Президент Садыр Жапаров

Жапаров кабинетке анын эмес, Раззаков сыяктуу чыгаандардын сүрөтүн илүүгө чакырды

320
(жаңыланган 16:07 08.02.2021)
Кыргызстандын мамлекет башчысы өлкө жарандарынын жашоо шартын мыкты деңгээлге көтөрүү үчүн азырынча бир дагы иш жасай электигин айткан.

БИШКЕК, 8-фев. — Sputnik. Президент Садыр Жапаров мамлекеттик кызматкерлерди кабинетине анын эмес, чыгаан саясатчылардын сүрөтүн илип алууга чакырды. Бул тууралуу мамлекет башчынын маалымат катчысы Галина Байтерек билдирди.

Ал бүгүнкү күнгө чейин мамлекеттик структураларда иштегендер элдин биримдиги менен мамлекеттик бийликти элестеткен президенттин сүрөтүн кабинеттерине жана имараттарга илип келишкенин белгилеген.

"Президент Садыр Жапаров азырынча жарандардын жашоо шартын мыкты деңгээлге чыгарууга эч нерсе жасай элекмин деп эсептейт. Ошол себептен ал бардык мамлекеттик бийлик органдарына кабинеттерге жана административдик имараттарга анын сүрөтүн илбей эле коюуну сунуштады", — деди Байтерек.

Ошондой эле президент Жусуп Абдрахманов жана Исхак Раззаков сыяктуу мамлекеттин түптөлүшүнө чоң салымын кошкон чыгаан ишмерлердин сүрөтүн илүү максатка ылайык экенин кошумчалаган. 

320
Белгилер:
бийлик, сүрөт, Садыр Жапаров
Тема боюнча
Экономика оор абалда... Жапаров менен Марипов өлкөнү өнүктүрүүнү талкуулашты
Президент Садыр Жапаров. Архив

Жапаров бош убактысында эмне менен алектенерин айтты

35
(жаңыланган 16:33 01.03.2021)
Журналист Жапаровдун хоббиси тууралуу суроо узатып, КР президенти чоң тенниске кызыгарын айткан.

БИШКЕК, 1-мар. — Sputnik. Бош убактым болуп калса эле бассейнге барам. Бул тууралуу президент Садыр Жапаров "Казинформ" маалымат агенттигине берген маегинде айткан.

Журналист ага "Сиздин убактыңыз чектелүү, тар экенин түшүнөбүз. Ошентсе да Кыргызстандын президенти бош убактысында эмне менен алектенет?" деген суроо узаткан.

"Чынын айтсам, бош убактым жок. Маалымат катчым менен кеңешчимди "мага бош убакыт бербей жатасыңар" деп урушуп жатам. Бирок убакыт болору менен бассейнге барам. Азырынча ошол жакка гана барып жатам. Кудай буюрса, күн жылып калса футбол жана чоң теннис ойнойм. Бирок бош убакыт дээрлик жокко эсе", — деген Жапаров.

Маектин соңунда Жапаров казак калкы Кыргызстанга караганда бир топ жыл алдыга кеткенин айтып, бир тууган элдин ортосундагы ынтымактын бекем болушуна тилектеш экенин билдирген.

35
Белгилер:
хобби, маек, Садыр Жапаров, Казакстан, Кыргызстан
Тема:
Жапаровдун Казакстанга болгон иш сапары
Тема боюнча
Ислам Каримовду утуп алган Эмомали Рахмон. КМШ президенттеринин хоббиси
Жапаров: парламенттик шайлоо күзүндө өтөт
Жогорку Кеңештин имараты. Архивдик сүрөт

Жапаров: парламенттик шайлоо күзүндө өтөт

83
(жаңыланган 16:12 01.03.2021)
Мамлекет башчы Кыргызстан боюнча 300 үй-бүлө байып, калганы жакырланып кеткенин айтып, мындан ары мыйзам президенттен кетмен чапкан адамга чейин бирдей болорун убадалады.

БИШКЕК, 1-мар. — Sputnik. Кыргызстанда күзүндө парламенттик шайлоо болот, баарын таза өткөрөбүз. Бул тууралуу өлкө президенти Садыр Жапаров "Казинформ" агенттигине маек куруп жатып билдирди.

Журналист мамлекет башчысына "Биз кыргыз ЖМКлары менен интернет баракчаларын окуп турабыз. Көпчүлүк сизди катаал жетекчи катары сыпатташат. Бул эмнеге байланыштуу деп ойлойсуз?" деген суроо узатты.

"Сырттан караганда катаал көрүнүшүм мүмкүн, бирок өзүм жумшак адаммын. Сурооңуздун төркүнүн түшүнүп турам. Бүгүнкү күндө бизде бардык сферада мыйзамдар иштеп жатат. Мурдагы жетекчилер, министрлер, чоң аткаминерлер камалууда. Ошол себептен дагы катаал жетекчи дешсе керек. Мурда иштеп кеткенине же азыр иштеп жатканына карабастан күнөөсү болсо жетекчилер кылган ишине жараша жазасын алсын деп жатам. Тийиштүү тараптарга эгер жалган жалаа жаап, камап коё турган болсоңор өзүңөр жоопкерчиликке тартыласыңар деп айтам", — деди Жапаров.

Ал ошондой эле Кыргызстанда 30 жылдан бери коррупция гүлдөп өскөнүн белгилеген.

"Кыргызстан боюнча 300 үй-бүлө байып, калганы жакырланып кеткен. Ошонун айынан бизде үчүнчү революция болду. Экинчи себеби — адилетсиз шайлоолор. Биз мурдагылардын катасын кайталаган жокпуз. Жакында жергиликтүү шайлоо, референдум өтөт, күзүндө парламенттик шайлоо болот, баарын таза өткөрөбүз. Мыйзам менден баштап кетмен чапкан дыйканга чейин бирдей болушу керек", — деди президент.

Ал ошондой эле 30 жылдан бери чирип калган системаны жипке тизгендей алып кетүү үчүн 2-3 жыл керектигин кошумчалаган.

83
Белгилер:
Казакстан, президент, Садыр Жапаров, Кыргызстан
Тема боюнча
Шайлообек Атазов менен Бурун Аманова Жогорку Кеңешке депутат болуп келет
Жогорку Кеңеште Конституциянын жаңы долбоору талкууланууда
COVID-19 менен ооругандарды дарылоо үчүн оорукананын жандандыруу бөлүмүндөгү палатасы. Архив

Коронавирус сифилис, сарык, бруцеллез, ичеги-карын ооруларын азайтты. Статистика

4
(жаңыланган 16:55 01.03.2021)
Былтыр кыргызстандыктар коронавирус инфекциясынан коргоном деп тазалыкты сактоо менен башка жугуштуу оорулардын санын азайта алды.

Саламаттык сактоо жана социалдык өнүктүрүү министрлигинин Ооруларды алдын алуу мамлекеттик санитардык эпидемиологиялык көзөмөлдөө департаменти Sputnik Кыргызстан маалымат агенттигинин сурамына жооп берип, 2019-2020-жылдардагы жугуштуу оорулардын статистикалык айырмачылыгын айтып берди.

2020-жылы республикада жалпысынан 313 576 жугуштуу жана паразитардык оору катталган. Анын ичинен 60,7 пайызын сасык тумоо жана курч респиратордук вирустук инфекциялар түзөт. Былтыр 2019-жылга салыштырмалуу 22 оорунун түрүнүн төмөндөшү байкалган.

Маселен, курч кармаган ичеги-карын оорулары үч эсеге аз катталган. Тагыраагы, 2019-жылы көрсөткүч 32 866 болсо, 2020-жылы 11 041 болгон.

Сарык оорусу (вирустук гепатиттин түрлөрү) жалпысынан 55,4 пайызга төмөндөгөн. 2019-жылы 10 579 кишиде оору аныкталса, 2019-жылы 4 805 учур катталган. Вирустук гепатиттин 96,8 пайызын А түрү түзөт.

Жугуштуу жана паразитардык оорулар, анын ичинен курч ичеги-карын илдеттери, вирустук гепатиттин А түрү колду таза жуубагандыктан, кир буюмдардан, жашылча-жемиштерден жугары белгиленет. Ал эми сасык тумоо жана курч респиратордук вирустук инфекциялар коронавирус сыяктуу аба тамчысы аркылуу жугат.

"2020-жылы коронавирус пандемиясына байланыштуу киргизилген карантиндик чаралар, ошондой эле калк арасында санитардык-гигиеналык талаптардын так аткарылышы, башкача айтканда, бет кап тагынуу, социалдык аралыкты сактоо, колду жууп туруу, антисептик колдонуу жана онлайн окуу жугуштуу оорулардын төмөндөшүнүн бирден-бир себеби болуп саналат", — деп билдирди департамент.

Мекеме жугуштуу ооруларды алдын алуу жана жайылтпоо үчүн иш-чаралар уланып жатканын белгиледи.

Мындан тышкары, коронавирустун фонунда азайган жугуштуу жана паразитардык оорулардын катарында бруцеллез (34,8 пайызга төмөндөгөн), эхинококкоз (34 пайыз), туберкулез (31,4 пайыз), сифилис (31,2 пайыз), котур (27,8), ВИЧ-инфекция (22 пайыз), гонорея (16,6 пайыз) бар.

Ошондой эле паротит (свинка) 11,5 эсеге, сальмонеллез 3,9 эсеге, көк жөтөл 4,5 эсеге, кызылча 3,3 эсеге, менингит 3 эсеге азайган.

Ал эми былтыр кара келте (паратиф), кептөөр (дифтерия), кутурма, кызамык, безгек (малярия) вирустук гепатиттин Е жана Д түрлөрү дээрлик катталган эмес.

4
Белгилер:
гепатит, сасык тумоо, жугуштуу инфекция, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Спираль койдуруу рак оорусун чакырабы? Акушер-гинеколог менен маек
Уролог: сүннөттөн жабыркаган баланын интимдик жашоосу трагедияга айланышы мүмкүн
Уролог Усупбаев: жыныс оорулары күчөдү, генофонд коркунучта!