Евразия экономикалык комиссиясынын төрагасы Михаил Мясникович. Архив

Садыр Жапаровду шайлоодогу жеңиши менен ЕЭК төрагасы куттуктады

113
Кыргызстанда 10-январь күнү президенттик шайлоо жана башкаруу формасын тандаган референдум өттү. Анда Садыр Жапаров алдына киши салган жок.

БИШКЕК, 12-янв. — Sputnik. Евразия экономикалык комиссиясынын төрагасы Михаил Мясникович президенттик шайлоодо эң көп добуш алган Садыр Жапаровду куттуктады. Бул тууралуу ЕЭКтин маалымат кызматынан кабарлашты.

“Сиздин ишенимдүү жеңишиңиз өлкөдө кадыр-баркыңыз бар экенин жана элдин ишеними күчтүү экенин айгинелейт. Андыктан сиз Кыргызстан менен ЕАЭБге мүчө башка өлкөлөрдүн кызматтташтыгына жаңы дем бересиз деп ишенем”, — деди Мясникович.

Мындан тышкары, ал Садыр Жапаровго бекем ден соолук, ал эми кыргыз элине өнүгүп-өсүүнү каалады.

113
Белгилер:
куттуктоо, ЕЭК, Садыр Жапаров
Тема:
Кыргызстандагы президенттик шайлоо – 2021 (195)
Тема боюнча
Токаев Жапаровду жеңиши менен куттуктап, Казакстанга келип кетүүгө чакырды
Путин Жапаровду шайлоодогу жеңиши менен куттуктады
Садыр Жапаров өзбек лидери Шавкат Мирзиёев менен телефон аркылуу сүйлөштү
Кыргызстандын жаңы шайланган президенти Садыр Жапаров. Архив

Жапаровдун инаугурациясына миңден ашык конок чакырылды. Баары ПЧР-тест тапшырган

98
(жаңыланган 10:48 27.01.2021)
Инаугурация  өлкөнүн Коомдук телерадиоберүү корпорациясы жана республикалык телеканалдар аркылуу түз эфирде көрсөтүлөт.

БИШКЕК, 27-янв. — Sputnik. Эртең, 28-январда, Токтогул Сатылганов атындагы Кыргыз улуттук филармониясында Кыргызстандын жаңы шайланган президенти Садыр Жапаровдун ант берип, расмий түрдө кызматка киришүү иш-чарасы өтөт.

Бул тууралуу президенттин маалымат кызматы билдирди.

Аземге катардагы жарандардан, коомдук ишмерлерден, чыгармачыл жана интеллигенциянын өкүлдөрүнөн, жергиликтүү жана чет элдик маалымат каражаттарынын жетекчилеринен турган миңден ашуун мейман чакырылган.

"Иш-чара бардык санитардык-эпидемиологиялык талаптарга ылайык уюштурулууда. Чакырылгандардын баары коронавирус инфекциясына ПЧР-анализ тапшырышкан", - деп айтышты маалымат кызматтан.

Экс-президент Сооронбай Жээнбеков. Архив
© Пресс-служба президента КР / Султан Досалиев
Инаугурация  өлкөнүн Коомдук телерадиоберүү корпорациясы жана республикалык телеканалдар аркылуу түз эфирде көрсөтүлөт. Мындан сырткары, Бишкек шаарынын борбордук “Ала-Тоо”  аянтында шаардыктар үчүн иш-чара түз эфирде көрсөтүлөт. Азем саат 10.45те түз эфирде көрсөтүлүп баштайт.

Садыр Жапаров 10-январда өткөн президенттик шайлоодо көпчүлүк шайлоочулардын колдоосуна ээ болуп алдыга чыккан. Борбордук шайлоо комиссиясы 20-январда шайлоонун жыйынтыгын чыгарып, Жапаров 79,2 пайыз добуш менен жеңип чыкканын жарыялады.

98
Белгилер:
ант, инаугурация, Садыр Жапаров
Тема:
Садыр Жапаровдун инаугурациясы
Тема боюнча
Жо Байден ант берип кызматына киришти
Президенттин инаугурациясы "Ала-Тоо" аянтындагы экрандан көрсөтүлөт
Россиянын башчысы Владимир Путин. Архив

Путин Байден менен телефон аркылуу сүйлөштү. Эмне тууралуу кеп болду?

46
(жаңыланган 10:38 27.01.2021)
Путин жана Байден эл аралык эки тараптуу маселелерди талкуулап, коронавирус менен күрөшүү жана башка тармактарда кызматташуу мүмкүнчүлүктөрүн да карап чыгышкан.

БИШКЕК, 27-янв. — Sputnik. Россиянын башчысы Владимир Путин АКШнын жумушка жаңы кирише баштаган президенти Жозеф Байден менен телефон аркылуу сүйлөштү. Бул тууралуу РИА Новости кабарлады.

Кремлдин маалымат кызматына таянып, агенттик Путин кесиптешин алгач жумушунун башталышы менен куттуктагандыгын жазды.

Путин белгилегендей, Россия менен АКШнын ортосундагы мамилени жөнгө салуу эки мамлекеттин тең кызыкчылыктарына жооп бермек.

Россия менен АКШ лидерлери Стратегиялык чабуул жасалуучу курал боюнча келишимди (СНВ-3) узартууда дипломатиялык нота менен "алмашууга канааттанганы" кабарланды. 

Путин жана Байден эл аралык, эки тараптын маанилүү маселелерин талкуулап, коронавирус менен күрөшүү жана башка тармактарда кызматташуу мүмкүнчүлүктөрүн да карап чыгышкан.

"Эл аралык темалардын ичинен АКШнын "Ачык асман" боюнча келишимден бир тараптуу чыгуу темасы козголгон. Ошондой эле Иран өзөктүк программасы, Украинадагы кырдаал жана БУУ Коопсуздук кеңешинин туруктуу мүчөлөрүнүн саммитин өткөрүү боюнча Россия тараптын демилгеси тууралуу сөз болгон", — деп айтылат Кремлдин маалыматында.

Президенттин маалымат кызматы сүйлөшүү ачык жана иштиктүү болгонун белгилеген.

Өз кезегинде Ак үйдүн маалымат катчысы Жен Псаки журналисттерге өткөргөн брифингде Путин менен Байден дагы эмне тууралуу сүйлөшкөнүн айткан.

"Байден СНВ-3 келишимин беш жылга узартуу каалоосун талкуулоо үчүн бүгүн күндүн экинчи жарымында Путинге чалган. Мындан сырткары, ал Украинанын эгемендүүлүгүн колдой турганыбызды тастыктап, SolarWinds компаниясына жасалган киберчабуул, Алексей Навальныйдын ууланышы, 2020-жылдагы шайлоолорго аралашуу жана тынчтык митингине чыккандарга Россиянын коопсуздук күчтөрүнүн кайрылуусу боюнча маселелерди көтөрүп чыгуу үчүн Россия президентине байланышка чыккан", — деди ал.

Россия буга чейин жогоруда айтылган айыптоолордун баарын четке каккан.

46
Белгилер:
телефон, Владимир Путин, Жо Байден, АКШ, Россия
Тема боюнча
Путин Байденди шайлоодогу жеңиши менен куттуктады
Премьер-министрдин милдетин аткарып жаткан Артем Новиков жыйын учурунда

Быйыл башкача болушу керек. Өкмөт жазгы талаа иштери боюнча жаңы тапшырма берди

0
(жаңыланган 11:41 27.01.2021)
Артем Новиков быйыл жазгы талаа жумуштарын уюштурууга даярдык жылдагыдай эмес жаңыча ыкма менен болушу зарылдыгын  айткан.

БИШКЕК, 27-янв. — Sputnik. Премьер-министрдин милдетин аткарып жаткан Артем Новиков жазгы талаа иштерине даярдык көрүү боюнча кеңешме өткөрүп, Айыл чарба, тамак-аш өнөр жайы жана мелиорация министрлигине бир катар тапшырмаларды берди. Бул тууралуу өкмөттүн маалымат кызматы кабарлады.

Ага ылайык, Новиков быйыл жазгы талаа жумуштарын уюштуруудагы даярдыкка жылдагыдай мамиле жасалбашын белгилеген.

"Агроөнөржай комплексин өнүктүрүүдө жаңы кадамдар керек. Эт, сүт, интенсивдүү багбанчылык, балык уулоо жана мөмө-жемиштерди өстүрүү багыттары боюнча кооперацияларды түзүү керек. Биздеги климат айрым өсүмдүктөрдөн жылына эки ирет түшүм алууга мүмкүндүк берет. Өнөктөштөрдүн жардамы менен ишке ашырчу долбоорлор бар. Быйыл айдоо аянттарын 6,5 миң гектарга көбөйтүү маселеси каралып жатат. Жыл сайын 50 миң гектар жер иштетилбей каларына көңүл буруу керек. Ал үчүн ирригация объектилерин текшерип, суу ресурсунун көлөмүн эсептеп чыгуу зарыл. Ойлонуп отурууга убакыт жок, анткени жазгы талаа иштеринин башталарына аз эле убакыт калды", — деди Новиков.

Кеңешменин жыйынтыгында Айыл чарба министрлигине февралдын башына чейин бир катар тапшырмалар берилген. Алар:

  • 2021-жылдын 1-февралына чейин жазгы талаа иштерин өткөрүү боюнча өкмөттүн токтом долбоорун толуктап иштеп чыгуу;
  • райондордо товарлардын айрым түрүн өндүрүү үчүн райондоштуруу тутумуна кайтуу мүмкүнчүлүгүн карап чыгуу;
  • 2021-жылдын 1-февралына чейин "Айыл чарбаны каржылоо – 9" долбоорун бекитүү;
  • 2021-жылдын 1-февралына чейин айыл чарба техникасын алуу үчүн 400 миллион сом кошумча каражаттын бөлүштүрүлүшүн карап чыгуу;
  • айыл чарба өсүмдүктөрүн айдоо көлөмүн көзөмөлдөө үчүн технологияларды ишке киргизүүнү тездетүү;
  • беш багыт боюнча кошумча нарк түзүүнүн конкреттүү долбоорун киргизүү.
0
Белгилер:
Артем Новиков, кеңешме, даярдык, жазгы талаа иштери, айыл чарба, өкмөт
Тема боюнча
Былтыр Баткенде 1000дей ишкер мамлекеттен жеңилдетилген насыя алды