Кыргызстандын Коопсуздук кеңешинин катчысы Рыскелди Мусаев Кытайдын Тышкы иштер министрлигинин тышкы коопсуздук боюнча атайын өкүлү Чэн Гопин менен видео-конференция форматында сүйлөшкөн.

Кыргызстан менен Кытай коопсуздук боюнча кызматташтыкты талкуулашты

(жаңыланган 18:02 30.03.2021)
Жолугушууда тараптар стратегиялык өнөктөштүктүн кыргыз-кытай мамилелерин мындан ары да өнүктүрүүгө даяр экенин айтышкан.

БИШКЕК, 30-мар. — Sputnik. Өлкөнүн Коопсуздук кеңешинин катчылыгында Кыргызстан менен Кытайдын коопсуздук жаатындагы кызматташтыгы талкууланды. Бул тууралуу президенттин маалымат кызматы кабарлады.

Билдирүүгө ылайык, Кыргызстандын Коопсуздук кеңешинин катчысы Рыскелди Мусаев Кытайдын Тышкы иштер министрлигинин тышкы коопсуздук боюнча атайын өкүлү Чэн Гопин менен видео-конференция форматында сүйлөшкөн.

Иш-чарага Кытайдын Кыргызстандагы элчиси Ду Дэвэнь да катышты.

"Ведомстволук органдар аралык кылмыштуулукка, террорчулукка жана экстремизмге каршы күрөшүү, региондо коопсуздукту камсыз кылуу чөйрөсүндө эки тараптуу кызматташтыкты өнүктүрүү жана чыңдоо маселелери талкууланды", — деп айтылат маалыматта.

Ошондой эле "Кыргызстан менен Кытайдын ортосундагы коопсуздук маселелери боюнча диалог" механизминин алкагында социалдык-экономикалык өнүгүү боюнча пикир алмашуу болгон.

Эки жак ар тараптуу стратегиялык өнөктөштүктүн кыргыз-кытай мамилелерин мындан ары да өнүктүрүүгө даяр экендигин билдиришти.

Белгилер:
кызматташуу, коопсуздук, Кытай, Кыргызстан
Тема боюнча
Ташкентте ШКУ өлкөлөрүнүн атайын кызматтары чогулду. Ортодо эмне кеп болду
Мамлекет башчы Садыр Жапаров. Архив

Садыр Жапаров 19 судьяны дайындады. Тизме

(жаңыланган 19:26 20.04.2021)
Президентке 20 талапкер сунушталган. Алардын 19у судьялык кызматка бекитилди. Ал эми бир талапкер боюнча материалдар кеңешке кайтарылды.

БИШКЕК, 20-апр. — Sputnik. Мамлекет башчы Садыр Жапаров 19 судьяны жергиликтүү сотторго дайындады. Бул тууралуу президенттин маалымат кызматынан билдиришти.

Судьяларды тандоо боюнча кеңеш тарабынан президенттин дарегине Чүй жана Ош облустарынын айрым райондук сотторго судьяларды дайындоо үчүн 20 талапкер боюнча сунуш келип түшкөн.

"Садыр Жапаров судьялык кызматка 19 талапкер боюнча кеңештин сунушуна макул болду. Ал эми бир талапкер боюнча ар кайсы мамлекеттик органдардан суралган кошумча маалыматтарды жана пикирлерди карап чыгып, материалдарды кеңешке кайтарды", — деп айтылат маалыматта.

Ысык-Ата райондук соту:

  • Садыков Урматбек Асанбекович.

Кара-Суу райондук соту:

  • Анарботоева Бүбүсара Рустамовна;
  • Сооронбаев Нурланбек Курманбекович;
  • Токтомаматов Кыялбек Жантороевич.

Араван райондук соту:

  • Сарыбаев Бакытбек Адилбекович.

Ноокат райондук соту:

  • Бодоев Абдимавлян Көкөнович;
  • Жусупбаев Шумкарбек Болотбекович;
  • Матраимов Бахтияр Шамшиевич;
  • Омуралиев Бакытбек Эмилбекович.

Өзгөн райондук соту:

  • Абдыкаров Өткүрбек Сыдыкалиевич;
  • Артыкова Нуржамал Момунжановна;
  • Каримбаева Чолпон Маматеминовна;
  • Сарыбаев Омурбек Рыскулович;
  • Шаматов Улан Шайлообекович.

Ош шаардык соту:

  • Авазов Мирзат Абдисатарович;
  • Батырбеков Жаналы Мамытович;
  • Матисаков Кадырбек Монокбаевич;
  • Омурзакова Арапатхан Абдылдаевна;
  • Туманбаев Уланбек Бейшеналиевич.

Жарлык кол коюлган күндөн тартып күчүнө кирет.

Тема боюнча
Президенттен комуз сураган Адинай белегин алды. Сүрөт
БУУнун желеги. Архив

БУУнун Башкы ассамблеясы Кыргызстан сунуштаган демилгени бир добуштан колдоду

(жаңыланган 17:51 20.04.2021)
Расмий Бишкек демилгелеген резолюцияга Япония, Кытай, Россия жана Индия өңдүү 60 өлкө авторлош болгону белгиленет.

БИШКЕК, 20-апр. — Sputnik. Бириккен Улуттар Уюму Кыргызстан демилгелеген "Жаратылыш чек араны билбейт: чек ара кызматташтыгы — биологиялык ар түрдүүлүктү сактоонун, калыбына келтирүүнүн жана туруктуу пайдалануунун чечүүчү фактору" деп аталган жаңы резолюцияны жактырды. Бул тууралуу Тышкы иштер министрлигинин маалымат кызматы билдирди.

75-сессиянын пленардык жыйынында БУУнун Башкы ассамблеясы резолюцияны бир добуштан кабыл алган.

Резолюциянын негизги максаты — 2030-жылдын күн тартибин ишке ашыруу жана туруктуу өнүгүү принциптерине негизделген жаратылыш ресурстарын сарамжалдуу пайдалануу менен биргелешкен иштерди жүргүзүү. Муну менен келечек муунду таза, коопсуз жана туруктуу чөйрө менен камсыз кылуу боюнча биологиялык ар түрдүүлүктү сактоо тармагында чек ара кызматташтыгын бекемдөө.

Долбоорго БУУнун Биоартүрдүүлүк жөнүндө конвенциясы, Көчүп жүрүүчүлөр түрлөрү боюнча конвенциясы, Рамсар конвенциясы жана Германиянын Коргоо союзу (NABU) сыяктуу бир катар глобалдык экологиялык уюмдар өз баасын берип колдоого алган.

"Резолюциянын бир добуштан кабыл алынып, дүйнөнүн 60 мамлекетинин авторлош болушу демилгенин актуалдуулугун далилдеп, мындан ары илгерилетүүгө колдоо көрсөтөрүн тастыктайт. Бул Кыргызстандын экология жаатында жогору бааланган ийгиликтүү демилгелеринин уландысы болду. Буга чейин ак илбирсти сактоо, тоолуу аймактарды туруктуу өнүктүрүү, Нью-Йоркто БУУнун алдында Тоолуу өлкөлөрдүн досторунун тобун түзүүнү сунуштаган", — деп айтылат маалыматта.

Кыргызстан демилгелеген резолюцияга Япония, Кытай, Россия жана Индия өңдүү 60 өлкө авторлош болгону белгиленет. Тизме менен Тышкы иштер министрлигинин сайтынан таанышууга болот.

Белгилер:
чек ара, жаратылыш, резолюция, демилге, Кыргызстан
Тема боюнча
Жапаров ЮНЕСКО директорун КРдеги чокуга чыгууга чакырып, макулдугун алды
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты