Шайлоо учурунда Бишкектеги шайлоо участогундагы жарандар

Алдын ала жыйынтык боюнча Кыргызстанда референдум өттү деп таанылды

567
(жаңыланган 19:21 10.01.2021)
Башкаруу формасын аныктоо референдумун өттү деп таануу үчүн шайлоочулардын 30 пайызы (1 миллион 69 миң жаран) катышышы керек эле.

БИШКЕК, 10-янв. — Sputnik. Кыргызстанда башкаруу формасын тандоого 1 178 656 кыргызстандык катышып, референдумду таануу үчүн минималдык чектен ашты. Бул тууралуу Борбордук шайлоо комиссиясынын төрайымы Нуржан Шайлдабекова билдирди.

Саат 18:00гө карата берилген маалымат боюнча, 33,08 пайызы өз тандоосун жасаган. Мыйзам боюнча референдумду өттү деп таануу үчүн шайлоочулардын 30 пайызы (1 миллион 69 миң жаран) катышышы керек.

“Негизи мыйзам боюнча референдумга шайлоочулардын 30 пайызы катышышы керек. Азырынча бул чектен ашты, бирок расмий маалыматты кол менен эсептегенден кийин айтабыз”, — деди Шайлдабекова.

Жалпысынан бул ирет 3 миллион 563 миң 574 шайлоочу катталган.

Аймактар боюнча маалымат:

  • Бишкек — 416 123 шайлоочудан 131 035и добуш берди (31,49 пайыз);
  • Ош — 151 115 шайлоочудан 56 659у добуш берди (37,49);
  • Чүй облусу — 591 818 шайлоочудан 167 266сы добуш берди (28,26);
  • Талас облусу — 157 886 шайлоочудан 49 412си добуш берди (31,3);
  • Ош облусу — 722 933 шайлоочудан 245 559у добуш берди (33,97);
  • Жалал-Абад облусу — 666 695 шайлоочудан 224 010у добуш берди (33,6);
  • Баткен облусу — 297 264 шайлоочудан 101 049у добуш берди (33,99);
  • Ысык-Көл облусу — 307 786 шайлоочудан 120 319у добуш берди (39,09);
  • Нарын облусу — 202 475 шайлоочудан 73 478и добуш берди (36,29);
  • Чет өлкөлөрдө — 49 479 шайлоочудан 9 869у добуш берди (19,95).

Бардык маалыматты Sputnik даярдаган тексттик трансляциядан окуп-билүүгө болот.

567
Белгилер:
референдум, президенттик шайлоо, добуш берүү, Кыргызстан
Тема:
Жаңы Конституциянын долбоору жана референдум (72)
Тема боюнча
Шайлоого катышкандардын саны миллионго чукулдады. Саат 16:00гө карата маалымат
Жогорку Кеңеш. Архив

Жогорку Кеңеште жаңы вице-спикер шайланууда. Көрсөтүлгөн талапкерлер

149
(жаңыланган 12:24 27.01.2021)
Төраганын орун басары кызматына парламенттин оппозициялык фракцияларынын квотасы менен көрсөтүлүп, шайланат.

БИШКЕК, 27-янв. — Sputnik. Жогорку Кеңештин депутаттары вице-спикерди шайлап жатат.

Төраганын орун басары кызматына оппозициялык фракциялардын квотасы менен көрсөтүлөт. "Ата Мекен" фракциясы Нурбек Сыдыгалиевди, "Өнүгүү – Прогресс" фракциясы Уланбек Исмаиловдун талапкерлигин сунуштады.

Мурдагы вице-спикер Мирлан Бакиров белгисиз себептерден улам өткөн жылдын 23-декабрында кызматын тапшырып кеткен.

149
Белгилер:
депутат, талапкер, шайлоо, вице-спикер, Жогорку Кеңеш, Мирлан Бакиров, Нурбек Сыдыгалиев, Уланбек Исмаилов
Тема боюнча
Садыр Жапаров премьерликтен качан кетиши керек? Өкмөттү кандай тагдыр күтөт
Аягына чейин иштесеңиз болмок. Касымалиева кызматтан кеткен Бакировго кайрылды
Улуттук гвардиянын маршы. Архив

Генералдык штаб кайрадан Коргоо министрлигине айланышы ыктымал

62
(жаңыланган 12:08 27.01.2021)
Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Куралдуу күчтөр бул мекемеге 2014-жылы бириккен.

БИШКЕК, 27-янв. — Sputnik. Кыргызстандын Куралдуу күчтөрүнүн Генералдык штабын кайрадан Коргоо министрлиги деп өзгөртүү маселеси каралып жатат. Бул тууралуу маалыматты Генштабдын маалымат кызматы тастыктады.

Мекеменин Facebook баракчасында "Жарандар министрликти түзүүгө кандай карайт?" деген сурамжылоо жүргүзүлгөн. Анда элдин көбү бул идеяны колдогон.

"Өлкөгө жаңы жетекчинин келиши менен эски системага кайтуу планы бар. Тагыраагы, мыйзамга өзгөртүүлөр киргизилиши мүмкүн", — деп белгилеген Генералдык штаб.

Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Коргоо министрлигине кайтуу менен өлкөнүн аскердик доктринасы өзгөрөт.

Эске салсак, Куралдуу күчтөр Генералдык штабга 2014-жылы бириккен.

2018-жылы Жогорку Кеңеште Коргоо министрлигин кайтаруу маселеси көтөрүлгөн. Анда депутат Алмамбет Шыкмаматов Генштабдын генералдары чет мамлекеттерде таанылбай жатканын, анткени мындай орган сыртта анча маанилүү мекеме эместигин белгилеген.

62
Белгилер:
өзгөртүүлөр, мыйзам, реформа, Коргоо министрлиги, Генералдык штаб, Куралдуу күчтөр, Кыргызстан