйшөн Төрөкулов Жогорку Кеңеште "Бир Бол" фракциясынан депутат. Октябрдагы башаламандык учурунда Ош шаардык мэриясын басып алып, өзүн-өзү мэр деп жарыялап эки күн отурган.

139
Белгилер:
кармоо, УКМК, шайлоо, депутат, Дүйшөн Төрөкулов
Тема боюнча
Автомат такап, баса калып... Спецназ кримтөбөл "Алтуханы" кармаган видео
Казакстандын премьер-министри Аскар Мамин. Архивдик сүрөт

Аскар Мамин кайрадан Казакстандын премьер-министри болду

114
(жаңыланган 18:53 15.01.2021)
Казакстандын биринчи президенти Нурсултан Назарбаев буга чейин Nur Otan фракциясындагы партиялаштарына кайрылып, эгер мамлекет башчысы талапкерлигин сунуштаса, Маминди колдоп коюуга чакырган.

БИШКЕК, 15-янв. — Sputnik. Казакстандын премьер-министри болуп кайрадан Аскар Мамин дайындалды. Бул тууралуу Sputnik Казакстан жазды.

Президент Касым-Жомарт Токаев Маминди өкмөт башчылыкка дайындоо боюнча жарлыкка кол койду.

Коңшу өлкөнүн мыйзамына ылайык, парламенттик шайлоодон кийин министрлер кабинети отставкага кеткен. Казакстандыктар 10-январь күнү жаңы депутаттарды шайлашкан. Анын жыйынтыгы менен Nur Otan, "Ак Жол" жана Казакстан Элдик партиясы жеңүүчү болгон.

Казахстандык шахматчы кыз Жансая Абдумалик
© Фото / пресс-служба "Казахстанской федерация шахмат"
Токаев премьер-министрликке сунуштаган Маминдин талапкерлигин жаңы депутаттар колдоп берди. Залда мажилистин 99 депутаты болгон. Мамин үчүн алардын 78и добуш берсе, 21и карманган.

Добуш бербей койгон депутаттардын бардыгы "Ак Жол" менен Казакстан Элдик партиясы болду. Маминди Nur Otan партиясынын 78 өкүлү колдоп берген. Мажилисте ушул үч партиянын гана депутаттары бар.

Казакстандын биринчи президенти Нурсултан Назарбаев буга чейин Nur Otan фракциясындагы партиялаштарына кайрылып, эгер мамлекет башчысы талапкерлигин сунуштаса, Маминди колдоп коюуга чакырган.

Аскар Мамин 2019-жылдын февраль айында Казакстандын премьер-министри болуп дайындалган.

114
Белгилер:
Аскар Мамин, мажилис, премьер-министр, Казакстан
Тема боюнча
Казакстандын өкмөтү отставкага кетти
Мамдума төрагасы: АКШ шайлоо өткөрүүнү Кыргызстан менен Казакстандан үйрөнсө болот
Казакстандын тез жардам кызматкерлери. Архив

COVID: Казакстанда өлгөндөрдүн саны көбөйүп, Нур-Султан кызыл зонага кирди

0
Эрежеге ылайык, аталган аймакка кайрадан бир катар чектөөлөр жарыяланмакчы. Азыр Нур-Султан менен кошо эң кооптуу аймактарга Акмоло жана Костанай облустары кирет.

БИШКЕК, 16-янв. — Sputnik. Казакстанда акыркы 24 саат ичинде коронавирустан 12 адам көз жумду. Бул тууралуу Sputnik Казакстан агенттиги жазды.

Өткөн суткада коңшу өлкөдө бир миңден ашуун адамдан коронавирус жана пневмония аныкталган. Ушу тапта ооруканада коронавирустан 12 284 киши, пневмониядан 11 781 дарыланууда. Ал эми мурдагы суткада илдеттерден жети адам каза болгон.

Жалпысынан Казакстанда COVID-19га кабылгандардын саны бүгүн 213 855 кишиге жетти.

Өлкөдө абал жакшырбай жаткандыктан, Саламаттык сактоо министрлиги борбор калаа Нур-Султан шаарын кызыл зонага киргизди. Эми эрежеге ылайык, бул аймакка кайрадан бир катар чектөөлөр жарыяланмакчы. Азыр Нур-Султан менен кошо эң кооптуу аймактарга Акмоло жана Костанай облустары кирет.

0
Белгилер:
абал, коронавирус, Нур-Султан, Казакстан
Тема:
Дүйнөгө жайылган коронавирус
Тема боюнча
Россияда COVID-19ду бир саатта аныктай турган тест-система жасалды
Ким оорушу мүмкүн? Иммунолог коронавирустун жазындагы жаңы толкунуна баа берди