БИШКЕК, 9-фев. — Sputnik. Жаңы Конституциянын долбоорунда референдумдан кийин жөнгө салынуучу жоболор камтылган.

Ага ылайык, президент учурдагы Баш мыйзамда көрсөтүлгөн алты жылдык мөөнөтү бүткөнгө чейин иштейт. Белгилей кетсек, сунушталган Конституцияда мамлекет башчы беш жылдык мөөнөт менен эки жолу шайланат.

Өткөөл жоболордун тизмеси:

• 2021-жылы шайланган президент алты жыл иштейт, бул анын бир мөөнөтү катары эсептелет;
• Жаңы Конституция күчүнө киргенден кийин өкмөт отставкага кетет. Президент Министрлер кабинетинин курамын убактылуу түзөт жана аткаруу бийлик органдарынын жетекчилерин дайындайт;
• Жогорку Кеңештин депутаттарын шайлоо жаңы Баш мыйзамга ылайык өткөрүлөт;
• Бардык деңгээлдеги кызмат адамдары дайындалганга жана шайланганга чейин мамлекеттик органдарда иштеп жаткандар өздөрүнүн ыйгарым укуктарын аткарууну улантат;
• Конституция күчүнө киргенге чейин мыйзамдар жана башка ченемдик укуктук актылар аталган Конституцияга карама-каршы келбеген бөлүгүндө колдонулат;
• Конституциянын 44-беренесинин 2-бөлүмү (пенсия, социалдык жөлөк пул жана башка социалдык жардамдар менен камсыздоо) 2023-жылдын 1-январынан тартып күчүнө кирет.
• Конституциялык палатанын судьяларынын кызмат орду Конституциялык сот түзүлгөнгө чейин сакталат;
• Жогорку соттун жана жергиликтүү соттун судьялары ыйгарым укуктарын белгиленген мөөнөтү бүткөнгө чейин иштейт.

Токойдун четинде эс алып тамактанып отурган советтик жоокерлердин ортосундагы КРдин эл артисти Айтурган Темирова менен РФтин эл артисти Вера Глаголеванын сүрөтү 1985-жылы Беларуста тартылган.

Ошол жылы режиссер Болот Шамшиев казакстандык снайпер, Советтер Союзунун Баатыры Алия Молдагулова жөнүндө "Снайперлер" тасмасын тартууну баштап, башкы каармандын ролун Темирова аткарган.

Ал кезеңди белгилүү актриса мындайча эскерет:

"Бул сүрөт жоокерлер согуш талаасында кандай салгылашуу болгонун сүйлөшүп жатканда тартылып алынган экен. Жанымда курбу кызым Вера Глаголева отурат. Мен болсо алардын айтканына ичим чыкпай нааразы болуп, башка пландарды түзүп жаткам. Бул эпизоддор Беларустун Смолевич аскер полигонунда тартылган. Ал жерде көптөгөн советтик аскердик фильмдер жаралган. "Снайперлер" аябагандай оор шарттарда тартылган эле. Анын кесепетинен үч жолу операция болуп, эки жылдан кийин гана калыбыма келгем", — деди Темирова.

Анда Шамшиев 44, Темирова 27 жашта болуп, экөө бир уул, бир кызды тарбиялап жаткан.

Актрисанын кызы Сүйүтай Шамшиева буларды кошумчалады:

"Биз ата-энебиздин чыгармачылыгына аралашып, аларга кол кабыш кылып турчубуз. Мисалы, мен 12 жашымда "Снайперлер" фильминде апамдын мылтыгын ары-бери ташып жүрчүмүн. Ага боорум ооруп кетчү, эмгегин баалап аячумун. Себеби аталган кинокартина тартылып жатканда ал сегиз саат бою сазда жүргөнгө мажбур болгон", — деди Шамшиева.

Аталган тасмага казакстандык, россиялык, кыргызстандык актерлор катышкан. Кинокартина соңуна чыккан соң 1986-жылы Алмата шаарында өткөн ХIХ Бүткүл союздук фестивалда "Мыкты аскердик-патриоттук тасма" сыйлыгына ээ болуп, башкы кармандын образын жараткан Темировага СССРдин Коргоо министрлиги ефрейтор аскер чинин ыйгарган.