Президенттикке талапке Садыр Жапаров

Жапаров: убадама турбасам, атамдын, энемдин жана баламдын арбагы кечирбес

1795
(жаңыланган 00:19 11.01.2021)
Президенттикке 17 киши ат салышкан. Кезексиз шайлоо өткөрүү чечими мурунку өлкө башчы Сооронбай Жээнбековдун отставкасынан кийин кабыл алынган болчу.

БИШКЕК, 10-янв. — Sputnik. Мен Кыргызстанды оңдойм деген тилегимди ишке ашырбасам атамдын, энемдин жана баламдын арбагы кечирбес. Мындай билдирүүсүн президенттик шайлоонун алдын ала жыйынтыгы менен алдыда келе жаткан Садыр Жапаров алгачкы маалымат жыйынында таратты.

"Мен Кыргызстанды оңдойлу деп жүрүп орду толгус жоготууларга учурадым. Эгер ошол кыялдарымды ишке ашырбасам, атамдын, энемдин, уулумдун арбагы кечирбес. Бирок мен ал кыялдарымды жалгыз ишке ашыра албайм. Жалпы элдин колдоосу керек. Анткени ууруларды, коррупционерлерди жоготуу өтө оор", — деди Жапаров.

Эске салсак, Кыргызстанда президенттик шайлоо 10-январда өттү. Шайлоонун алдын ала жыйынтыгын Борбордук шайлоо комиссиясы жарыялады. Ага ылайык, Жапаров атаандаштарын бир топ артка калтырды.

Президенттик шайлоодон кийинки кырдаал тууралуу Sputnik Кыргызстандын тексттик баяндамасынан тааныша аласыздар.

1795
Белгилер:
убада, Садыр Жапаров, жыйынтык, шайлоо
Тема:
Кыргызстандагы президенттик шайлоо – 2021 (195)
Тема боюнча
Президенттин инаугурациясы качан өтөт. БШКнын жообу
Садыр Жапаровдун президенттик шайлоо боюнча маалымат жыйыны. Видео
Садыр Жапаров: люстрация боюнча берген убадамды аткарам
Жогорку Кеңеш. Архив

Жогорку Кеңеште жаңы вице-спикер шайланууда. Көрсөтүлгөн талапкерлер

132
(жаңыланган 12:24 27.01.2021)
Төраганын орун басары кызматына парламенттин оппозициялык фракцияларынын квотасы менен көрсөтүлүп, шайланат.

БИШКЕК, 27-янв. — Sputnik. Жогорку Кеңештин депутаттары вице-спикерди шайлап жатат.

Төраганын орун басары кызматына оппозициялык фракциялардын квотасы менен көрсөтүлөт. "Ата Мекен" фракциясы Нурбек Сыдыгалиевди, "Өнүгүү – Прогресс" фракциясы Уланбек Исмаиловдун талапкерлигин сунуштады.

Мурдагы вице-спикер Мирлан Бакиров белгисиз себептерден улам өткөн жылдын 23-декабрында кызматын тапшырып кеткен.

132
Белгилер:
депутат, талапкер, шайлоо, вице-спикер, Жогорку Кеңеш, Мирлан Бакиров, Нурбек Сыдыгалиев, Уланбек Исмаилов
Тема боюнча
Садыр Жапаров премьерликтен качан кетиши керек? Өкмөттү кандай тагдыр күтөт
Аягына чейин иштесеңиз болмок. Касымалиева кызматтан кеткен Бакировго кайрылды
Улуттук гвардиянын маршы. Архив

Генералдык штаб кайрадан Коргоо министрлигине айланышы ыктымал

54
(жаңыланган 12:08 27.01.2021)
Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Куралдуу күчтөр бул мекемеге 2014-жылы бириккен.

БИШКЕК, 27-янв. — Sputnik. Кыргызстандын Куралдуу күчтөрүнүн Генералдык штабын кайрадан Коргоо министрлиги деп өзгөртүү маселеси каралып жатат. Бул тууралуу маалыматты Генштабдын маалымат кызматы тастыктады.

Мекеменин Facebook баракчасында "Жарандар министрликти түзүүгө кандай карайт?" деген сурамжылоо жүргүзүлгөн. Анда элдин көбү бул идеяны колдогон.

"Өлкөгө жаңы жетекчинин келиши менен эски системага кайтуу планы бар. Тагыраагы, мыйзамга өзгөртүүлөр киргизилиши мүмкүн", — деп белгилеген Генералдык штаб.

Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Коргоо министрлигине кайтуу менен өлкөнүн аскердик доктринасы өзгөрөт.

Эске салсак, Куралдуу күчтөр Генералдык штабга 2014-жылы бириккен.

2018-жылы Жогорку Кеңеште Коргоо министрлигин кайтаруу маселеси көтөрүлгөн. Анда депутат Алмамбет Шыкмаматов Генштабдын генералдары чет мамлекеттерде таанылбай жатканын, анткени мындай орган сыртта анча маанилүү мекеме эместигин белгилеген.

54
Белгилер:
өзгөртүүлөр, мыйзам, реформа, Коргоо министрлиги, Генералдык штаб, Куралдуу күчтөр, Кыргызстан