Кыргызстандын желегин жана конституциясын көтөрүп бараткан жоокерлер

Президенттин инаугурациясы качан өтөт. БШКнын жообу

1061
(жаңыланган 22:50 10.01.2021)
БШКнын төрайымына жаңы шайланган президенттин инаугурациясы качан өтүшү керектиги боюнча суроо узатылды.

БИШКЕК, 10-янв. — Sputnik. БШКнын төрайымы Нуржан Шайлдабекова президенттин инаугурациясы шайлоо бүткөндөн кийин 50 күндүн ичинде болушу керектигин билдирди.

Анын айтымында, добуш берүүнүн расмий жыйынтыгы шайлоодон 20 күн өткөндөн кийин чыгат. Ал эми бир айдын ичинде инаугурация болушу керек. 

"50 күндүн ичинде инаугурация болушу керекпи" деген тактоочу суроого БШК жетекчиси "ооба" деп жооп берди.

Автоматтык түрдө эсептөөнүн алдын ала жыйынтыгы боюнча президенттик шайлоодо Садыр Жапаров алдыда бара жатат.

1061
Белгилер:
инаугурация, БШК, шайлоо, Садыр Жапаров
Тема:
Садыр Жапаровдун инаугурациясы (9)
Тема боюнча
Алмазбек Атамбаев кимге добуш бергенин адвокаты айтты
Садыр Жапаров кайсы аймактарда көп добуш алды. Электрондук урнанын эсеби картада
Атаандаштарын артта калтырган Садыр Жапаров тууралуу 14 факты
АКШ президенти Жозеф Байден. Архив

Байден Россия менен көйгөйлүү маселелерди ортого салууга даяр экенин билдирди

4
(жаңыланган 10:54 26.01.2021)
Жаңы шайланган президент Байден стратегиялык чабуул коюучу куралды кыскартуу жана чектөө жаатында АКШ Россия менен дагы кызматташа аларын белгилеген.

БИШКЕК, 26-янв. — Sputnik. АКШ президенти Жозеф Байден Россия тарап менен көйгөйлүү маселелерди талкуулоого даяр экенин билдиргенин РИА Новости жазды.

Мамлекет башчынын айтымында, тиешелүү мекемелерден Москвага байланыштуу темалар боюнча түрдүү маалыматтарды сураган.

Ошондой эле президент стратегиялык чабуул коюучу куралды кыскартуу жана чектөө жаатында да АКШ Россия менен кызматташа аларын белгилеген.

"Өлкөбүздүн кызыкчылыгы үчүн СНВ-3 келишимин узартууга аракет кылсак болот. Россия тарапка Навальныйдын аракети, Solar Winds кырдаалы же Афганистандагы америкалык аскерлердин башы үчүн сыйлык тууралуу билдирүүлөргө тынчсызданып жатканыбызды билдиргибиз келет", — деген Байден. 

Маалыматта бардык айыптоолорду Москва бир нече жолу четке какканы айтылат.

4
Белгилер:
сүйлөшүүлөр, Жо Байден, Россия, АКШ
Тема боюнча
АКШ кайрадан ДССУга кошулду. Байден Трамптын бир нече жарлыгын жокко чыгарды
Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды

Кайдыгер мамиле жасагандар жоопко тартылат. Облус башчысы Терек-Сайга барды

38
(жаңыланган 10:19 26.01.2021)
Облус башчысы учурда суу жана топуракта зыяндуу заттардын бар-жогун аныктоо боюнча лабораториялык иштер жүрүп жатканын айткан.

БИШКЕК, 26-янв. — Sputnik. Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды. Бул туурасында облус жетекчилигинин маалымат кызматы билдирди.

  • Полпред Джалал-Абадской области Абсаттар Сыргабаев во время посещения села Терек-Сай Чаткальского района
    Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды
    © Фото / пресс-служба полпредства правительства в Джалал-Абадской области
  • Предприятие Эти Бакыр Терек-Сай в селе Терек-Сай Чаткальского района
    Ал "Эти Бакыр Терек-Сай" ишканасынын  алтын ылгоочу эски фабрикасындагы саркынды суу чогулган жайдагы кырсыктын себептерин жеринен көрүп чыккан
    © Фото / пресс-служба полпредства правительства в Джалал-Абадской области
  • Полпред Джалал-Абадской области Абсаттар Сыргабаев во время посещения села Терек-Сай Чаткальского района
    Облус башчысы жагдай боюнча тараптар менен сүйлөшүп, учурда суу жана топуракта зыяндуу заттардын бар же жоктугун аныктоо боюнча лабораториялык иштер жүрүп жатканын айткан.
    © Фото / пресс-служба полпредства правительства в Джалал-Абадской области
1 / 3
© Фото / пресс-служба полпредства правительства в Джалал-Абадской области
Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды

Ал "Эти Бакыр Терек-Сай" ишканасынын  алтын ылгоочу эски фабрикасындагы саркынды суу чогулган жайдагы кырсыктын себептерин жеринен көрүп чыккан.

Облус башчысы жагдай боюнча тараптар менен сүйлөшүп, учурда суу жана топуракта зыяндуу заттардын бар же жоктугун аныктоо боюнча лабораториялык иштер жүрүп жатканын айткан.

"Бул багытта атайын комиссия түзүлүп, маселени ар тараптуу калыс иликтөө үчүн жергиликтүү тургундардан да кошулду. Окуянын келип чыгуусуна кайдыгер мамиле жасагандар сөзсүз түрдө мыйзам чегиндеги жоопкерчиликке тартылат. Азыркы учурда кооптуулук жараткан жагдайлар жок. Абалдан чыгуу үчүн тургундардын сабырдуулугу керек. Такталбаган маалыматтардан оолак болуп, мыйзамдан сырт көрүнүштөргө барбоого чакырам. Жашоочулардын ден соолугу биз үчүн да маанилүү", — деди Сыргабаев.

Айыл тургундары кен иштеткен компанияга болгон бир катар нааразычылыктарын айтып, муктаждыкты жоюуда үймө-үй суу жеткирүү жетишсиз болуп жатканын билдиришкен. Өкмөттүн өкүлү бул маселени чечүүгө ишкана толук жоопкерчилик аларын айтып, тийиштүү тапшырмаларды берген.

Белгилей кетсек, 23-январда Терек-Сай айылындагы алтын ылгоочу фабрикада атайын курулган жай жырылып кетип, иштетилген калдыктар дарыя суусуна агып түшкөн.

"Кыргыз алтын" жана Түркиянын "Эти Бакыр" компанияларынын биргелешкен "Эти Бакыр Терек-Сай" ЖЧКсы бул аймакта 2016-жылдан бери иштеп келет.

Терек-Сай айыл аймагында Терек-Сай жана Кызыл-Токой аттуу калк жашаган эки айыл бар. Мында жалпы 5 500 киши жашаары айтылып, эки айылдын эли тең аталган суудан пайдаланышары маалым болду.

38
Белгилер:
кен, фабрика, Терек-Сай
Тема боюнча
Бизди чыккынчы дебегиле! Өкмөт Жетим-Тоо кени сатылбай турганын билдирди
Ооруканадагы дарыгерлер. Архив

Бишкекте бир бейтап көз жумуп, 97 адам оору жуктурду. Кыргызстандагы коронавирус

8
(жаңыланган 11:01 26.01.2021)
Учурда стационарда алты жүздөн ашуун бейтап дарыланууда. Анын ичинен эки адамдын абалы канааттандырарлык,  ал эми жыйырма жетиси өтө оор абалда жатат.

БИШКЕК, 26-янв. — Sputnik. Кыргызстанда акыркы суткада 97 кишиден коронавирус аныкталды, ал эми 157 бейтап оорудан айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 2;
  • Чүй облусу — 40;
  • Талас облусу — 2;
  • Нарын облусу — 2;
  • Ысык-Көл облусу — 6;
  • Жалал-Абад облусу — 2;
  • Баткен облусу — 1. 

Марттагы пандемиядан бери оору жуктургандардын саны 84 068ге жетти.

Өткөн суткада COVID-19 илдетинен сакайып чыккандар, пневмонияны эсепке алганда:

  • Бишкек — 61;
  • Чүй облусу — 55;
  • Ош облусу — 4;
  • Талас облусу — 1;
  • Нарын облусу — 2;
  • Ысык-Көл облусу — 25;
  • Жалал-Абад облусу — 5;
  • Баткен облусу — 4.

Жалпысынан оорудан айыккандардын саны 80 182ге жетти.

Тилекке каршы, COVID-19 илдетинен Бишкектен бир бейтап көз жумган. Ушуну менен коронавирус 1 402 адамдын өмүрүн алды.

Учурда стационарда 643 бейтап дарыланып жатса, алардын ичинен 219у оор, ал эми 27си өтө оор абалда. Амбулатордук дарыланууда 907 бейтап бар. 

Бир сутка ичинде өлкө боюнча медицина кызматкерлери арасында коронавирус жуктуруп алган учурлар катталган жок.

Жалпысынан республика боюнча COVID-19 диагнозу менен ак халатчандар  арасында 4 168 учур катталып, 4 077си сакайды.

8
Белгилер:
айыктыруу, жуктуруу, оору, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Далили жок! Пандемиянын кесепетин иликтеген комиссияга дарыгерлер жооп кайтарды
Кыргызстан Россиядан 500 миң доза "Спутник V" вакцинасын сурады