Премьер-министр Улукбек Марипов. Архив

Трайбализмди жок кылабыз. Марипов акимдерди ротациялап, аттестациядан өткөрөт

575
(жаңыланган 19:56 22.02.2021)
Өкмөт мамлекеттик кызматта түндүк-түштүк деген түшүнүктөн арылуу жана кландык ооруну түп-тамырынан бери жок кылуу максатын көздөп жатат.

БИШКЕК, 22-фев. — Sputnik. Жакынкы күндөрү район акимдери жана орун басарлары аттестациядан өткөрүлөт. Бул туурасында премьер-министр Улукбек Марипов кыргызстандыктарга жасаган кайрылуусунда маалымдады.

Ал президент Садыр Жапаровдун башкы тапшырмасы кадрларды тандоо системасын жана практикасын кардиналдуу өзгөртүү экенин белгилейт.

Муну ишке ашыруу үчүн биринчи этапта системалуу түрдө бардык райондук акимдер жана алардын орун басарлары аттестациядан өткөрүлөт. Аны менен катар акимдерди ротациялоо принциби ишке киргизилет.

Бул иштердин башкы максаты:

  • элдин ынтымагын бекемдөө;
  • мамлекеттик кызматта түндүк-түштүк деген түшүнүктөн арылуу;
  • кадрдык трайбализм, кландык ооруну түп-тамырынан бери жок кылуу;
  • "тааныш-билиштердин" мамлекеттик башкаруу кызматтарына келишин токтотуу;
  • жеке кызыкчылыктардын кагылышуусун алдын алуу, айрыкча инвесторлор менен жергиликтүү калктын ортосундагы келишпестиктерди болтурбоо;
  • системага айланган коррупциялык схемаларды жок кылуу.
"Муну менен биз жер-жерлердеги жетекчилерди натыйжалуу жана сапаттуу иштегенге түрткү беребиз. Дагы бир жолу баса белгилеп кетейин, биз бир ууч эле элбиз. Бизге бекем ынтымак гана керек! Аттестациялоо иштери өтө жакынкы күндөрү башталат, таза, ачык-айкын, акыйкат жана бирдей шартта өткөрүлөт. Бардык иштер жаап-жашырылбастан элдин көз алдында, коомчулуктун катышуусунда болот", — деди Марипов.

Ошондой эле ал учурда аттестациялык комиссиянын курамы түзүлүп жатканын айтты. Ага район жана облустардын мурдагы абройлуу жетекчилери, ар түрдүү региондон мамлекеттик жана муниципалдык кызматтын ардагерлери кирет.

Ротациялоо практикасы укук коргоо органдарынын ишинде активдүү колдонулуп келет. Мындай аракет райондук эле эмес, республикалык масштабдагы адистердин калыптанышында жакшы натыйжаларды берүүдө.

"Мындай кадам өлкө саясатын ишке ашырууга жөндөмдүү, жогорку квалификациялуу кадрлардын күчтүү резервин түптөөдө негизги өзөктөрдүн бири болот. Бул чечимдерибиз эл тарабынан туура кабылданып, колдоо табат деп ишенемин. Мен өз өлкөмдүн патриот уулу жана премьер-министри катары аймактарга өз ишин мыкты билген профессионалдардын келишине абдан кызыкдармын! Биз күчтүү Кыргызстанды бирге курабыз деп бекем ишенем!" — деп кайрылды өкмөт башчы.

Ошону менен бирге аттестациядан ийгиликтүү өткөн мамлекеттик администрация башчылары жана орун басарлары карьералык тепкич боюнча көтөрүүгө негизги талапкерлердин бири катары каралат.

575
Белгилер:
Улукбек Марипов, ротация, жетекчи, аттестация, кызмат, аким
Тема боюнча
Карапайым эл Марипов менен вице-премьерлерге кайсы күндөрү кире алат. График
ИИМде ротация жүрүп, облус, район ИИБдеринин жетекчилери алмашты. Тизме
Мамлекет башчы Садыр Жапаров бүгүн, 2-мартта, Казакстандын премьер-министри Аскар Мамин менен жолугушту

"Жашыл коридор" үчүн ыраазычылык. Жапаров Казакстандын премьери Маминге жолукту

105
(жаңыланган 21:33 02.03.2021)
2020-жылы коронавирус пандемиясы маалында Казакстан эмгек мигранттарынын мекенине кайтып келүүсүнө "жашыл коридорлорду" түзүп берген.

БИШКЕК, 2-мар. — Sputnik. Мамлекет башчы Садыр Жапаров бүгүн, 2-мартта, Казакстандын премьер-министри Аскар Мамин менен жолукту. Бул тууралуу президенттин маалымат кызматы кабарлады.

Соода-экономикалык кызматташтыкты өнүктүрүү, маданий-гуманитардык өз ара байланыштарды кеңейтүү жана күн тартибиндеги башка актуалдуу темалар боюнча пикир алмашышкан.

Аскар Мамин боордош эки элдин ортосундагы достук байланыштарды чыңдоонун маанисин белгилеп, мамлекеттердин өз ара экономикалык пайдалуу кызматташтыгын тереңдетүүгө даяр экенин билдирди.

Садыр Жапаров бүгүн, 2-мартта, Нур-Султан шаарындагы Казакстандын туңгуч президенти Нурсултан Назарбаевдин музейине барды
© Пресс-служба президента КР / Султан Досалиев
Жапаров 2020-жылы коронавирус пандемиясы маалында Казакстан мамлекети биринчилерден болуп кол сунуп, чоң колдоо көрсөтүп, эмгек мигранттарынын мекенине кайтып келүүсүнө "жашыл коридорлорду" түзүп бергендиги үчүн коңшу өлкөнүн өкмөтүнө кыргыз элинин атынан ыраазычылык билдирген.

Мамлекет башчы Казакстандын жогорку жетекчилиги эки элдин ортосундагы биримдикти жана тыгыз карым-катнашты чыңдоого зор салым кошуп жаткандыгын белгилеген.

Президент кыргыз тараптын Казакстан менен соода-экономикалык жана инвестициялык кызматташууну кеңейтүүгө даярдыгын жана кызыкдар экенин билдирген.

105
Белгилер:
ыраазычылык, кызматташтык, жолугушуу, Аскар Мамин, Садыр Жапаров, Казакстан, Кыргызстан
Тема:
Жапаровдун Казакстанга болгон иш сапары
Тема боюнча
Жапаровдун Казакстанга болгон сапарынын биринчи күнү кандай өттү. Видео
Чечилбеген көйгөй болбошу керек. Жапаров Назарбаев менен жолукту
Ош шаары. Архив

Оштун мурдагы башчысы Байыш Юсуповдун уулу шаардын биринчи вице-мэри болду

80
(жаңыланган 21:09 02.03.2021)
Байыш Юсупов былтыр октябрдагы парламенттик шайлоодон кийинки нааразычылыктардан улам отставкага кеткен. Уулу калаа мэриясындагы кызматынан жогорулады.

БИШКЕК, 2-мар. — Sputnik. Өкмөттүн Ош облусундагы мурдагы өкүлү Байыш Юсуповдун уулу Замир Юсупов Ош шаарынын биринчи вице-мэри болуп дайындалды. Бул маалыматты муниципалитеттин басма сөз кызматы тастыктады.

Тиешелүү буйрукка мэр Таалайбек Сарыбашов кол койгон.

35 жаштагы Замир Юсупов буга чейин Ош шаардык мэриясынын тышкы байланыштар жана аналитика бөлүмүнүн жетекчиси болуп иштеп келген.

Жогорку билимдүү. Кыргыз-орус славян университетинин эл аралык мамилелер факультетин жана Ош технологиялык университетин аяктаган. 

Анын атасы Байыш Юсупов былтыр августта Узарбек Жылкыбаевдин ордуна келген. Бирок октябрдагы парламенттик шайлоодон кийинки нааразычылыктардан улам отставкага кетип, ордуна Жарасул Абдураимов дайындалган.

80
Белгилер:
мэрия, Байыш Юсупов, Ош
Тема боюнча
Муратбек Азымбакиев ШКУнун башкы катчысынын орун басарынын милдетин аткарат
Абактын терезеси. Архив

Сокулук РИИБдин убактылуу кармоо жайында бир киши көз жумду. Ишти УКМК иликтейт

0
(жаңыланган 00:35 03.03.2021)
Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги аны көзөмөлгө алган.

БИШКЕК, 3-мар. — Sputnik. Сокулуктагы убактылуу кармоочу жайда бир киши каза болгонун Чүй облустук ички иштер башкармалыгынын маалымат кызматы кабарлады.

2-март таң эрте Сокулук райондук милициясынын убактылуу кармоочу жайынын күзөтчүсү камактагы 51 жаштагы эркек кишини эс-учун жоготкон абалда тапкан.

"Окуя болгон жерге дароо Тез жардам кызматы чакырылып, медиктер киши көз жумганын аныкташкан. Анын өлүмүнүн себебин аныктоо үчүн экспертиза дайындалды", — деп айтылат билдирмеде.

Каза тапкан адам Кылмыш-жаза кодексинин 200-беренеси ("Уурулук") менен шектелип, эки айга камакка алынган.

Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги ишти көзөмөлгө алган. Аталган факт каттоого алынып, чогултулган материалдар кошумча иликтөө үчүн УКМКга өткөрүлүп берилген.

0
Белгилер:
шектүү, өлүм, милиция, Сокулук району, Чүй облусу
Тема боюнча
Бүгүн таңда Кара-Сууда үй ээсин өлтүрүп, сейфин алып кетишти. Эки шектүүнүн сүрөтү