Чек ара көзөмөл пунктундагы Кыргызстандын желеги. Архив

Өзбекстанга суу берип, жер алдык. Ташиев Кыргызстанга өткөн жерлерди санап берди

(жаңыланган 16:13 26.03.2021)
Ташиев сүйлөшүүнүн жыйынтыгында кыргыз тарапка 8 миң гектар жер өткөнүн билдирди. Ал бир да талаштуу жер калбаганын кошумчалады.

БИШКЕК, 26-мар. — Sputnik. УКМК төрагасы Камчыбек Ташиев маалымат жыйын учурунда кыргыз-өзбек чек арасында жайгашкан бир нече тилке Кыргызстанга өткөнүн айтып, аларды санап берди.

Эске салсак, Ташиев баштаган өкмөттүн делегациясы жакында эле Өзбекстанга барып, кыргыз-өзбек мамлекеттик чек арасын делимитациялоо жана демаркациялоо боюнча сүйлөшүүлөрдү жүргүзүп, тараптар протоколго кол коюшкан.

"Сүйлөшүп, протоколго кол койгондон кийин талаштуу жер калган жок. Биз тарапка Көк-Серек участогундагы 105 гектар жер, Ала-Бука районундагы Баястан участогунан 212 гектар жер жазылды. Мындан сырткары, Кара-Суудагы Ак-Таш участогунан 100 гектар жерди да алдык. Үңкүр-Тоодон Кыргызстанга 35 гектар жазылды. Тактап айтканда, Үңкүр-Тоо толугу менен бизге өттү. Кара-Белес участогунан 25 гектар жер бизге кайра жазылды. Кайра жазылды дегеним Кара-Белес мурда Өзбекстанга берилген, аны эми кайра биз алдык. Бул жерлердин баарына эгин эгилген, элдин үлүш жерлери. Ошентип бул участоктор Орто-Токой суу сактагычынын эсебинен бизге өттү", — деди Ташиев.

Ал Ала-Бука районунда жайгашкан Орто-Токой суу сактагычы Кыргызстан тарапта эле калганын белгилеген.

"Ошол жердин үстүндө суу турат. Анын 95 пайызын өзбек тарап колдонот. Суу сактагычтын аймагы болжол менен 800 гектардын тегерегинде. Анын 200 гектарга жакынын компенсация кылып берген. Азыркы күндө 600 гектарга жетпеген жер калган, ошонун эсебинен аталган участоктор бизге өттү", — деди УКМК төрагасы.

Ташиев жалпы жонунан сүйлөшүүнүн жыйынтыгында кыргыз тарапка 8 миң гектар жер өткөнүн билдирди.

"Жалал-Абад менен Наманган облустарынын чектешкен жеринде Гавасай деген участок бар. Бул жерде 5-6 кыргыз айылы жана алардын жайлоолору жайгашкан. Бул аймакта дайым ок атышуу болуп турчу. Эми Гавасай толугу менен Кыргызстанга жазылмай болду. Эми конфликт болбойт. Өзбекстанга Шахрихан-Сайдын баш жагынан 50 гектар жер берилди. Бирок анын ордуна Өзгөндүн баш жагынан 50 гектар жер алмай болдук", — деди УКМК төрагасы.

Өзбек тарапка берилген тилкелер кайрак жер экенин кошумчалады.

Белгилер:
Камчыбек Ташиев, участок, жер, чек ара, Өзбекстан, Кыргызстан
Тема боюнча
Ташиев Ташкенттен келди. Эмне маселе чечилгени азырынча белгисиз
Камчыбек Ташиев: кыргыз-өзбек чек арасы 100 пайызга чечилди
Президент Кыргызской Республики Алмазбек Атамбаев во время встречи с активом и общественностью города Бишкек.

Сот Алмазбек Атамбаевдин абалын билүү үчүн экспертиза дайындады

(жаңыланган 17:12 14.04.2021)
Алмазбек Атамбаев учурда ден соолугу начарлаганына байланыштуу №47 түзөтүүчү колонияда дарыланып жатат.

БИШКЕК, 14-апр. — Sputnik. Биринчи май райондук сотунун судьясы Азирет Медеров мурдагы президент Алмазбек Атамбаевдин саламаттыгынын абалын аныктоо үчүн соттук-медициналык экспертиза дайындады. Бул тууралуу Атамбаевдин кеңешчиси Кундуз Жолдубаева билдирди. 

Анын айтымына караганда, Кой-Таш окуясы боюнча соттук териштирүү иштери 2019-жылдын август айында экспертиза соңуна чыкканга чейин токтотулган.

Жолдубаева ошондой эле бүгүнкү жыйынга соттолуучу Равшан Жээнбеков келбегенин белгиледи. Анын жактоочулары экс-депутат коронавирус жуктуруп алышы мүмкүн деген маалымкат беришкен.

Биринчи май райондук соту соттук териштирүү иштери токтотулуп, экспертиза дайындалганын ырастады.

Белгилер:
Алмазбек Атамбаев, судья, Биринчи Май райондук соту
Тема:
Алмазбек Атамбаевдин кармалышы
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат
Бишкек — Нарын — Торугарт жолунда кырсык

Чүйдө эки унаа кагышып, жети адам жаракат алды. Видео

(жаңыланган 17:12 14.04.2021)
Ысык-Ата районунун Киргшелк айылында болгон жол кырсыгынан жаракат алгандар Кант шаардык ооруканасына жеткирилгени айтылды.

БИШКЕК, 14-апр. — Sputnik. Бишкек — Нарын — Торугарт жолунда катталган автоунаа кырсыгынан 7 адам жаракат алды. Бул тууралуу Өзгөчө кырдаалдар министрлиги билдирди.

Маалыматка караганда, кырсык 14-апрель күнү саат 14:00дөр чамасында Ысык-Ата районундагы Киргшелк айылында болгон.

"Mercedes-Benz унаасы менен ЗИЛ-130 үлгүсүндөгү оор жүк ташуучу унаа сүзүшкөн. Кырсыктын кесепетинен 7 адам жаракат алган. Куткаруучулар унаага кыпчылып калган аялды чыгарышып, Тез жардам кызматына өткөрүп беришкен", — деп жазылат маалыматта.

Жабыркагандар Кант шаардык ооруканасына жеткирилгени жана алардын абалы орточо экени айтылды.

Белгилер:
Торугарт, Нарын, Бишкек, ӨКМ, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Чүйдө төрт унаа кагышып, эки адам жабыркады. Кырсыктын видеосу
Түптөгү үрөй учурган жол кырсыгы: төртүнчү бала ооруканадан көз жумду
Сокулукта Lexus жолдо турган унааны сүзүп, бир адам каза тапты. Видео