УКМК трагасы Камчыбек Ташиев. Архив

Ташиев: эртеңден баштап чоң-чоң аткаминерлер камалат

1827
(жаңыланган 14:15 18.02.2021)
УКМК төрагасы кайсы аткаминерлердин камакка алына турганын ачыктаган жок. Ал мамлекеттин байлыгын уурдоо түшүнүгүнөн арылууга убакыт келгендигин айтат.

БИШКЕК, 18-фев. — Sputnik. Эртеңден баштап бир нече аткаминер камалат. Бул тууралуу УКМК төрагасы Камчыбек Ташиев Баткен облусундагы чек арага жакын жайгашкан айыл тургундары менен жолугушууда билдирди.

Ал мамлекеттин байлыгын уурдайм деген түшүнүктөн арылууга убакыт келгендигин баса белгиледи.

"Мен бүгүн эле Германиядан келип, бир сааттан кийин бул жакка келдим. Саат төрттө учуп кетебиз. Барып эле Садыр Жапаров менен жолугуп сиздер боюнча толук маалыматтарды айтып берем. Эртеңден баштап көрөсүздөр, бир нече чоң-чоң аткаминерди камакка алабыз. Себеби алар элдин канын соруп бүтүшкөн. Жөнөкөй адамдарга тийбейбиз. Мындан ары эч кимдин коррупция кылам деген оюна да келбеши керек", — деди Ташиев.

Ошондой эле ал жарандарга кайрылып, кимде-ким коррупциялык көрүнүштөргө күбө болсо маалымат берүүгө чакырды.

1827
Белгилер:
коррупция, УКМК, Камчыбек Ташиев, билдирүү
Тема боюнча
УКМК төрагасы Камчыбек Ташиев Баткенге барды. Видео
Тажикстандан кууп чыгарттык. Ташиев "Дженго" кантип кармалганын айтты
Президент Садыр Жапаров жана биринчи айым Айгүл Жапарова

Садыр Жапаров канайым экөө өзгөчөлөнгөн айымдарды куттукташты. Сүрөт

15
(жаңыланган 16:57 05.03.2021)
Иш-чарага өз кесиптеринде өзгөчөлөнгөн айымдар — мугалимдер, врачтар, ишкерлер, спортчулар катышкан.

БИШКЕК, 5-мар. — Sputnik. Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту. Бул тууралуу президенттин маалымат кызматы билдирди.

Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи. Иш-чарада биринчи айым Айгүл Жапарова дагы катышкан.

  • Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
    Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
    © Пресс-служба президента КР / Султан Досалиев
  • Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи
    Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи
    © Пресс-служба президента КР / Султан Досалиев
  • Иш-чарада биринчи айым Айгүл Жапарова дагы катышкан
    Иш-чарада биринчи айым Айгүл Жапарова дагы катышкан
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
"Жергебизде тынчтыктын өкүм сүрүшүндө, жашоо-турмуштун оң жагына ооп, бир нукка түшүп, өнүгүүгө карай бурулушунда сиздердин эмгегиңерге баа жетпейт. Кыргыз коомунда аялзаты эзелтеден эле урматталып, анын коомдогу жана саясий турмуштагы ээлеген орду абдан жогору бааланган. Акылман, кайраттуу, эмгекчил жана ажарлуу аялзатынын образдары катары Чыйырды, Каныкей, Айчүрөк, Кыз Сайкал, Жаңыл Мырзанын ысымдары элибиздин аң-сезимине бекем орноп, жүрөгүнөн түнөк тапкан", — деди президент.

Жапаровдун белгилешинче, бүгүн өлкө айымдары ар кайсы чөйрөлөрдө иштеп, коомдук турмушка активдүү катышууда. Ошол эле учурда алар ишке жоопкерчилик менен мамиле жасап, демилге көтөрүп, реформаларды колдоп, жаңы жетишкендиктерге умтулуу менен бирге, эң жогорку кесипкөйлүктү көрсөтүп келишүүдө.

Мамлекет башчы дүйнөнү каптаган коронавирус пандемиясы аялдардын түйшүгүн ого бетер көбөйтүп, мойнуна кошумча мээнет жүктөгөнүн кошумчалады.

Президент Кыргызской Республики Садыр Жапаров встретился с женщинами-представителями различных профессий со всех регионов страны, в преддверии Международного женского дня. 05 марта 2021 года
© Пресс-служба президента КР / Султан Досалиев
Мамлекет башчы дүйнөнү каптаган коронавирус пандемиясы аялдардын түйшүгүн ого бетер көбөйтүп, мойнуна кошумча мээнет жүктөгөнүн кошумчалады
"Биз аял врачтардын, медайымдардын, волонтёрлордун каармандыгын, жөнөкөй жарандарыбыздын өтөгөн эмгегин эч качан унутпайбыз. Алар бул илдетке каршы күрөштө алдыңкы катарда турушту. Өлкөдө болуп жаткан соңку өзгөрүүлөр, жаңылануу курсунун ишке ашырылышы кыргызстандык аялдардын түйшүгүн жеңилдетип, укугун коргойт деп ишенебиз. Ушул жаркыраган Жаз майрамында сиздерге бекем ден соолук, бакыт-таалай, бейпилдик жана бакубатчылык каалайм!" — деди Жапаров.

Өз кесиптеринде өзгөчөлөнгөн айымдар — мугалимдер, врачтар, ишкерлер, спортчулар сөз сүйлөп, президенттин куттуктоосуна ыраазычылыктарын билдиришти. Ошону менен бирге өз тармактарындагы актуалдуу маселелерге учкай токтолушту.

15
Белгилер:
эмгек, майрам, аял, куттуктоо, Садыр Жапаров
Тема боюнча
Кыргызстандын канайымы эл алдына чыкты. Сүрөт
Улуулуктун символу. Жапаров кыргызстандыктарды Ак калпак күнү менен куттуктады
Президент Кыргызстана Садыр Жапаров. Архив

Жапаров: сот бийлиги элдин биримдигин бекемдөөдө маанилүү курал

57
(жаңыланган 13:52 05.03.2021)
Садыр Жапаров бүгүн, 5-мартта, Сот системасынын кызматкерлеринин күнүнө арналган иш-чарага катышып, бул тармактын көйгөлөрүнө токтолгон.

БИШКЕК, 5-мар. — Sputnik. Сот бийлиги улуттар аралык ынтымакты, жарандык тынчтыкты жана Кыргызстан элинин биримдигин бекемдөөдө маанилүү курал болуп саналат. Бул тууралуу мамлекет башчы Садыр Жапаров билдиргенин президенттин маалымат кызматынан кабарлашты.

Садыр Жапаров бүгүн, 5-мартта, Сот системасынын кызматкерлеринин күнүнө арналган иш-чарага катышкан.

Президент иш-чаранын катышуучуларына соттор менчиктин бардык түрлөрүнүн, жарандардын, ишкерлик субъектилеринин жана юридикалык жактардын укуктары менен мыйзамдуу кызыкчылыктарын эффективдүү корголушун камсыз кылууга милдеттүү болсо, иш жүзүндө башкача болуп жатканын баса белгилеген.

"Кыргыз сот адилеттигинин жаргылчагына түшүп, андан реалдуу түрдө чыгып кетүү — бул чындыктан жомокко киргенге эсе. Муну мен ошол жаргылчактын бүт оорчулуктарын өзүмдүн жон терим менен сезип, башыман өткөргөн адам катары айта алам. 30 жылдан бери ар кандай соттук-укуктук реформалар жасалып келсе дагы биздин сот жана укук коргоо системаларыбыз өздөрүнүн эң негизги болгон — мыйзамдуулукту сактоо жана бузулган укуктарды калыбына келтирүү милдеттерин так аткарбай келет деп биз ачык айтышыбыз керек. Ошондой эле эл аралык коомчулук, сырткы жана ички инвесторлор республиканын укуктук системасын менчикти жана бузулган укуктарды толук кандуу коргоп бере албаган система катарында кабыл алганын моюнга алышыбыз керек", — деди Жапаров.

Мамлекет башчысы коомдук аң-сезимде мамлекеттик укук коргоо жана сот тутумдарына карата терс мамиле жараткан көйгөйлөр көп экенин кошумчалаган.

57
Белгилер:
укук, эл, бийлик, сот, Садыр Жапаров
Тема боюнча
Улуулуктун символу. Жапаров кыргызстандыктарды Ак калпак күнү менен куттуктады
Жапаров казак инвесторлорун Кыргызстанга чакырды. Берген убадалары