Папканы кармаган киши. Архивдик сүрөт

Фамилиясын өзгөрткөн Султанбеков акыйкатчынын орун басарлыгына өтпөй калды

(жаңыланган 15:20 31.03.2021)
Жыйында Жанар Акаев талапкер мурда жакын санаалашы болгон депутаттарга кредит берип, алар кайтарбай, бул чуу азыркыга чейин токтой электигин белгиледи.

БИШКЕК, 31-мар. — Sputnik. Акыйкатчынын орун басары кызматына сунушталган Анвар Султанбеков парламенттин кароосунан өтпөй калды.

Талапкерди депутаттарга бүгүн акыйкатчы Токон Мамытов тааныштырды.

Ал 2010-2019-жылдары Тышкы иштер министрлигинин Кадрдык иштер департаментинде, Саясий департаментинде, Өзбекстандагы элчиликте иштеген. Соңку убакта ТИМдин Акыйкатчы аппаратында эмгектенип жүргөн.

Жыйында эл өкүлү Дастан Бекешев талапкер фамилиясын эмне себептен өзгөрткөнүнө кызыкты.

"Ооба, фамилиямды өзгөрткөм. Мурда Төлөгөнов болчу, кийин атамдын ысымы өчпөсүн деп анын атына "Султанбеков" деп алмаштырдым. 2002-2008-жылдары өлкөнүн ар кандай банктарында иштегем", — деди Султанбеков.

Ал эми Жанар Акаев анын буга чейин адам укугун коргоо жаатында иштебегенине нааразы болду. Ошондой эле фамилиясын банкта иштеп жүргөндө ири суммада кредит берүүдөн маселе жаралгандыктан өзгөрткөнүн белгиледи.

"Сиз азыр ушул парламентте отурган депутаттардын кимисине ири суммада кредит берүүгө катышкансыз? Бирок кийин ал төлөнбөй калган. "Азия Универсал" банкындагы иш жөнүндө айтып жатам", — деп сурады Акаев.

Султанбеков банк тармагынан кеткенине көп жыл болгонун айтып, ал тууралуу эсинде жок экенин билдирди.

Андан соң депутат жакын санаалашы болгон саясатчыларга кредит бергени боюнча чуу азыркыга чейин токтой электигин белгилеп, анын талапкерлигин жактырбоого чакырды.

Натыйжада Султанбековдун акыйкатчынын орун басары болушуна 45 эл өкүлү макул, 25и каршы добуш берип өтпөй калды. Эскерте кетсек, мында 60тан көп депутаттын макулдугу зарыл.

Бир нече мүнөттөн кийин вице-спикер Аида Касымалиеванын сунушу менен кайрадан добушка коюлду. Бирок анда дагы колдоо тапкан жок.

Белгилер:
фамилия, өзгөртүүлөр, Жанар Акаев, депутат, сунуш, талапкер, Акыйкатчы
Тема боюнча
Парламент Сотторду тандоо кеңешинин 9 мүчөсүн шайлады. Тизме
Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү

Билбей туруп мени сындап жатышат. Ташиев чек ара маселеси боюнча

(жаңыланган 18:19 10.04.2021)
УКМК төрагасы кабыл алынган протоколдон шек жаралбашы үчүн бийлик органдары элге түшүндүрүү иштерин күчөтүшү керектигин белгиледи.

БИШКЕК, 10-апр. — Sputnik. Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.

Анда кыргыз-өзбек чек арасы боюнча 25-мартта Ташкентте кол коюлган протокол талкууга алынды.

  • Заседание правительственной комиссии по приграничным вопросам в Бишкеке
    Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.
    © Фото / Пресс-служба правительства/ Алишер Алиев
  • Глава правительственной делегации Кыргызской Республики по делимитации и демаркации государственной границы -  председатель ГКНБ КР Камчыбек Ташиев провел заседание правительственной комиссии по приграничным вопросам.
    Анда кыргыз-өзбек чек арасы боюнча 25-мартта Ташкентте кол коюлган протокол талкууга алынды.
    © Фото / Пресс-служба правительства/ Алишер Алиев
1 / 2
© Фото / Пресс-служба правительства/ Алишер Алиев
Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.
"Бардык чечимдер мамлекеттин, чектеш аймактарда жашаган жарандардын кызыкчылыгы үчүн кабыл алынууда жана мындан ары да ушундай болот. Протоколдун ар бир пункту талашка түшүп, көптөгөн күч-аракет жумшап жерибиздин ар бир метрин жактадык. Учурда эл арасында толук маалыматка ээ болбостон, талдоого албастан мени сынга алгандар болууда. Мен өкмөттүк делегациянын башчысы катары чоң жоопкерчиликти алдым. Убакыт бардыгын өз ордуна коюп, бул тарыхый чечим болгондугун айтышат", — деди Ташиев.

Ошондой эле ал кабыл алынган протоколдон шек жаралбашы үчүн мамлекеттик жана жергиликтүү бийлик органдары элге түшүндүрүү иштерин күчөтүү зарылчылыгын белгилеген.

Аны менен катар мамлекеттик чек аранын долбоордук линиясын белгилөө боюнча талаа иштерин тездетүүгө тапшырма берген. 

Белгилер:
түшүндүрүү иштери, кыргыз-өзбек чек арасы, чек ара, УКМК, Камчыбек Ташиев
Тема боюнча
Сууну Өзбекстан башкарып калбайбы? Өкмөттүн жооптуу өкүлү менен видео маек
Ташиев элге чек ара маселеси боюнча келишимди түшүндүрөт. Жолугушуу графиги
Офисте отурган аял. Архивдик сүрөт

Кыргызстанда 5 300 аял айылдык кеңештин депутаттыгына аттанды

(жаңыланган 13:22 10.04.2021)
Өлкө боюнча 420 айылдык кеңешке 7 560 депутат шайланышы керек, анын ичинен аялдар үчүн 2 900 квота бөлүнгөн.

БИШКЕК, 10-апр. — Sputnik. Кыргызстанда айылдык кеңештин депутаты болууга 5300 аял талапкерлигин койду. Бул тууралуу Борбордук шайлоо комиссиясынын төрайымы Нуржан Шайлдабекова брифинг учурунда билдирди.

Анын айтымында, өлкө боюнча 420 айылдык кеңешке 7 560 депутат шайланышы керек, анын ичинен аялдар үчүн 2 900 квота бөлүнгөн.

"Шаардык кеңешке пропорционалдык система менен шайлоо (партиялык тизме) болгондуктан аялдар үчүн 30 пайыздык квота каралган. Ал эми айылдык кеңештин депутаттары өзүн-өзү көрсөтүү менен мажоритардык системада шайланат. Буга чейин аял депутаттардын саны тогуз пайызды гана түзгөн. Мындан улам айылдарда дагы 30 пайыздык квота киргизилген. Учурда аялдар үчүн бөлүнгөн 2 900 мандатка 5 300 талапкер ат салышууда", — деди Шайлдабеков.

Айылдык кеңештин депутаттыгына аттанган талапкерлердин жалпы саны 18 772ге жетет.

Мындан сырткары, 28 шаардык кеңештин шайлоосуна 59 партия катышууда. Жарышка чыккан саясий уюмдардын эң көбү Бишкекте — 25, эң азы Көк-Жаңгак шаарында — 3.

Белгилер:
депутат, Кыргызстан, аял, жергиликтүү кеңеш
Тема:
Жергиликтүү кеңештерди шайлоо
Тема боюнча
Бүгүн Кыргызстанда шайлоо алдындагы "жымжырттык күнү". Эрежеси
Партияны эмес, депутатты тандасын. ЖКда шайлоо мыйзамын өзгөртүү сунушталды
Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.

Марипов авиабилеттерди арзандатуу боюнча кеңешме өткөрүп, тапшырма берди

(жаңыланган 20:06 10.04.2021)
Өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгы айтылат.

БИШКЕК, 10-апр. — Sputnik. Бир катар мамлекеттик ведомстволордун чабал ишинин натыйжасында чет өлкөгө бараткан жарандарга негиздеме жасоо бизнеске айланды. Бул тууралуу премьер-министр Улукбек Марипов билдирди.

Ал бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.

  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
"Сиздердин аракетсиздигиңерден улам сапарга чыгууга муктаждыкты тастыктоочу "негиздеме" документти айрым ишкерлер бизнеске айлантып алды. Долбоорду 1-апрелден тарта ишке киргизишиңер керек эле. Биздин жарандар үчүн ЕАЭБ өлкөлөрүндө жүрүүгө мыкты мүмкүнчүлүк түзүлдү. Болгону ПЦР-анализ тапшырып, тийиштүү тиркемени көчүрүп алуу керек. Бирок эки лаборатория гана аталган анализди жасап, код бере алат. Эмне себептен лабораториялар аз камтылган?" — деп сурады Марипов.

Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.

Аны менен катар премьер-министр анализдерди тапшырууга мүмкүн болгон лабораториялардын жана авиакаттамдардын санын жогорулатуу боюнча сунуш киргизүүгө тапшырма берди.

Бул маселе өлкө башчынын жеке көзөмөлүндө тургандыгын кошумчалаган.

Белгилер:
лаборатория, арзандатуу, авиабилет, Улукбек Марипов, өкмөт
Тема боюнча
Кыргызстандын жарандары Россияга негиздемеси жок кириши мүмкүн
Жапаров: Россияга каттаган рейстер менен авиабилет баасын өз көзөмөлүмө алдым