Президент Садыр Жапаров. Архив

Шайлоодо бир партияга 155 млн. жумшалган. Жапаров Максат ажынын кармалышы тууралуу

1649
(жаңыланган 21:31 11.02.2021)
Садыр Жапаров кийин муфтиятка бухгалтер жибергенин, ал комиссия менен биргеликте иштеп, натыйжада чындап эле акча жетишпей жатканы аныкталганын айтты.

БИШКЕК, 11-фев. – Sputnik. Муфтияттын кассасын текшере келгенде ажылык сапар үчүн чогулган акчанын сегиз миллион долларга жакыны жетишсиз болуп чыккан. Бул тууралуу президент Садыр Жапаров КТРКга маек куруп жатып билдирди.

Мамлекет башчынын айтымында, президенттик кызматка киришкенге чейин, инаугурация алдында дин өкүлдөрүнүн чакыруусу менен эски мечитке барган. Анда тараптардын талашы талкууланган.

"Мечитке барсам, дин чөйрөсүндөгү 7-8 аксакал бар экен. Кийин Абдышүкүр Нарматов келди. Муфтий өзү дагы болду. Уламалар кеңешинин мүчөлөрү, текшерүү комиссиянын башчысы Бакыт Нурдинов катышты. Ошол жерде 4-5 саат сүйлөшүп отурдук. Нааразы тарап муфтийди "туура эмес башкарып жатасың, экинчиден, акчаны жеп койдуң" деп айыптап жатышты. Муфтий отчёт бер десе бербей, текшерүүгө киргизбей жаткан экен", — деди Жапаров.

Мамлекет башчы дин аалымдарын ынтымакка чакырып, муфтийди шайлоону убагында өткөрүүгө чакырганын билдирди.

"Шайлооңор эки айдан кийин болот экен. Азыр ызы-чуу болбой апрелде шайлооңорду өткөрүп алгыла. Азыр экиге бөлүнүп, чабышып отурсаңар туура эмес болуп калат. Өзүңөр маданиятты үйрөтө турган адамсыңар да. Мага ишенгиле, силерге бухгалтер жиберип кассаңарды текшертип берейин десем макул болуп тарап кетишкен", — деди президент.

Садыр Жапаров кийин муфтиятка бухгалтер жибергенин, ал комиссия менен биргеликте иштеп, натыйжада чындап эле акча жетишпей жатканы аныкталганын айтты.

"Былтыр ажылыкка барабыз дегендерден 16 миллион доллардай чогулган экен. Текшергенде чындап эле 8 миллионго жакын доллар жетпей калган. Көрсө, алар ажылык сапарга барчулардын 7 миллион 700 миң долларын сомго айлантып, киреше алуу максатында банкка салышкан экен. Бирок алар пайда көргөнгө чейин доллар 15 сомго өсүп кеткен. Натыйжада пайда көрмөк түгүл чыгым тартып калышкан. Тагыраагы, чыгым 700 миң доллардын тегереги болуп кеткен", — деди Жапаров.

Мамлекет башчынын айтымында, мындан сырткары, 2020-жылдын август айында ошол эле ажылык сапарга барчулардын акчасынан 155 миллион сомду бир фирмага берилди деп туруп, шайлоого катышкан партияга салып жиберишкен.

"Эл акчасын талап кылса, жарымы берилип, жарымы дагы деле бериле элек экен. Ызы-чуу мына ошондон чыгып жатат", — деди президент.

Мамлекет башчынын толук маегин бул жактан көрүңүздөр.

1649
Белгилер:
шайлоо, саясый партия, муфтият, Максатбек ажы Токтомушев, Садыр Жапаров
Тема:
Муфтияттагы чуулуу иш (17)
Тема боюнча
Кадыр Маликов муфтияттагы кырдаал боюнча үн катты
Мамлекет башчы Садыр Жапаров бүгүн, 2-мартта, Казакстандын премьер-министри Аскар Мамин менен жолугушту

"Жашыл коридор" үчүн ыраазычылык. Жапаров Казакстандын премьери Маминге жолукту

106
(жаңыланган 21:33 02.03.2021)
2020-жылы коронавирус пандемиясы маалында Казакстан эмгек мигранттарынын мекенине кайтып келүүсүнө "жашыл коридорлорду" түзүп берген.

БИШКЕК, 2-мар. — Sputnik. Мамлекет башчы Садыр Жапаров бүгүн, 2-мартта, Казакстандын премьер-министри Аскар Мамин менен жолукту. Бул тууралуу президенттин маалымат кызматы кабарлады.

Соода-экономикалык кызматташтыкты өнүктүрүү, маданий-гуманитардык өз ара байланыштарды кеңейтүү жана күн тартибиндеги башка актуалдуу темалар боюнча пикир алмашышкан.

Аскар Мамин боордош эки элдин ортосундагы достук байланыштарды чыңдоонун маанисин белгилеп, мамлекеттердин өз ара экономикалык пайдалуу кызматташтыгын тереңдетүүгө даяр экенин билдирди.

Садыр Жапаров бүгүн, 2-мартта, Нур-Султан шаарындагы Казакстандын туңгуч президенти Нурсултан Назарбаевдин музейине барды
© Пресс-служба президента КР / Султан Досалиев
Жапаров 2020-жылы коронавирус пандемиясы маалында Казакстан мамлекети биринчилерден болуп кол сунуп, чоң колдоо көрсөтүп, эмгек мигранттарынын мекенине кайтып келүүсүнө "жашыл коридорлорду" түзүп бергендиги үчүн коңшу өлкөнүн өкмөтүнө кыргыз элинин атынан ыраазычылык билдирген.

Мамлекет башчы Казакстандын жогорку жетекчилиги эки элдин ортосундагы биримдикти жана тыгыз карым-катнашты чыңдоого зор салым кошуп жаткандыгын белгилеген.

Президент кыргыз тараптын Казакстан менен соода-экономикалык жана инвестициялык кызматташууну кеңейтүүгө даярдыгын жана кызыкдар экенин билдирген.

106
Белгилер:
ыраазычылык, кызматташтык, жолугушуу, Аскар Мамин, Садыр Жапаров, Казакстан, Кыргызстан
Тема:
Жапаровдун Казакстанга болгон иш сапары
Тема боюнча
Жапаровдун Казакстанга болгон сапарынын биринчи күнү кандай өттү. Видео
Чечилбеген көйгөй болбошу керек. Жапаров Назарбаев менен жолукту
Ош шаары. Архив

Оштун мурдагы башчысы Байыш Юсуповдун уулу шаардын биринчи вице-мэри болду

80
(жаңыланган 21:09 02.03.2021)
Байыш Юсупов былтыр октябрдагы парламенттик шайлоодон кийинки нааразычылыктардан улам отставкага кеткен. Уулу калаа мэриясындагы кызматынан жогорулады.

БИШКЕК, 2-мар. — Sputnik. Өкмөттүн Ош облусундагы мурдагы өкүлү Байыш Юсуповдун уулу Замир Юсупов Ош шаарынын биринчи вице-мэри болуп дайындалды. Бул маалыматты муниципалитеттин басма сөз кызматы тастыктады.

Тиешелүү буйрукка мэр Таалайбек Сарыбашов кол койгон.

35 жаштагы Замир Юсупов буга чейин Ош шаардык мэриясынын тышкы байланыштар жана аналитика бөлүмүнүн жетекчиси болуп иштеп келген.

Жогорку билимдүү. Кыргыз-орус славян университетинин эл аралык мамилелер факультетин жана Ош технологиялык университетин аяктаган. 

Анын атасы Байыш Юсупов былтыр августта Узарбек Жылкыбаевдин ордуна келген. Бирок октябрдагы парламенттик шайлоодон кийинки нааразычылыктардан улам отставкага кетип, ордуна Жарасул Абдураимов дайындалган.

80
Белгилер:
мэрия, Байыш Юсупов, Ош
Тема боюнча
Муратбек Азымбакиев ШКУнун башкы катчысынын орун басарынын милдетин аткарат
Абактын терезеси. Архив

Сокулук РИИБдин убактылуу кармоо жайында бир киши көз жумду. Ишти УКМК иликтейт

0
(жаңыланган 00:35 03.03.2021)
Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги аны көзөмөлгө алган.

БИШКЕК, 3-мар. — Sputnik. Сокулуктагы убактылуу кармоочу жайда бир киши каза болгонун Чүй облустук ички иштер башкармалыгынын маалымат кызматы кабарлады.

2-март таң эрте Сокулук райондук милициясынын убактылуу кармоочу жайынын күзөтчүсү камактагы 51 жаштагы эркек кишини эс-учун жоготкон абалда тапкан.

"Окуя болгон жерге дароо Тез жардам кызматы чакырылып, медиктер киши көз жумганын аныкташкан. Анын өлүмүнүн себебин аныктоо үчүн экспертиза дайындалды", — деп айтылат билдирмеде.

Каза тапкан адам Кылмыш-жаза кодексинин 200-беренеси ("Уурулук") менен шектелип, эки айга камакка алынган.

Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги ишти көзөмөлгө алган. Аталган факт каттоого алынып, чогултулган материалдар кошумча иликтөө үчүн УКМКга өткөрүлүп берилген.

0
Белгилер:
шектүү, өлүм, милиция, Сокулук району, Чүй облусу
Тема боюнча
Бүгүн таңда Кара-Сууда үй ээсин өлтүрүп, сейфин алып кетишти. Эки шектүүнүн сүрөтү