Кыргызстандын  президенти Садыр Жапаров

Жапаров ЮНЕСКО директорун КРдеги чокуга чыгууга чакырып, макулдугун алды

"ЮНЕСКО" атындагы чоку Борбордук Тянь-Шандын Сары-Жаз кырка тоолорунда жайгашкан, бийиктиги 5 063 метрди түзөт.

БИШКЕК, 2-апр. — Sputnik. Президент Садыр Жапаров ЮНЕСКОнун башкы директору Одрэ Азулеге Кыргызстандагы чокуга чыгууну сунуштап, макулдугун алды. Бул тууралуу Тышкы иштер министрлигинин маалымат кызматы билдирди.

  • Президент Кыргызстана Садыр Жапаров во время переговоров с Генеральным директором ЮНЕСКО Одрэ Азуле в формате видеоконференции
    Президент Садыр Жапаров ЮНЕСКОнун башкы директору Одрэ Азулеге Кыргызстандагы чокуга чыгууну сунуштап, макулдугун алды
    © Пресс-служба президента КР / Султан Досалиев
  • Президент Кыргызской Республики Садыр Жапаров сегодня, 1 апреля, провел переговоры с Генеральным директором ЮНЕСКО Одрэ Азуле в формате видеоконференции.
    Жолугушуу видео конференция форматында өтүп, тараптар билим берүү, илим, маданият тармагындагы өнөктөштүктү жана кызматташтыкты чыңдоо маселесин талкуулашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров ЮНЕСКОнун башкы директору Одрэ Азулеге Кыргызстандагы чокуга чыгууну сунуштап, макулдугун алды

Жолугушуу видео конференция форматында өтүп, тараптар билим берүү, илим, маданият тармагындагы өнөктөштүктү жана кызматташтыкты чыңдоо маселесин талкуулашкан.

"Мамлекет башчысы Одрэ Азулени ушул жылдын сентябрь айында Кыргызстанда өтүүчү жогорку билим берүү жаатындагы эл аралык конференцияга чакырды. Ошондой эле ага өлкөдөгү мөңгүлөрдүн абалын өз көзү менен көрүп, таанышуу үчүн бийиктиги 5000 метрден ашкан ЮНЕСКОнун атынан коюлган чокуга чыгуу мүмкүнчүлүгүн карап көрүүнү сунуш кылды", — деп айтылат маалыматта.

Кыргызстан президенти Садыр Жапаров
© Пресс-служба президента КР / Султан Досалиев
ЮНЕСКОнун башкы директору Кыргызстан менен болгон кызматташтыкты канааттануу менен баалады. Аны менен катар Жапаровдун конференцияга жана чокуга чыгуу боюнча чакыруусун кабыл алган.

Ошондой эле ал толук форматта жолугушуу өткөрүү үчүн Жапаровду ЮНЕСКОнун Париждеги офисине чакырганы белгиленди.

"ЮНЕСКО" чокусу Борбордук Тянь-Шандын Сары-Жаз кырка тоолорунда жайгашкан, бийиктиги 5 063 метрди түзөт. Ал дүйнөдөгү ЮНЕСКОнун атынан коюлган жалгыз тоо болуп саналат.

Белгилер:
чакыруу, чоку, ЮНЕСКО, Садыр Жапаров
Тема боюнча
Жапаров Түрк кеңешинин жыйынына катышып, эл аралык маселелерди талкуулайт
Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү

Билбей туруп мени сындап жатышат. Ташиев чек ара маселеси боюнча

(жаңыланган 18:19 10.04.2021)
УКМК төрагасы кабыл алынган протоколдон шек жаралбашы үчүн бийлик органдары элге түшүндүрүү иштерин күчөтүшү керектигин белгиледи.

БИШКЕК, 10-апр. — Sputnik. Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.

Анда кыргыз-өзбек чек арасы боюнча 25-мартта Ташкентте кол коюлган протокол талкууга алынды.

  • Заседание правительственной комиссии по приграничным вопросам в Бишкеке
    Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.
    © Фото / Пресс-служба правительства/ Алишер Алиев
  • Глава правительственной делегации Кыргызской Республики по делимитации и демаркации государственной границы -  председатель ГКНБ КР Камчыбек Ташиев провел заседание правительственной комиссии по приграничным вопросам.
    Анда кыргыз-өзбек чек арасы боюнча 25-мартта Ташкентте кол коюлган протокол талкууга алынды.
    © Фото / Пресс-служба правительства/ Алишер Алиев
1 / 2
© Фото / Пресс-служба правительства/ Алишер Алиев
Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.
"Бардык чечимдер мамлекеттин, чектеш аймактарда жашаган жарандардын кызыкчылыгы үчүн кабыл алынууда жана мындан ары да ушундай болот. Протоколдун ар бир пункту талашка түшүп, көптөгөн күч-аракет жумшап жерибиздин ар бир метрин жактадык. Учурда эл арасында толук маалыматка ээ болбостон, талдоого албастан мени сынга алгандар болууда. Мен өкмөттүк делегациянын башчысы катары чоң жоопкерчиликти алдым. Убакыт бардыгын өз ордуна коюп, бул тарыхый чечим болгондугун айтышат", — деди Ташиев.

Ошондой эле ал кабыл алынган протоколдон шек жаралбашы үчүн мамлекеттик жана жергиликтүү бийлик органдары элге түшүндүрүү иштерин күчөтүү зарылчылыгын белгилеген.

Аны менен катар мамлекеттик чек аранын долбоордук линиясын белгилөө боюнча талаа иштерин тездетүүгө тапшырма берген. 

Белгилер:
түшүндүрүү иштери, кыргыз-өзбек чек арасы, чек ара, УКМК, Камчыбек Ташиев
Тема боюнча
Сууну Өзбекстан башкарып калбайбы? Өкмөттүн жооптуу өкүлү менен видео маек
Ташиев элге чек ара маселеси боюнча келишимди түшүндүрөт. Жолугушуу графиги
Офисте отурган аял. Архивдик сүрөт

Кыргызстанда 5 300 аял айылдык кеңештин депутаттыгына аттанды

(жаңыланган 13:22 10.04.2021)
Өлкө боюнча 420 айылдык кеңешке 7 560 депутат шайланышы керек, анын ичинен аялдар үчүн 2 900 квота бөлүнгөн.

БИШКЕК, 10-апр. — Sputnik. Кыргызстанда айылдык кеңештин депутаты болууга 5300 аял талапкерлигин койду. Бул тууралуу Борбордук шайлоо комиссиясынын төрайымы Нуржан Шайлдабекова брифинг учурунда билдирди.

Анын айтымында, өлкө боюнча 420 айылдык кеңешке 7 560 депутат шайланышы керек, анын ичинен аялдар үчүн 2 900 квота бөлүнгөн.

"Шаардык кеңешке пропорционалдык система менен шайлоо (партиялык тизме) болгондуктан аялдар үчүн 30 пайыздык квота каралган. Ал эми айылдык кеңештин депутаттары өзүн-өзү көрсөтүү менен мажоритардык системада шайланат. Буга чейин аял депутаттардын саны тогуз пайызды гана түзгөн. Мындан улам айылдарда дагы 30 пайыздык квота киргизилген. Учурда аялдар үчүн бөлүнгөн 2 900 мандатка 5 300 талапкер ат салышууда", — деди Шайлдабеков.

Айылдык кеңештин депутаттыгына аттанган талапкерлердин жалпы саны 18 772ге жетет.

Мындан сырткары, 28 шаардык кеңештин шайлоосуна 59 партия катышууда. Жарышка чыккан саясий уюмдардын эң көбү Бишкекте — 25, эң азы Көк-Жаңгак шаарында — 3.

Белгилер:
депутат, Кыргызстан, аял, жергиликтүү кеңеш
Тема:
Жергиликтүү кеңештерди шайлоо
Тема боюнча
Бүгүн Кыргызстанда шайлоо алдындагы "жымжырттык күнү". Эрежеси
Партияны эмес, депутатты тандасын. ЖКда шайлоо мыйзамын өзгөртүү сунушталды
Кыргызстандын ашпозчулар ассоциациясынын президенти Берик Эгинбаев

Эгинбаев: Кыргызстанда молекулярдык ашканага кызыккандар көбөйдү

Кыргызстандын ашпозчулар ассоциациясынын президенти Берик Эгинбаев өлкөдө молекулярдык гастрономияга кызыккан ашпозчулардын саны өсүп жатканын айтты.

Кыргызстанда молекулярдык ашкананын кардарлары көп болбогондуктан талап азыраак. Мындай пикирин Берик Эгинбаев Sputnik Кыргызстан радиосунун эфиринде маек куруп жатып билдирди.

Эгинбаев: Кыргызстанда молекулярдык ашканага кызыккандар көбөйдү

Анын айтымында, молекулярдык ашкананы тиешелүү техникалык жабдыктар менен камсыздоо үчүн абдан көп каражат жумшалат.

"Ар бир продуктунун химиялык, физикалык жактан табигый курамы болот. Ал ар түрдүү жылуулукта өзүнүн түзүлүшүн өзгөртөт. Тажрыйбасы чоң ашпозчулар ашканада жаңы технологияларды пайдаланып, укмуштуу жыйынтыктарды беришет. Мисалы, кадимки эле шорподон ар кандай түстөгү табигый ширелерди кошуп, эмульгаторлорду аралаштырып икра жасайбыз. Эгерде молекулярдык ашкана курам десеңиз көп каражат сарпталат. Азыр ашпозчулардын көбү бул жаңы багыттагы ашкананы жакшы билишет жана кызыга башташты. Бирок аны 100 пайызга колдонушпайт. Учурда 20дан ашык ресторан аталган методду колдонуп жатат. Кыргызстанда молекулярдык ашкананын кардарлары көп болбогондуктан талап азыраак", — деди Эгинбаев.

Ошондой эле адис учурда өлкөдө молекулярдык ашканада жасалган тамактарды гурмандар, дегустаторлор гана көп сурашарын кошумчалады.

Белгилер:
ашкана
Тема боюнча
Италиялыктар оромону жакшы көрөт. Сардинияда ресторан ачкан Сыдыкова менен маек