Премьер-министр Улукбек Марипов Жогорку Кеңештин жыйынында. Архив

Жаңы өкмөт элди "жакырчылыктын тузагынан" чыгарууну убадалады. Программа

951
(жаңыланган 13:28 06.02.2021)
Кыргызстан экономикалык өсүү жагынан КМШ өлкөлөрүнүн ичинен эң артта калганы белгиленет. Буга пандемиянын эле кесепети эмес, экономикалык моделдин, башкаруу системасынын эффективдүү болбогону да таасир тийгизгени айтылган.

БИШКЕК, 6-фев. — Sputnik. Жогорку Кеңештин сайтына жаңы түзүлгөн өкмөттүн программасы жарыяланды.

Ал программа "Чыныгы максаттар, жаңы багыттар" деп аталат. Ал эми өкмөттүн өткөөл мезгилдеги башкы милдети – Кыргызстанды өнүктүрүү жана чоң өзгөрүүлөргө баруу үчүн пайдубалды түптөө менен негизги багыттарды аныктоо болору белгиленет.

"Өкмөт учурдагы түзүлгөн кырдаалды "жакырчылыктын тузагынан" чыгуу жана туруктуу өнүгүү жолуна түшүү үчүн эң жакшы мүмкүнчүлүк катары кабыл алат", — деп жазылган программада.

Өлкө экономикасынын учурдагы абалы КМШ өлкөлөрүнөн эң артта калган

Акыркы он жылдыкта Кыргызстандын экономикасы жылына 3,5тен 4 пайызга чейинки өсүштү көрсөтүп жатты. Бул региондогу эң төмөн көрсөткүч. Дүйнөлүк банк менен Эл аралык валюта фондунун маалыматтарына ылайык, коңшулаш Тажикстанда 6,5, Өзбекстанда 8, Түркмөнстанда 9,5 пайыз өсүү болгон.

Ал эми 2020-жылы биздин ички дүң продукциянын (ИДП) төмөндөшү 8,1 пайызды түздү, бул КМШ мамлекеттеринин ичиндеги эң олуттуу төмөндөө.

Бюджеттин дефицити 30 миллиард сомго жакын, ал эми түз инвестициялардын келиши өткөн жылдын 9 айында 30 пайызга кыскарган.

Мындай цифралар жалаң эле пандемиянын кесепети эмес, биздеги экономикалык моделдин, башкаруу системасынын эффективдүү эмес экендигинен дагы кабар берет.

Өкмөттүн алдыга койгон максаттары:

  • Ички дүң продукциянын көлөмүн көбөйтүү;
  • Жакырчылыктын деңгээлин кыскартуу жана ар бир үй-бүлөнүн кирешесин көбөйтүү;
  • Орточо эмгек акыны жана пенсияны көтөрүү;
  • Ар бир кыргызстандыктын сапаттуу билим алуусун, медициналык тейленүүсүн камсыздоо жана калктын жашоо узактыгын узартуу;
  • Азык-түлүк коопсуздугун толук камсыздоо;
  • Инвестициялык климатты жакшыртуу жана кичи, орто бизнес үчүн ыңгайлуу чөйрө түзүү;
  • Аймактардын өнүгүүсүндөгү айырманы кыскартуу;
  • Өлкөбүздө ыңгайлуу инфраструктура жана коммуникацияларды түзүү.

Стратегиялык милдеттери

  • Мамлекеттүүлүктү жана көз карандысыздыкты чыңдоо;
  • Мамлекеттин комплекстүү коопсуздугун камсыз кылуу;
  • Калктын жашоо сапатын жана бакубаттуулук деңгээлин жогорулатуу.

Жаңы башкаруу кандай натыйжа берет?

Өлкөдө башкаруу системасынын реформасы башталды. Анын негизинде ыйгарым укуктарды жана жоопкерчиликти так бөлүштүрүү жатат. Демек, өкмөт туруктуу жана чечимдерди кабыл алуунун бир борбору болот.

Өкмөттүн түзүмү компакттуу болуп, ар кандай маселелерге ыкчам жооп бере алат. Министрликтер жана ведомстволор кыскартуунун жана функцияларды кайрадан бөлүштүрүүнүн эсебинен бириктирилет. Башкаруу түзүмүн оптималдаштыруу ашыкча чыгымдарды кыскартат. Улуттук кадрлар резерви түзүлөт.

Мамлекеттик башкаруу тутумун санариптештирүү тездикте жүрөт. Беш жыл ичинде күбөлөндүрүүчү жана маалымдама документтерди берүү боюнча мамлекеттик кызмат көрсөтүүлөр электрондук форматка которулат.

951
Белгилер:
башкаруу, жакырчылык, экономика, программа, өкмөт
Тема боюнча
Марипов: биздикилер Грузиянын тажрыйбасын үйрөнөбүз деп бара берип тажатыптыр
Марипов Сурабалдиева, Токтогазиевдер эмнеге өкмөткө кирбегенин айтты. Видео
Жогорку Кеңештин депутаты Каныбек Иманалиев. Архив

Иманалиев: негизги эки документ жок, Конституция долбоорун карай албайбыз

38
(жаңыланган 12:10 03.03.2021)
Эл өкүлүнүн айтымында, долбоорду кароого негиз болчу эки документ жок, мындан улам регламент боюнча кароого парламенттин укугу да жок.

БИШКЕК, 3-мар. — Sputnik. Жогорку Кеңештин депутаты Каныбек Иманалиев Конституциянын долбоорун жана референдум дайындоого негиз жок экенин айтты.

Анын айтымында, долбоорду кароого негиз болчу эки документ жок, мындан улам регламент боюнча кароого парламент укуктуу эмес.

"Сөз жок, керектүү эң негизги документ жок экен. Мындай жагдайда сөзсүз түрдө Конституциялык палатанын корутундусу керек. Экинчиден, "ооба, референдум өткөрүүгө өкмөт макул, мынча каражат керек" деген өкмөттүн корутундусу зарыл", — деди эл өкүлү.

Андан соң өкмөттүн парламенттеги өкүлү Алмасбек Абытов өкмөттүн оң корутундусу бар экенин айтып, референдум өткөрүүгө 60 миллион сом керектелерин билдирди.

Иманалиев мындай корутунду депутаттарга берилбегенине нааразы болду.

38
Белгилер:
документ, Жогорку Кеңеш, долбоор, кароо, конституция
Тема:
Жаңы Конституциянын долбоору жана референдум
Тема боюнча
ЖКда Конституциянын автору делген депутаттардын атын ачыктоо талап кылынды
Жогорку Кеңеш жаңы Конституциянын долбоорун талкуулап жатат. Түз эфир
Мамытов Конституция долбоорун талкуулабай, референдум дайындоого чакырды
 Жогорку Кеңештин төрагасы Талант Мамытов. Архив

Мамытов Конституция долбоорун талкуулабай, референдум дайындоого чакырды

46
(жаңыланган 11:46 03.03.2021)
Спикер депутаттар суроо берген сайын азыркы каралып жаткан долбоор талкууга жатпай турганын эскертип жатат.

БИШКЕК, 3-мар. — Sputnik. Жогорку Кеңештин төрагасы Талант Мамытов депутаттарга жаңы Конституциянын долбоорун талкуулабай, референдумду дайындоо керектигин эскертти.

"Кыргыз Республикасынын Конституциясы жөнүндө" Кыргыз Республикасынын мыйзам долбоору боюнча референдумду (бүткүл элдик добуш берүүнү) дайындоо тууралуу" мыйзамдын долбоору жалпы жыйында каралып жатат.

Анда депутаттар жаңы Баш мыйзамдын долбоорунун мүчүлүштүктөрүн айтып, оңдоону талап кылышкан.

"Долбоорду Конституциялык кеңешме жазып чыккан, азыр парламент референдумду гана дайындашы керек. Андыктан Баш мыйзамдын долбоорун талкуулабай, референдум дайындоону карайлы", — деди Мамытов.

Спикер депутаттар суроо берген сайын азыркы каралып жаткан долбоор талкууга жатпай турганын эскертип жатат.

46
Белгилер:
Талант Мамытов, Жогорку Кеңеш, долбоор, кароо, конституция
Тема:
Жаңы Конституциянын долбоору жана референдум
Тема боюнча
Касымалиева Конституциянын долбоорун чачы таралбаган адамга салыштырды. Видео
ЖКда Конституциянын автору делген депутаттардын атын ачыктоо талап кылынды
ЖКнын тармактык комитети жаңы Конституциянын долбоорун жактырды
Кара-Кече көмүр шахтасы. Архив

Кара-Кечеден көмүр ташыган айдоочулардын ар биринен акча алгандар кармалды

0
(жаңыланган 12:32 03.03.2021)
Учурда Коррупцияга каршы күрөшүү кызматы тарабынан мамлекетке келтирилген зыяндын ордун толтуруу, ошондой эле аталган кылмышка тиешеси бар башка кызмат адамдарын аныктоо боюнча иштер уланып жатат.

БИШКЕК, 3-мар. — Sputnik. "Кыргыз көмүр" мамлекеттик ишканасынын "Кара-Кече" филиалынын кызматкерлери менен Транспорт жана жолдор министрлигинин алдындагы "Турускул" салмактык-габариттик көзөмөл пунктунун инспекторлору кармалды. Бул тууралуу УКМКдан билдиришти.

Колго түшкөндөр Кылмыш-жаза кодексинин 319-беренеси боюнча коррупцияга шектелип жатат.

Улуттук коопсуздук мамлекеттик комитетинен билдиришкендей, "Кара-Кече" филиалынын кызматкерлери көмүрдү тоскоолдуксуз жүктөп кетүү үчүн ар бир айдоочудан 1000 сомдон алып турушкан.

"Статистикалык маалыматтарга ылайык, 2019-2020-жылытуу мезгилине карата Бишкек шаарындагы ЖЭБге 15 376 жүк ташуучу унаага көмүр жүктөлгөн. Ал эми 2020-2021-жылытуу мезгилинде унаалардын саны 22 199ду түзгөн. Натыйжада "Кыргыз көмүрдүн" кызматкерлери эки жылытуу мезгилинде негизсиз алган каражаттын көлөмү 37 миллион сомдон ашкан", — деп айтылат маалыматта.

Ушундай эле схема "Турускул" салмак-габариттик көзөмөлдөө инспекторлору тарабынан уюштурулганы аныкталды.

"Көмүрдү уруксат берилген көлөмдөн ашык жүктөп өтүү үчүн ар бир айдоочудан 500 сомдон алып турушкан", — дешти УКМКдан.

Ыкчам-тергөө иш-чараларынын натыйжасында "Кыргыз көмүр" мамлекеттик ишканасынын эки кызматкери жана "Турускул" салмак-габариттик көзөмөл пунктунун эки инспектору кармалып, Нарын шаардык ИИБдин убактылуу кармоочу жайына киргизилди.

Учурда Коррупцияга каршы күрөшүү кызматы тарабынан мамлекетке келтирилген зыяндын ордун толтуруу, ошондой эле аталган кылмышка тиешеси бар башка кызмат адамдарын аныктоо боюнча ыкчам-иликтөө иш-чаралары улантылып жатат.

0
Белгилер:
УКМК, коррупция, инспектор, айдоочу, көмүр, Кара-Кече
Тема боюнча
Финпол: "Караван" соода борборунун аянтчалары ижарага ит бекер берилип турган
Прокуратура: министрлик пандемияда 3,5 млн. сомго керексиз дары сатып алган