Кыргыз-Россия парламенттер аралык комиссиясынын теңтөрагасы Виктор Заварзин

Россиялык депутат Мамлекеттик Дума КРге кандай мамиледе экенин айтты

546
(жаңыланган 12:12 11.01.2021)
Мурда Россиянын федералдык мыйзамына чет элдик жарандарга автоунааны пайдалануу менен ишкерлик кылууга же кызмат көрсөтүүгө тыюу салынган. Бирок 2017-жылы бул мыйзамга өзгөртүүлөр киргизилип, КР жарандарына тиешеси жок экени айтылган.

БИШКЕК, 11-янв. — Sputnik. Кыргызстан менен мамилени өнүктүрүүгө байланыштуу мыйзам долбоорлоруна Мамлекеттик Думада каршы чыккандар жок. Бул тууралуу Кыргыз-Россия парламенттер аралык комиссиясынын теңтөрагасы Виктор Заварзин билдирди.

Ал Кыргызстанга КМШнын Парламенттер аралык ассамблеясынын байкоочулар миссиясынын курамында келген.

"Мен Кыргызстанга көп келем, албетте, кээ бир нерселерге кабатырланам. Биздин комиссиянын иши бир топ алга жылды. Россиянын мыйзамдарына Кыргызстанга тиешелүү көп нерселер киргизилди. Ошол эле айдоочулар, мигранттар тууралуу. Мындай мыйзамдар кабыл алынып жатканда кайсы партиядан экенине карабай, ага каршы болгондор жокко эсе. Ишенип койгула. Мисалы, мигранттар, айдоочулар тууралуу мыйзам кабыл алынганда депутаттар бир добуштан колдоп беришти", — деди Заварзин.

Анын айтымында, бул мамилелердин мындан ары дагы бекемделип бара жатканынан кабар берет.

Мурда Россиянын федералдык мыйзамына чет элдик жарандарга автоунааны пайдалануу менен ишкерлик кылууга же кызмат көрсөтүүгө тыюу салынган. Бирок 2017-жылы бул мыйзамга өзгөртүүлөр киргизилип, КР жарандарына тиешеси жок экени айтылган.

546
Белгилер:
миграция, кызматташтык, мамиле, мыйзам, Виктор Заварзин, Кыргызстан, Россия
Тема боюнча
Мамдуманын депутаты: КР шайлоо мыйзамдары боюнча КМШны артта калтырыптыр
АКШнын жаңы шайланган президенти Жозеф Байдендин архивдик сүрөтү

Серепчи: АКШ менен РФ ортосундагы өз ара кызматташуу багыты өзгөрүүдө

36
(жаңыланган 17:54 20.01.2021)
Жаңы президенттин администрациясынын жүргүзчү саясаты бир катар мамлекеттердин, анын ичинен АКШнын да өзөктүк каражаттарды толук түрдө көзөмөлдөө боюнча башка макулдашууларды түзүүгө алып келиши мүмкүн.

БИШКЕК, 20-янв. — Sputnik. АКШнын жаңы шайланган президенти Жозеф Байдендин администрациясы инаугурациядан кийин СНВ-3 келишиминин узартылышы боюнча маселени карашы мүмкүн. Sputnik радиосунун обосунда бул маселени аскердик саясат таануучу Андрей Кошкин айтып берди.

Мамлекеттик катчылыкка сунушталып жаткан Энтони Блинкен инаугурациядан кийин Стратегиялык жактан чабуул жасаган куралданууну чектөө жана кыскартуунун андан аркы чаралары жаатындагы келишим боюнча иш жүрөрүн билдирген.

Анын айтымына караганда, Ак үйдөгү команда бул келишимдин узартылышы боюнча иштейт.

Мамлекеттик катчыга талапкер администрация муну менен бирге эле ракета менен кол салууга каршы коргонуу системасынын чектелиши боюнча кандай гана чара болбосун макул болбой тургандыктарын айтты.

Sputnik радиосунун обосунда Россиянын Плеханов атындагы Экономика университетинин саясат таануу жана социология кафедрасынын жетекчиси Андрей Кошкин бул боюнча комментарий берди.

"СНВ-3 долбоорун узартуу боюнча демилгеден улам Байдендин администрациясын кубаттоого болот. Кайсы бир жактан алып караганда бул АКШ менен РФ ортосундагы өз ара кызматташуу өңүтүн өзгөртөт. Бул — жарыша куралдануунун артынан түшүп алууну кармап турган механизмди сактап калууга умтулуу. Кыязы, администрациянын АКШда страгегиялык куралданууну кармап туруу боюнча жаңы саясатынын башталышы. Ал эмне болгон күндө да башка макулдашууларды түзүүгө алып келет. Бул бир канча мамлекеттердин, анын ичинен АКШнын да өзөктүк куралдарды толук көзөмөлдөө боюнча башка макулдашууларды түзүүсүн шартташы мүмкүн", — деди Кошкин.

СНВ-3 негизинде ар бир тарап өзөктүк куралдарын жети жылдан кийин алардын саны континент аралык баллистикалык ракеталардын, суу астында жүрүүчү кайыктардын баллистикалык ракеталарынын жана бомбалоочу оор техникалардын санын 700дөн жана башка техникалардын санын да айтылган чектен ашырбаш керектиги каралган.

СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат, эгер узартылбаса, ири өзөктүк державаларды тизгиндеп турган нерсе калбай калат.

36
Белгилер:
өзөктүк курал, мамлекеттик катчы, Жо Байден, АКШ, Россия
Тема боюнча
Тарыхта биринчи ирет… Байден өз командасына трансгендерди алмай болду
Байдендин инаугурациясынын алдында Капитолий катуу кайтарууга алынды. Видео
Бишкек мэриясы. Архив

Мэриянын Транспорт башкармалыгына жаңы жетекчи дайындалды

45
Акматбаевди жаңы кызматка которуу буйругуна мэрдин милдетин аткаруучу Балбак Түлөбаев кол койгон.

БИШКЕК, 20-янв. — Sputnik. Таалайбек Акматбаев мэриянын алдындагы Шаардык транспорт башкармалыгынын башчысы болуп дайындалды. Бул тууралуу Бишкек мэриясынын маалымат кызматы кабарлады.

Билдирмеге ылайык, аталган буйрукка мэрдин милдетин аткаруучу Балбак Түлөбаев кол койгон.

Акматбаев буга чейин Октябрь районунун акиминин орун басары болуп иштеп жаткан. Ал мыйзамдын 30-беренесине ылайык, жаңы кызматка ротация жолу менен дайындалды.

45
Белгилер:
кызмат, ротация, буйрук, Бишкек мэриясы, Бишкек
Тема боюнча
"Бишкек санитардык полигонуна" жаңы жетекчи дайындалды
Профессор Роза Айтматова. Архив

Бишкекте Роза Айтматованын "Атам жөнүндө" аттуу китебинин бет ачары өтөт

0
(жаңыланган 19:18 20.01.2021)
Китепте Төрөкул Айтматовдун Кыргызстандын эл чарбасынын, өнөр жайынын пайдубалын түптөөгө кошкон салымы баяндалат.

БИШКЕК, 20-янв. — Sputnik. Бишкекте Роза Айтматова "Атам жөнүндө" аттуу эскерүү китебинин бет ачары өтөт. Бул туурасында Кыргызпатенттин маалымат кызматы билдирди.

Иш-чара эртең, 21-январда, саат 11.00дө Алыкул Осмонов атындагы улуттук китепкананын конференц-залында өтөт.

Бул китеп Кыргызпатент тарабынан 2020-жылы Тарых жана ата-бабаларды эскерүү күнүнө карата мамлекеттик жана расмий тилде 500 нускада чыгарылган.

Анда Төрөкул Айтматовдун көп кырдуу ишмердигинин ичинен Кыргызстандын эл чарбасынын, өнөр жайынын пайдубалын түптөөгө кошкон салымы архивдик материалдардын негизинде чагылдырылган.

Бет ачарга Кыргызстандын илимий жана чыгармачыл интеллигенциясынын өкүлдөрү, Айтматовдун үй-бүлө мүчөлөрүнүн катышуусу күтүлүүдө.

Китеп окурмандардын кеңири катмарына сунушталат.

0
Белгилер:
бет ачар, китеп, Роза Айтматова, Кыргызпатент, Кыргызстан
Тема боюнча
Айтматовдун чыгармалары урду тилине которулду