Кыргызстандын президенти Садыр Жапаров. Архив

Жапаров Токаевге телефон чалды. Анын Казакстанга барышы болжолдонууда

(жаңыланган 12:57 01.02.2021)
Жапаровдун болжолдуу иш сапарынын так убактысы белгисиз. Буга чейин мамлекет башчы биринчи расмий иш сапарын Россияга жасоону пландап жатканы айтылган.

БИШКЕК, 1-фев. — Sputnik. Казакстандын президенти Касым-Жомарт Токаев мамлекет башчы Садыр Жапаров менен телефон аркылуу баарлашты. Сүйлөшүү кыргыз тараптын демилгеси менен ишке ашканын Sputnik Казакстан агенттиги жазды.

"Алдыда боло турчу жогорку деңгээлдеги жолугушуулардын графиги, анын ичинде кыргыз лидеринин Казакстанга сапарына даярдыктар каралды", — деп жазылган маалыматта.

Токаев Жапаровдун инаугурациясы ийгиликтүү өткөнүн белгилеп, аны президент болушу менен дагы бир жолу куттуктап, ийгиликтерди каалаган.

Мамлекет башчылары эки тараптуу кызматташууну жаңы деңгээлге көтөрүү тууралуу кеп кылып, казак-кыргыз элинин достук мамилеси жана стратегиялык өнөктөштүк уланарын белгилешкен.

Жапаровдун болжолдуу иш сапарынын так убактысы белгисиз.

Буга чейин мамлекет башчы Садыр Жапаров биринчи расмий иш сапарын Россияга жасоону пландап жатканы айтылган.

Белгилер:
иш сапар, сүйлөшүүлөр, Касым-Жомарт Токаев, Садыр Жапаров, Казакстан, Кыргызстан
Тема:
Жапаровдун Казакстанга болгон иш сапары (23)
Тема боюнча
Президенттин аппараты Садыр Жапаровдун Россияга болчу иш сапары боюнча үн катты
УКМК төрагасы Камчыбек Ташиев. Архив

Ташиев Савайга барып жер берүүгө каршы чыккан эл менен жолукту

(жаңыланган 13:48 19.04.2021)
Жергиликтүүлөр Өзбекстанга берилет делген тилкеге 14-апрель күнү боз үйлөрдү тигип отуруп алышкан.

БИШКЕК, 19-апр. — Sputnik. Мамлекеттик чек араны делимитация жана демаркациялоо боюнча өкмөттүк комиссиянын жетекчиси, УКМК төрагасы Камчыбек Ташиев Кара-Суу районуна барып жер берүүгө каршы чыккан эл менен жолугушууда.

Аталган райондун Савай айыл өкмөтүнүн тургундары Кемпир-Абад суу сактагычынын айланасынан 50 гектар жердин Өзбекстанга берилишине макул болбой бир нече күндөн бер нааразычылык акциясын өткөрүп келген. Жергиликтүүлөр ал тилке суунун башы экенин, жайыт катары колдонуларын айтып, боз үйлөрдү тигип отуруп алышкан.

Учурда Ташиев менен айылдын миңге чукул жашоочусу жолугуп, талаптарын айтышууда.

Белгилер:
жолугушуу, Кара-Суу району, чек ара, жер, Камчыбек Ташиев
Тема боюнча
Билбей туруп мени сындап жатышат. Ташиев чек ара маселеси боюнча
Шайлоо комиссиясынын кызматкери КЭДП партиясынын табличкасын кармап турат

Каршы турабыз! КЭДП шайлоо жарышынан четтетилиши боюнча үн катты

(жаңыланган 12:55 19.04.2021)
Бишкектин аймактык комиссиясы бир катар себептер менен КЭДПны шайлоо жарышынан четтетүү чечимин кабыл алган.

БИШКЕК, 19-апр. — Sputnik. Шайлоо жарышынан четтетилген Кыргызстан элдик-демократиялык партиясы (КЭДП) Бишкектин аймактык комиссиясынын чечимине нааразычылыгын билдирип, "мыйзам бузуулар боюнча айтылган далилге ынанбаганын жар салды. Бул тууралуу билдирүү партиянын социалдык тармактагы баракчасына жарыяланды.

Эске салсак, Бишкектин аймактык комиссиясы шайлоо күнү добуш сатып алуу, үгүт иштерининин жол-жобосун бузуу, партиянын каржылоосу жана башка нерселер себеп болушу мүмкүн экенин айтып, КЭДПны шайлоо жарышынан четтетүү чечимин кабыл алган.

"Бизге мыйзам бузуулар боюнча күмөн санаткан далилдерди көрсөтүштү. Бирок бир дагы жолу добуш сатып алуу болгонун жарытылуу далилдеп бере алышкан жок. Өздөрү ойлоп тапкан эки мисалды бетке кармашты. Ал нерселер тастыкталып, эки шайлоо тилкесинде жыйынтык жокко чыгарылды деген күндө дагы добуш берүүнүн жалпы жыйынтыгына анчалык таасир бермек эмес", — деп айтылат билдирүүдө.

Ошондой эле партия мыйзамсыздыкка каршы туруп өз таламын талашарын кошумчалады.

Белгилер:
чечим, нааразычылык, жыйынтык, шайлоо, Бишкек
Тема:
Жергиликтүү кеңештерди шайлоо
Тема боюнча
Шайлоого келбегендерге чара көрүш керек. Депутаттын өзгөчө демилгеси видеодо
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:19 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн