Президент Садыр Жапаров. Архив

Садыр Жапаровдун Россияга жасай турчу иш сапарынан эмне күтүлүп жатат

350
(жаңыланган 10:22 19.02.2021)
КРдин Толук жана ыйгарым укуктуу элчиси, профессор Аскар Бешимов Кыргызстан президентинин Москвага биринчи сапары көрсөткүчтүү, көптөрдүн көз алдында болот деген пикирин айтты.

БИШКЕК, 18-фев. — Sputnik. Садыр Жапаровдун Россия Федерациясына жасай турган сапары 24-25-февралга белгиленген. Мамлекет башчы учурда тыкыр даярдыктан улам обочолонууда болуп жатат. Бул иш сапардан эки тарап тең көп нерсени күтүп жатат. Саясий "көздөн кечирүү", КР президентинин эл аралык жогорку деңгээлде биринчи ирет чыгышы, мындан тышкары, стратегиялык өнөктөштөрдүн мамилесинин кайсы багыт менен өнүгө турганы аныкталмакчы.

Sputnik Кыргызстан радиосундагы маекте Аскар Бешимов октябрдагы элдик толкундоолордон кийин бул иш сапар өзгөчө маанилүү экенин белгиледи.

"Албетте, сырткы багыттагы бир канча вектордо биз үчүн маанилүү орунду Россия ээлейт. Жаңы шайланган президент биринчи иш сапарын ал жакка жөн жерден жасаган жок. Буга көптөн бери даярданды, октябрдагы турукташуудан кийин иш башталды. Биринчиси ар дайым көптөрдүн көз алдында болот. Мындайча айтканда, көздөн кечирүү, көз салуу, байкоо жүрөт. Анын үстүнө бул мезгилдери бизде башкачараак абал түзүлгөн. Азыр президент өлкөнүн ичине гана белгилүү, сырткы аренада көзгө урунарлык кадамдарды жасай элек. Экинчи учур — Россия президенти Владимир Путин көп кайталап жүргөн алаканын, кызматташуунун ыгын, алкагын белгилеп алуу. Тагыраагы, окуяларга баа берүү, азыр биз турган абалды жана андан ары кандай жылабыз, кадамдарыбыз кандай болорун аныктап алуу. Дүйнөдө, өзгөчө постсоветтик аймакта мамлекет башчыларынын жеке мамилелери өзгөчө мааниге ээ. Ар бирөө өзүнүн саясий портретин жана өз ара алаканын ыкмаларын түзүп алат", — деп айтып берди Бешимов.

Ал жалпыга маалымдоо каражаттарынын өкүлдөрүсүз тар чөйрөдө жогорудагы позициялар сүйлөшүлөрүн жана кийинки формат ошого жараша болорун айтты.

350
Белгилер:
иш сапар, Аскар Бешимов, Владимир Путин, Садыр Жапаров, Россия, Кыргызстан
Тема:
Садыр Жапаровдун Россияга сапары (41)
Тема боюнча
Садыр Жапаров Москвага болчу иш сапарынан улам обочолонуу режимине өттү
Өкмөттүн Баткен облусундагы ыйгарым укуктуу өкүлү Өмүрбек Суваналиев. Архив

Суваналиев Согди жана Фергана облустарынын башчылары менен сүйлөштү

92
(жаңыланган 19:15 04.03.2021)
Жетекчилер облустар аралык соода-экономикалык байланыштарды чыңдоону сүйлөшүп, чек аралаш аймактарда коомдук коопсуздукту сактоону макулдашышкан.

БИШКЕК, 4-мар. — Sputnik. Өкмөттүн Баткен облусундагы ыйгарым укуктуу өкүлү Өмүрбек Суваналиев Тажикстандын Согди облусунун аткаруу бийлигинин төрагасы Раджоббой Ахмодзода жана Өзбекстандын Фергана облусунун башчысы Хайрулло Бозаров менен телефон аркылуу сүйлөштү. Бул тууралуу өкүлчүлүктүн маалымат кызматы кабарлады.

Жетекчилер облустар аралык соода-экономикалык, маданий байланыштарды чыңдоо, кошуналык жакын мамилени, чектеш элдердин ынтымагын жана достугун бекемдөөнү сүйлөшүшкөн.

"Өзгөчө чек аралаш аймактарда коомдук коопсуздукту сактоо, чыр-чатактардын алдын алуу жана жаралган көйгөйлөрдү биргелешип чечүү боюнча макулдашышты", — деп айтылат маалыматта.

Ошондой эле үч облустун кызматташуу тууралуу планы талкууланган. Анда экономикалык байланыштарды чыңдоого өзгөчө көңүл бурулары белгиленди.

92
Белгилер:
чек ара, сүйлөшүүлөр, Өмүрбек Суваналиев, Фергана өрөөнү, Баткен облусу
Тема боюнча
Баткенде аткезчиликке бөгөт коюу үчүн мобилдүү топтор иштеп жатат
Жогорку соттун төрайымы Гүлбара Калиева. Архив

Шашып жатышат. Калиева аны жоопко тартууга жол ачкан чечим боюнча үн катты

148
(жаңыланган 18:53 04.03.2021)
Башкы судья шашылыш чечим кабыл алынганы түшүнүксүз болуп жатканын айтып, мыйзамда төрт айлык мөөнөт каралганын белгиледи.

БИШКЕК, 4-мар. — Sputnik. Жогорку соттун төрайымы Гүлбара Калиева аны жоопко тартууга жол ачкан чечим боюнча комментарий берди. Билдирүүнү маалымат кызматы таратты.

Бүгүн Судьялар кеңешинин алдындагы Дисциплинардык комиссия Калиеваны кылмыш жоопкерчилигине тартууга макулдугун берген.

"Мени кылмыш жоопкерчилигине тартууга макулдук берүүнү мыйзамсыз деп эсептейм. Себеби жыйын менин катышуумсуз өттү. Ооруганымды тастыктаган маалым кат жана мен жокто бул маселени карабай турууну өтүнүп жазган арызым эске алынган жок. Мындан сырткары, эмнеге анча шашып чечим кабыл алганы түшүнүксүз. Мыйзамда төрт айлык мөөнөт каралган. Мындай аракеттер мыйзамга каршы келет", — деди Калиева.

Буга чейин УКМК Калиева ар кандай шылтоо менен Дисциплинардык комиссиянын ишин чоюп келе жаткандыгын айткан. Буга Жогорку соттун маалымат кызматы жыйын башкы судьянын ден соолугуна байланыштуу жылдырылып келгенин билдирген.

Жогорку соттун төрайымынын иши

Атайын кызмат "Жергиликтүү сот" автоматташтырылган маалыматтык системаны ишке киргизүүдөгү коррупция фактысы боюнча Жогорку соттун кызмат адамдарына иш козгогон. УКМК төрагасы бул ишке Калиеванын да тиешеси бар экенин айтып, ага карата иш козголгонун билдирген.

Мындан сырткары, Жазык кодексинин 320-беренесинин ("Кызмат абалынан кыянаттык менен пайдалануу") негизинде Жогорку соттун төрайымы Гүлбара Калиевага козголгон дагы бир иш боюнча сотко чейинки териштирүүнү баштаганы айтылган. УКМКнын билдиришинче, сот бийлигинин айрым өкүлдөрү өткөн жылдын февраль айында жеке кастыктан улам интернетке башка судьянын беделин түшүргөн видеоматериалдарды интернетке жарыялап, муну менен кесиптешин жоопкерчиликке тартууну максат кылышканы аныкталган. Жогорку соттун төрайымы бул боюнча мыйзамдуу чараларды көрүүнүн ордуна ишти жаап-жашырууга аракет кылганы белгиленген.

Атайын органдын мындай маалыматына Жогорку сот жооп берип, акыркы учурда УКМК сот бийлигинин өкүлдөрүн негизсиз, далили жок айыптап жатканын айткан. Ошондой эле бул сот системасынын беделин түшүрүп жатканы кошумчаланган.

148
Белгилер:
чечим, Жогорку сот, Гүлбара Калиева
Тема боюнча
Жогорку сотко караштуу Сот департаментинин статс-катчысы кармалды
Алдыда бир топ кызмат адамдары камалат. Баш прокурордун билдирүүсү. Видео
Грек жаңгагы. Архив

Былтыр Кыргызстан 6 миң тонна грек жаңгагын экспорттоду. Алган өлкөлөр

0
Кыргызстандын эң белгилүү экспорттук продукциясын 16 өлкө сатып алган. Арасында Араб, Европа мамлекеттери бар.

БИШКЕК, 5-мар. — Sputnik. Өткөн жылы Кыргызстан 6 миң 335,9 тонна грек жаңгагын экспорттоду. Бул тууралуу Улуттук статистика комитети билдирди.

Мында чагылган жана кабыгы менен кошо сатылгандарынын баары кошулуп эсептелген. Жалпы баасы 9,3 миллион долларды түзөт.

Сатып алган өлкөлөр (тонна менен):

  • Афганистан — 44 ;
  • Азербайжан — 21,4;
  • Грузия — 19,5;
  • Германия — 29,6;
  • Индия — 3,1;
  • Иран — 8;
  • Ирак — 71,3;
  • Казакстан — 24;
  • Катар — 0,4;
  • Монголия — 3,2;
  • Молдова — 0,5;
  • БАЭ — 23;
  • Россия — 5 миң 401,4;
  • Түркия — 577,6;
  • Түркмөнстан — 103,9;
  • АКШ — 5.

2019-жылы жалпы баасы 6,2 миллион долларлык 8,2 миң тонна грек жаңгагы экспорттолгон.

0
Белгилер:
чет өлкө, сатуу, экспорт, жаңгак
Тема боюнча
Кыргызстан мал сатууну эселеп көбөйткөн. Былтыркы статистика
Кыргызстан былтыр 500 тонна бал саткан. Экспорттолгон мамлекеттер
Кыргызстан былтыр 987 млн. долларлык алтын экспорттоду