20 жыл иштедим, баарыбыз бир жерге барабыз. Марипов принциптерин айтты

© Sputnik / Табылды КадырбековПремьер-министрликке талапкер Улукбек Марипов
Премьер-министрликке талапкер Улукбек Марипов - Sputnik Кыргызстан, 1920, 01.02.2021
Жазылуу
Өкмөт башчылыкка талапкер бүгүнкү күндө "мен иштейм" деп чыккан адамдар көп болуп жатканын, бирок кадр табыш кыйын экенин белгиледи.
БИШКЕК, 1-фев. — Sputnik. Мен мамлекеттик кызматта 20 жыл иштедим, ошол эле учурда бир дагы саясий партияга мүчө болгон эмесмин. Бул тууралуу премьер-министрликке талапкер Улукбек Марипов билдирди.
Өкмөт башчылыкка талапкер бул үчүн мамлекетке карыз экенин айтып, өмүрүнүн аягына чейин тикесинен тик туруп иштеп берүү принцибин кармана турганын билдирди.
"Мен мамлекетке ушунчалык карызмын деп эсептейм, себеби мага 20 жыл инвестиция кылды. Мамлекетке өмүрүмдүн аягына чейин тикемден тик туруп кызмат кылышым керек. Эч ким бул дүйнөдөн эч нерсесин көтөрүп кете албайт. Баарыбыз бир жерге барабыз, ошону унутпашыбыз керек. Менде принцип ушундай", — деди Марипов.
Ошондой эле ал бүгүнкү күндө "мен иштейм" деп чыккан адамдар көп болуп жатканын, бирок ошол эле мезгилде кадр табыш кыйын экенин белгиледи.
Аны менен катар Марипов мамлекеттик кызматта иштей турган кадр "таза, тажрыйбалуу жана ниети түз болушу керектигин" белгиледи.
Жаңылыктар түрмөгү
0