Избиратели голосуют во время выборов президента и референдума в Бишкеке

Байкоочу: Кыргызстандагы автоматтык добуш санаган системага Россия суктанууда

273
(жаңыланган 14:19 10.01.2021)
Волков шайлоого көз салуу үчүн КМШ Миссиясынан 138 делегат келгенин, алар Кыргызстандын бардык аймактарына бөлүштүрүлгөнүн айткан.

БИШКЕК, 10-янв. — Sputnik. КМШ мамлекеттеринин Миссиясынын жетекчиси Василий Волков Кыргызстандагы президенттик шайлоонун башталышында эл аралык байкоочулар кандай таасир алганын айтып берди. Бул тууралуу БШКнын сайтына жарыяланды.

Волков Кыргызстандагы добуштарды автоматтык түрдө санаган системага Россия көз артып жатканын билдирген.

"Биз, Россиядагылар, керек болсо силердин системага суктанып жатабыз. Добуштарды автоматтык түрдө санаган системаны алдап коюу мүмкүн эмес экен. Эки бюллетень салып жиберүүгө аракет жасалса дагы майнап чыкпайт. Система ашыкча бюллетенди кабыл албай чыгарып салат", — деди Волков.

Ал, ошондой эле, шайлоого көз салуу үчүн КМШ Миссиясынан 138 делегат келгенин, алар Кыргызстандын бардык аймактарына бөлүштүрүлгөнүн айткан.

Премьер-министрдин милдетин аткаруучу Артем Новиков. Архив
© Пресс-служба правительства / Алишер Алиев
"Биздин адамдар добуш берүү процесси боюнча маалымат беришти. Кечээ, жымжырттык күнүндө, ден соолугуна байланыштуу шайлоо участогуна келе албаган 20 миңге чукул адам көчмө урна аркылуу добуш беришти. Байкоочулар эч кандай эреже бузулбаганын айтышты. Бүгүн дагы байкоочулардын бардыгы саат 8:00дөн тарта иштеп жатышат. Азырынча бардык аракеттер мыйзамдын алкагында", — деди Волков.

Адис шайлоо участокторунда санитардык-эпидемиологиялык эрежелер так сакталып жатканын кошумчалаган.

273
Белгилер:
референдум, шайлоо, президент, Кыргызстан
Тема:
Кыргызстандагы президенттик шайлоо – 2021 (191)
Тема боюнча
Шайлоочулардын 9 пайызы добуш берди. Ысык-Көл менен Ош шаары активдүү болууда
Бишкекте тынчтык жөө жүрүшү өтүүдө. Сүрөт, видео
Жо Байден ант берүү учурунда

Жо Байден ант берип кызматына киришти

147
(жаңыланган 23:21 20.01.2021)
Демократ жана мурдагы вице-президент Жо Байден АКШнын 46-президенти болупк алды. Ал конгресске 36 жыл мүчөлүк кылган.

БИШКЕК, 20-янв. — Sputnik. Жо Байден ант берип АКШнын президенттик кызматына киришти.

"Мен, Жозеф Робинет Байден, салтанаттуу түрдө Америка Кошмо Штаттарынын президенттик кызматын ак ниеттүүлүк менен аткарууга, Конституцияны кайтарууга жана коргоого болгон күчүмдү жумшайм деп ант берем", — деп билдирди.

Байден тарыхтагы эң кары президент. Ал 78 жашта.

Эске салсак, 3-ноябрда АКШда президенттик шайлоо өтүп, жыйынтыгында демократ Жо Байден шайлоочулардын 306 добушун алып жеңишке жеткен. Ал эми анын атаандашы АКШнын учурдагы башчысы Дональд Трамп 232 добуш алган. 7-январда добуш берүүнүн жыйынтыгы толугу менен расмий бекитилген.

147
Белгилер:
инаугурация, АКШ, Жо Байден
Тема боюнча
Тарыхта биринчи ирет… Байден өз командасына трансгендерди алмай болду
Трамп жубайы Меланья менен америкалыктарга акыркы ирет кайрылышты
АКШнын жаңы шайланган президенти Жо Байден

Байден бүгүн АКШга кирүү боюнча кыргызстандыктарга коюлган чектөөнү алып салат

211
(жаңыланган 23:12 20.01.2021)
Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарынын АКШга кирүүсүнө чектөөлөр бар.

БИШКЕК, 20-янв. — Sputnik. АКШнын жаңы шайланган президенти Жо Байден Кыргызстан кошулган бир катар өлкөлөрдүн жарандарына Кошмо Штаттарга кирүүгө тыюу салууларды жокко чыгарганы жатат. Бул тууралуу анын командасына шилтеме берип РИА Новости маалымдады.

Чектөөлөрдү мурда Дональд Трамптын администрациясы киргизген.

"Байден ал чечимди жокко чыгарып, негизинен мусулмандардан турган жана Африка өлкөлөрүнүн жарандарына АКШга кирүүгө уруксат берет. Ошондой эле Мамлекеттик департаментке аталган өлкөлөрдүн жарандарына виза берүү маселесин жаңылоону тапшырат”, — деп айтылат билдирүүдө.

Ошондой эле Байден иммигранттарды АКШдан чыгарылбай, убактылуу жашоого мүмкүндүк берген DACA программасын бекемдөөнү карап жатканы кошумчаланды. Аталган программа ушул тапта депортациядан 700 миң кишини сактап турганы кошумчаланды.

Учурда Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Жо Байдендин инаугурациясы 20-январь күнү Вашингтон шаарында өтөт.

211
Белгилер:
виза, Кыргызстан, Мигрант, инаугурация, Жо Байден
Тема боюнча
Серепчи: АКШ менен РФ ортосундагы өз ара кызматташуу багыты өзгөрүүдө
Тарыхта биринчи ирет… Байден өз командасына трансгендерди алмай болду
Производство новых автомобильных номеров для Кыргызстана

Автоунаа номерлерин сатуудан өлкө бюджети 70 млн. сомго толукталды

0
2016-жылга чейин мамлекеттик унаа номерлерин жеке менчик компания даярдап келгендиктен кирешенин негизги бөлүгү алардын эсебине түшүп турган.

БИШКЕК, 21-янв. — Sputnik. Былтыр Каттоо кызматынын алдындагы "Инфоком" ишканасы сандардын өзгөчө айкалышындагы аукциондук жана аукционсуз номерлерди сатуудан мамлекетке 70 миллион сом которгон. Бул тууралуу мекемеден билдиришти.

Маалыматта айтылгандай, 2019-жылга салыштырмалуу автоунаага карата даярдалган номер белгилеринин саны 99 миң пластинага төмөндөгөн. Көрсөтүлгөн мезгил ичинде 485 миң автоунаа номери даярдалган.

"Бардыгы болуп 2020-жылы автоунаага карата 360 миңден ашуун мамномер даярдалган, алардын ичинен 11 миң 879 аукционсуз жана аукциондук мамномерлер. 348 миң 201 номер өлкөнүн аймактарына андан ары тарткатуу үчүн "Унаа" ишканасына берилген", — деп жазылат маалыматта.

2016-жылдын 1-июнунан тартып " Инфоком" ишканасы унаалар үчүн мамлекеттик номерлерди даярдоого киришкен. Ага чейин бул иш менен жеке менчик компания алектенгендиктен кирешенин негизги бөлүгү алардын эсебине түшүп турганы айтылат.

0