Кыргызстандагы президенттик шайлоонун алдын ала жыйынтыгы боюнча атаандаштарын кыйла артта калтырган Садыр Жапаров. Архивдик сүрөт

Түрмөдө жатып революция жасадым деген Жапаров ийгилигинин сырын ачты

1397
(жаңыланган 17:34 11.01.2021)
Жапаров "Одноклассники", Facebook, Instagram тармактарында группаларды түзүп, эл менен дайыма байланышта болуп турганын белгилеген.

БИШКЕК, 11-янв. — Sputnik. Кыргызстандагы президенттик шайлоонун алдын ала жыйынтыгы боюнча атаандаштарын кыйла артта калтырган Садыр Жапаров россиялык "Комерсант" басылмасына интервью берип, анда элдин ишенимине кантип киргенине чейин айтып берген. 

Жапаров абакта өткөргөн 3,5 жыл ичинде ошол жердеги жөнөкөй жарандарга жардам берип турганын белгилеген.

"Түрмөдө отурган кезде кылмышкерлерге жардам берген жокмун. Жөнөкөй жарандарга гана кол сундум. Абакта отурган маалда мага жүздөн ашык адам кайрылып, баары тең эркиндикке чыгышты. Кийин алар мени жакшы адам деп маалымат жайылта башташты. Эркиндикке чыкканымда алардын бардыгы митингде жүрүштү, мени колдоп жатышты. Үчүнчү революциянын сыры ушунда", — деди Жапаров.

Ал ошондой эле "Одноклассники", Facebook, Instagram тармактарында группаларды түзүп, эл менен байланышта болуп турганын белгилеген.

"Жарандардын контактыларын топтоп WhatsApp каналынан 50дөй тайпа ачтым. Алар аркылуу "Кумтөр" жана өзүмдүн иштерим тууралуу маалыматтарды жайылттым. Ошентип, 3,5 жылдын ичинде жалпы элге үнүмдү жеткирдим. Абакта 24 саат бою бошсуң да. Ушундай жол менен мен түрмөдө жатып революция жасадым", — деген Жапаров.

Ал эми журналист "абакта отуруп алып соцтармакка кирүүгө мүмкүн беле" деген суроону узаткан.

"Мыйзам жүзүндө болбойт, бирок биз жолун таптык", — деп жооп берген ал.

Маекте Жапаров бир катар реформаларды жасаарын айтып, бийликке туугандарын алып келбей турганын убадалаган.

1397
Белгилер:
социалдык тармак, түрмө, президент, Кыргызстан, Садыр Жапаров
Тема боюнча
Шайлоого катышкан. Канайым Айгүл Асанбаева тууралуу кызыктуу фактылар
Жапаров: РФ наркотрафик менен күрөшүүгө учкучсуз башкарылчу эки учак берди
Жапаров Путиндин Кыргызстандын ички саясатына берген баасына кошуларын айтты
Пентагон башчылыгына Ллойд Остиндин бекитилди

АКШ сенаты Пентагон башчылыгына афроамерикалык Ллойд Остинди бекитти

117
(жаңыланган 23:11 22.01.2021)
Жаңы жетекчинин талапкерлигине 93 сенатор макулдугун берген. Жарандык коргоо министри кызмат ордуна пенсияга чыккан, тажрыйбалуу аскер адамдары гана ат салыша алат.

БИШКЕК, 22-янв. — Sputnik. АКШ сенаты Пентагон башчылыгына Ллойд Остиндин талапкерлигин бекиткенин РИА Новости жазды.

Анын талапкерлигине 93 сенатор "макул" болсо, экөө "каршы" добуш берген.

Жарандык коргонуу министри кызмат ордуна жети жыл мурун пенсияга чыккан, тажрыйбалуу аскер адамдары гана ат салыша алат. Алар конгресстин атайын макулдугун алышы керек.

Остин 2016-жылы отставкага кеткен. Анын талапкерлигин сенаттын профилдик комитети колдоп берген.

Ал 67 жашта, төрт жылдыздуу генерал даражасына ээ. Остин коргоо мекемесин жетектеген биринчи афроамерикалык болмокчу. Германия, АКШ, Ирак мамлекеттеринде аскердик кызматын өтөгөн. Вашингтондун "Ислам мамлекети"* тобу менен күрөшүүсүнө салым кошкон.

2016-жылы пенсияга чыккандан кийин ири куралдарды чыгарган Raytheon компаниясынын директорлор кеңешинде иштеп жаткан.

117
Белгилер:
сенат, жетекчи, талапкер, Пентагон, АКШ
Тема боюнча
Тарыхта биринчи ирет… Байден өз командасына трансгендерди алмай болду
УКМКнын мурдагы төрагасы Абдил Сегизбаев. Архив

Абдил Сегизбаев ага козголгон кылмыш иши боюнча үн катты

230
(жаңыланган 22:10 22.01.2021)
Сегизбаев кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп шектелүүдө.

БИШКЕК, 22-янв. — Sputnik. УКМКнын мурдагы төрагасы Абдил Сегизбаев ага карата кылмыш иши козголушу боюнча маалымат жыйын берди.

Эске салсак, Сегизбаев Аламүдүн райондук администрациясынын жана Аламүдүн районунун Таш-Мойнок айыл өкмөтүнүн кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп шектелүүдө. Ага Жазык кодексинин 319-беренеси ("Коррупция") боюнча кылмыш иши козголду.

"Мага коюлган берененин эч бир негизи жок. Коррупция деген такыр башка түшүнүк. Анда кызматкер материалдык пайда көрүү үчүн атайын иш-аракеттерди жасайт. Ал эми Башкы прокуратура мени кызмат адамдары менен жайыт жерлерин мыйзамсыз трансформациялаган деп айыптоодо", — деди.

Ал 2008-жылы жайытты ижарага алып иштеткенин айтып, жашыл китебин көрсөткөн. Ал убакта эч бир мамлекеттик кызматта иштебегенин да билдирген.

Ошондой эле Сегизбаев ашыкча байлыгы жок экенин айткан.

"Атамдын Кой-Таштагы үйү мага катталган. Аны эки жыл мурун чоң атасын эстеп жүрсүн деп уулума берүүнү чечкенбиз, бирок балам бойго жете элек. Биринчи батиримди студент кезде эле алгам. Азыр ошол атамдын үйүндөбүз, оңдоп-түзөө иштерин жүргүзүп жатабыз", — деди Сегизбаев.

Ал эми президенттик компанияны багбанчылык жана мал чарбачылыгынан түшкөн кирешеден каржылаганын кошумчалаган. Мамлекеттик кызматка киришкенден кийин бул тармакты эжесинин башкаруусуна өткөрүп бергенин айткан.

230
Белгилер:
кылмыш иши, Абдил Сегизбаев, УКМК
Тема боюнча
Боронов сурактан чыгып, Финпол эмнеге чакырганын айтып берди
Атаандаштарын артта калтырган Садыр Жапаров тууралуу 14 факты
Кыргыз мамлекеттик медициналык академиясынын (КММА) проректору, профессор-нейрохирург Кеңешбек Ырысов. Архивдик сүрөт

Медакадемиянын профессору мээсинде чоң шишиги бар 3 бейтапка операция жасады

0
(жаңыланган 12:26 23.01.2021)
Оор делген операция Ош облустар аралык биргелешкен клиникалык ооруканасынын нейрохирургия бөлүмүндө жасалган.

БИШКЕК, 23-янв. — Sputnik. Кыргыз мамлекеттик медициналык академиясынын (КММА) проректору, профессор-нейрохирург Кеңешбек Ырысов мээсинде өтө чоң шишиги бар бейтаптарга оор операция жасады. Бул тууралуу КММАнын маалымат кызматы кабарлады. 

Билдирүүгө ылайык, ал 15-16-январь күндөрү санитардык авиация линиясы боюнча Ош облустар аралык биргелешкен клиникалык ооруканасынын нейрохирургия бөлүмүндө мээсинде чоң шишиги бар үч бейтапка операция жасаган.

"Операция ийгиликтүү өттү. Бейтаптар өзүнө келгенден кийин неврологиялык мүчүлүштүктөр жана операциянын кесепети тийген кандайдыр бир оорулар байкалган эмес", — деп айтылат маалыматта.

Аталган оорукананын Нейрохирургия бөлүмүнүн башчысы Улан Каримов профессор Кеңешбек Ырысовдун буга чейин да нейрохирургдарга консультация берип, практика жүзүндө көрсөтүп оор операцияларды жасап келгенин белгилеп, ыраазычылык билдирген. Бул бир чети бейтаптар үчүн жардам болсо, экинчи жагынан дарыгерлерди окутууга чоң салым болгонун айткан.

0
Белгилер:
шишик, мээ, нейрохирургия, Кеңешбек Ырысов, операция
Тема боюнча
Хирург Шабыралиев: операцияга кезек жетпей чарчап калган бөбөктөр бар, шарт начар
Баш сасык тумоого кабылгандай эле ооруйт. Нейрохирург Мамытов мээ рагы тууралуу