Президенттикке талапке Садыр Жапаров

Биримдикте иш алып баралы! Садыр Жапаров шайлоодогу атаандаштарына кайрылды

573
(жаңыланган 00:20 11.01.2021)
Жапаров талапкерлердин көбү дасыккан чоң саясатчылар экенин белгилеп, алардын жаркын идеяларын өлкө үчүн колдонуу керек деди.

БИШКЕК, 10-янв. — Sputnik. Президенттик шайлоодо алдыда бара жаткан Садыр Жапаров атаандаштарын бирге иштешүүгө чакырды. Ал шайлоонун алдын ала жыйынтыгы чыккандан кийин журналисттерге маалымат жыйын өткөрүүдө.

"Шайлоого катышкан атаандаштарыма чын дилден ыраазычылык билдирем. Азыркы тапта ынтымактан кетип, бири-бирибизге акаарат айтып, ушак-айың менен алпурушуп отуруунун эч кандай кажети жок. Мындан биз өлкөбүзгө зыян гана алып келебиз. Талапкерлердин көбү дасыккан чоң саясатчылар. Биз алардын иш тажрыйбасын, жаркын идеяларын өлкөбүз үчүн колдонууга тийишпиз. Ошондуктан атаандаштарыма Кыргызстандын келечеги үчүн жеке кызыкчылыктарыбызды сүрүп чыгарып, биримдикте иш алып барганыбыз туура деп эсептейм", — деди Жапаров.

Ошондой эле ал мүнөзүндө кекчилдик жана өч алуу деген сапаттар жок экенин кошумчалады.

Президенттик шайлоодон кийинки кырдаал тууралуу Sputnik Кыргызстандын тексттик баяндамасынан тааныша аласыздар.

573
Белгилер:
билдирүү, жеңиш, Садыр Жапаров, шайлоо
Тема:
Кыргызстандагы президенттик шайлоо – 2021 (189)
Тема боюнча
Жапаров: убадама турбасам, атамдын, энемдин жана баламдын арбагы кечирбес
Садыр Жапаров: люстрация боюнча берген убадамды аткарам
АКШнын жаңы шайланган президенти Жозеф Байдендин архивдик сүрөтү

Серепчи: АКШ менен РФ ортосундагы өз ара кызматташуу багыты өзгөрүүдө

20
(жаңыланган 17:54 20.01.2021)
Жаңы президенттин администрациясынын жүргүзчү саясаты бир катар мамлекеттердин, анын ичинен АКШнын да өзөктүк каражаттарды толук түрдө көзөмөлдөө боюнча башка макулдашууларды түзүүгө алып келиши мүмкүн.

БИШКЕК, 20-янв. — Sputnik. АКШнын жаңы шайланган президенти Жозеф Байдендин администрациясы инаугурациядан кийин СНВ-3 келишиминин узартылышы боюнча маселени карашы мүмкүн. Sputnik радиосунун обосунда бул маселени аскердик саясат таануучу Андрей Кошкин айтып берди.

Мамлекеттик катчылыкка сунушталып жаткан Энтони Блинкен инаугурациядан кийин Стратегиялык жактан чабуул жасаган куралданууну чектөө жана кыскартуунун андан аркы чаралары жаатындагы келишим боюнча иш жүрөрүн билдирген.

Анын айтымына караганда, Ак үйдөгү команда бул келишимдин узартылышы боюнча иштейт.

Мамлекеттик катчыга талапкер администрация муну менен бирге эле ракета менен кол салууга каршы коргонуу системасынын чектелиши боюнча кандай гана чара болбосун макул болбой тургандыктарын айтты.

Sputnik радиосунун обосунда Россиянын Плеханов атындагы Экономика университетинин саясат таануу жана социология кафедрасынын жетекчиси Андрей Кошкин бул боюнча комментарий берди.

"СНВ-3 долбоорун узартуу боюнча демилгеден улам Байдендин администрациясын кубаттоого болот. Кайсы бир жактан алып караганда бул АКШ менен РФ ортосундагы өз ара кызматташуу өңүтүн өзгөртөт. Бул — жарыша куралдануунун артынан түшүп алууну кармап турган механизмди сактап калууга умтулуу. Кыязы, администрациянын АКШда страгегиялык куралданууну кармап туруу боюнча жаңы саясатынын башталышы. Ал эмне болгон күндө да башка макулдашууларды түзүүгө алып келет. Бул бир канча мамлекеттердин, анын ичинен АКШнын да өзөктүк куралдарды толук көзөмөлдөө боюнча башка макулдашууларды түзүүсүн шартташы мүмкүн", — деди Кошкин.

СНВ-3 негизинде ар бир тарап өзөктүк куралдарын жети жылдан кийин алардын саны континент аралык баллистикалык ракеталардын, суу астында жүрүүчү кайыктардын баллистикалык ракеталарынын жана бомбалоочу оор техникалардын санын 700дөн жана башка техникалардын санын да айтылган чектен ашырбаш керектиги каралган.

СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат, эгер узартылбаса, ири өзөктүк державаларды тизгиндеп турган нерсе калбай калат.

20
Белгилер:
өзөктүк курал, мамлекеттик катчы, Жо Байден, АКШ, Россия
Тема боюнча
Тарыхта биринчи ирет… Байден өз командасына трансгендерди алмай болду
Байдендин инаугурациясынын алдында Капитолий катуу кайтарууга алынды. Видео
Бишкек мэриясы. Архив

Мэриянын Транспорт башкармалыгына жаңы жетекчи дайындалды

40
Акматбаевди жаңы кызматка которуу буйругуна мэрдин милдетин аткаруучу Балбак Түлөбаев кол койгон.

БИШКЕК, 20-янв. — Sputnik. Таалайбек Акматбаев мэриянын алдындагы Шаардык транспорт башкармалыгынын башчысы болуп дайындалды. Бул тууралуу Бишкек мэриясынын маалымат кызматы кабарлады.

Билдирмеге ылайык, аталган буйрукка мэрдин милдетин аткаруучу Балбак Түлөбаев кол койгон.

Акматбаев буга чейин Октябрь районунун акиминин орун басары болуп иштеп жаткан. Ал мыйзамдын 30-беренесине ылайык, жаңы кызматка ротация жолу менен дайындалды.

40
Белгилер:
кызмат, ротация, буйрук, Бишкек мэриясы, Бишкек
Тема боюнча
"Бишкек санитардык полигонуна" жаңы жетекчи дайындалды
Москванын көчөлөрүнүн биринде беткапчан бара жаткан адамдар. Архивдик сүрөт

РФте жүргөн мигранттар 15-мартка чейин документтерин иретке келтириши керек

0
(жаңыланган 18:29 20.01.2021)
Эгер Россияда туруктуу же убактылуу жүргөн кыргыз жарандары коюлган талаптарды аткарбаса, өлкөдөн чыгарылып, кайра кирүүгө тыюу салынмакчы.

БИШКЕК, 20-янв. — Sputnik. Кыргызстандын Россияда иштеп жүргөн жарандары ушул жылдын 15-мартына чейин документтерге байланыштуу иштерин бүтүрүп алышы керек. Бул тууралуу Кыргызстандын РФтеги элчилигинен билдиришти.

Маалыматка караганда, Россия президенти "COVID-19 инфекциясынын андан ары жайылуу коркунучуна байланыштуу чет өлкөлүк жарандардын укуктук абалын жөнгө салуу боюнча убактылуу чараларды узартуу жөнүндө" жарлыкка кол койгон. Документтеги талаптарга ылайык, төмөнкүлөрдү аткаруусу зарыл:

  • ID-card же жалпы жарандык паспортту жарактуу мөөнөтү бүткөн соң өз убагында алмаштыруу;
  • Россиянын аймагында жүрүү үчүн документтерин (убактылуу жашоого уруксат, мөөнөтү бүткөндүгү тууралуу белгиси менен миграциялык карта, каттоосу) Россиянын мыйзамдарына ылайык калыбына келтирүү;
  • зарыл болгон учурда жумуш берүүчүлөр менен эмгек келишимдерин жана контрактыларын узартуу;
  • административдик укуктарды бузгандыгы үчүн салынган айыптарын жоюу;
  • Россиянын аймагынан өз эрки менен чыгып кетүү (эгер мурда өлкөдөн чыгаруу боюнча чечим кабыл алынган болсо).

Эгер Россияда туруктуу же убактылуу жүргөн кыргыз жарандары жогорудагы талаптарды аткарбаса, өлкөдөн чыгарылып, кайра кирүүгө тыюу салынмакчы.

0
Белгилер:
документ, мыйзам, талап, Кыргызстан, Россия
Тема боюнча
Россия Кыргызстанга кезектеги гумжардамын жөнөттү
Путин мигранттарды курулушка жумушка алуу тартибин жеңилдетүүнү тапшырды
Россиянын курулуш компаниялары мигранттарга муктаж болууда