Кыргызстандын президенти Садыр Жапаров Казакстандын мамлекет башчысы Касым-Жомарт Токаев менен болгон сүйлөшүүлөрдүн жыйынтыгы боюнча ЖМКга жасаган билдирүү учурунда

Жапаров Казакстанга жасаган сапары жемиштүү болгонун айтты

(жаңыланган 15:45 02.03.2021)
Жапаров Казакстан менен бардык багыттарда өз ара пайдалуу жана жемиштүү кызматташууну өнүктүрүүгө азыркы бийликтин саясий эрки бар экенин белгиледи.

БИШКЕК, 2-мар. — Sputnik. Кыргыз делегациясы Казакстандын жогорку жетекчилиги менен болгон сүйлөшүүлөрдүн жыйынтыгына канааттанат. Мындай билдирүүнү өлкө президенти Садыр Жапаров бүгүн, 2-мартта, Казакстандын мамлекет башчысы Касым-Жомарт Токаев менен болгон сүйлөшүүлөрдүн жыйынтыгы боюнча ЖМКга жасаганын президенттин маалымат кызматынан билдиришти.

Ал сүйлөшүүлөр эки мамлекеттин кызматташтыгынын ырааттуу мүнөздө өнүгөрүн айтты.

Жапаров кыргыз-казак кызматташтыгынын дээрлик бардык багыттары боюнча актуалдуу маселелер кеңири талкууланганын, эки өлкө үчүн маанилүү келишимдер түзүлүп, бир катар чечимдер кабыл алынгандыгын белгиледи.

"Биз мамлекеттердин ортосундагы союздук мамилелерди жана стратегиялык өнөктөштүктү, интеграцияны жана эл аралык бирикмелердеги өз ара байланыштарды мындан ары өнүктүрүүгө жана тереңдетүүгө өзгөчө көңүл бурдук", — деген ал.

Мамлекет башчы казакстандык өнөктөшү Касым-Жомарт Токаевди Кыргызстанга иш сапар менен келип кетүүгө чакырган.

Президент эки өлкөнүн жана эки элдин улуттук кызыкчылыктарын илгерилетүүдө кыргыз-казак жогорку мамлекеттер аралык кеңешке, парламенттер аралык кеңешке жана өкмөттөр аралык кеңешке, жакынкы келечекке пландалган кезектеги жолугушууларды өткөрүүгө чоң үмүт артылганын кошумчалады.

"Казакстан Кыргызстандын негизги соода өнөктөштөрүнүн бири жана көрсөткүчтөрү боюнча Россия менен Кытайдан кийинки, үчүнчү орунда турат. Биз мындан ары дагы зарыл шарттарды түзүп, өз ара сооданы өркүндөтөбүз деп макулдаштык. Сүйлөшүүлөрдө биз тарыхый, маданий, тил жана каада-салт жагынан тамыры бир болгон эки боордош элдин ортосундагы маданий кызматташуу маселелерин талкууладык. Үстүбүздөгү жылы Кыргызстанда Казакстандын маданият күндөрү, ал эми 2022-жылы Казакстанда Кыргызстандын маданият күндөрү өтөт", — деп белгилеген Жапаров.

Ал ошондой эле эки тарапты тең кызыктырган регионалдык жана эл аралык маселелер боюнча пикир алмашып, көп тараптуу кызматташуу форматында биргелешкен иш-чаралар пландаштырылып, ЕАЭБдин алкагындагы өз ара алака маселелери талкууланганына токтолду.

"Жалпысынан кыргыз делегациясы Казакстандын жогорку жетекчилиги менен болгон сүйлөшүүлөрдүн жыйынтыгына канааттанды. Сүйлөшүүлөр кызматташтыгыбыздын ырааттуу мүнөздө өнүгөрүн белгилеп кетким келет. Ошол эле учурда алдыда жасала турган дагы көп иш бар. Бул үчүн бизде Казакстан менен бардык багыттарда өз ара пайдалуу жана жемиштүү кызматташууну өнүктүрүүгө каалоо, умтулуу жана саясий эрк бар", — деген Жапаров.

Президенттин Казакстанга болгон мамлекеттик иш сапарынын алкагында кыргыз-казак эки тараптуу кызматташтыгын мындан ары тереңдетүүгө багытталган бир катар документтерге кол коюлган.

Белгилер:
Касым-Жомарт Токаев, иш сапар, Казакстан, Садыр Жапаров
Тема:
Жапаровдун Казакстанга болгон иш сапары (23)
Тема боюнча
Казакстан менен чектешкен жерге логистикалык борбор ачуу пландалууда
Министрликтер тыгыз кызматташат. Жапаров Казакстанда кол койгон документтер

АКШ Афганистандагы талибандарга чечимин кандайча түшүндүрөт. Чоо-жайы видеодо

(жаңыланган 12:26 16.04.2021)
Афганистандын эли Байдендин америкалык аскерлерди чыгарып кетүү чечимине нааразы. АКШ президенти жоокерлердин "үйгө кайтуусуна" мезгил жеткенин айтты.

АКШ 20 жылдан бери талибдер менен эпке келип, өлкөдө тынчтык орнотуу оюн ишке ашыра алган жок. Америкалык жоокерлер качан Афганистандан толук чыгып кетет? Согушкерлерге эмнени түшүндүрүп, кырдаалды кантип жолго салып кете алат. Суроолорго жоопту видеодон көрүңүз.

Белгилер:
армия, чечим, Жо Байден, жоокер, Аскер, согуш, Талибан, Афганистан, АКШ
Тема боюнча
"Азиянын жүрөгүн дарылоо". Кыргызстан Афганистанга эмнеге жардам бериши керек
Жогорку Кеңештин төрагасы Талант Мамытов

Мамытов КМШ парламенттерин коркунучтарга каршы биргеликте күрөшүүгө чакырды

(жаңыланган 11:35 16.04.2021)
Төрага коронавирус пандемиясынын тушунда да терроризм менен экстремизм аймакта эле эмес, бүтүндөй дүйнөдө актуалдуу бойдон калганын белгиледи.

БИШКЕК, 16-апр. — Sputnik. Жогорку Кеңештин төрагасы Талант Мамытов КМШ өлкөлөрүнүн парламенттерин учурдагы коркунучтарга каршы биргеликте күрөшүүгө чакырды. Бул тууралуу Жогорку Кеңештин маалымат кызматы билдирди.

  • Международная парламентская конференция Глобальные вызовы и угрозы в условиях пандемии COVID-19 с участием стран СНГ
    Жогорку Кеңештин төрагасы Талант Мамытов КМШ өлкөлөрүнүн парламенттерин учурдагы коркунучтарга каршы биргеликте күрөшүүгө чакырды
    © Фото / пресс-служба секретариата Совета МПА СНГ
  • Международная парламентская конференция Глобальные вызовы и угрозы в условиях пандемии COVID-19 с участием стран СНГ
    Төрага дүйнө коомчулугу СOVID-19 пандемиясы менен күрөшүп жаткан учурда да терроризм жана экстремизм көйгөйлөрү актуалдуулугун жоготпой, мурдагыдай эле глобалдык жана аймактык коопсуздуктун негизги коркунучу катары калып жатканын белгиледи.
    © Фото / пресс-служба секретариата Совета МПА СНГ
1 / 2
© Фото / пресс-служба секретариата Совета МПА СНГ
Жогорку Кеңештин төрагасы Талант Мамытов КМШ өлкөлөрүнүн парламенттерин учурдагы коркунучтарга каршы биргеликте күрөшүүгө чакырды

Төрага дүйнө коомчулугу СOVID-19 пандемиясы менен күрөшүп жаткан учурда да терроризм жана экстремизм көйгөйлөрү актуалдуулугун жоготпой, мурдагыдай эле глобалдык жана аймактык коопсуздуктун негизги коркунучу катары калып жатканын белгиледи.

Ал ошондой эле Ислам мамлекети жана башка радикалдык топтордун идеологиясынын жайылуусуна, террордук уюмдарга жарандардын тартылуусуна, Афганистандагы жана Жакынкы Чыгыштагы абалга карата Кыргызстандын кооптонуусу тууралуу сөз кылды.

"Биз терроризм менен экстремизмге бөгөт коюп, аларга байланышкан жараяндарга, баңгизаттардын мыйзамсыз жүгүртүүсүнө, адамдарды жана куралдарды сатууга, арам акчаларды адалдоого, коррупцияга жана терроризмди каржылоого каршы биргелешип күрөшүүбүз кажет", — деди Мамытов.

Мамлекет башчы Садыр Жапаров БУУ баш катчысынын Борбор Азия боюнча атайын өкүлү Наталья Герман менен жолугушту
© Пресс-служба президента КР / Султан Досалиев
Сөзүнүн соңунда төрага конференциянын катышуучуларына Ирактагы өмүрү жана саламаттыгы коркунучта калган балдарды куткарып, аларды Кыргызстанга кайтаруу боюнча иш алып барган "Мээрим" гуманитардык миссиясы тууралуу маалымат берди.

Россиянын Федералдык жыйынынын Федерациялар кеңешинин жетекчиси Валентина Матвиенко дагы эл аралык терроризм коопсуздукту камсыздоодо негизги көйгөйлөрдүн бири бойдон турганын белгиледи.

"Өткөн жылы пайда болгон коронавирус пандемиясы террордук коркунучка каршы туруу ишин дагы бир кыйла татаалданткан жаңы фактор болуп калды", — деди ал.

Матвиенко мындай татаал кырдаалда эл аралык кызматташууну ар тараптуу бекемдөө, алардын ыкчамдыгын жана натыйжалуулугун арттыруу, глобалдуу масштабдагы мыйзамдык коопсуздукту өркүндөтүү өзгөчө маанилүү болорун айтты.

Белгилей кетсек, Талант Мамытов жетектеген делегация 14-апрель күнү "COVID-19 пандемия шартында глобалдык чакырыктар жана коркунучтар. Терроризм жана зомбулук экстремизми" аталышында эл аралык парламенттик конференцияга катышуу үчүн Россияга учуп кеткен. Бул пандемия жарыялангандан бери биринчи офлайн жыйын болду.

Белгилер:
конференция, Кыргызстан, Россия, парламент, терроризм, экстремизм, Талант Мамытов, Валентина Матвиенко
Тема боюнча
Кыргызстанда импорттун көлөмү былтыр кыйла кыскарган
Консультант Минздрава КР по доказательной медицине Бермет Барыктабасова на круглом столе в пресс-центре Sputnik Кыргызстан

Барыктабасова: "Ысык-Көл тамыры" элдин саламаттыгын коркунучка кептейт

Бермет Барыктабасова "Ысык-Көл тамырынын" кайнатмасын колдонуп же коронавируска каршы дары катары жазып бере турган болсок, расмий медицина кыйроого учурарын айтат.

БИШКЕК, 16-апр. — Sputnik. "Ысык-Көл тамырынын" кайнатмасын пайдалануу элдин саламаттыгын коркунучка алып келет. Бул тууралуу Sputnik Кыргызстан агенттигинин кабарчысына далилдүү медицина боюнча адис Бермет Барыктабасова билдирди.

Буга чейин саламаттык сактоо жана социалдык өнүктүрүү министри Алымкадыр Бейшеналиев аталган чөптүн тундурмасын журналисттерге маалымат жыйынын берип жатып ичерин айткан.

"Ысык-Көл тамырынын" кайнатмасын колдонуп же коронавируска каршы дары катары жазып бере турган болсок, расмий медицина кыйроого учурайт. Мен бул аракеттерди Кыргызстандын медицина тармагына чабуул катары баалайм. Бир эле учурда "Жарандардын саламаттыгы жөнүндө", "Дары-дармек каражаттары жөнүндө" бардык медициналык мыйзамдар бузулат. Бул медиктер коомчулугунун бетине түкүргөнгө барабар. Анда медициналык ЖОЖдор менен илимий борборлорду жаап салуу керек", — деди Барыктабасова.

Ал "Ысык-Көл тамыры" Дары-дармектер менен камсыздоо боюнча департаменттен каттоодон өтмөйүнчө мыйзамсыз болуп эсептелерин кошумчалады.

"Каттоодон өткөрөбүз десек, жаныбарлардын организминде сыноолор болгонбу же болгон жокпу деген суроо берилет. Эл арасында муну иттерди жана эчкилерди өлтүргөн чөп экенин баары билет. Бардык адамдар муну уу деп таанышат. Таңгагында толук нускамасы жазылышы керек, албетте азыр ал жок", — деди адис.

Барыктабасованын айтымында, "коронавирусту дарылоо боюнча бешинчи протоколго чет элдик адистер толгон-токой бизге белгисиз дарыларды кошууну сунуштаган. Бирок кыргыз медиктери ага каршы турушкан".

"Эми минтип өз министрибиз өлкөдөгү эң уулу көптү кошкусу келип жатат. Ансыз деле коронавирус организмди өтө ууландырган вирус. Биз анын үстүнө кошул-ташыл кылып салбайбызбы. "Ысык-Көл тамыры" элдин саламаттыгына коркунуч жаратат", — деди ал.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он-чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.

Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.