Октор. Архив

Казакстан Кыргызстанга аскердик техниканы бекер бермекчи. Жардамдын тизмеси

(жаңыланган 15:16 06.04.2021)
Мыйзам долбоорунда өзүнчө пункт менен кыргыз тарап макулдашуунун алкагында алган жардамды үчүнчү жактарга бере албай турганы белгиленген.

БИШКЕК, 6-апр. — Sputnik. Казакстандын Коргоо министрлиги Кыргызстанга колдонулбай турган аскердик мүлкүн бекер берүүнү карап жаткандыгын Sputnik Казакстан жазды.

"Казакстандын Кыргызстанга аскердик-техникалык жактан акысыз көрсөтө турган жардамы боюнча өкмөттөр аралык макулдашуусун ратификациялоо жөнүндө мыйзам долбоору талкуулоо үчүн Ачык ченемдик-укуктук актылар порталына жайгаштырылган", — деп кабарлады Sputnik Казакстан.

Мыйзам долбоорун иштеп чыгуу чечими Кыргызстан президенти Садыр Жапаровдун 2-3-мартта Казакстанга, анын ичинен Нур-Султанга болгон мамлекеттик сапарынан кийин кабыл алынганы айтылган.

Кыргызстандын президенти Садыр Жапаров менен Казакстандын өлкө башчысы Касым-Жомарт Токаевдин жолугушу
© Пресс-служба президента КР / Султан Досалиев
"Документке ылайык, Казакстандын Коргоо министрлиги колдонулбаган аскердик мүлкүн кыргызстандык кесиптештерине бекер берүүгө даяр. Анын максаты — эки элдин достук маанайдагы мамилеси менен аскердик кызматташуусун андан ары өнүктүрүү, мындан сырткары, Борбор Азия аймагындагы коопсуздукту бекемдөө", — деп жазылган маалыматта.

Мыйзам долбоорунда өзүнчө пункт менен кыргыз тарап макулдашуунун алкагында алган бул жардамды үчүнчү жактарга бере албай турганы белгиленген.

Талкууга коюлган документте бериле турган аскердик техникалардын төмөнкү тизмеси да жайгаштырылган:

  • 5,45 калибрлүү алты миллиондон ашык ок;
  • жогорку-жарылуучу башы бар 122 миллиметрлик реактивдүү снаряд – миң даана;
  • кызгылт сары түстөгү жер үстү менен белги бере турган патрон – эки миң даана;
  • сары түс менен белги бере турган патрон – миң даана;
  • үндү кармап, кабылдай урган "Восток-СП" техникасы – төрт даана;
  • ракетаны ишке киргизүүчү "Галактика" деп аталган комплекс – алты даана;
  • "Калина 12х80" антенналык коммутатору – бир даана.
Белгилер:
ратификация, аскердик-техникалар, жардам, Кыргызстан, Казакстан
Тема боюнча
Жапаров Суваналиевге 1-класстагы мамлекеттик кеңешчи чинин тапшырды. Сүрөт
Өлкөдө бензин кымбаттоодо. Май эмнеге Казакстан, Азербайжандан ташылбайт
Казакстан менен Өзбекстан Кыргызстанга жардам катары ун, буудай, көчөт жиберет
Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү

Билбей туруп мени сындап жатышат. Ташиев чек ара маселеси боюнча

(жаңыланган 18:19 10.04.2021)
УКМК төрагасы кабыл алынган протоколдон шек жаралбашы үчүн бийлик органдары элге түшүндүрүү иштерин күчөтүшү керектигин белгиледи.

БИШКЕК, 10-апр. — Sputnik. Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.

Анда кыргыз-өзбек чек арасы боюнча 25-мартта Ташкентте кол коюлган протокол талкууга алынды.

  • Заседание правительственной комиссии по приграничным вопросам в Бишкеке
    Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.
    © Фото / Пресс-служба правительства/ Алишер Алиев
  • Глава правительственной делегации Кыргызской Республики по делимитации и демаркации государственной границы -  председатель ГКНБ КР Камчыбек Ташиев провел заседание правительственной комиссии по приграничным вопросам.
    Анда кыргыз-өзбек чек арасы боюнча 25-мартта Ташкентте кол коюлган протокол талкууга алынды.
    © Фото / Пресс-служба правительства/ Алишер Алиев
1 / 2
© Фото / Пресс-служба правительства/ Алишер Алиев
Мамлекеттик чек араны делимитациялоо жана демаркациялоо боюнча өкмөттүк делегациянын башчысы, УКМК төрагасы Камчыбек Ташиев чек ара маселеси боюнча өкмөттүк комиссиянын кеңешмесин өткөрдү.
"Бардык чечимдер мамлекеттин, чектеш аймактарда жашаган жарандардын кызыкчылыгы үчүн кабыл алынууда жана мындан ары да ушундай болот. Протоколдун ар бир пункту талашка түшүп, көптөгөн күч-аракет жумшап жерибиздин ар бир метрин жактадык. Учурда эл арасында толук маалыматка ээ болбостон, талдоого албастан мени сынга алгандар болууда. Мен өкмөттүк делегациянын башчысы катары чоң жоопкерчиликти алдым. Убакыт бардыгын өз ордуна коюп, бул тарыхый чечим болгондугун айтышат", — деди Ташиев.

Ошондой эле ал кабыл алынган протоколдон шек жаралбашы үчүн мамлекеттик жана жергиликтүү бийлик органдары элге түшүндүрүү иштерин күчөтүү зарылчылыгын белгилеген.

Аны менен катар мамлекеттик чек аранын долбоордук линиясын белгилөө боюнча талаа иштерин тездетүүгө тапшырма берген. 

Белгилер:
түшүндүрүү иштери, кыргыз-өзбек чек арасы, чек ара, УКМК, Камчыбек Ташиев
Тема боюнча
Сууну Өзбекстан башкарып калбайбы? Өкмөттүн жооптуу өкүлү менен видео маек
Ташиев элге чек ара маселеси боюнча келишимди түшүндүрөт. Жолугушуу графиги
Офисте отурган аял. Архивдик сүрөт

Кыргызстанда 5 300 аял айылдык кеңештин депутаттыгына аттанды

(жаңыланган 13:22 10.04.2021)
Өлкө боюнча 420 айылдык кеңешке 7 560 депутат шайланышы керек, анын ичинен аялдар үчүн 2 900 квота бөлүнгөн.

БИШКЕК, 10-апр. — Sputnik. Кыргызстанда айылдык кеңештин депутаты болууга 5300 аял талапкерлигин койду. Бул тууралуу Борбордук шайлоо комиссиясынын төрайымы Нуржан Шайлдабекова брифинг учурунда билдирди.

Анын айтымында, өлкө боюнча 420 айылдык кеңешке 7 560 депутат шайланышы керек, анын ичинен аялдар үчүн 2 900 квота бөлүнгөн.

"Шаардык кеңешке пропорционалдык система менен шайлоо (партиялык тизме) болгондуктан аялдар үчүн 30 пайыздык квота каралган. Ал эми айылдык кеңештин депутаттары өзүн-өзү көрсөтүү менен мажоритардык системада шайланат. Буга чейин аял депутаттардын саны тогуз пайызды гана түзгөн. Мындан улам айылдарда дагы 30 пайыздык квота киргизилген. Учурда аялдар үчүн бөлүнгөн 2 900 мандатка 5 300 талапкер ат салышууда", — деди Шайлдабеков.

Айылдык кеңештин депутаттыгына аттанган талапкерлердин жалпы саны 18 772ге жетет.

Мындан сырткары, 28 шаардык кеңештин шайлоосуна 59 партия катышууда. Жарышка чыккан саясий уюмдардын эң көбү Бишкекте — 25, эң азы Көк-Жаңгак шаарында — 3.

Белгилер:
депутат, Кыргызстан, аял, жергиликтүү кеңеш
Тема:
Жергиликтүү кеңештерди шайлоо
Тема боюнча
Бүгүн Кыргызстанда шайлоо алдындагы "жымжырттык күнү". Эрежеси
Партияны эмес, депутатты тандасын. ЖКда шайлоо мыйзамын өзгөртүү сунушталды
Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.

Марипов авиабилеттерди арзандатуу боюнча кеңешме өткөрүп, тапшырма берди

(жаңыланган 20:06 10.04.2021)
Өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгы айтылат.

БИШКЕК, 10-апр. — Sputnik. Бир катар мамлекеттик ведомстволордун чабал ишинин натыйжасында чет өлкөгө бараткан жарандарга негиздеме жасоо бизнеске айланды. Бул тууралуу премьер-министр Улукбек Марипов билдирди.

Ал бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.

  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
"Сиздердин аракетсиздигиңерден улам сапарга чыгууга муктаждыкты тастыктоочу "негиздеме" документти айрым ишкерлер бизнеске айлантып алды. Долбоорду 1-апрелден тарта ишке киргизишиңер керек эле. Биздин жарандар үчүн ЕАЭБ өлкөлөрүндө жүрүүгө мыкты мүмкүнчүлүк түзүлдү. Болгону ПЦР-анализ тапшырып, тийиштүү тиркемени көчүрүп алуу керек. Бирок эки лаборатория гана аталган анализди жасап, код бере алат. Эмне себептен лабораториялар аз камтылган?" — деп сурады Марипов.

Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.

Аны менен катар премьер-министр анализдерди тапшырууга мүмкүн болгон лабораториялардын жана авиакаттамдардын санын жогорулатуу боюнча сунуш киргизүүгө тапшырма берди.

Бул маселе өлкө башчынын жеке көзөмөлүндө тургандыгын кошумчалаган.

Белгилер:
лаборатория, арзандатуу, авиабилет, Улукбек Марипов, өкмөт
Тема боюнча
Кыргызстандын жарандары Россияга негиздемеси жок кириши мүмкүн
Жапаров: Россияга каттаган рейстер менен авиабилет баасын өз көзөмөлүмө алдым