Биринчи май райондук сотунун судьясы Гүлзат Дыйканбаева

Үч ай мурун Жапаров дайындаган. Матраимовду бошоткон судья тууралуу фактылар

6428
(жаңыланган 16:04 12.02.2021)
Өлкөдөгү резонанстуу окуяга чекит койгон судья мындан үч ай мурун нотариус болуп иштечү. 1,5 жыл чуркап жүрүп кызматка келгенден кийин ал коррупционер бажычы менен салыкчыга окшош өкүм чыгарып отурат.

Биринчи май райондук сотунун судьясы Гүлзат Дыйканбаева Райым Матраимовду бажыдагы коррупцияга күнөөлүү деп таап, бирок 260 миң сом айып салуу менен чектелди. Муну менен анын сыртка чыкпоо боюнча бөгөт чарасы күчүн жоготуп, толугу менен эркиндикке чыкты. Ошондой эле Матраимовго жана жакын туугандарына таандык мал-мүлктү камактан чыгарып берди.

Буга Матраимов прокурор жана УКМКнын тергөөчүсү менен кызматташтык жөнүндө макулдашып, мамлекетке 2 миллиард сом төлөп бергени негиз болду.

Sputnik Кыргызстан агенттиги Райым Матраимовго өкүм чыгарган судья Гүлзат Дыйканбаева тууралуу ачык булактардан маалыматтарды чогултту.

Алты баланын энеси

Дыйканбаева Гүлзат Ыдырысовна 1977-жылы 19-ноябрда Ош шаарында туулган. Судьялыкка талапкерлиги каралып жаткандагы маектешүүдө алты баласы бар экенин айткан.

Садыр Жапаров дайындаган судья

Гүлзат Дыйканбаева судьялык кызматка мындан үч ай мурун эле киришкен. Тагыраак айтканда, өткөн жылдын 11-ноябрында президенттин милдетин аткаруучу Садыр Жапаров аны 5 жылдык мөөнөткө дайындаган.

Баса, ошол учурда Жапаров Сотторду тандоо кеңеши жергиликтүү соттордун судьялыгына сунуштаган 22 талапкердин жарымын гана дайындоого макулдук берген.

Андан соң 16-ноябрда Дыйканбаева Жогорку соттун төрайымы Гүлбара Калиеванын алдында ант берип кызматка киришкен.

Мурда нотариус болуп иштеген

Дыйканбаева эмгек жолунда адамдардын тагдырын чечкен судья катары биринчи жолу иштеп жатканын белгилей кетүү керек. Мурда ал Бишкектин Ленин райондук мамлекеттик нотариалдык конторасында нотариус болуп эмгектенип жүргөн. Анын юридикалык тажрыйбасы 16 жыл экени айтылат.

Эки жолку аракетинен майнап чыкпай, үчүнчүсүндө жолу ачылды

Сотторду тандоо кеңешинин сайтындагы маалыматка ылайык, Гүлзат Дыйканбаева Биринчи май райондук сотуна судья болууга алгач 2019-жылы май айында аракет кылган. Бирок анда жолу болгон эмес. Маектешүүгө келгенде 45,89 гана упай алып, жети талапкердин ичинен алтынчы орунган илинген.

Андан соң ошол эле жылдын декабрында Ленин райондук сотуна барууга ниеттенген. Судьялыкка талапкер катары анкетасын жиберип, анда да конкурстан өтпөй калган. Маектешүүнүн жыйынтыгында ал 46,001 упай менен беш талапкердин ичинен үчүнчү орунду камсыздаган.

2020-жылдын июнь айында үчүнчү аракетин жасап көргөн. Атап айтканда, Биринчи май райондук сотунда судьянын орду бошогондо Дыйканбаева кайра арыз жиберген. Маектешүүнүн жыйынтыгында 50,557 упай менен төрт талапкердин биринчи сабына чыккан. Ошентип көздөгөн кызмат ордуна акыры жетип отурат.

Судья Первомайского районного суда Гульзат Дыйканбаева с коллегами после принесения присяги
© Фото / пресс-служба Верховного суда КР
Гүлзат Дыйканбаева судьялыкка тандалып жатканда маектешүүдөн 50,557 упай алып, төрт талапкердин биринчи сабына чыккан

Буга чейин да коррупционерди 260 миң сом менен бошоткон

Сот өкүмдөрүн жарыялаган act.sot.kg сайтындагы маалыматка ылайык, Гүлзат Дыйканбаева кызматка киришкенден бери Матраимовду кошкондо эки коррупционерге өкүм чыгарган. Кызыгы, экөөнө тең берилген жаза окшош болууда.

2020-жылдын башында 25 миң доллар талап кылууга айыпталып кармалган Бишкек шаарындагы Райондук салык башкармалыгынын жетекчисинин ишин караган.

Сотто аныкталган маалыматка ылайык, салыкчылар борбор калаадагы компаниялардын биринин жетекчисин "тыкыр текшерип 5 миллион сом салык төлөтөбүз" деп коркутуп, пара берүүгө мажбурлаган. Натыйжада жең ичинен сүйлөшүлүп 25 миң доллар бермек болгон. Макулдашылган паранын 5000 долларын алып, кол алдындагы эки кызматкери менен бөлүшүп алгандан кийин кармалган.

Сотко чейинки өндүрүш убагында Райондук салык башкармалыгынын жетекчиси тергөөчүлөр менен кызматташуу жөнүндө макулдашып, күнөөсүн мойнуна алган.

Айыпталуучу соттук териштирүүнү токтотуп, күнөөсүн мойнуна алганына ылайык жаза берүүнү сураган. Мамлекеттик айыптоочу да 300 миң сом айып салуу менен чектелүүнү жана 5000 долларды мамлекетке өткөрүүнү сунуштаган. Бирок пара берген компаниянын жетекчилиги акчасын кайтарууну сураган.

Натыйжада судья Гүлзат Дыйканбаева Райондук салык башкармалыгынын жетекчисин күнөөлүү деп таап, 260 миң сом айып салган. Ал эми акчаны компания жетекчисине кайтарып берүүгө милдеттендирген. Салыкчынын мындан кийин мамлекетте иштешине тыюу салган да эмес.

Дыйканбаева учурда дагы Жазык кодексинин 319-беренеси, башкача айтканда, коррупция боюнча үч ишти карап жатат.

Белгилей кетсек, act.sot.kg сайтына Дыйканбаеванын 2020-жылдын 31-декабырына чейинки иштери гана жарыяланган, андан кийинкиси жүктөлө элек.

6428
Белгилер:
Садыр Жапаров, факты, Гүлзат Дыйканбаева, Райымбек Матраимов, өкүм, сот
Тема боюнча
УКМК Матраимовдон алган батирлерди мамлекетке өткөрүп бермей болду

Алдына 4 "чычкан" чогултуп. Референдум дайындоого добуш берген депутаттардын видеосу

1235
Бүгүн ЖК депутаттары жаңы Конституциянын долбоору боюнча референдум дайындоо демилгесин биринчи окууда колдоп берди. Өлкөнүн маанилүү документи каралып жатканына карабай бир эле депутат төрт кесиптешинин ордуна добуш берди.

Алгач Дастан Бекешев жок депутаттардын ноутбугун өчүрүүнү талап кылды, бирок андай болгон жок. Аңгыча эле Самат Исманов алдына төрт ноутбуктун "мышкасын" чогултуп жатканы көзгө урунду. Аны менен катар Акылбек Жапаров дагы төрт депутат үчүн добуш берди. Натыйжада 87 макул, 9 каршы добуш менен демилге колдоо тапты. Баса, УКМКнын тергөө абагында жаткан депутат Дүйшөн Төрөкулов да "макул" деген добуш бергени айкын болду. Анын ордуна ким кнопка басканы белгисиз.

Долбоор экинчи-үчүнчү окуудан дагы колдоо тапса, президентке жөнөтүлөт. Ал кол койгондон кийин жалпы элдик добуш берүү дайындалат. Референдумду жергиликтүү кеңештердин шайлоосу менен кошо 11-апрелде өткөрүү сунушталууда.

1235
Белгилер:
добуш берүү, дайындоо, референдум, депутаттар, Жогорку Кеңеш
Тема:
Жаңы Конституциянын долбоору жана референдум
Тема боюнча
Референдум дайындоого кайсы депутат кандай добуш берди. Тизме
Жерде, түрмөдө жаткан депутаттар кантип кол койду? Момбековдун ачууланган видеосу
Премьер-министр Улукбек Марипов Кытайдын Кыргызстандагы элчиси Ду Дэвэнь менен жолугушуу учурунда

Марипов Кытай элчиси менен авиакаттам, вакцина, жүк ташуу тууралуу сүйлөштү

117
(жаңыланган 17:38 03.03.2021)
Элчи Ду Дэвень Кытай өкмөтү Кыргызстанга COVID-19 менен күрөшүүгө багытталган кезектеги гумжардам жөнөтүү чечимин кабыл алганын билдирди.

БИШКЕК, 3-мар. — Sputnik. Кытай Кыргызстандын ишенимдүү өнөктөшү. Мындан улам достук мамиленин өнүгүшүнө чоң маани берилет. Бул тууралуу премьер-министр Улукбек Марипов билдиргенин өкмөттөн кабарлашты.

  • Чрезвычайный и полномочный посол Китая в Кыргызстане Ду Дэвэнь
    Кытай Кыргызстандын ишенимдүү өнөктөшү. Мындан улам достук мамиленин өнүгүшүнө чоң маани берилет. Бул тууралуу премьер-министр Улукбек Марипов билдиргенин өкмөттөн кабарлашты.
    © Пресс-служба правительства / Алишер Алиев
  • Премьер-министр Улукбек Марипов во время встречи с чрезвычайным и полномочным послом Китая в Кыргызстане Ду Дэвэнь
    Маалыматка караганда, Марипов Кытайдын Кыргызстандагы элчиси Ду Дэвэнь менен жолуккан. Өкмөт башчы Кытай тарапка коронавируска каршы күрөшүүдө көрсөткөн колдоосу үчүн ыраазычылык билдирди.
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Кытай Кыргызстандын ишенимдүү өнөктөшү. Мындан улам достук мамиленин өнүгүшүнө чоң маани берилет. Бул тууралуу премьер-министр Улукбек Марипов билдиргенин өкмөттөн кабарлашты.

Маалыматка караганда, Марипов Кытайдын Кыргызстандагы элчиси Ду Дэвэнь менен жолуккан. Өкмөт башчы Кытай тарапка коронавируска каршы күрөшүүдө көрсөткөн колдоосу үчүн ыраазычылык билдирди.

Кыргызстандын президенти Садыр Жапаров
© Пресс-служба президента КР / Султан Досалиев
Ал эми элчи Ду Дэвень Кытай өкмөтү Кыргызстанга COVID-19 менен күрөшүүгө багытталган кезектеги гумжардам жөнөтүү чечимин кабыл алганын жана жүк жакынкы күндөрү келерин айтты.

Тараптар соода-экономикалык кызматташуу, коронавируска каршы кытай вакцинасын бекер алуу, "Торугарт" менен "Эркечтам" постундагы жүк өткөрүүнү көбөйтүү маселелерин дагы талкуулашкан.

Мындан сырткары, өкмөт башчы менен элчи эки өлкө ортосундагы авиакаттамдарды жандантуу мүмкүнчүлүгүн дагы сүйлөшүшкөн.

117
Белгилер:
коронавирус, өкмөт, Кытай, Кыргызстан
Тема боюнча
Кытай Кыргызстанга коронавируска каршы вакцина алып берет
Си Цзиньпин кесиптеши Садыр Жапаровду Кытайга чакырды
Партктагы гүлдөр. Архив

Бейшембиге карата аба ырайы

0
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

0
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео