Премьер-министр Улукбек Марипов

Буйрук бергенге гана көнгөн. Марипов Монополия менен күрөшүү агенттигин сындады

134
(жаңыланган 17:07 17.02.2021)
Өкмөт башчы Монополияга каршы жөнгө салуу мамлекеттик агенттиги мониторинг жүргүзүү менен гана чектелип калганын айтып, бааны жөнгө салуу боюнча тийиштүү мекемелерге тапшырмаларды берди.

БИШКЕК, 17-фев. — Sputnik. Премьер-министр Улукбек Марипов социалдык маанилүү товарларга карата баалардын жогорулагандыгына байланыштуу Монополияга каршы жөнгө салуу мамлекеттик агенттигинин ишин сынга алды. Бул тууралуу өкмөттүн малалымат кызматы кабарлады.

  • Премьер-министр КР Улукбек Марипов на совещании по обсуждению продовольственной безопасности. 17 февраля 2021 года
    Премьер-министр Улукбек Марипов социалдык маанилүү товарларга карата баалардын жогорулагандыгына байланыштуу Монополияга каршы жөнгө салуу мамлекеттик агенттигинин ишин сынга алды
    © Пресс-служба правительства / Алишер Алиев
  • Чиновники на совещании по обсуждению продовольственной безопасности. 17 февраля 2021 года
    Өкмөт башчы азык-түлүк коопсуздугун талкуулоо боюнча кеңешме өткөрүп, бардык тийиштүү ведомстволордун милдети азык-түлүктүн негизги түрлөрү менен тийиштүү көлөмдө жана жеткиликтүү баада камсыздоо экенин билдирди
    © Пресс-служба правительства / Алишер Алиев
  • Премьер-министр КР Улукбек Марипов на совещании по обсуждению продовольственной безопасности. 17 февраля 2021 года
    Өкмөт башчы андан ары Монополияга каршы жөнгө салуу мамлекеттик агенттиги мониторинг жүргүзүү менен гана чектелип калганын айткан.
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Премьер-министр Улукбек Марипов социалдык маанилүү товарларга карата баалардын жогорулагандыгына байланыштуу Монополияга каршы жөнгө салуу мамлекеттик агенттигинин ишин сынга алды

Өкмөт башчы азык-түлүк коопсуздугун талкуулоо боюнча кеңешме өткөрүп, бардык тиешелүү ведомстволордун милдети азык-түлүктүн негизги түрлөрү менен тийиштүү көлөмдө жана жеткиликтүү баада камсыздоо экенин билдирди.

"Бүгүнкү күндө активдүү талкууланып жаткан темалардын бири азык-түлүктүн негизги түрүнө карата баалардын өсүүсү болууда. Буга байланыштуу көптөгөн жарандар тигил же бул азык-түлүктөрдү алуудан баш тартууга аргасыз. Бул маселе өкмөттүн деңгээлинде бир нече ирет талкууланып, кандайдыр бир чечимдер кабыл алынган. Бирок абал татаал бойдон калууда, күн сайын эт, өсүмдүк майы, жумуртка жана башка товарлар кымбаттап жатат. COVID-19 пандемиясы өз таасирин тийгизип жаткандыгы түшүнүктүү, бирок актануудан ишке өтүү керек. Комплекстүү чечимдерди, превентивдүү чараларды кабыл алып, баалардын өсүшүнө ыкчам жана натыйжалуу жооп кайтаруу зарыл", — деди Марипов.

Айыл, суу чарба жана аймактарды өнүктүрүү министрлигинин маалыматына ылайык, акыркы төрт айда өсүмдүк майы 33 сомго жогорулаган жана бүгүнкү күндө чекене баа боюнча майдын 1 литри 134 сом турат. Эттин бир килограммы орточо 435 сомго дейре жогорулап, 2020-жылдын октябрь айына салыштырмалуу 124 сомго кымбаттаган.

Өкмөт башчы андан ары Монополияга каршы жөнгө салуу мамлекеттик агенттиги мониторинг жүргүзүү менен гана чектелип калганын айткан.

"Ведомствонун аталышы айтып тургандай, сиздер социалдык маанилүү товарларга карата бааларды кармоо маселесинде олуттуу ролду аткарышыңыздар керек. Иш жүзүндө сиздер мониторинг жана фактыларды тизмектөө менен гана чектелип жатасыздар. Агенттиктин жетекчилиги рыноктогу жана дүкөндөгү реалдуу абал кандай экенин билбейт. Ыңгайлуу орундукта отуруп, буйрук бергенге гана көнүшкөн. Бул тажрыйбаны токтотуу керек. Мен өзүм кээде базарларга барып, тамак-аш азыктарына карата бааларга көз салып турам, жарандардын нааразычылыгын жакшы түшүнөм", — деп белгиледи өкмөт башчы.

Кеңешменин жыйынтыгы боюнча премьер-министр мамлекеттик органдарга бир катар тапшырмаларды берди:

Айыл, суу чарба жана аймактарды өнүктүрүү министрлиги биринчи муктаждыктагы продуктуларга карата бааны жөнгө салуу үчүн ири жеткирүүчүлөр жана өндүрүүчүлөр менен жолугушуу өткөрүүсү;

Экономика жана финансы министрлигине караштуу Монополияга каршы жөнгө салуу мамлекеттик агенттиги жана өкмөттүн аймактардагы ыйгарым укуктуу өкүлдөрү социалдык маанилүү товарлардын баасына күнүмдүк талдоо жана мониторинг жүргүзүүсү;

Бишкек, Ош шаарларынын жана республиканын башка ири шаарларынын мэриялары Айыл, суу чарба жана аймактарды өнүктүрүү министрлиги менен биргеликте тамак-аш азыктарына карата туруктуу баа коюлган ар жумалык айыл чарба жарманкесин өткөрүү боюнча тутумдуу ишти уюштуруусу.

134
Белгилер:
Улукбек Марипов, азык-түлүк, баалар, сын
Тема боюнча
Токтогазиев: кумшекердин запасы 3 айга, өсүмдүк майы 5 айга гана жетет
Кыш кете электе... Баткенде жазгы айдап себүү жумуштары башталды. Сүрөт
Кронштадт суу түбүндөгү кайыгы. Архивдик сүрөт

"Табыш кыйын буларды!". Россия көзгө чалдыкпас, дабышы угулбас комплекс камдоодо

43
Россиянын флоту келерки жылы жаңы, дабышсыз жана көзгө илинбес курал тутумдарына ээ болот. 677 долбоорунун суу түбүндөгү "Лада" дизелдик-электрдик кайыктарынын биринчи сериялык өндүрүшү башталып туру.

Бул субмаринаны иштеп чыгууга 20 жылдан ашуун убакыт сарпталган, ал таамай куралды ташый алат. Анын багытын аныктоо өтө татаал. Долбоордун өзгөчөлүктөрүнө Николай Протопопов кеңири токтолгон.

Машакаттуу долбоор

"Кронштадт" жана "Великие Луки" суу түбүндөгү кайыктары россиялык моряктарга быйыл тапшырылмак, бирок контрагенттер менен болгон көйгөйдөн улам жылдырылганын айтат РФтеги "Адмиралтейские верфи" кеме куруучу ишканасынын башкы директору Александр Бузаков.

Сентябрда Биргелешкен кеме куруучу корпорациясынын жетекчиси Алексей Рахманов эки кеменин сериялык чыгарылышы кечеңдей турганын маалымдаган, анткени тетиктерди жабдуучулардын бири белгиленген мөөнөткө үлгүрбөй калган. Долбоордо башынан бери эле ушундай кечигүүлөр көп болду. Иш 1990-жылдардын аягында эле старт алып, "Санкт-Петербург" деген аталыштагы негизги кемесин куруу башталган.

Ал 2004-жылы сууга коё берилген. Эки жылдан соң РФтин Аскердик-деңиз флотуна жөнөтүлмөк. Бирок Түндүк флот аны сынамык пайдаланууга 2010-жылы гана алган. Эскилиги жеткен 877-долбоорунун "Палтус" кайыктарын "Ладалар" менен алмаштыруу пландалган. Суу түбүндөгү жаңы кайыктар кичирээк, гидролокаторлорго байкалбайт. Россиялык кеме куруудагы стандартка коошпогон бир корпустуу схема кайыктын дабышсыз сүзүшүн камсыздайт.

Мындан тышкары, "Ладалар" — келечекте абадан көз каранды болбогон күч орнотмолору менен жабдыла турган алгачкы суу түбүндөгү кайыктар. Балким, жаңы конструктивдүү чечимдердин көптүгүнөн жана аларды "темирде" ишке ашыруунун татаалдыгынан улам кеме тутумунун курулушу создуктурулуп келгендир.

Башкы кемени сыноолордун жүрүшүндө гидроакустикалык комплекстеринде олуттуу көйгөйлөр аныкталган. Ал эми калактуу электр кыймылдаткычынын күчү суу алдында тийиштүү ылдамдыкка чыгарууга жетишсиз болгон. Бирок баары бир РФ Аскердик-деңиз флоту бул типтеги жаңы кайыктарды күтүшкөн, ошондуктан "Ладалардын" ордуна Тынч океандык флот үчүн "Ладалардын" ордуна 636 долбооруна таандык, мезгил менен сыналган жана жакшы өздөштүрүлгөн алты "Варшавянкага" буюртма кылышкан.

Майда, бирок пайдасы ат көтөргүс

Адистердин пикиринде, "Ладалар" — эң заманбап жана келечектүү атомдук эмес субмариналар. Чакан көлөмүнө карабастан, көп функционалдуулугу менен айырмаланышат. Суу түбүндөгү жана суудагы кемелерге туруштук берип, жээктеги объектилерге сокку уруп, мина тосмолорун коюп, жээкти десанттарды түшүрүүдөн коргоп, аскердик бөлүктөрдү жана атайын багыттагы жүктөрдү ташый алат.

Негизги артыкчылыгы — жогорку деңгээлде автоматташтырылышы, дабышы төмөндүгү, мобилдүүлүк жана маневрдүүлүгү, бул өзгөчөлүктөрү диверсиялык жана чалгындоочу операцияларда натыйжалуу пайдаланууга мүмкүндүк берет. Кубаттуу гидроакустикалык комплекси жана дароо үч сезимтал антенна менен жабдылган, маңдайкы бөлүгүндө бирөө, капталдарында экөө жайгашкан.

Сыйымдуулугу 1,8 миң тоннанын тегерегиндеги суу түбүндөгү кеменин ылдамдыгы 20 узелге дейре жетет. Тереңдиги — 350 метрге чейин. Аны менен катар эле экипаж жалпы 30 кишиден турат. Куралдануусуна токтолсок, стандарттык түрдө "Ладалар" бортунда 533 миллиметрлик калибрдеги 18 торпеда жана 20 чакты минаны ташыйт. Торпедалык аппараттар кайыкка каршы коргонуучу саатына 300 чакырымга чейин күүлөнө алчу "Шквал" ыкчам ракета-торпедалары менен атууга ылайыкталган. Анан, албетте, көптөгөн россиялык заманбап кемелер өңдүү эле "Ладалар" канаттуу "Калибр" ракеталарына ээ. Сериялык субмариналардын алгачкы экөөнү абадан көз карандысыз энергетикалык орнотмосуз курушат. Бузаковдун айтымында, Россияда андай жарала элек. Бирок анын тобундагы калган кемелер флотко берилет.

Көзгө көрүнбөс күзөтүүчүлөр

"Лада" — мурдагы долбоорлорго негизделген суу түбүндөгү кайыктардын жапжаңы классы, - дейт Флотту колдоо жалпы россиялык кыймылынын төрагасы, биринчи рангдагы капитан Михаил Ненашев. — Соңку 15-20 жылда "Лада" алкагында 150нүн тегерегинде сынамык-конструктордук ишти өздөштүрүштү. Бир дагы долбоордо мынчалык иш аткарылган эмес. Маңызында бул суу түбүндөгү чоң лаборатория".

Эксперт белгилегендей, мурдагы долбоорлорго салыштырмалуу "Ладалардын" бортуна көбүрөөк торпеда салынат.

Уникалдуу тактикалык-техникалык мүнөздөмөлөрүнөн улам бардык тактикалык жана стратегиялык багыттарда иш алпара алат. Мындан сырткары, түзүлүшү ракеталык комплекстерди жайгаштырууга ылайык.

"Бул дизелдик-электрдик кайыктарынын дабышы деңиз добушуна окшошуп кетет, ал эми жаңы гидроакустикасы башка кемелерге караганда алда канча көбүрөөк мейкиндикти тыңдай алат, — дейт Ненашев. — Бул абдан маанилүү, себеби "Ладалар" Арктикада жайгашмакчы. Дагы бир артыкчылыгы — чакан көлөмү, бул суу түбүндөгү кайыктарды тайыз да, аябай терең сууларда да пайдаланууга мүмкүндүк берет. Болжолдуу душмандын атомоходдору каалаган жеринде жайгаша албайт, ал эми "Лада" сымал суу түбүндөгү кайыктарда аймакты ийгиликтүү коргоого болот".

Россиялык суу түбүндөгү дизелдик кайыктар өз классында мыкты деп табылган. Кара деңиз флотунда мындай алты кайык күзөтүүдө, жакынкы жылдары дагы алты кайык тынч океанчыларга берилет. Кызмат өтөөчү туруктуу жерге жайгаштырууга эки субмарина даярдалууда.

Дабышсыз жана байкалбастыгынан улам мындайларды НАТОдо аларды "кара туюк" деп атап коюшат. Бирок "Ладалар" алардан да акырын сүзөт. Башкы кемени – "Санкт-Петербургду" сыноодо 677-долбоордун байкалбастык деңгээли бул сериядагы бардык үлгүлөрдөн кыйла жогору экени айгинеленди.

43
Белгилер:
кайык, суу, НАТО, курал, аскер-деңиз флоту, Россия
Тема боюнча
Технологиялык революция. Россияга "Буревестник" ракетасы эмне үчүн зарыл?

Пашиняндын "Искандерлер" боюнча айтканы элди экиге бөлгөндө. Россия эмне деди

100
(жаңыланган 18:40 27.02.2021)
Армения оппозициясы көшөрүп өлкөнүн премьер-министри Никол Пашиняндын отставкасын талап кылууда.

Эки күндөн бери Еревандагы "Эркиндик" аянтында чатырлар тигилип турат: нааразылыкка чыккандар парламенттин имаратынын алдына түнөштү. Азыркы бийликтин саясатына ичи чыкпагандардын нааразылык толкуну Пашиняндын россиялык "Искандерлер" боюнча айтканынан соң күчөп, чегине жетти. Ыкчам-тактикалык комплекстер боюнча сөз армян коомчулугун эмне үчүн экиге бөлдү? Тоолуу Карабахта негизи "Искандерлер" колдонулду беле?

100
Белгилер:
Никол Пашинян, нааразычылык, ракета, Армения
Тема боюнча
Тоолуу Карабах: Пашинян "Искандерден" неге шектенди?
Кышкы ачык асман. Архивдик сүрөт

Жекшембиге карата аба ырайы

0
Жаап өткөн жаан-чачынга байланыштуу 27-февралдан 2-мартка чейин тоолуу райондордо жана айрым ашууларда кар көчкү түшүп, күрткү пайда болушу ыктымал. Унаалардын ортосундагы 500 метр аралык кыймыл чектелиши зарыл.

БИШКЕК, 27-фев. — Sputnik. Жекшемби күнү, 28-февралда, республика аймагында күн ачык болот. Бул тууралуу Кыргызгидромет маалымдады.

Маалыматка ылайык, тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй өрөөнүндө +4...+9, Талас жергесинде +3...+8, Ош, Жалал-Абад, Баткен облустарында +5...+10, Ысык-Көл аймагында 0...+5, ал эми Нарында -1...-6 градус болору айтылды.

Күндүн табы Бишкек шаарында жана Ош калаасында +5...+7 градусту көрсөтөт.

0
Белгилер:
аба ырайы, Кыргызстан, февраль
Тема боюнча
Тоңуп калган. Кеминде мал айдап келем деп кайтпай калган аялдын сөөгү табылды