Президенттик шайлоону жеңген Садыр Жапаров. Архивдик сүрөт

Садыр Жапаров премьерликтен качан кетиши керек? Өкмөттү кандай тагдыр күтөт

1519
(жаңыланган 13:09 12.01.2021)
Садыр Жапаров премьер-министрлик кызматты толугу менен тапшыра элек, ыйгарым укуктарын убактылуу токтото туруп шайлоого кеткен.

Анын ордуна башка өкмөт башчы келеби же Артем Новиков жаңы Конституция кабыл алынганга чейин милдетин аткаруучу болуп иштей береби?

Баш мыйзамдын 87-беренесине ылайык, премьер-министр кызматтан кетери менен өкмөт тарап, жаңы курам дайындалганга чейин милдетин аткаруучу болуп иштешет.

Sputnik Кыргызстан агенттиги Садыр Жапаров кеткенден кийин жаңы өкмөттүн бекитилиши кандай болорун талдап көрдү.

Белгилей кетсек, Жапаров азыр премьер-министрлик ордуна кайра келип иштей берүүгө укуктуу. Бирок өкмөттүн маалымат кызматынын жетекчиси Бактыбек Рысалиев ал кызматка кайтпай турганын билдирди. 

Руководитель пресс-службы Государственного агентства по защите окружающей среды и лесного хозяйства при правительстве  Бактыбек Рысалиев
© Sputnik / Табылды Кадырбеков
Өкмөттүн маалымат кызматынын жетекчиси Бактыбек Рысалиев
"Борбордук шайлоо комиссиясы расмий жыйынтык чыгаргандан кийин президенттин инаугурациясы болуп, ант берет. Андан соң Садыр Жапаров премьер-министрлик кызматын расмий түрдө тапшырат", — деди Рысалиев.

Жапаров шайлоодон кийин берген маалымат жыйынында премьер-министр тууралуу суроого жооп берип жатып жаңы өкмөт башчы ким болору туурасында ойлоно электигин билдирген.

Ал эми Жогорку Кеңештин депутаты Өмүрбек Текебаев Конституция боюнча Жапаров инаугурацияга чейин отставкага кетиши керектигин айтат. 

Депутат ЖК, лидер партии Ата-Мекен Омурбек Текебаев на внеочередном заседании Жогорку Кенеша в госрезиденции Ала-Арча
© Sputnik / Табылды Кадырбеков
Жогорку Кеңештин депутаты Өмүрбек Текебаев
"Премьер-министр кеткенден кийин автоматтык түрдө өкмөт таркайт. Министрлер кабинети милдетин аткаруучу катары көпкө иштей албайт. 15 күнгө чейин жаңы талапкерди Жогорку Кеңешке киргизүү керек", — деди Текебаев.

ЖК депутаты, Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин мүчөсү Кенжебек Бокоев кырдаалга жараша саясий чечим кабыл алынышы мүмкүндүгүн белгилейт. 

Депутат Жогорку Кенеша Кенжебек Бокоев
© Sputnik / Табылды Кадырбеков
ЖК депутаты Кенжебек Бокоев
"Азыр бизде эки жол турат. Биринчиси — учурдагы Баш мыйзамга таянып парламент жаңы өкмөттү курашы керек. Экинчиси — жок, эми ушунча болду, улам эле алмаштыра бербей жаңы Конституция кабыл алынганча күтө туралы деш керек. Азыркы курам эле милдетин аткаруучу катары иштеп турсун. Андан кийин жаңы Баш мыйзамга жараша аткаруу бийлигин толугу менен президент дайындай турган болот. Бирок мында референдум качан өтөт деген суроо жаралат. Жагдайды эксперт, юристтер менен талкуулап саясий бир чечим кабыл алынышы зарыл", — деди депутат.

Садыр Жапаров октябрдагы саясий башаламандыктан кийин премьер-министр кызматына дайындалган. Аны менен катар президенттин милдетин аткаруучу болуп бир ай иштеп, 14-ноябрда шайлоого аттанып кеткен. 10-январдагы добуш берүүнүн алдын ала жыйынтыгы боюнча Жапаров алдыда баратат.

Учурда президенттин милдетин Жогорку Кеңештин төрагасы Талант Мамытов, премьер-министрдин милдетин биринчи вице-премьер Артем Новиков аткарууда. БШКнын билдирүүсүнө ылайык, жаңы шайланган президенттин инаугурациясы 1-мартка чейин болот.

1519
Белгилер:
Кенжебек Бокоев, Өмүрбек Текебаев, конституция, дайындоо, өкмөт, Садыр Жапаров
Тема:
Кыргызстандагы президенттик шайлоо – 2021 (195)
Тема боюнча
Түрмөдө жатып революция жасадым деген Жапаров ийгилигинин сырын ачты
Президенттин инаугурациясы качан өтөт. БШКнын жообу
Шайлоодо жеңген Садыр Жапаров Кыргызстанды кантип өнүктүрмөкчү? Убадалары
Пентагон башчылыгына Ллойд Остиндин бекитилди

АКШ сенаты Пентагон башчылыгына афроамерикалык Ллойд Остинди бекитти

125
(жаңыланган 23:11 22.01.2021)
Жаңы жетекчинин талапкерлигине 93 сенатор макулдугун берген. Жарандык коргоо министри кызмат ордуна пенсияга чыккан, тажрыйбалуу аскер адамдары гана ат салыша алат.

БИШКЕК, 22-янв. — Sputnik. АКШ сенаты Пентагон башчылыгына Ллойд Остиндин талапкерлигин бекиткенин РИА Новости жазды.

Анын талапкерлигине 93 сенатор "макул" болсо, экөө "каршы" добуш берген.

Жарандык коргонуу министри кызмат ордуна жети жыл мурун пенсияга чыккан, тажрыйбалуу аскер адамдары гана ат салыша алат. Алар конгресстин атайын макулдугун алышы керек.

Остин 2016-жылы отставкага кеткен. Анын талапкерлигин сенаттын профилдик комитети колдоп берген.

Ал 67 жашта, төрт жылдыздуу генерал даражасына ээ. Остин коргоо мекемесин жетектеген биринчи афроамерикалык болмокчу. Германия, АКШ, Ирак мамлекеттеринде аскердик кызматын өтөгөн. Вашингтондун "Ислам мамлекети"* тобу менен күрөшүүсүнө салым кошкон.

2016-жылы пенсияга чыккандан кийин ири куралдарды чыгарган Raytheon компаниясынын директорлор кеңешинде иштеп жаткан.

125
Белгилер:
сенат, жетекчи, талапкер, Пентагон, АКШ
Тема боюнча
Тарыхта биринчи ирет… Байден өз командасына трансгендерди алмай болду
УКМКнын мурдагы төрагасы Абдил Сегизбаев. Архив

Абдил Сегизбаев ага козголгон кылмыш иши боюнча үн катты

244
(жаңыланган 22:10 22.01.2021)
Сегизбаев кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп шектелүүдө.

БИШКЕК, 22-янв. — Sputnik. УКМКнын мурдагы төрагасы Абдил Сегизбаев ага карата кылмыш иши козголушу боюнча маалымат жыйын берди.

Эске салсак, Сегизбаев Аламүдүн райондук администрациясынын жана Аламүдүн районунун Таш-Мойнок айыл өкмөтүнүн кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп шектелүүдө. Ага Жазык кодексинин 319-беренеси ("Коррупция") боюнча кылмыш иши козголду.

"Мага коюлган берененин эч бир негизи жок. Коррупция деген такыр башка түшүнүк. Анда кызматкер материалдык пайда көрүү үчүн атайын иш-аракеттерди жасайт. Ал эми Башкы прокуратура мени кызмат адамдары менен жайыт жерлерин мыйзамсыз трансформациялаган деп айыптоодо", — деди.

Ал 2008-жылы жайытты ижарага алып иштеткенин айтып, жашыл китебин көрсөткөн. Ал убакта эч бир мамлекеттик кызматта иштебегенин да билдирген.

Ошондой эле Сегизбаев ашыкча байлыгы жок экенин айткан.

"Атамдын Кой-Таштагы үйү мага катталган. Аны эки жыл мурун чоң атасын эстеп жүрсүн деп уулума берүүнү чечкенбиз, бирок балам бойго жете элек. Биринчи батиримди студент кезде эле алгам. Азыр ошол атамдын үйүндөбүз, оңдоп-түзөө иштерин жүргүзүп жатабыз", — деди Сегизбаев.

Ал эми президенттик компанияны багбанчылык жана мал чарбачылыгынан түшкөн кирешеден каржылаганын кошумчалаган. Мамлекеттик кызматка киришкенден кийин бул тармакты эжесинин башкаруусуна өткөрүп бергенин айткан.

244
Белгилер:
кылмыш иши, Абдил Сегизбаев, УКМК
Тема боюнча
Боронов сурактан чыгып, Финпол эмнеге чакырганын айтып берди
Атаандаштарын артта калтырган Садыр Жапаров тууралуу 14 факты
Салют үчүн артиллериялык техника колдонуу. Архивдик сүрөт

Инаугурацияда артиллериялык техника колдонулмай болду

0
(жаңыланган 13:46 23.01.2021)
Артиллериялык тузүмдөр аскердик даярдыктын деңгээлин кармоого багытталгандыктан ашыкча чыгымдарды талап кылбастыгы белгиленди.

БИШКЕК, 23-янв. — Sputnik. Президенттин маалымат катчысы Галина Байтерек инаугурация аземинде артиллериялык аскер техникасы колдонула турганын тастыктады.

Маалымат катчы инаугурация мамлекеттик деңгээлдеги иш-чара экенин айтып, президенттик кызматка киришүү менен ал өлкөнүн Куралдуу күчтөрүнүн Башкы кол башчысы болуп каларын белгилеген.

“Артиллериялык аскер техникасын колдонуу инаугурация аземинин атрибуттарынын бири жана кеңири таралган тажрыйба. Артиллериялык тузүмдөр, кандай болгон күндө дагы, күнүмдүк режимде аскердик даярдыктын деңгээлин кармоого багытталгандыктан, ашыкча чыгымдарды талап кылбастыгын баса белгилей кетүү керек. Аскерлерди даярдоо планына ылайык, артиллериячылар аскер даярдыгы боюнча пландык машыгууларды өткөрөт. Демек, буга кошумча эч кандай чыгым болбойт”, — деди Байтерек.

Белгилей кетсек, буга чейин 28-январга белгиленген президенттин ант берүү аземин өткөрүүгө 10 миллион сом сарпталары айтылган. Ушул эле күнү инаугурацияга даярдык көрүү башталып, шаардын негизги көчөлөрү жабылган. Көп өтпөй унаа тыгыны жаралып, коомчулук бул көрүнүшкө сын-пикирлерди билдирген.

Ошол эле учурда артиллериялык курал кодонулары туурасында дагы маалымат тарай баштаган. 

 
Андан соң жаңы шайланган президент Садыр Жапаров чыгымдарды азайтуу талабын коюп, чоң салтанат өткөрүүдөн баш тарткан.

0
Белгилер:
техника, инаугурация, Галина Байтерек
Тема:
Садыр Жапаровдун инаугурациясы
Тема боюнча
Кудум кинодогудай. Жапаровдун инаугурациясына кандай даярданып жатышат. Видео
Жапаровдун инаугурациясын өткөрүү сценарийи өзгөрдү. Чыгым канчага кыскарат
Элдин сынынан улам инаугурациянын сценарийи кайра түзүлөт. Расмий маалымат