Жогорку Кеңештин депутаты Кубанычбек Жумалиев. Архив

Жапыкеев УКМКны алкап, Жумалиевдин сүрөтүн чыгарды

314
(жаңыланган 13:42 05.02.2021)
Жапыкеев коррупция менен күрөшүү накта башталганын айтып, УКМК депутаттын ишин ачык-айкын изилдешине ишеним артты.

БИШКЕК, 5-фев. — Sputnik. Экономикалык кылмыштарга каршы күрөшүү кызматынын жетекчиси Сыймык Жапыкеев Жогорку Кеңештин депутаты Кубанычбек Жумалиевди кармаганы үчүн УКМКны алкады.

Ал Facebook баракчасына духовкага чапталган депутаттын "Куран" китебин кармап турган сүрөтүнө өзүнүн сөөмөйүн кезеп турган сүрөтүн жүктөп, пост жазган.

Анда Жапыкеев УКМК коррупция жана өзгөчө оор, чоң мааниге ээ кылмыштарды иликтеп, аны менен күрөшөрүн, ал эми Финпол экономикалык кылмыштар менен күрөшөрүн түшүндүргөн. 

 “Финпол депутатка алы жетпесе да балдарын камаган, бирок алар да сот аркылуу чыгып кеткен. Бүгүн Жумалиевди АКС басыптыр, бир чети туура болду. УКМКнын мүмкүнчүлүгү көп, тергөө абагы бар, өздөрү ачык-айкын изилдешсин. Коррупция менен күрөшүү накта башталды. Молодцы УКМК!!! Достор, акыркы күндөрү мени жамандап ушак чыгаргандар көбөйдү. Чагымчылыкка алдырбай, тынч эле тура туралы.  Жумушка жабышкан жокпуз”, — деди Жапыкеев.

Ошондой эле ал Финпол жоюлбай калышы мүмкүн экенин кошумчалаган.

Белгилей кетсек, депутат Кубанычбек Жумалиев кечээ, 4-февралда, коррупцияга шектелип камалган. Ал эл аралык медициналык университетке лицензияны мыйзамыз алганы жана 78ге жакын кыймылсыз мүлктүн ээси экени аныкталган.

314
Белгилер:
сүрөт, финансы полициясы, УКМК, Кубанычбек Жумалиев, Сыймык Жапыкеев
Тема боюнча
Кубанычбек Жумалиев камакка алынды
Сыймык Жапыкеев: Финполду жойгону жатышат
Финпол Жумалиевдин эки уулун кармап, алардын компанияларын тинтип жатат

Алдына 4 "чычкан" чогултуп. Референдум дайындоого добуш берген депутаттардын видеосу

1208
Бүгүн ЖК депутаттары жаңы Конституциянын долбоору боюнча референдум дайындоо демилгесин биринчи окууда колдоп берди. Өлкөнүн маанилүү документи каралып жатканына карабай бир эле депутат төрт кесиптешинин ордуна добуш берди.

Алгач Дастан Бекешев жок депутаттардын ноутбугун өчүрүүнү талап кылды, бирок андай болгон жок. Аңгыча эле Самат Исманов алдына төрт ноутбуктун "мышкасын" чогултуп жатканы көзгө урунду. Аны менен катар Акылбек Жапаров дагы төрт депутат үчүн добуш берди. Натыйжада 87 макул, 9 каршы добуш менен демилге колдоо тапты. Баса, УКМКнын тергөө абагында жаткан депутат Дүйшөн Төрөкулов да "макул" деген добуш бергени айкын болду. Анын ордуна ким кнопка басканы белгисиз.

Долбоор экинчи-үчүнчү окуудан дагы колдоо тапса, президентке жөнөтүлөт. Ал кол койгондон кийин жалпы элдик добуш берүү дайындалат. Референдумду жергиликтүү кеңештердин шайлоосу менен кошо 11-апрелде өткөрүү сунушталууда.

1208
Белгилер:
добуш берүү, дайындоо, референдум, депутаттар, Жогорку Кеңеш
Тема:
Жаңы Конституциянын долбоору жана референдум
Тема боюнча
Референдум дайындоого кайсы депутат кандай добуш берди. Тизме
Жерде, түрмөдө жаткан депутаттар кантип кол койду? Момбековдун ачууланган видеосу
Премьер-министр Улукбек Марипов Кытайдын Кыргызстандагы элчиси Ду Дэвэнь менен жолугушуу учурунда

Марипов Кытай элчиси менен авиакаттам, вакцина, жүк ташуу тууралуу сүйлөштү

115
(жаңыланган 17:38 03.03.2021)
Элчи Ду Дэвень Кытай өкмөтү Кыргызстанга COVID-19 менен күрөшүүгө багытталган кезектеги гумжардам жөнөтүү чечимин кабыл алганын билдирди.

БИШКЕК, 3-мар. — Sputnik. Кытай Кыргызстандын ишенимдүү өнөктөшү. Мындан улам достук мамиленин өнүгүшүнө чоң маани берилет. Бул тууралуу премьер-министр Улукбек Марипов билдиргенин өкмөттөн кабарлашты.

  • Чрезвычайный и полномочный посол Китая в Кыргызстане Ду Дэвэнь
    Кытай Кыргызстандын ишенимдүү өнөктөшү. Мындан улам достук мамиленин өнүгүшүнө чоң маани берилет. Бул тууралуу премьер-министр Улукбек Марипов билдиргенин өкмөттөн кабарлашты.
    © Пресс-служба правительства / Алишер Алиев
  • Премьер-министр Улукбек Марипов во время встречи с чрезвычайным и полномочным послом Китая в Кыргызстане Ду Дэвэнь
    Маалыматка караганда, Марипов Кытайдын Кыргызстандагы элчиси Ду Дэвэнь менен жолуккан. Өкмөт башчы Кытай тарапка коронавируска каршы күрөшүүдө көрсөткөн колдоосу үчүн ыраазычылык билдирди.
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Кытай Кыргызстандын ишенимдүү өнөктөшү. Мындан улам достук мамиленин өнүгүшүнө чоң маани берилет. Бул тууралуу премьер-министр Улукбек Марипов билдиргенин өкмөттөн кабарлашты.

Маалыматка караганда, Марипов Кытайдын Кыргызстандагы элчиси Ду Дэвэнь менен жолуккан. Өкмөт башчы Кытай тарапка коронавируска каршы күрөшүүдө көрсөткөн колдоосу үчүн ыраазычылык билдирди.

Кыргызстандын президенти Садыр Жапаров
© Пресс-служба президента КР / Султан Досалиев
Ал эми элчи Ду Дэвень Кытай өкмөтү Кыргызстанга COVID-19 менен күрөшүүгө багытталган кезектеги гумжардам жөнөтүү чечимин кабыл алганын жана жүк жакынкы күндөрү келерин айтты.

Тараптар соода-экономикалык кызматташуу, коронавируска каршы кытай вакцинасын бекер алуу, "Торугарт" менен "Эркечтам" постундагы жүк өткөрүүнү көбөйтүү маселелерин дагы талкуулашкан.

Мындан сырткары, өкмөт башчы менен элчи эки өлкө ортосундагы авиакаттамдарды жандантуу мүмкүнчүлүгүн дагы сүйлөшүшкөн.

115
Белгилер:
коронавирус, өкмөт, Кытай, Кыргызстан
Тема боюнча
Кытай Кыргызстанга коронавируска каршы вакцина алып берет
Си Цзиньпин кесиптеши Садыр Жапаровду Кытайга чакырды
Партктагы гүлдөр. Архив

Бейшембиге карата аба ырайы

0
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

0
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео