Кыргызстандын президенти Садыр Жапаров

Мекенди коргоодон ыйык милдет жок. Жапаров Баткенде машыккан аскерлерге кайрылды

(жаңыланган 13:52 03.04.2021)
Мамлекет башчы өлкөдө ар кандай деструктивдүү күчтөр улуттук кызыкчылыктарга зыян келтирип, кырдаалды курчутуу аракеттерин улантып жатканын белгиледи.

БИШКЕК, 3-апр. — Sputnik. Өз үйүн, мекенин коргоодон артык ардактуу жана ыйык милдет жок. Бул тууралуу президент Садыр Жапаров Баткен облусундагы аскерий машыгууда билдирди.

Мамлекет башчы бүгүн Бужум аскер полигонуна барып "Коопсуздук — 2021" жана "Калыптандыруу Түштүк — 2021" командалык-штабдык жана мобилизациялык машыгуулардын жыйынтыктоочу этабына байкоо салган.

"Терроризм менен экстремизм дүйнө жүзүнө коркунуч келтирип турганда өз үйүн, мекенин коргоодон артык ардактуу жана ыйык милдет жок. Өткөрүлгөн машыгуулар Кыргызстан гана эмес, Борбор Азия регионунун коопсуздугун бекемдөөгө салым кошоруна ишенем. Ата Мекенибиздин тынчтыгы жана гүлдөп өнүгүүсү үчүн татаал, бирок ардактуу милдетти аркалаган баарыңыздарга ийгилик каалап кетүүгө уруксат этиңиздер", — деди Жапаров.

Президенттин айтымында, өлкөдө прогрессивдүү кадамдарга, бийлик системасын реформалоого жана коррупцияга каршы күрөшкө карабастан, ар кандай деструктивдүү күчтөр улуттук кызыкчылыктарга зыян келтирип, кырдаалды курчутуу аракеттерин улантууда.

Ал бир башчыга баш ийүү принцибин сактоо үчүн Куралдуу күчтөрдө вертикалдуу башкарууну орнотууга мүмкүнчүлүк түзүүчү Коргоо министрлигин кайрадан түзгөнүн белгиледи.

Машыгууга эки миңге жакын адам катышып, 100гө жакын автомобиль, сооттолгон жана атайын техника, артиллериялык система, авиациялык техника колдонулмакчы.
© Facebook / Министерство обороны Кыргызской Республики
"Өнөктөш мамлекеттер менен биргелешип ата мекендик коргонуу-өнөр жай комплексин өнүктүрүү боюнча иштерди жүргүзүп жатат. Жакынкы мезгилде Коргоо министрлигинин курамында атайын операцияларга жооптуу күчтөр түзүлөт. Бул өз кезегинде, эл аралык терроризмге каршы натыйжалуу күрөшүүгө мүмкүндүк берет", — деди президент.

Мындан сырткары, ал 1-апрелден баштап аскер кызматчылары үчүн азык-түлүктүн көлөмү көбөйтүлүп, анын калориялуулугу жана ар түрдүүлүгү жогорулатылгандыгын белгиледи.

Аны менен катар мамлекет башчы Ош шаарында ушул жылы 200дөн ашык аскер кызматчысы турак-жай менен камсыз болорун билдирди. Ошондой эле аларды талаптагыдай каржылоо маселеси караларын кошумчалады.

Белгилер:
Садыр Жапаров, машыгуу, Аскер, Баткен облусу
Тема боюнча
Жапаров бүгүн Баткендеги аскерлердин машыгуусун көрүп, эртең Алайга барат
Ракета атылып... КРде машыгууга даярданган аскерлердин видеосу
Президент Кыргызской Республики Алмазбек Атамбаев во время встречи с активом и общественностью города Бишкек.

Сот Алмазбек Атамбаевдин абалын билүү үчүн экспертиза дайындады

(жаңыланган 17:12 14.04.2021)
Алмазбек Атамбаев учурда ден соолугу начарлаганына байланыштуу №47 түзөтүүчү колонияда дарыланып жатат.

БИШКЕК, 14-апр. — Sputnik. Биринчи май райондук сотунун судьясы Азирет Медеров мурдагы президент Алмазбек Атамбаевдин саламаттыгынын абалын аныктоо үчүн соттук-медициналык экспертиза дайындады. Бул тууралуу Атамбаевдин кеңешчиси Кундуз Жолдубаева билдирди. 

Анын айтымына караганда, Кой-Таш окуясы боюнча соттук териштирүү иштери 2019-жылдын август айында экспертиза соңуна чыкканга чейин токтотулган.

Жолдубаева ошондой эле бүгүнкү жыйынга соттолуучу Равшан Жээнбеков келбегенин белгиледи. Анын жактоочулары экс-депутат коронавирус жуктуруп алышы мүмкүн деген маалымкат беришкен.

Биринчи май райондук соту соттук териштирүү иштери токтотулуп, экспертиза дайындалганын ырастады.

Белгилер:
Алмазбек Атамбаев, судья, Биринчи Май райондук соту
Тема:
Алмазбек Атамбаевдин кармалышы
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат
ТИМге караштуу Консулдук кызмат департаментинин директорунун орун басары Бахтияр Шакиров. Архив

Министр Бейшеналиев ТИМ кызматкери эмнеден каза болгонун айтты

(жаңыланган 17:42 14.04.2021)
Министр дипломатка кичинекей балдар жаткан жерден тамчылатма ийне саюу чоң катачылык болгонун белгиледи.

БИШКЕК, 14-апр. — Sputnik. ТИМге караштуу Консулдук кызмат департаментинин директорунун орун басары Бахтияр Шакиров анафилактикалык шоктон каза болгон. Бул тууралуу саламаттык сактоо жана социалдык өнүктүрүү министри Алымкадыр Бейшеналиев "Парламент сабактары" берүүсүндө билдирди.

Белгилей кетсек, дипломат 1-апрель күнү Бишкектеги Эне жана баланы коргоо улуттук борборунда көз жумган. Министр анын өлүмүнүн диагнозу соттук-медициналык экспертизада далилденгенин билдирди.

"39 жаштагы ТИМ кызматкерин жаш балдардын жанына жаткырып, антибиотик сайган. Ал анафилактикалык шоктон каза болуптур. Ошон үчүн ал оорукананын директорун, башкы дарыгерин, антибиотик сайылган лор бөлүмүнүн башчысын жана медайымды тергөө бүткөнгө чейин жумуштан бошоттум. Себеби мындай кырсык болбошу керек эле. Биринчиден, кичинекей балдар жаткан жерге алып барып тамчылатма ийне саюу — чоң ката. Экинчиден, антибиотик сайганда алдын ала текшерип көрүш керек болчу. Ошон үчүн ал каза болуп калды", — деди Бейшеналиев.

Эске салсак, Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкылардан болуп алгандардын бири экенин айтып чыккан эле.

Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин билдирген. Министрлик Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин таппаганын, акыркы жыйынтык 14 күндүн ичинде белгилүү болорун маалымдаган.

Ал эми Кытайдын Кыргызстандагы элчилиги такталбаган мындай маалымат эки өлкөнүн достугуна көлөкө түшүрүп жатканын билдирген.

Белгилер:
Алымкадыр Бейшеналиев, өлүм, кызматкер, ТИМ
Тема боюнча
ТИМ кызматкеринин ооруканадагы өлүмү. Милиция окуянын чоо-жайын айтты