Премьер-министр Улукбек Марипов Араван районунун жашоочулары менен жолугушууда

Премьер-министр Араван районунун акимине сөгүш жарыялады

370
(жаңыланган 17:07 13.03.2021)
Өкмөт башчы иш сапары менен Ош облусуна барып, Араван районунун жашоочуларынын көйгөйлөрү менен дагы таанышкан.

БИШКЕК, 13-мар. — Sputnik. Премьер-министр Улукбек Марипов Араван районунун акимине сөгүш жарыялады. Бул тууралуу өкмөттүн маалымат кызматы кабарлады.

Билдирмеге караганда, өкмөт башчы иш сапары менен Ош облусуна барып, Араван районунун жашоочуларынын көйгөйлөрү менен дагы таанышкан.

  • Премьер-министр Кыргызской Республики Улукбек Марипов в ходе рабочей поездки в Ошскую область ознакомился с проблемами жителей Араванского района.
    Премьер-министр Улукбек Марипов Араван районунун акимине сөгүш жарыялады.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов в ходе рабочей поездки в Ошскую область ознакомился с проблемами жителей Араванского района.
    Өкмөт башчы иш сапары менен Ош облусуна барып, Араван районунун жашоочуларынын көйгөйлөрү менен дагы таанышкан.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов в ходе рабочей поездки в Ошскую область ознакомился с проблемами жителей Араванского района.
    Анда жергиликтүү тургундардын бири турак үйлөрдүн айланасы таштандыга толуп калганын айтып, жергиликтүү бийлик органдары алардын арызын карабай жатканын кошумчалаган.
    © Фото / Пресс-служба правительства / Алишер Алиев
1 / 3
© Фото / Пресс-служба правительства / Алишер Алиев
Премьер-министр Улукбек Марипов Араван районунун акимине сөгүш жарыялады.

Анда жергиликтүү тургундардын бири турак үйлөрдүн айланасы таштандыга толуп калганын айтып, жергиликтүү бийлик органдары алардын арызын карабай жатканын кошумчалаган.

Марипов көйгөйдүн бар экенине көзү жеткенден кийин Араван райондук акимине сөгүш жарыялаган.

"Эл жашаган аймакта, көчөдө таштандынын толуп калышына кантип жол бердиңер? Бул жакта эл жашап, балдар ойнойт. Алар таштандыдан чыккан жагымсыз жыт менен дем алышат. Аким жана башка жетекчилер кыймылдаш үчүн ушул үйлөрдө жашап көрүшү шарт. Таштандыны тазалап кетүү бир күндүк жумуш. Эмнеге ал маселе чечилбей жатат?" — деген өкмөт башчы.

Ал бир күндүн ичинде аймакты таштандыдан арылтуу тапшырмасын берген.

Улукбек Марипов азык-түлүктүн баасы менен таанышуу үчүн күтүүсүздөн борбордук базардын жанына токтоп, эл менен сүйлөшкөн.

"Азык-түлүк, мунай бизде эле эмес, дүйнө жүзүндө да кымбаттап жатат. Зарыл болгон тамак-ашты өзүбүз өндүрүп чыгарышыбыз зарыл. Импорттон көз каранды болбош үчүн өсүмдүк майын, кумшекерди өзүбүз чыгарганыбыз жакшы. Азыр биздин негизги максатыбыз — фермерлерди колдоо. Алар продукциялары менен ата мекендик рынокту толтурушу шарт. Күйүүчү май маселеси чечилди. Фермерлерге аны жетиштүү көлөмдө беребиз. Мындан сырткары, карбамидди өндүргөн завод куралы деген планыбыз бар", — деди Марипов.

Буга чейин премьер-министр аймактарга айттырбай бара турганын жар салган.

370
Белгилер:
Улукбек Марипов, Араван району, таштанды, аким, сөгүш
Тема боюнча
Абакиров: айыл өкмөттөрдү бириктирип аким, губернаторлорду жоюш керек
Марипов: мамлекет акча бөлдү, жакында кант менен май арзандашы керек
Талибан согушкери Кабулда. Архивдик сүрөт

Афганистандагы абал Борбор Азиянын келечегине кандай таасир этет? Пикир

42
(жаңыланган 19:50 16.09.2021)
Эксперт бүгүнкү күнү биринчи орунга коопсуздук маселеси чыкканын айтып, эми чек араларды бекемдеп, коопсуздукту камсыз кылууга ири көлөмдө ресурстар керектелип, сарпталарына токтолгон.

БИШКЕК, 16-сен. — Sputnik. Афганистандагы окуялар Борбор Азия мамлекеттерине жаңы геосаясий реалдуулукту жаратты. Бул тууралуу саясий серепчи Эдил Осмонбетов билдирди. 

Политолог Эдил Осмонбетов во время видеомоста в мультимедийном пресс-центре Sputnik Кыргызстан
© Sputnik / Жоомарт Ураимов
Саясий серепчи Эдил Осмонбетов

Ал Sputnik Кыргызстан агенттигинин мультимедиалык маалымат борборунда өткөн "Афганистандагы кырдаалдын Борбор Азия өлкөлөрүнүн коопсуздугуна таасири" аттуу видео көпүрөгө катышкан.

Осмонбетовдун айтымында, аймактын коопсуздугу бүгүнкү күндүн орчундуу темасы.

"20 жыл аралыгында Борбор Азия өлкөлөрүнүн социалдык жана экономикалык маселелерди, керек болсо тышкы саясий маселелерди чечүү менен алектенүүгө геосаясий мүмкүнчүлүгү бар болчу. Бирок бүгүнкү күнү биринчи орунга коопсуздук маселеси чыкты. Эми чек араларды бекемдеп, коопсуздукту камсыз кылууга ири көлөмдө ресурстар керектелип, сарпталат", — деген серепчи.

Анын айтымында, азыр "Талибан"* кыймылы башка мамлекеттердин алардын бийлигин таануусун талап кылып жатат. Бирок процесске таасир этчү бир дагы мамлекет талибдердин бийлигинин легитимдүүлүгүн таанууга даяр экенин айта элек. Эксперт жаңы геосаясий реалдуулуктун шартында бир топ маселе дүйнөлүк жана аймактык оюнчулар аркылуу чечиле турганын кошумчалаган.

2021-жылдын июнь айынан бери "Талибан"* кыймылы активдешип, августта Афганистанды толук каратып алган. Кийин Афганистанда 20 жылга созулган согуш аяктаганын билдирген. Убактылуу өкмөт куралып, ушу тапта Өзбекстан, Казакстан жана Кытай кызматташууга даяр экенин расмий жар салды.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

42
Белгилер:
Афганистан, серепчи, пикир, кырдаал, Борбордук Азия, коопсуздук
Тема:
Афган бийлиги менен талибдердин тиреши
Тема боюнча
Президент Садыр Жапаров Кыргызстандын Афганистан боюнча позициясын билдирди
Душанбедеги ЖККУ жыйынында Афганистандагы абал талкууланды
Сот балкасы. Архив

Жогорку сот Улуттук банктын экс-төрагасынын өкүмүн жокко чыгарды

91
Курманбек Бакиев президент болуп турган тушта өмүрүнө кол салуу болгон журналист Сыргак Абдылдаев өзүнүн Facebook баракчасына "сыр" деген гриф менен Бакиевдердин реабилитациясы жүрүп жатканын жазды.

БИШКЕК, 16-сен. — Sputnik. Улуттук банктын мурдагы төрагасы Марат Алапаевге карата чыккан соттун өкүмү жокко чыгарылды. Иш кайра каралат. Бул тууралуу Жогорку соттун маалымат кызматы билдирди.

Курманбек Бакиев президент болуп турган тушта өмүрүнө кол салуу болгон журналист Сыргак Абдылдаев өзүнүн Facebook баракчасына "сыр" деген гриф менен Бакиевдердин реабилитациясы жүрүп жатканын жазды. Ал ошондой эле Жогорку сот Алапаевге карата чыккан соттун чечимин (15 жылга кесилген) кайра кароону тапшырганын маалымдады. Алапаев "Ысык-Көл" банкын рейдерлик менен басып алууга айыпталган. Абдылдаев ушул эле иш боюнча Максим Бакиев менен Жаныш Бакиев сыртынан камалганын да белгилеген.

"2021-жылдын 18-августунда Жогорку соттун кылмыш иши жана жоруктар боюнча коллегиясынын ачык соттук жыйынында адвокат Мощиндин өтүнүчү жана Башкы прокуратуранын прокурорунун жаңы ачылган жагдайлардан улам Марат Алапаевдин ишин кайра кароо боюнча корутундусу талкууланган", — деп айтылат Жогорку соттун маалыматында.

Анын жыйынтыгында Бишкек шаарынын Октябрь райондук сотунун 2015-жылдын 20-октябрында чыгарган чечими менен Бишкек шаардык сотунун кылмыш иштер жана административдик эреже бузуулар жөнүндөгү соттук коллегиясынын 2016-жылдын 8-февралындагы чечими жокко чыгарылды. Алапаевге карата козголгон кылмыш ишинин материалдары сотко чейинки өндүрүшкө алуу үчүн прокурорго берилди.

"Белгилей кетсек, бул кылмыш иши ачык соттук жыйында каралып, "сыр" деген грифке тиешеси жок. Ошондой эле бул иш боюнча айыпталган башка фигуранттардын иши кайра каралган жок", — дешти Жогорку соттон.

Максим Бакиев — Курманбек Бакиевдин уулу, ал эми Жаныш — анын бир тууганы. Үчөө тең түрдүү иштер боюнча сыртынан соттолгон.

 

91
Белгилер:
Кыргызстан, Курманбек Бакиев, Башкы прокуратура
Тема боюнча
Соттордун чечими жокко чыгып, Келдибековдун иши кайра каралмай болду
Ош шаардык соту Кылыч Саркарбаевди актады. Прокуратура облустук сотко даттанат
Курулуп аткан үйдө өрт. Архивдик сүрөт

Бишкектин түштүк тарабында ири өрт чыкты. Видео

29
(жаңыланган 21:35 16.09.2021)
Курулуп жаткан имараттын жогорку кабаты өрттөнүп жатат. Объект Түштүк магистралдан алыс эмес Асанбай кичи районунда жайгашкан.

БИШКЕК, 16-сен. — Sputnik. Бишкектин түштүк тарабында курулуп жаткан имараттын жогорку кабаты өрттөнүп жатат. Бул тууралуу Sputnik агенттигине окуянын күбөлөрү билдирди.

Өрт бир аз мурда башталды. Окуяга күбө болгондордун айтымында, объект Түштүк магистралдан алыс эмес Асанбай кичи районунда жайгашкан.

ӨКМ маалымат тарата элек.

29
Белгилер:
Бишкек, өрт, имарат, курулуш
Тема боюнча
Бүгүн түштө Түп районунда болгон өрт эки бөбөктүн өмүрүн алып кетти. Сүрөт