Кыргызстандын президенти Садыр Жапаров. Архив

Садыр Жапаров кимдин сөзүн угат. Ажонун кеңешчилери тууралуу маалымат

(жаңыланган 12:43 25.03.2021)
Sputnik Кыргызстандын кабарчысы мамлекет башчысы Садыр Жапаровго ким кеп-кеңеш берип турат жана бул адамдар туурасында кандай маалыматтар белгилүү экендигине кызыгып көрдү.

Жапаров жакында берген маектеринин биринде кеңешчиси менен маалымат катчысы аны аябастыгын, эс алдырбай, бир да мүнөтүн бош койбой тургандыгын айткан эле.

Мурдагы кеңешчилер

Былтыр 22-октябрда тышкы иштер министри Чыңгыз Айдарбеков президенттин стратегиялык тышкы саясат жана инвестициялык маселелер боюнча кеңешчиси болуп дайындалган. Президенттин аппаратынан Айдарбековдун дайындалышы анын мурдагы кызматтарындагы бай тажрыйбасынан жана соңку кызматынын жыйынтыгынан улам болгонун билдирген. Анткен менен 40 күндөн кийин Айдарбеков өзүнүн берген арызына ылайык кеңешчиликтен кеткен.

Министр иностранных дел Кыргызстана Чингиз Айдарбеков выступает на совещании министров иностранных дел ШОС в Бишкеке.
© Sputnik / Табылды Кадырбеков
Былтыр 22-октябрда Чыңгыз Айдарбеков президенттин стратегиялык тышкы саясат жана инвестициялык маселелер боюнча кеңешчиси болуп дайындалган. 40 күндөн кийин Айдарбеков өзүнүн берген арызына ылайык кеңешчиликтен кеткен.

22-октябрда ЖК депутаты Акылбек Жапаров Садыр Жапаровдун коомдук башталыштагы жаңы кеңешчилигине дайындалганы маалым болду. Бирок 5 күндөн соң президенттин милдетин аткаруучу Садыр Жапаров Акылбек Жапаровду үч күн издеп таппай койгондуктан бошоткондугун айтты. Ага жооп берген депутат-кеңешчи күнөөсүн мойнуна алып, байланышка ооруп чыкпай калгандыгын түшүндүргөн.

Депутат Жогорку Кенеша Акылбек Жапаров на заседании
© Sputnik / Табылды Кадырбеков
22-октябрда ЖК депутаты Акылбек Жапаров Садыр Жапаровдун коомдук башталыштагы жаңы кеңешчилигине дайындалган. Бирок 5 күндөн соң Садыр Жапаров Акылбек Жапаровду үч күн издеп таппай койгондуктан бошоткондугун айтты.

2020-жылдын октябрында Садыр Жапаров коомдук башталышта эки кеңешчи дайындаган: алар техникалык илимдин доктору Талант Рыспаев жана коомдук фонддордун биринин башчысы Элнур Сулайманов. Бирок маалымат кызматынан алар февралда эле бошотулганын, эми Жапаровдун төрт (коомдук башталышта) кеңешчиси бар экенин айтышты. Алар: Медетбек Букуев, Арслан Койчиев, Равшанбек Сабиров жана Марат Турсунбеков.

Медетбек Букуев

Мини-футбол боюнча ассоциациянын негиздөөчүсү, КРдин эмгек сиңирген машыктыруучусу, КМУнун профессору Медетбек Букуев 64 жашта. Ал кеңешчи болуп 29-январда дайындалган. Букуев 1982-жылы Кыргыз мамлекеттик дене тарбия институтун аяктаган. Кийинчерээк Москвадагы Бүткүл союздук дене тарбия илим-изилдөө институтунун аспирантурасында окуган. 2001-жылы КРСУдан юриспруденция адистиги боюнча экинчи жогорку билимин алган.

Ал Жапаров билим алган Дене тарбия жана спорт институтунун футбол жана гандбол боюнча кафедрасын бир нече жыл жетектеген. Букуев 5 моногрфия жана 50гө чукул илимий, публицистикалык эмгектердин автору. Былтыр "Мекенчил" партиясы менен Жогорку Кеңешке депутат болууга аракет кылган.

Арслан Койчиев

Тарых илимдеринин кандитаты, жазуучу жана журналист Арслан Койчиев 55 жашта. Ал Кыргыз мамлекеттик улуттук университетин, Лондон университетинин чыгыш таануу жана африканистика мектебин аяктаган. Бир катар ЖМКларда иштеп, BBC радиосунун кыргыз кызматынын продюсери болгон.

Юстиция министрлигиндеги маалыматтарга карганда, "Манас Ресорсиз" ЖЧКсынын негиздөөчүлөрүнүн бири. Аталган компаниянын негизги ишмердүүлүгү "кымбат баалуу металлдарды казуу жана байытуу" деп белгиленген.

Ачык маалыматтарга таянсак, Койчиев президенттин аппаратынын жетекчиси Сүйүнбек Касмамбетовдун карындашы Акчолпон Койчиеванын күйөөсү.

Равшанбек Сабиров

Равшанбек Сабиров 51 жашта. 1996-жылы КМУну аяктаган. Кийинчерээк ушул эле окуу жайда юриспруденцияда окуп, бажы ишине адистешкен билим алган.

Вице-премьер-министр Кыргызской Республики Равшанбек Сабиров наградил победителей ежегодного конкурса Лучший айыл окмоту.
© Пресс-служба правительства / Алишер Алиев
Жаңы өкмөт куралгандан кийин Сабиров ээлеген вице-премьерлик кызмат жоюлган, бирок Жапаров Сабировду жумушсуз калтырбай, өзүнө кеңешчи кылып алган.

2010-жылга чейин Сабиров ишкердик менен алектенген. 2010-жылы шайлоодо Садыр Жапаров, Камчыбек Ташиев менен бирге "Ата-Журт" партиясынан Жогорку Кеңешке депутат болгон. Кийинчерээк Сабиров Социалдык жактан өнүктүрүү министрлигин жетектеп, 2021-жылы пара алды деген шек менен кызматынан түшкөн. Бишкек шаардык соту анын мүлкүн конфискациялоо менен беш жылга эркинен ажыратуу чечимин кабыл алган. 2014-жылдын май айында мунапыска илинип, ал эми октябрь окуяларынан кийин вице-премьер болуп дайындалган.

Жаңы өкмөт куралгандан кийин вице-премьерлик жоюлган, бирок Жапаров Сабировду жумушсуз калтырбай, өзүнө кеңешчи кылып алган.

Марат Турсунбеков

Садыр Жапаровдун бул кеңешчиси тууралуу ачык булактарда маалыматтар аз. Январдагы шайлоодо ал Жапаровдун ишенимдүү адамдарынын бири болгон.

Юстиция министрлигиндеги маалыматтарга карганда, Турсунбеков төрт компаниянын ээси.

Алар:

  • "Тянь-Шань-Трэвэл" (имараттарды курат);
  • "Вилар Компани" ("кымбат баалуу металлдарды казат жана байытат);
  • "Атаир" (имараттарды курат);
  • "Коста-Брава" (мейманкана кызматын сунуштайт).

Турсунбековдун компаниясы Чолпон-Ата шаарындагы ат майданын долбоорлоп жана курууга катышканы белгилүү. Курулушка сиңирген өзгөчө салымы үчүн ал 2017-жылы ошол кездеги президент Алмазбек Атамбаевдин колунан ыраазылык кат алган.

Белгилер:
кеңешчи, президент, Садыр Жапаров, Кыргызстан
Тема боюнча
Экс-депутат Каныбек Осмоналиевди Марипов кеңешчи кылып алды
Жапаров: өлкөдөн кылмыш жолу менен чыгарылып кеткен активдерди издеш керек
Эсептөө палатасынын төрагасы болуп дайындалган Алмазбек Акматов. Архив

Алмазбек Акматов өлкөнүн Эсептөө палатасына төрага болду

(жаңыланган 18:36 16.04.2021)
Акматов февраль айында эле аудитор болуп шайланган болчу. Ал Эсептөө палатасынын Ош шаары, Ош, Жалал-Абад жана Баткен облустарынын аймактык бөлүмдөрүн жетектеген.

БИШКЕК, 16-апр. — Sputnik. Алмазбек Акматов Эсептөө палатасынын төрагасы болуп дайындалды. Тиешелүү жарлыкка өлкө башчысы Садыр Жапаров кол койгонун президенттин маалымат кызматы билдирди.

Акматов февраль айында эле аудитор болуп шайланган болчу. Ал Эсептөө палатасынын Ош шаары, Ош, Жалал-Абад жана Баткен облустарынын аймактык бөлүмдөрүн жетектегени маалым.

Буга чейинки жетекчи Улукбек Марипов февраль айында премьер-министр кызматына дайындалган. Жаңы башчы дайындалганга чейин бул милдетти аудитор Айжан Садыркулова аткарып келди.

Алмазбек Акматов бул кызмат орунга Конституциянын 64-беренесинин 5-бөлүгүнүн 4-пунктунун жана "Кыргыз Республикасынын Эсептөө палатасы жөнүндө" мыйзамынын 16-беренесинин негизинде дайындалды.

Белгилер:
Алмазбек Акматов, дайындоо, жетекчи
Тема боюнча
Салык кызматына жаңы жетекчи дайындалды
Кыргызстандын АКШдагы атайын жана ыйгарым укуктуу элчиси болуп дайындалган Бактыбек Аманбаев. Архив

Бактыбек Аманбаев АКШга элчи болуп дайындалды

(жаңыланган 17:57 16.04.2021)
Аманбаев 2013-2015-жылдары Кыргызстандын омбудсмени болгон. Былтыркы октябрь окуяларынан кийин өкмөт аппаратынын жетекчиси болуп дайындалып, ушул жылдын февраль айына чейин иштеген.

БИШКЕК, 16-апр. — Sputnik. Бактыбек Аманбаев Кыргызстандын АКШдагы атайын жана ыйгарым укуктуу элчиси болуп дайындалды. Жарлыкка президент Садыр Жапаров кол койгонун өлкө башчынын маалымат кызматынан кабарлашты.

Бул кызматты 2019-жылдан бери Болот Отунбаев аркалап келген. Аны менен катар Отунбаев Кыргызстандын Канададагы элчиси болуп эмгектенген.

Аманбаев 2013-2015-жылдары Кыргызстандын омбудсмени болгон. 2020-жылдагы парламенттик шайлоого "Мекенчил" партиясынын тизмесинде катышкан. Октябрь окуяларынан кийин өкмөт аппаратынын жетекчиси болуп дайындалып, ушул жылдын февраль айына чейин иштеген.

Белгилер:
жарлык, элчи, Бактыбек Аманбаев, АКШ, Кыргызстан
Тема боюнча
Салык кызматына жаңы жетекчи дайындалды
Кыз Ысык-Көл тамырын бөтөлкөсүн сүрөткө тартып жатат

Акониттин кайнатмасы мамлекеттик резиденцияда жасалат. Видео

(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.

БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.

"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.

Алар кайнатма чөп кустардык ыкма менен куюлбай турганын белгилешти.

Посмотреть эту публикацию в Instagram

Публикация от Садыр Жапаров (@sadyr_japarov)

Буга чейин Садыр Жапаровдун Instagram баракчасында дарыгерлер коронавирустун башталгыч стадиясындагы бейтаптарды айыктыруунун ыкмасын тапканы боюнча билдирүү таратылган. Бүгүн саламаттык сактоо министри суюктук жөнүндө айтып, аны түз эфирден ичти.

"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.

Белгилер:
Ысык-Көл тамыры, уу коргошун, дары, коронавирус, чөп
Тема:
Уу коргошун чуусу
Тема боюнча
Уу коргошун коронавирусту сакайта алабы. Россиялык адистин пикири
Бишкекте киши уу коргошунга ууландыбы? Дарыгерлердин жообу
Барыктабасова: "Ысык-Көл тамыры" элдин саламаттыгын коркунучка кептейт