Суу сактагыч. Архив

Ташиев: Кемпир-Абад суу сактагычынын плотинасы өзбек тарапка өттү

(жаңыланган 19:48 26.03.2021)
Тараптар суу плотинасы Өзбекстанда калып, бирок Кыргызстан аны ээн-эркин пайдалана алат деген чечимге келди.

БИШКЕК, 26-мар. — Sputnik. Кыргызстан менен Өзбекстан Кемпир-Абад (Анжиян) суу сактагычынын плотинасы өзбек тарапка өтөт деп чечти. Бирок коңшулар бир нече шартты аткарууга милдеттүү экенин УКМКнын төрагасы Камчыбек Ташиев билдирди.

Эске салсак, бүгүн ал кыргыз-өзбек мамлекеттик чек арасын делимитациялоо жана демаркациялоо боюнча өкмөттүк делегациянын Өзбекстанга болгон иш сапарынын жыйынтыгы боюнча маалымат жыйын өткөрдү.

УКМК төрагасынын айтымында, Өзбекстан төмөнкү шарттарды сактаган учурда плотина алардын аймагында калтырылат деген сүйлөшүүлөр болду:

  • Кемпир-Абад (Анжиян) суу сактагычынын суу ресурстарын биргеликте башкаруу боюнча өкмөттөр аралык келишим түзүү. Эми суу форс-мажордук кырдаалдардан тышкаркы убакта 900 горизонталдан көтөрүлбөйт;
  • өзбек тарап кыргыз тараптын сууну ээн-эркин алып, пайдалануусуна шарт түзүп берет;
  • Өзбекстан суунун жээгине тосмо койбойт.
Белгилер:
суу сактагычы, Өзбекстан, Кыргызстан
Тема боюнча
Ташиев: Кыргызстан менен Өзбекстан мындан ары бири-бирине жер бербейт
Өзбекстанга суу берип, жер алдык. Ташиев Кыргызстанга өткөн жерлерди санап берди
Ташиев: Баткендеги газ сактоо жайын иштетүү үчүн кыргыз-өзбек ишканасы түзүлөт
КР жарандарынын мүлкү зыянга учураган жок. Ташиев жерлердин такталышы тууралуу
Президент Кыргызской Республики Алмазбек Атамбаев во время встречи с активом и общественностью города Бишкек.

Сот Алмазбек Атамбаевдин абалын билүү үчүн экспертиза дайындады

(жаңыланган 17:12 14.04.2021)
Алмазбек Атамбаев учурда ден соолугу начарлаганына байланыштуу №47 түзөтүүчү колонияда дарыланып жатат.

БИШКЕК, 14-апр. — Sputnik. Биринчи май райондук сотунун судьясы Азирет Медеров мурдагы президент Алмазбек Атамбаевдин саламаттыгынын абалын аныктоо үчүн соттук-медициналык экспертиза дайындады. Бул тууралуу Атамбаевдин кеңешчиси Кундуз Жолдубаева билдирди. 

Анын айтымына караганда, Кой-Таш окуясы боюнча соттук териштирүү иштери 2019-жылдын август айында экспертиза соңуна чыкканга чейин токтотулган.

Жолдубаева ошондой эле бүгүнкү жыйынга соттолуучу Равшан Жээнбеков келбегенин белгиледи. Анын жактоочулары экс-депутат коронавирус жуктуруп алышы мүмкүн деген маалымкат беришкен.

Биринчи май райондук соту соттук териштирүү иштери токтотулуп, экспертиза дайындалганын ырастады.

Белгилер:
Алмазбек Атамбаев, судья, Биринчи Май райондук соту
Тема:
Алмазбек Атамбаевдин кармалышы
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат
Манас кырк чоросу. Сүрөтчү Г. Петровдун эпоско иллюстрациясы

Манастын кырк чоросунун аты-жөнү. Кырк жактан келген кыйындар

(жаңыланган 18:07 14.04.2021)
Sputnik Кыргызстан агенттиги Манастын кырк чоросунун аты-жөнүн сунуштайт. Материалдагы ысымдар Тоголок Молдо менен Сагынбай Орозбаковдун варианттары боюнча берилген.

Манасчы Талантаалы Бакчиев белгилегендей, кырк чоро деп айтылып жүргөнү менен эпосто 42 же андан көп сан берилет. Тоголок Молдонун варианты боюнча, 48и чоро, 40ы алардын зардалы, мындайча айтканда, жардамчысы. Алар курал-жарак ташып, атын карап, керектүү жардамдарды көрсөтүшкөн. Манаста "Себилдүүсү сексен төрт. Серп салган жагы кызыл өрт" деп бекеринен айтылбаса керек. Айрым манасчылардын варианттарында бардык чоронун аты аталат, кээ биринде толук айтылбайт.

Манастын кырк чоросу кырк тараптан келген. Бир күндө эмес, аз-аздан келип куралган. Кээси Манастан кичүү болсо, айрымдары тең болгон. Чоролордун көбү азган-тозгондор. Өз элине, жерине батпай, куугунтукка алынгандыктан "Манас айкөл экен, баатыр экен, чыгаан экен" деп үмүт артып келишкен.

Эпосто "Чокудан алтын табышты, чокусу ушул экен деп чоро болуп жабышты. Кыргыздан чыккан кыраан деп, кыргыздан ушул табылды. Кыйыны экен кыргыздын, кырк чоро болуп жабышты" деп айтылат. Орой угулганы менен чындыгында чоролор Манаска "агалап-сагалап" келишкен. Кырк чоронун 12си Чоң казатта окко учкан. Калгандары Чоң казаттан кайтып келип, Манас жаракатынан улам эки дүйнө ортосунда болуп турганда, тилекке каршы, бийлик көздөгөндөр жакка ооп кеткени айтылат.

Баатырдын кырк чоросу тууралуу кызыктуу фактыларды кабарчы Гүлдана Талантбекова даярдаган материалдан окуй аласыздар.

Белгилер:
ысым, эпос, Тоголок Молдо, кырк чоро, Манас
Тема боюнча
Манастын колуна кыргын салып... Калк энеси Каныкей тууралуу 15 факты
Манаска берген убадасынан тайган. Эпостогу Кыз Сайкал тууралуу 7 факты