Бишкек мэриясы. Архив

Түлөбаевдин ордуна келген Нургазиев мэрия жамаатына тааныштырылды

149
(жаңыланган 10:25 09.02.2021)
Бакиров Нургазиев боюнча маалымат берип жатып, анын эки жогорку билими бар экенин билдирди. Ал 1994-жылы Ош мамлекеттик университетин аяктаган.

БИШКЕК, 9 фев — Sputnik. Бишкекте жаңы мэрдин милдетин аткаруучу Эрмек Нургазиев бүгүн муниципалитеттин жамаатына тааныштырылды.

Өкмөттүн аппаратында уюштуруу-инспектордук иштер жана аймактык өнүктүрүү бөлүмүнүн башчысынын орун басары Жетиген Бакиров мэриянын жыйынында Нургазиев аталган кызматка өкмөт башчы Улукбек Мариповдун чечими менен убактылуу келгенин айтты.

Тагыраагы, ал бул орунда 11-апрелде Бишкек шаардык кеңештин шайлоосун өткөргөнгө чейин болот.

Ошол эле учурда ал Балбак Түлөбаев кызматтан кетип жатканын айтты.

Бакиров Нургазиев боюнча маалымат берип жатып, анын эки жогорку билими бар экенин билдирди. Ал 1994-жылы Ош мамлекеттик университетин аяктаган. Андан соң Кыргыз улуттук университетинде "финансы жана кредит" адистигин, 2010-2011-жылдары КР президентине караштуу башкаруу академиясынын магистратурасын бүтүргөн.

"Ал көп жыл ишкерлик менен алектенип жеке ишкер болгон. Акыркы жумушу — "Эмма Строй" ишканасынын директору. Мындан сырткары, Нургазиев кайрымдуулук иштери менен алектенип, үлүшчүлөргө жардам берген. Ал тууралуу жакшы пикирлер көп. Жамаат ага колдоо көрсөтүшү керек. Тажрыйбалуу, шаарга пайда алып келет деп ишенебиз", — деди Бакиров.

Өкмөттүн өкүлү Нургазиев шаар коронавирус менен күрөштү улантууну токтотпошу керектигин белгилеген.

Эске салсак, Нургазиев 2020-жылдын 4-октябрында өткөн парламенттик шайлоодо "Кыргызстан" партиясынан талапкер болгон. Бирок өлкөдө шайлоодон кийин башаламандык болуп, бийлик алмашып, шайлоонун жыйынтыгы жокко чыгарылган.

Балбак Түлөбаев шаарды 2020-жылдын октябрь айынан бери убактылуу башкарып келе жаткан.

149
Белгилер:
Эрмек Нургазиев, Балбак Түлөбаев, кызмат, Бишкек мэриясы, Бишкек
Тема боюнча
Балбак Түлөбаевдин башка ишке кетип жатканы маалым болуп, ордуна ким келери айтылды
Президент Садыр Жапаров жана Россиянын президенти Владимир Путин Кремлдеги жолугушуу учурунда

Садыр Жапаровдун чет өлкөгө жасаган биринчи сапарынын жыйынтыгы. Сереп

200
(жаңыланган 00:30 26.02.2021)
Президент Садыр Жапаровдун чет өлкөгө жасаган биринчи иш сапары жыйынтыкталды. Материалдан жолугушуулардын урунттуу учурларын окуңуздар.

Садыр Жапаров Бишкектен Москвага 24-февралда учуп кеткен. Делегация дээрлик чоң эле болду. Курамына президенттин аппаратынын жетекчиси, эки вице-премьер, жети министр, эки ведомствонун жетекчилери жана Бишкек шаарынын мэринин милдетин аткаруучу дагы кирди.

Жапаров Россияга учуп кетер алдында Кыргызстан менен Россиянын өз ара мамилелери жана байланыштары жөнүндө "Союздук байланыштар" аттуу макаласын жарыялады. Анда мамлекет башчы тарыхта кыргыз-орус элинин алысташына өбөлгө түзгөн көйгөй жаралбагандыгын белгилеген.

Кийин Россиянын ири маалымат агенттиктеринин бири болгон РИА Новостиге орус-кыргыз мамилесинин абалын, кызматташууда биринчи басым эмнеге жасала тургандыгын айтып берген.

Пандемияга байланыштуу сапар расмий эмес, жумушчу болду. Мындан улам Москванын аэропортунда оркестр жана башка шаан-шөкөт уюштурулган жок.

Кремлден белгилешкендей, жумушчу сапардын программасы мазмундуу болду. Садыр Жапаров Москвага учуп келери менен Россиянын президенти, андан соң Татарстандын башчысы менен жолукту. Кийинки күнгө Россия парламентинин эки палатасынын төрагалары жана өкмөт башчысы менен жолугушуу пландалган.

Бул иш сапар Кыргызстандын жетекчилиги үчүн башкы өнөктөштүн ишенимине кирип, жакшы байланыш түзүүгө жол ачты. Ал эми Россияга алдыда ким менен иштешерин билүүгө мүмкүнчүлүк жаралды.

Владимир Путин

Россиянын лидери эки мамлекет достук гана эмес, союздук мамиле түзө алганын белгиледи. Ал ошондой эле Россия Кыргызстандагы ички саясий кырдаалын жөнгө саларына үмүт артарын айтты.

Пандемия боюнча дагы маселе козголду. Путин Россия Кыргызстанга буга чейин жардам берип келгенин, мындан ары дагы колдоо көрсөтүү үчүн болгон аракетин жасай турганын билдирди. РФ президенти КР өкмөтүнүн вирусту ооздуктоого күчү жетип жатканын канааттануу менен белгиледи. Путин эки өлкөнүн эриш-аркак жылына пандемия жолтоо болгонун эске салып, абал жакшырса орду толтуруларын айтты.

РФ лидери Кыргызстандын Конституциясына киргизилгени жаткан өзгөртүүлөр боюнча дагы кеп козгоду. Ал алдыга коюлган пландар республикадагы кырдаалды турукташтырып, КРдин өнүгүүсүнө шарт түзүп, Россия менен байланышты бекемдээрине үмүт кыларын билдирди. Мындан сырткары, ал Кыргызстан орус тилинин расмий статусун Конституцияда сактаганы Россия үчүн дагы, кыргызстандыктар үчүн дагы маанилүү экенин кошумчалаган.

Ал эми Садыр Жапаров өтө кыйын болуп турган мезгилде жана пандемия учурундагы көрсөткөн колдоого өзгөчө ыраазычылыгын билдирди. Ошондой эле ЕАЭБ, КМШ, ЖККУ жана ШКУнун алкагында кызматташуу ниетинде экенин айтты. Ал ошондой эле коронавируска каршы россиялык вакцинанын майнаптуулугун жана коопсуздугун дүйнө коомчулугу таанып жаткандыгын белгилеп, жакынкы арада Кыргызстан дагы эмдөө кампаниясын баштайт деген үмүттө экенин кошумчалады.

Рустам Минниханов

Андан кийин Жапаров Татарстандын президенти Рустам Минниханов менен жолукту. Жолугушуу таанышуу мүнөздө өттү. Президенттер эки элдин ортосундагы экономикалык жана маданий байланышты күчөтүү зарылдыгын айтышты.

Президент Кыргызстана Садыр Жапаров во время встречи с президентом Татарстана Рустамом Миннихановым в рамках визита в РФ
© Пресс-служба президента КР / Султан Досалиев
Андан кийин Жапаров Татарстандын президенти Рустам Минниханов менен жолукту

Парламенттик деңгээл

Кийинки күнү Жапаров Федералдык кеңештин (парламенттин жогорку палатасы) төрайымы Валентина Матвиенко менен көрүштү. Анда кыргыз-орус кызматташтыгы тууралуу пикир алышуу болду. Матвиенко Жапаровдун чет өлкөгө жасаган алгачкы эле сапарында Россияга келишин эки мамлекеттин мамилеси жогорку деңгээлде экенин айгинелегенин белгиледи. Путин сыяктуу ал дагы Кыргызстанда орус тилинин расмий макамынын сакталышынын маанилүүлүгүн айтты.

Ага чейин Кыргызстандын өлкө башчысы Россиянын Мамлекеттик Думасынын (парламенттин төмөнкү палатасы) төрагасы Вячеслав Володин менен жолуккан. Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан. Володин ошондой эле Кыргызстанда жакында эле өткөн президенттик шайлоо тууралуу кеп салып, АКШдагы шайлоого караганда бир кыйла ачык өткөнүн айтты.

Михаил Мишустин

Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү. Россия өкмөтүнүн башчысы эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин айтты.

Өз кезегинде Жапаров пандемия учурунда гуманитардык, каржылык жана техникалык жардам көрсөткөн колдоосу үчүн Россия өкмөтүнө ыраазычылыгын билдирди. Ошондой эле эки мамлекеттин ортосундагы бардык потенциалды толук ачып берүүгө умтулаарын кошумчалады.

Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
© Пресс-служба президента КР / Султан Досалиев
Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү

Мигранттар менен жолугушуу

Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти. Ал мигранттардын Кыргызстандын экономикасына кошкон салымы чоң экенин белгилеп, аларды мекенге кайтаруу үчүн шарт түзүүгө убада берди.

Президент сүйлөп жатып, үй ээлери салык төлөөдөн качып мигранттарды каттоодон баш тартышаарын, мындан улам келип чыккан миграциялык каттоонун көйгөйү жөнүндө билерин айтты. Президент маселени чечүү жолдорун да атады.

Кыргызстанцы проживающие в России на встрече с президентом КР в рамках его рабочего визита в РФ
© Пресс-служба президента КР / Султан Досалиев
Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти

Россиянын бизнес өкүлдөрү менен жолугушуу

Россиядан инвестиция алып келүү иш сапардын маанилүү милдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты. Президент ишкерлерди тигүү, айыл чарба продукцияларын кайра иштетүү, логистикалык борборлорду куруу сыяктуу тармактарга каражат салууга чакырды.

 Президент Кыргызстана Садыр Жапаров встретился с представителями крупного российского бизнеса в Москве в рамках своего визита в РФ
© Пресс-служба президента КР / Султан Досалиев
Россиядан инвестиция алып келүү иш сапардын маанилүү млдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты

Жыйында болгон сүйлөшүүлөр тууралуу конкреттүү маалыматтар айтылган жок. Деген менен президент жана өкмөт мүчөлөрү россиялык ишкерлердин суроолоруна жооп берди.

Эки күндүк иш сапардын соңунда кыргызстандык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү.

Президент Кыргызской Республики Садыр Жапаров возложил венок к могиле неизвестного солдата у Кремлевской стены в городе Москва. 25 февраля 2021 года
© Пресс-служба президента КР / Султан Досалиев
Эки күндүк иш сапардын соңунда кыргызстадык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү

Кандай документтерге кол коюлду?

Иш сапардын аякташы менен Кыргызстандын тышкы иштер министри Руслан Казакбаев кесиптеши Сергей Лавров менен жолукту. Алар төрт документке кол коюшту:

  • КР өкмөтү менен РФ өкмөтүнүн ортосундагы Кыргызстандагы идентификациялоо каражаттары менен товарларды маркировкалоо системасын түзүү максатында Россия тарабынан Кыргызстанга кайтарылгыс техникалык жардам көрсөтүү жөнүндө макулдашуу;
  • КР Коргоо министрлиги менен РФ Коргоо министрлигинин ортосундагы Кыргызстандын аймагында пилотсуз учуучу аппараттарды колдонуу жөнүндө протокол;
  • КР менен РФтин 2021-2025-жылдарга карата коргоо ведомстволорунун башчыларынын ортосундагы аскер жаатындагы стратегиялык өнөктөштүгүн өнүктүрүү программасы;
  • КР Айыл, суу чарба жана аймактарды өнүктүрүү министрлиги менен РФ Айыл чарба министрлигинин ортосундагы айыл чарба продукциясын жеткирүү жаатында кызматташуу жөнүндө өз ара түшүнүшүү меморандуму.
200
Белгилер:
Вячеслав Володин, Михаил Мишустин, Валентина Матвиенко, Владимир Путин, кызматташуу, документ, Москва, иш сапар, Садыр Жапаров, президент, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга экономиканы көмүскөдөн чыгарууга 623 млн. сом берет
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди
Кыргызстандын тышкы иштер министри Руслан Казакбаев кесиптеши Сергей Лавров менен жолугушу

Москвада Казакбаев менен Лавров жолугуп, 4 документке кол коюлду

122
(жаңыланган 22:00 25.02.2021)
Эки өлкөнүн тышкы иштер министрлери саясий, соода-экономикалык, маданий-гуманитардык жана миграциялык чөйрөлөрдөгү кыргыз-орус кызматташтыгы боюнча пикир алмашты.

БИШКЕК, 25-фев. — Sputnik. Бүгүн, 25-февраль күнү, Москва шаарында Кыргызстандын тышкы иштер министри Руслан Казакбаев кесиптеши Сергей Лавров менен жолукту. Бул тууралуу ТИМден билдиришти.

  • Бүгүн, 25-февраль күнү, Москва шаарында Кыргызстандын тышкы иштер министри Руслан Казакбаев кесиптеши Сергей Лавров менен жолукту
    Бүгүн, 25-февраль күнү, Москва шаарында Кыргызстандын тышкы иштер министри Руслан Казакбаев кесиптеши Сергей Лавров менен жолукту
    © Фото / пресс-служба МИД КР
  • Бул тууралуу ТИМден билдиришти
    Бул тууралуу ТИМден билдиришти
    © Фото / пресс-служба МИД КР
1 / 2
© Фото / пресс-служба МИД КР
Бүгүн, 25-февраль күнү, Москва шаарында Кыргызстандын тышкы иштер министри Руслан Казакбаев кесиптеши Сергей Лавров менен жолукту

Тараптар жолугушуунун жүрүшүндө төмөнкү документтерге кол коюшкан:

  • КР өкмөтү менен РФ өкмөтүнүн ортосундагы Кыргызстандагы идентификациялоо каражаттары менен товарларды маркировкалоо системасын түзүү максатында Россия тарабынан Кыргызстанга кайтарылгыс техникалык жардам көрсөтүү жөнүндө макулдашуу;
  • КР Коргоо министрлиги менен РФ Коргоо министрлигинин ортосундагы Кыргызстандын аймагында пилотсуз учуучу аппараттарды колдонуу жөнүндө протокол;
  • КР менен РФтин 2021-2025-жылдарга карата коргоо ведомстволорунун башчыларынын ортосундагы аскер жаатындагы стратегиялык өнөктөштүгүн өнүктүрүү программасы;
  • КР Айыл, суу чарба жана аймактарды өнүктүрүү министрлиги менен РФ Айыл чарба министрлигинин ортосундагы айыл чарба продукциясын жеткирүү жаатында кызматташуу жөнүндө өз ара түшүнүшүү меморандуму.
122
Белгилер:
Сергей Лавров, Руслан Казакбаев, иш сапар, Москва, Россия, Кыргызстан
Тема:
Садыр Жапаровдун Россияга сапары
Тема боюнча
Жапаров Матвиенко менен жолугуп, тарыхый окуяларды эске салды
Садыр Жапаров Москвада белгисиз жоокердин мүрзөсүнө гүлчамбар койду. Сүрөт
Токтогул Сатылганов атындагы Кыргыз улуттук филармония. Архив

Жаздын алгачкы айы мартта филармонияда кандай концерттер болот. Программа

0
(жаңыланган 09:09 26.02.2021)
Жаздын алгачкы айында борбор калаанын тургундары жана коноктору үчүн бир нече концерттик программалар уюштурулган.

БИШКЕК, 26-фев. — Sputnik. Токтогул Сатылганов атындагы Кыргыз улуттук филармония март айындагы репертуарын жарыялады.

Майрамдарга бай жаздын алгачкы айында борбор калаанын тургундары жана коноктору үчүн бир нече концерттик программалар уюштурула турганы маалым болду.

  • 1-март — Аялдар конгрессинин 8-мартка карата майрамдык концерти. Башталышы саат 18:00;
  • 2-март — Александр Островскийдин "Шальные деньги" комедиялык пьесасын Россиянын артисттери аткарат. Башталышы 18:30;
  • 3-март — "Билим берүүнүн инновациялык борбору" компаниясынын "Франшиз" форуму. Башталышы 10:00.
  • 3-март — Кыргыз улуттук филармониянын камералык оркестринин майрамдык концерти. Башталышы 17:00;
  • 5-6-март — Филармониянын чыгармачыл жамааты жана солисттеринин 8-март - Аялдардын эл аралык майрамына карата "Жаздын көркү сени менен башталат, жашоо жарык сен бар үчүн аялзат!" аттуу концерти. Башталышы 18:30;
  • 7-8-март — КРдин эмгек сиңирген артисти Аалы Туткучев жетектеген "Эл ырчысы Эстебес" фольклордук тобунун "Ааламдан кең, апа сенин бешигиң" аттуу концерти. Башталышы 18:00;
  • 9-март — Нурхат Догдурбек уулунун концерти. Башталышы 18:30;
  • 11-март — "Досум-Үсөн" эстрадалык ансамблинин концерти. Башталышы 18:30;
  • 13-март — "Улыбка" элдик үлгүлүү балдар хореографиялык ансамблинин концерти. Башталышы 18:00;
  • 14-март — "Жылдын мыкты чоң энеси" сынагы. Башталышы 18:00;
  • 15-март — балдардын сулуулук сынагы. Башталышы 18:00;
  • 16-17-март — КРдин эмгек сиңирген артисти Сыймык Бейшекеевдин концерти. Башталышы 18:30;
  • 18-март — "Сармерден" теледолбоору. Башталышы 18:00;
  • 19-март — Нооруз майрамына арналган майрамдык концерт. Башталышы 17:00;
  • 20-март — Нооруз майрамына арналган майрамдык концерт. Башталышы 18:00;
  • 21-март — куудул Борончу Кудайбергеновдун концерти. Башталышы 18:00;
  • 26-март — "Манас" камералык оркестринин концерти. Башталышы 18:30;
  • 27-март — "Феникс Мира" ишканасынын кызматкерлери үчүн концерт. Башталышы 13:00;
  • 28-март — айтыш, башталышы 18:00;
  • 30-31-март — эстрада ырчысы Мирлан Баековдун концерти. Башталышы 18:30;
0
Белгилер:
ырчы, программа, концерт, филармония
Тема боюнча
Интернет жылдызына айланган Байзак ырчы: аябай толкунданып жатам...
Алтынайдан Курманжан даткага чейинки жол. Жамал Сейдакматованын кинодо калган элеси
Кыргызстандагы музейлер Көчмөндөр оюндарына даярдана баштады