Президенттин Жогорку Кеңештеги өкүлү Анарбек Калматов. Архив

Кыйкырып кетип калбай, угуңуздар! Президенттин ЖКдагы өкүлү депутаттарды какты

1056
(жаңыланган 12:34 04.02.2021)
Вице-спикер комментарий бербей, жөн гана жооп берүүгө чакырды. Бирок мындай эскертүү менен президенттин өкүлүн токтото алган жок.

БИШКЕК, 4-фев. — Sputnik. Президенттин Жогорку Кеңештеги өкүлү Анарбек Калматов депутаттардын соттук иштерге аралашып жатканын сынга алды.

Бүгүн парламенттин жыйынында эл өкүлдөрү ар кандай маселелерди көтөргөн.

"Азыр үч депутат мага кайрылып, бирок аягына чейин отурбай чыгып кетип калышты. Президенттин, өкмөттүн өкүлүнө кайрылгандан кийин биздин позицияны дагы угуш керек эле да. Кыйкырып коюп эле кете берген болобу? Болбойт да... Биз деле депутат болгонбуз, кайрылдыкпы, демек күтүп, жообун угушубуз керек. Ирина Юрьевна (Карамушкина — ред.) азыркы бийлик, УКМК басым кылып жатканын айтууда. Ким, кандай басым кылганын түшүнбөдүм. Абдил Сегизбаев мыйзамсыз камалды дейт, бир дагы документти көрбөй туруп мыйзамсыз болгонун юрист катары мен дагы айта албайм. Кечээ Камчыбек Кыдыршаевич бардык процессуалдык чечимдер мыйзамдын негизинде чыгып жатканын айтканын уктуңуздар. Кимди кааласа, кармап кетет деген болбойт", — деди Калматов.

Ошол учурда вице-спикер Нурбек Сыдыгалиев комментарий бербей, жөн гана жооп берүүгө чакырды. Бирок мындай эскертүү менен президенттин өкүлүн токтото алган жок.

"Сиз антип бузбаңыз мени, мага кайрылгандан кийин жооп беришим керек. Дастан Бекешев "Курсан Асановду үй камагына чыгарып койгула" деп жатат. Бул жерде отуруп алып, силер деле, мен деле сотко, укук коргоо органдарына тапшырма бергенге акыбыз жок. Ирина Юрьевна дагы Фарид Ниязов эмнеге үй камагына чыкпаганын айтат. Демек, алар мыйзамдуу түрдө отурат ал жакта", — деди Калматов.

Ошондой эле ал президент Садыр Жапаров инаугурациясынан кийин аппарат кызматкерлерин чогултуп, кечээ өкмөт мүчөлөрү менен жолугуп, баарын таза, так, жогорку жоопкерчилик менен иштөөгө чакырганын кошумчалады. Аны менен катар мамлекет башчы эгер кимде-ким мыйзам бузса түрмөгө жөнөтө турганын так кесе айтканын эскертти.

1056
Белгилер:
сот, жооп, кайрылуу, депутат, Анарбек Калматов
Тема боюнча
Ташиев жаңы өкмөт мүчөлөрү жаза басса люстрация кыларын убадалады
9 жылдан бери Жогорку Кеңешке кире элек экенмин. Ташиевдин толкунданган видеосу
Президент Садыр Жапаров Москвада Белгисиз жоокердин мүрзөсүнө гүлчамбар койду

Садыр Жапаров Москвада белгисиз жоокердин мүрзөсүнө гүлчамбар койду. Сүрөт

9
(жаңыланган 19:37 25.02.2021)
Делегация Улуу Ата Мекендик согушта курман болгондорго бир мүнөт эскерүү менен таазим кылып, андан соң оркестр Кыргызстандын гимнин жаңыртты.

БИШКЕК, 25-фев. — Sputnik. Кыргызстандын мамлекет башчысы Садыр Жапаров бүгүн, 25-февралда, Россия Федерациясына болгон эки күндүк иш сапарын жыйынтыктап, Кремль дубалынын жанындагы белгисиз жоокердин күмбөзүнө гүлчамбар койду. Бул тууралуу президенттин аппаратынан билдиришти.

  • Кыргызстандын мамлекет башчысы Садыр Жапаров бүгүн, 25-февралда, Россия Федерациясына болгон эки күндүк иш сапарын жыйынтыктап, Кремль дубалынын жанындагы белгисиз жоокердин күмбөзүнө гүлчамбар койду
    © Пресс-служба президента КР / Султан Досалиев
  • Бул тууралуу президенттин аппаратынан билдиришти
    © Пресс-служба президента КР / Султан Досалиев
  • Садыр Жапаров Улуу Ата Мекендик согушта курман болгондорго 1 мүнөт эскерүү менен таазим кылып, андан соң оркестр Кыргызстандын гимнин жаңыртты
    © Пресс-служба президента КР / Султан Досалиев
  • Делегация мүчөлөрү дагы белгисиз жоокердин мүрзөсүнө гүл коюшту
    © Пресс-служба президента КР / Султан Досалиев
  • Кыргыз Республикасынын Президенти Садыр Жапаров Россия Федерациясына болгон эки күндүк иш сапарын жыйынтыктап, Москва шаарындагы Кремль дубалынын алдындагы Белгисиз жоокердин күмбөзүнө гүлчамбар койду
    © Пресс-служба президента КР / Султан Досалиев
  • Кыргыз Республикасынын Президенти Садыр Жапаров Россия Федерациясына болгон эки күндүк иш сапарын жыйынтыктап, Москва шаарындагы Кремль дубалынын алдындагы Белгисиз жоокердин күмбөзүнө гүлчамбар койду
    © Пресс-служба президента КР / Султан Досалиев
  • Кыргыз Республикасынын Президенти Садыр Жапаров Россия Федерациясына болгон эки күндүк иш сапарын жыйынтыктап, Москва шаарындагы Кремль дубалынын алдындагы Белгисиз жоокердин күмбөзүнө гүлчамбар койду
    © Пресс-служба президента КР / Султан Досалиев
1 / 7
© Пресс-служба президента КР / Султан Досалиев
Кыргызстандын мамлекет башчысы Садыр Жапаров бүгүн, 25-февралда, Россия Федерациясына болгон эки күндүк иш сапарын жыйынтыктап, Кремль дубалынын жанындагы белгисиз жоокердин күмбөзүнө гүлчамбар койду

Садыр Жапаров Улуу Ата Мекендик согушта курман болгондорго 1 мүнөт эскерүү менен таазим кылып, андан соң оркестр Кыргызстандын гимнин жаңыртты.

Делегация мүчөлөрү дагы белгисиз жоокердин мүрзөсүнө гүл коюшту.

9
Белгилер:
сүрөт, мүрзө, жоокер, Россия, Садыр Жапаров
Тема:
Садыр Жапаровдун Россияга сапары
Тема боюнча
Кыргызстан президенти менен Россия өкмөтүнүн төрагасы Москвада эмнени талкуулады
АКШ Кыргызстандан үйрөнсүн. Мамдума төрагасы Жапаров менен жолуккан видео

АКШ Кыргызстандан үйрөнсүн. Мамдума төрагасы Жапаров менен жолуккан видео

75
Президент Садыр Жапаров Россиянын Мамлекеттик Думасынын төрагасы Вячеслав Володин менен жолугуп, парламент аралык мамилени талкуулады.

Володин бүгүнкү жолугушуу эки өлкөнүн мамилелеринин жаңы барактарын ачууга өбөлгө болоруна ишеним артты.

"Сиздин келишиңиз жана бүгүнкү жолугушуу өнүгүүнүн жаңы бийиктиктерине чыгууга, анын ичинде парламенттер аралык мамилелерди арттырат деген ниеттемин. Биз парламенттик кызматташуунун алкагындагы маселелерди талкуулап, сүйлөшөбүз", — деди Мамдума спикери.

Ошондой эле ал Садыр Жапаровду президент болуп шайланышы менен куттуктады.

"Биздин байкоочулар шайлоодо атаандаштык, ачыктык жана легитимдүүлүк жогорку деңгээлде болду деген пикирге келишти. Кыргызстандагы шайлоо АКШга караганда ачык өттү. Кошмо Штаттары ар дайым алардан үйрөнүү керектигин айтып келген, эми өздөрү сиздерден үйрөнүшү керек. АКШга караганда Кыргызстандагы шайлоого ишенсе болот", — деди Володин.

Аны менен катар Мамдуманын төрагасы март айынын аягында Жогорку Кеңештин төрагасы Талант Мамытов менен Душанбеде ЖККУнун Парламенттик ассамблеясынын кеңешинин алкагында жолугушаары пландалып жатканын кошумчалады.

Ал эми Жапаров жаңы чакырыктар менен коркунучтарга, анын ичинде вирус коркунучуна, ошондой эле эл аралык терроризм менен экстремизмге каршы күрөшүүдө жана коопсуздукту камсыз кылууда эки өлкөнүн парламенттеринин күч-аракетин бириктирүү маанилүү экенин белгиледи.

75
Белгилер:
Вячеслав Володин, Мамлекеттик Дума, Садыр Жапаров, Кыргызстан, Россия
Тема:
Садыр Жапаровдун Россияга сапары
Тема боюнча
Путиндин маалымат катчысы: Жапаровдун иш сапары мазмуну жагынан көлөмдүү
Президент Садыр Жапаровду Москва кантип тосуп алды. Видео