Владимир Путиндин маалымат катчысы Дмитрий Песков. Архив

Путиндин маалымат катчысы: Жапаровдун иш сапары мазмуну жагынан көлөмдүү

(жаңыланган 20:37 24.02.2021)
Жапаровдун Россиянын бизнес коомчулугу, ошондой эле мекендештер жана студенттер менен кезигүүсү дагы күтүлүүдө.

БИШКЕК, 24-фев. — Sputnik. Садыр Жапаровдун Россияга болгон жумушчу сапары мазмуну жагынан абдан көлөмдүү. Бул тууралуу Владимир Путиндин маалымат катчысы Дмитрий Песков журналисттерге билдирди.

РИА Новости кабарлагандай, шаршемби күнү Россиянын президенти Владимир Путиндин Жапаров менен жолугушуусу күтүлүүдө. Ага чейин РФ башчысы Федералдык коопсуздук кызматынын коллегиясынын жыйынына катышат.

"Кыргызстан — биздин союздаш мамлекет, стратегиялык өнөктөш. Жапаровдун иш сапары мазмуну боюнча абдан көлөмдүү", — деген Песков.

Жолугушуунун жүрүшүндө Жапаров Россиянын президенти Владимир Путин менен сүйлөшүүлөрдү жүргүзүп, эки тараптуу кызматташтыктын актуалдуу маселелерин талкуулашары айтылды.

Мындан сырткары, ал Россиянын премьер-министри Михаил Мишустин, Федерация кеңешинин төрайымы Валентина Матвиенко жана Мамлекеттик Думанын төрагасы Вячеслав Володин менен эки тараптуу жолугушууларды пландаштырган.

Жапаровдун Россиянын бизнес коомчулугу, ошондой эле мекендештер жана студенттер менен кезигүүсү күтүлүүдө.

Белгилер:
жолугушуу, Владимир Путин, Садыр Жапаров, Россия, Кыргызстан
Тема:
Садыр Жапаровдун Россияга сапары (41)
Тема боюнча
Садыр Жапаровдун Россияга болгон сапары. Учурда эмне болуп жатат
Президент Садыр Жапаровду Москва кантип тосуп алды. Видео
Вице-премьер Улукбек Кармышаков. Архив

Вице-премьер Улукбек Кармышаков шайлоо ийгиликтүү өткөнүн жарыялады

(жаңыланган 21:43 11.04.2021)
Вице-премьердин айтымында, бардык шайлоо участкаларында орой эреже бузуулар катталган жок.

БИШКЕК, 11-апр. — Sputnik. Вице-премьер Улукбек Кармышаков референдум менен жергиликтүү кеңештерге шайлоо ийгиликтүү өткөнүн брифингде жарыялады.

"Биз жергиликтүү кеңештерге шайлоо жана жаңы Конституция боюнча референдумду ийгиликтүү өткөрүп алдык. Алдын ала маалымат боюнча, референдумда 30 пайыздан ашык шайлоочу добуш берди. Бардык шайлоо участкаларында орой эреже бузуулар катталган жок", — деди аткаминер.

Кармышаков мындай көрүнүш мамлекет шайлоо процессин ийгиликтүү өткөрүп алганынан кабар берерин кошумчалаган.

Белгилер:
референдум, Улукбек Кармышаков, шайлоо, Кыргызстан
Тема:
Жергиликтүү кеңештерди шайлоо
Тема боюнча
Ош шаардык кеңешине шайлоо: алдыда 4 партия баратат
Бишкек шаардык кеңешинде мандаттар кандай бөлүштүрүлүп жатат. Болжолдуу эсеп
Референдумдун алдын ала жыйынтыгы чыгып, жаңы Конституция колдоо тапты
Аткаминерлер. Архив

Бишкек шаардык кеңешинде мандаттар кандай бөлүштүрүлүп жатат. Болжолдуу эсеп

(жаңыланган 21:40 11.04.2021)
Автоматтык түрдө эсептеген урнанын болжолдуу маалыматына ылайык, Бишкек шаардык кеңешине алты партия өттү.

БИШКЕК, 11-апр. — Sputnik. Бишкек шаардык кеңешинде мандаттар кантип бөлүштүрүлөрү болжолдуу түрдө белгилүү болду.

АСУнун алдын ала маалыматы боюнча, мандаттар төмөнкү алты партияга бөлүштүрүлөт.

"Эмгек" — 13,90 пайыз (9 мандат);

"Ак Бата" — 12,21 пайыз (8 мандат);

НДПК — 10,48 пайыз (8 мандат);

"Ата-Журт Кыргызстан" — 9,78 пайыз (7 мандат);

"Ынтымак" — 8,37 пайыз (7 мандат);

"Биздин эл" — 7,79 пайыз (6 мандат).

Бул болжолдуу эсептөө экенин маалымдайбыз. Мандаттардын саны менен бөлүштүрүлүшү өзгөрүп кетиши мүмкүн.

Бишкек шаардык кеңешине 25 партия ат салышкан.

Белгилер:
эсептөө, саясый партия, мандат, шаардык кеңеш, Бишкек
Тема:
Жергиликтүү кеңештерди шайлоо
Тема боюнча
Ош шаардык кеңешине шайлоо: алдыда 4 партия баратат
ТИМ кайсы өлкөлөрдө добуш берүү аяктап, канчасында уланып жатканын айтты
Референдумдун алдын ала жыйынтыгы чыгып, жаңы Конституция колдоо тапты