Киши галстук байлап жатат. Архив

Кызматка келе элек жатып кеткендер. Мэр, спикер, директор...

427
(жаңыланган 12:20 10.02.2021)
9-февралда Эрмек Нургазиев Бишкек шаарынын милдетин аткаруучу болуп дайындалып, коомчулуктун терс пикирлеринен кийин бүгүн кызматтан алынды.

Sputnik Кыргызстан агенттиги Нургазиевге окшоп келип-келбей жатып кызматынан кол жуугандарды тизмектеди.

2020-жылы 5-6-октябрдагы окуядан кийин кызматка кимдер гана келип кеткен жок. Айрымдары өзүн-өзү билип ар кайсы министрликти басып алса, кээ бири креслодо бир күн отуруп эле кетип жатты. Бирок макалада алар тууралуу сөз кылбайбыз. Атайын, мыйзамдуу жол менен дайындалып, бирок аз эле убакытта кайра мыйзамдуу жол менен кызматтан алынгандар тууралуу кеп болот.

Төрт күн спикер болгон Мыктыбек Абдылдаев

Спикер Жогорку Кенаша Мыктыбек Абдылдаев в госрезиденции Ала-Арча, перед началом заседания где будет рассматриваться кандидатура на премьер-министра Кыргызстана
© Sputnik / Табылды Кадырбеков
Мыктыбек Абдылдаев

Парламенттик шайлоонун аягы башаламандык менен бүткөндөн кийин өлкөдө хаос башталды. Ак үй өрттөнүп, президенттин кайда экени белгисиз болуп турган учурда өкмөт башчы, спикерлер да арыздарын жазып кызматынан кете баштаган.

Дастан Жумабеков кызматтан кетүү тууралуу арызын жазгандан кийин анын ордуна төрага шайлоо керек эле.

6-октябрь күнү "Достук" мейманканасында парламенттин кезексиз жыйыны өтүп, 62 эл өкүлү "Бир Бол" фракциясынан депутат Мыктыбек Абдылдаевди Жогорку Кеңештин төрагасы кылып шайлаган. Бирок бул орунда Абдылдаев көпкө отурган жок. Төрт күндөн кийин, тагыраагы, 10-октябрда, отставкага кеткен.

20 күн ЖКны башкарган Канат Исаев

Спикер Канат Исаев на внеочередном заседании Жогорку Кенеша в госрезиденции Ала-Арча
© Sputnik / Табылды Кадырбеков
Канат Исаев

13-октябрь күнү Жогорку Кеңештин башына "Кыргызстан" фракциясынын лидери Канат Исаев келди. Ал кезде бийлик дагы эле олку-солку болуп турган. Исаев ЖКга төрага болгондон кийин ошол учурдагы президент Сооронбай Жээнбеков кызматын тапшырып берген. Мыйзам боюнча, мамлекет башчынын милдети Исаевге жүктөлмөк, бирок ал бул кызматтан баш тартып, президенттин милдетин ошо учурда өкмөт башчы болгон Садыр Жапаров аткарып калган. 4-ноябрь күнү Канат Исаев төрагалык кызматтан кетип жатканын айтып, президенттик шайлоого катышарын билдирген.

Мэрияга эки күнгө келген Нариман Түлеев

Первый вице-мэра Бишкека Нариман Тюлеев во время пресс-конференции
© Sputnik / Табылды Кадырбеков
Нариман Түлеев

Өлкөдө абал олку-солку болуп турганда дээрлик бардык кызматтардын жетекчилери алмашты. Анын ичинде Бишкек мэриясы дагы бар. Ошол убактагы Азиз Суракматов иштен кетүү боюнча арызын жазып, 20-октябрь күнү мэрдин милдетин Нариман Түлеев аткара турганы айтылды.

Түлеев ага чейин биринчи вице-мэр болуп дайындалган, Суракматов кеткен соң дароо мэрдин милдетин аткарып калган. Бирок айрым адамдар анын бул кызматка келишин каалабай митингге чыгып туруп алышкан. Ошентип эки күнгө жетпей, Түлеев да кызматтан кеткен.

Эске салсак, Түлеев Курманбек Бакиев президент болуп турган учурда, 2008-2010-жылдары, шаарды башкарган.

11 күн ЭлТРди жетектеген Шаиста Шатманова

Назначенная генеральным директором государственной телерадиокомпании ЭлТР Шайиста Шатманова
© Пресс-служба президента КР / Султан Досалиев
Шаиста Шатманова

Кызматка келе элек жатып кеткендердин арасында журналист Шаиста Шатманова дагы бар. Ал 19-октябрь күнү ЭлТР мамлекеттик телерадиоберүү компаниясынын башкы директорлугуна дайындалган. Тиешелүү буйрукка ошол учурдагы премьер-министр Садыр Жапаров кол койгон.

Бирок ЭлТРдин жамааты жаңы жетекчини кабыл албай, күндө нааразычылык акцияларына чыгып жатып, туура 11 күндөн кийин Шатманова кызматтан бошотулган. Журналист ага чейин "Супер-Инфо" гезитинде жана "Социал-демократтар" партиясында иштеп, аталган партия менен парламенттик шайлоого да катышкан.

Жамаат кабыл албай койгон Самара Каримова

Известная эстрадная первица Самара Каримова. Архивное фото
© Фото / Арсен Мендебаев
Самара Каримова

2021-жылдын башында ырчы Самара Каримованын орду коомчулуктун кызуу талкуусунда болду. КРдин эмгек сиңирген артисти Оштогу Ниязалы Борошев атындагы музыкалык окуу жайына соттун чечими менен директор болуп келген. Бирок аны эмгек жамааты кабыл албай, бир топ талаш-тартыш жараткан. 18-январь күнү кечинде Каримова директордун кабинетинин эшигин буздуруп кирип, жетекчинин креслосуна отурган. Бирок окуу жайдагы эмгек жолу көпкө созулган жок.

Негизи ырчы музыкалык орто окуу жайына директор болуп 2018-жылдын октябрында дайындалып, эки күндөн кийин ал буйрук кайра жокко чыгарылган болчу. Ошол кездеги маданият, маалымат жана туризм министри Азамат Жаманкулов дайындоо мыйзамсыз болгонун билдирген. Каримова экс-министрдин чечимин сотко берип утуп алганы быйыл 13-январда маалым болгон. Бирок Маданият министрлиги райсоттун чечимине каршы даттанып, шаардык сотко кайрылган.

Ошентип бул ирет да музыкалык окуу жайды башкаруу ага буйрубай, тогуз күндөн кийин Каримова бул кызматтан баш тарткан.

Бир күнгө жетпей жумуштан кеткен Эрмек Нургазиев

Новый исполняющий обязанности мэра Бишкека Эрмек Нургазиев во время пресс-конференции. 09 февраля 2021 года
© Sputnik / Табылды Кадырбеков
Эрмек Нургазиев

Мэрдин кызматы кайрадан талашка түштү. 8-февраль күнү мэрдин милдетин аткаруучу Балбак Түлөбаевдин иштен кетери маалым болду. Эртеси анын ордуна Эрмек Нургазиев келип, өкмөттүн өкүлү аны жамаатка тааныштырып, маалымат жыйын өткөрүп жетишкен. Бирок социалдык тармакта Нургазиевдин алешем иштери боюнча сындар айтылып, кийинчерээк өлкө башчы да ал тууралуу оюн жазып, мэрликке коюу мүмкүн эмес экенин айткан. Бир күн мэрдин милдетин аткарып калган Нургазиевдин ордуна бүгүн премьер-министрдин чечими менен Бактыбек Кудайбергенов келди.

427
Белгилер:
журналист, ырчы, спикер, Садыр Жапаров, дайындоо, орун, кызмат
Тема боюнча
"Манас" аэропортуна экс-депутат жетекчи болуп келди
Шайлоодо сүйлөшкөнбүз. Нургазиев аны кызматка кимдер түртмөлөгөнүн айтты
Кронштадт суу түбүндөгү кайыгы. Архивдик сүрөт

"Табыш кыйын буларды!". Россия көзгө чалдыкпас, дабышы угулбас комплекс камдоодо

21
Россиянын флоту келерки жылы жаңы, дабышсыз жана көзгө илинбес курал тутумдарына ээ болот. 677 долбоорунун суу түбүндөгү "Лада" дизелдик-электрдик кайыктарынын биринчи сериялык өндүрүшү башталып туру.

Бул субмаринаны иштеп чыгууга 20 жылдан ашуун убакыт сарпталган, ал таамай куралды ташый алат. Анын багытын аныктоо өтө татаал. Долбоордун өзгөчөлүктөрүнө Николай Протопопов кеңири токтолгон.

Машакаттуу долбоор

"Кронштадт" жана "Великие Луки" суу түбүндөгү кайыктары россиялык моряктарга быйыл тапшырылмак, бирок контрагенттер менен болгон көйгөйдөн улам жылдырылганын айтат РФтеги "Адмиралтейские верфи" кеме куруучу ишканасынын башкы директору Александр Бузаков.

Сентябрда Биргелешкен кеме куруучу корпорациясынын жетекчиси Алексей Рахманов эки кеменин сериялык чыгарылышы кечеңдей турганын маалымдаган, анткени тетиктерди жабдуучулардын бири белгиленген мөөнөткө үлгүрбөй калган. Долбоордо башынан бери эле ушундай кечигүүлөр көп болду. Иш 1990-жылдардын аягында эле старт алып, "Санкт-Петербург" деген аталыштагы негизги кемесин куруу башталган.

Ал 2004-жылы сууга коё берилген. Эки жылдан соң РФтин Аскердик-деңиз флотуна жөнөтүлмөк. Бирок Түндүк флот аны сынамык пайдаланууга 2010-жылы гана алган. Эскилиги жеткен 877-долбоорунун "Палтус" кайыктарын "Ладалар" менен алмаштыруу пландалган. Суу түбүндөгү жаңы кайыктар кичирээк, гидролокаторлорго байкалбайт. Россиялык кеме куруудагы стандартка коошпогон бир корпустуу схема кайыктын дабышсыз сүзүшүн камсыздайт.

Мындан тышкары, "Ладалар" — келечекте абадан көз каранды болбогон күч орнотмолору менен жабдыла турган алгачкы суу түбүндөгү кайыктар. Балким, жаңы конструктивдүү чечимдердин көптүгүнөн жана аларды "темирде" ишке ашыруунун татаалдыгынан улам кеме тутумунун курулушу создуктурулуп келгендир.

Башкы кемени сыноолордун жүрүшүндө гидроакустикалык комплекстеринде олуттуу көйгөйлөр аныкталган. Ал эми калактуу электр кыймылдаткычынын күчү суу алдында тийиштүү ылдамдыкка чыгарууга жетишсиз болгон. Бирок баары бир РФ Аскердик-деңиз флоту бул типтеги жаңы кайыктарды күтүшкөн, ошондуктан "Ладалардын" ордуна Тынч океандык флот үчүн "Ладалардын" ордуна 636 долбооруна таандык, мезгил менен сыналган жана жакшы өздөштүрүлгөн алты "Варшавянкага" буюртма кылышкан.

Майда, бирок пайдасы ат көтөргүс

Адистердин пикиринде, "Ладалар" — эң заманбап жана келечектүү атомдук эмес субмариналар. Чакан көлөмүнө карабастан, көп функционалдуулугу менен айырмаланышат. Суу түбүндөгү жана суудагы кемелерге туруштук берип, жээктеги объектилерге сокку уруп, мина тосмолорун коюп, жээкти десанттарды түшүрүүдөн коргоп, аскердик бөлүктөрдү жана атайын багыттагы жүктөрдү ташый алат.

Негизги артыкчылыгы — жогорку деңгээлде автоматташтырылышы, дабышы төмөндүгү, мобилдүүлүк жана маневрдүүлүгү, бул өзгөчөлүктөрү диверсиялык жана чалгындоочу операцияларда натыйжалуу пайдаланууга мүмкүндүк берет. Кубаттуу гидроакустикалык комплекси жана дароо үч сезимтал антенна менен жабдылган, маңдайкы бөлүгүндө бирөө, капталдарында экөө жайгашкан.

Сыйымдуулугу 1,8 миң тоннанын тегерегиндеги суу түбүндөгү кеменин ылдамдыгы 20 узелге дейре жетет. Тереңдиги — 350 метрге чейин. Аны менен катар эле экипаж жалпы 30 кишиден турат. Куралдануусуна токтолсок, стандарттык түрдө "Ладалар" бортунда 533 миллиметрлик калибрдеги 18 торпеда жана 20 чакты минаны ташыйт. Торпедалык аппараттар кайыкка каршы коргонуучу саатына 300 чакырымга чейин күүлөнө алчу "Шквал" ыкчам ракета-торпедалары менен атууга ылайыкталган. Анан, албетте, көптөгөн россиялык заманбап кемелер өңдүү эле "Ладалар" канаттуу "Калибр" ракеталарына ээ. Сериялык субмариналардын алгачкы экөөнү абадан көз карандысыз энергетикалык орнотмосуз курушат. Бузаковдун айтымында, Россияда андай жарала элек. Бирок анын тобундагы калган кемелер флотко берилет.

Көзгө көрүнбөс күзөтүүчүлөр

"Лада" — мурдагы долбоорлорго негизделген суу түбүндөгү кайыктардын жапжаңы классы, - дейт Флотту колдоо жалпы россиялык кыймылынын төрагасы, биринчи рангдагы капитан Михаил Ненашев. — Соңку 15-20 жылда "Лада" алкагында 150нүн тегерегинде сынамык-конструктордук ишти өздөштүрүштү. Бир дагы долбоордо мынчалык иш аткарылган эмес. Маңызында бул суу түбүндөгү чоң лаборатория".

Эксперт белгилегендей, мурдагы долбоорлорго салыштырмалуу "Ладалардын" бортуна көбүрөөк торпеда салынат.

Уникалдуу тактикалык-техникалык мүнөздөмөлөрүнөн улам бардык тактикалык жана стратегиялык багыттарда иш алпара алат. Мындан сырткары, түзүлүшү ракеталык комплекстерди жайгаштырууга ылайык.

"Бул дизелдик-электрдик кайыктарынын дабышы деңиз добушуна окшошуп кетет, ал эми жаңы гидроакустикасы башка кемелерге караганда алда канча көбүрөөк мейкиндикти тыңдай алат, — дейт Ненашев. — Бул абдан маанилүү, себеби "Ладалар" Арктикада жайгашмакчы. Дагы бир артыкчылыгы — чакан көлөмү, бул суу түбүндөгү кайыктарды тайыз да, аябай терең сууларда да пайдаланууга мүмкүндүк берет. Болжолдуу душмандын атомоходдору каалаган жеринде жайгаша албайт, ал эми "Лада" сымал суу түбүндөгү кайыктарда аймакты ийгиликтүү коргоого болот".

Россиялык суу түбүндөгү дизелдик кайыктар өз классында мыкты деп табылган. Кара деңиз флотунда мындай алты кайык күзөтүүдө, жакынкы жылдары дагы алты кайык тынч океанчыларга берилет. Кызмат өтөөчү туруктуу жерге жайгаштырууга эки субмарина даярдалууда.

Дабышсыз жана байкалбастыгынан улам мындайларды НАТОдо аларды "кара туюк" деп атап коюшат. Бирок "Ладалар" алардан да акырын сүзөт. Башкы кемени – "Санкт-Петербургду" сыноодо 677-долбоордун байкалбастык деңгээли бул сериядагы бардык үлгүлөрдөн кыйла жогору экени айгинеленди.

21
Белгилер:
кайык, суу, НАТО, курал, аскер-деңиз флоту, Россия
Тема боюнча
Технологиялык революция. Россияга "Буревестник" ракетасы эмне үчүн зарыл?

Пашиняндын "Искандерлер" боюнча айтканы элди экиге бөлгөндө. Россия эмне деди

78
(жаңыланган 18:40 27.02.2021)
Армения оппозициясы көшөрүп өлкөнүн премьер-министри Никол Пашиняндын отставкасын талап кылууда.

Эки күндөн бери Еревандагы "Эркиндик" аянтында чатырлар тигилип турат: нааразылыкка чыккандар парламенттин имаратынын алдына түнөштү. Азыркы бийликтин саясатына ичи чыкпагандардын нааразылык толкуну Пашиняндын россиялык "Искандерлер" боюнча айтканынан соң күчөп, чегине жетти. Ыкчам-тактикалык комплекстер боюнча сөз армян коомчулугун эмне үчүн экиге бөлдү? Тоолуу Карабахта негизи "Искандерлер" колдонулду беле?

78
Белгилер:
Никол Пашинян, нааразычылык, ракета, Армения
Тема боюнча
Тоолуу Карабах: Пашинян "Искандерден" неге шектенди?
Адис Бекжан Шакенов

Шакенов: телефонду кубаттоодо эки эрежени сактаса көпкө чейин жетет

0
(жаңыланган 20:54 27.02.2021)
Адис Бекжан Шакенов Кыргызстандын рыногунда iPhone, Samsung жана Xiaomi брендинин телефондору көп сатыларын айтып, смартфон тандоодо көңүл бөлүү керек болгон негизги факторлорду атады.

Эгер телефондун кубаттуулугу кармабай калса алмаштырса болот. Бирок Кыргызстанга оригинал аккумуляторлор алып келинбегендиктен, бир аз начарласа анда алмаштырбай эле койгон оң. Себеби кубаттуулугу ашып кетсе бир саатка көбүрөөк жетип калат. Бул тууралуу Бекжан Шакенов Sputnik Кыргызстан радиосунун эфиринде маек куруп жатып билдирди.

Шакенов: телефонду кубаттоодо эки эрежени сактаса көпкө чейин жетет

Анын айтымында, башка смартфондорго салыштырмалуу Redmi компаниясынын аппараттарынын батарейкасы көпкө чейин жеткендиктен бул гаджет студенттерге ылайыктуу.

"Жыл сайын технология өнүгүп турат. iPhone, Samsung жана Xiaomi компаниялары бири-биринен өзгөчөлөнүп смартфондун жаңы версияларын чыгарууда. Gorilla Glass 5-муундагы чыккан смартфондор кымбат келип, жалпы корпусу темирден, алды-арты айнектен жасалат. Желим жана темирден жасалгандары орто бюджетте болот. Негизинен мындай телефондорду Samsung, Redmi өндүрөт. Жаңы телефон алып жатканда тандоодо эч кандай маселе деле жаралбайт. Мүнөздөмөсүн интернеттен окуп, сизге керектүүсүн алсаңыз болот. Ошондой эле сатуучу кепилдик берип, эгер өндүрүштүк кемчиликтер болсо алмаштырып берет. Ал эми колдонулган телефон аларда кылдат текшерип алган оң. Өзгөчө iPhone аппаратынын көп нерсеси оңой алмашат. Алгач тескөөсүнө кирип батарейканын абалын караңыз. Эгер 100 болсо жаңы салынган. Сырткы абалына, чийиктерине көңүл бөлүңүз. Сырткы камерасынын объективинин ичинде чаң туруп калса анда смартфон ачылган", — деди Шакенов.

Адис смартфонду таптакыр өчө электе кубаттап жана 100 пайызга жеткирбей токтон чыгарса батарейка көпкө жетерин кошумчалады.

0
Белгилер:
компания, тандоо, смартфон
Тема боюнча
Xiaomi зымы жок смартфон кубаттагыч чыгарды. Видео