Президенттикке талапке Садыр Жапаров

Садыр Жапаров: бир туугандарым коррупцияга аралашса жазага тартылат

154
(жаңыланган 01:05 11.01.2021)
Журналист Жапаровго жакын туугандары кокусунан коррупциялык иштерге аралашып калса эмне кыласыз деген мааниде суроо узатты.

БИШКЕК, 11-янв. — Sputnik. Жакындарым, бир туугандарым коррупциялык ишке аралашса алар жазасын сөзсүз түрдө тартат. Бул тууралуу президенттик шайлоодо алдыда келе жаткан Садыр Жапаров маалымат жыйында билдирди.

Ага журналист жакын туугандары кокусунан коррупциялык иштерге аралашып калса эмне кыласыз деген мааниде суроо узатты.

"Менин жакындарым, бир туугандарым коррупциялык же кандайдыр бир иштерге аралашкан болсо, алар жазасын сөзсүз түрдө тартат. Муну сөз эмес иш жүзүндө далилдеп берем", — деди Жапаров.

БШКнын акыркы маалыматтары боюнча, Жапаров шайлоочулардын 80 пайызга жакын добушун алып, президенттик шайлоодо алдыда келе жатат.

Президенттик шайлоодон кийинки кырдаал тууралуу Sputnik Кыргызстандын тексттик баяндамасынан тааныша аласыздар.

154
Белгилер:
президенттик шайлоо, Садыр Жапаров, Кыргызстан
Тема:
Кыргызстандагы президенттик шайлоо – 2021 (195)
Тема боюнча
Садыр Жапаров алдыдагы жылдар өтө татаал болорун эскертти
Жапаров: КРде дагы бир референдум өтүп, саясий процесстер 1-июнга чейин бүтөт
Садыр Жапаров: Россия Кыргызстандын башкы өнөктөшү бойдон калат
Жапаров абакта күнөөсүз отургандарга дагы ырайым берилиши керектигин айтты
АКШ президенти Жозеф Байден. Архив

Байден Россия менен көйгөйлүү маселелерди ортого салууга даяр экенин билдирди

43
(жаңыланган 10:54 26.01.2021)
Жаңы шайланган президент Байден стратегиялык чабуул коюучу куралды кыскартуу жана чектөө жаатында АКШ Россия менен дагы кызматташа аларын белгилеген.

БИШКЕК, 26-янв. — Sputnik. АКШ президенти Жозеф Байден Россия тарап менен көйгөйлүү маселелерди талкуулоого даяр экенин билдиргенин РИА Новости жазды.

Мамлекет башчынын айтымында, тиешелүү мекемелерден Москвага байланыштуу темалар боюнча түрдүү маалыматтарды сураган.

Ошондой эле президент стратегиялык чабуул коюучу куралды кыскартуу жана чектөө жаатында да АКШ Россия менен кызматташа аларын белгилеген.

"Өлкөбүздүн кызыкчылыгы үчүн СНВ-3 келишимин узартууга аракет кылсак болот. Россия тарапка Навальныйдын аракети, Solar Winds кырдаалы же Афганистандагы америкалык аскерлердин башы үчүн сыйлык тууралуу билдирүүлөргө тынчсызданып жатканыбызды билдиргибиз келет", — деген Байден. 

Маалыматта бардык айыптоолорду Москва бир нече жолу четке какканы айтылат.

43
Белгилер:
сүйлөшүүлөр, Жо Байден, Россия, АКШ
Тема боюнча
АКШ кайрадан ДССУга кошулду. Байден Трамптын бир нече жарлыгын жокко чыгарды
Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды

Кайдыгер мамиле жасагандар жоопко тартылат. Облус башчысы Терек-Сайга барды

95
(жаңыланган 10:19 26.01.2021)
Облус башчысы учурда суу жана топуракта зыяндуу заттардын бар-жогун аныктоо боюнча лабораториялык иштер жүрүп жатканын айткан.

БИШКЕК, 26-янв. — Sputnik. Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды. Бул туурасында облус жетекчилигинин маалымат кызматы билдирди.

  • Полпред Джалал-Абадской области Абсаттар Сыргабаев во время посещения села Терек-Сай Чаткальского района
    Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды
    © Фото / пресс-служба полпредства правительства в Джалал-Абадской области
  • Предприятие Эти Бакыр Терек-Сай в селе Терек-Сай Чаткальского района
    Ал "Эти Бакыр Терек-Сай" ишканасынын  алтын ылгоочу эски фабрикасындагы саркынды суу чогулган жайдагы кырсыктын себептерин жеринен көрүп чыккан
    © Фото / пресс-служба полпредства правительства в Джалал-Абадской области
  • Полпред Джалал-Абадской области Абсаттар Сыргабаев во время посещения села Терек-Сай Чаткальского района
    Облус башчысы жагдай боюнча тараптар менен сүйлөшүп, учурда суу жана топуракта зыяндуу заттардын бар же жоктугун аныктоо боюнча лабораториялык иштер жүрүп жатканын айткан.
    © Фото / пресс-служба полпредства правительства в Джалал-Абадской области
1 / 3
© Фото / пресс-служба полпредства правительства в Джалал-Абадской области
Өкмөттүн Жалал-Абал облусундагы ыйгарым укуктуу өкүлү Абсаттар Сыргабаев Чаткал районунун Терек-Сай айылына барды

Ал "Эти Бакыр Терек-Сай" ишканасынын  алтын ылгоочу эски фабрикасындагы саркынды суу чогулган жайдагы кырсыктын себептерин жеринен көрүп чыккан.

Облус башчысы жагдай боюнча тараптар менен сүйлөшүп, учурда суу жана топуракта зыяндуу заттардын бар же жоктугун аныктоо боюнча лабораториялык иштер жүрүп жатканын айткан.

"Бул багытта атайын комиссия түзүлүп, маселени ар тараптуу калыс иликтөө үчүн жергиликтүү тургундардан да кошулду. Окуянын келип чыгуусуна кайдыгер мамиле жасагандар сөзсүз түрдө мыйзам чегиндеги жоопкерчиликке тартылат. Азыркы учурда кооптуулук жараткан жагдайлар жок. Абалдан чыгуу үчүн тургундардын сабырдуулугу керек. Такталбаган маалыматтардан оолак болуп, мыйзамдан сырт көрүнүштөргө барбоого чакырам. Жашоочулардын ден соолугу биз үчүн да маанилүү", — деди Сыргабаев.

Айыл тургундары кен иштеткен компанияга болгон бир катар нааразычылыктарын айтып, муктаждыкты жоюуда үймө-үй суу жеткирүү жетишсиз болуп жатканын билдиришкен. Өкмөттүн өкүлү бул маселени чечүүгө ишкана толук жоопкерчилик аларын айтып, тийиштүү тапшырмаларды берген.

Белгилей кетсек, 23-январда Терек-Сай айылындагы алтын ылгоочу фабрикада атайын курулган жай жырылып кетип, иштетилген калдыктар дарыя суусуна агып түшкөн.

"Кыргыз алтын" жана Түркиянын "Эти Бакыр" компанияларынын биргелешкен "Эти Бакыр Терек-Сай" ЖЧКсы бул аймакта 2016-жылдан бери иштеп келет.

Терек-Сай айыл аймагында Терек-Сай жана Кызыл-Токой аттуу калк жашаган эки айыл бар. Мында жалпы 5 500 киши жашаары айтылып, эки айылдын эли тең аталган суудан пайдаланышары маалым болду.

95
Белгилер:
кен, фабрика, Терек-Сай
Тема боюнча
Бизди чыккынчы дебегиле! Өкмөт Жетим-Тоо кени сатылбай турганын билдирди
 Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты

Айлыгын ала албай жүргөн жолчулар Бишкекке келип митингге чыгышты. Сүрөт

0
Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатышат.

БИШКЕК, 26-янв. — Sputnik. Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты.

  • Митинг сотрудников Минтранса в Бишкеке, с требованием выдачи зарплаты
    Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты
    © Sputnik / Эркин Садыков
  • Митинг сотрудников Минтранса в Бишкеке, с требованием выдачи зарплаты
    Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатат
    © Sputnik / Эркин Садыков
  • Митинг сотрудников Минтранса в Бишкеке, с требованием выдачи зарплаты
    Алар сентябрдан бери айлык толук төлөнбөй 2000-3000 сомдон гана берилип жатканына нааразы.
    © Sputnik / Эркин Садыков
1 / 3
© Sputnik / Эркин Садыков
Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты

Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатат. Алар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты. Алардын бири Нарындын Ат-Башы районунда жол тазалап иштеген Жаңыбай Кенжебаев.

"Акыры айлабыз кеткенде үнүбүздү чоңдорго жеткирели деп Бишкекке келдик. Жеке мен декабрдан бери айлык ала элекмин. Эмгек өргүүгө чыксак, аны да төлөп беришкен жок. Биз аба ырайы кандай болгонуна карабай жолдо иштеп, бирок акыбызды ала албай чуркап жүрөбүз. Ал эми кышкысын жылуу, жайында көлөкөдө отурган мекеме кызматкерлери убагынан кечиктирбей алууда", — деди Кенжебаев.

Чогулган жолчулардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады.

0
Белгилер:
Бишкек, кызмат, маяна, митинг
Тема боюнча
Хан сарай, бодо мал... Министрликтин өкүлү мыйзамсыз байыган деп кармалды
Иш таштаган маршрутка айдоочулары. Үч компанияга эскертүү берилди