Шайлоо участогунда добуш берип жаткан адам

Кыргызстанда шайлоо өтүп жатат. Онлайн-репортаж

638
(жаңыланган 21:31 11.04.2021)
Кыргызстанда жергиликтүү кеңештин депутаттарын шайлоо жана референдумга добуш берүү башталды. Шайлоо участкалары эртең менен саат 8:00дө ачылып, кечинде 20:00дө жабылат.

28 шаардык кеңештин шайлоосуна 59 партия катышууда. Жарышка чыккан саясий уюмдардын эң көбү Бишкекте — 25, эң азы Көк-Жаңгак шаарында — 3.

Жергиликтүү кеңешти шайлоо менен кошо жаңы Конституцияны кабыл алуу боюнча референдум да өтүүдө.

Кыргызстанда шайлоо кандай өтүп жатканын Sputnik Кыргызстан агенттигинин тексттик трансляциясынан окуңуздар.

Жаңы билдирүү
  • 21:31
    IV Восточный экономический форум. День первый

    Бишкек шаардык кеңешинде мандаттар кандай бөлүштүрүлүп жатат. Болжолдуу эсеп

    Автоматтык түрдө эсептеген урнанын болжолдуу маалыматына ылайык, Бишкек шаардык кеңешине алты партия өттү.
    Дагы
  • 20:56

    Ош шаардык кеңешине шайлоо: алдыда 4 партия баратат

    Автоматтык эсептөө урналарынын (АСУ) алдын ала жыйынтыгына караганда Ош шаардык кеңешине ат салышкан партиялардын төртөө алдыда бара жатат.

    Азыркы тапта АСУ добуш бергендердин 80 пайыздан ашык добушун эсептеди. Ага ылайык, төмөнкү партиялар алдыда:

    "Ата-Журт Кыргызстан" саясий партиясы — 48.82%
    "Улуттар биримдиги элдик партиясы" саясий партиясы — 17.79%
    "Ыйман Нуру" Адилеттүүлүк жана ѳнүгүү саясий партиясы — 7.96%
    "Ынтымак" саясий партиясы — 7,03%


    Дагы: https://sputnik.kg/politics/20210411/1052093501/osh-shaardyk-keneshine-otkon-partiyalar.html

  • 20:52
    Чиновники. Архивное фото

    Бишкек шаардык кеңешине 6 партия өттү. Алдын ала жыйынтык

    Бишкек шаардык кеңешинен орун алуу үчүн 25 партия ат салышкан. АСУнун алдын ала жыйынтыгы боюнча, БШКга алты партия өттү. Бирок бул акыркы жыйынтык эмес.
    Дагы
  • 20:30

    Ош шаардык ички иштер башкармалыгына жалпысынан 24 арыз жана келип түшкөн

    Ош шаардык ички иштер башкармалыгына жалпысынан 24 арыз жана келип түштү. Бул тууралуу Ош шаардык ички иштер башкармалыгынын маалымат кызматы билдирди.
    Алардын ичинен 16 маалымат жарандардын добушун сатып алуу, 4 маалымат шайлоо участокторундагы бейбаштык, 4 маалымат шайлоо процессине тоскоолдук жасоо белгилери боюнча катталды. Бардык катталган маалыматтар боюнча текшерүү иштери жүргузулду. Шаардагы №5304 шайлоо участогундагы шайлоочулар жана байкоочулар ортосундагы жаңжал боюнча териштирүү башталды.

  • 20:28

    Чет жактардагы добуш берүү кандай болду. Алдын ала маалымат

    Бишкек убактысы боюнча саат 20.00гө карата бүткүл элдик добуш берүүгө келгендердин жалпы саны 2789 КР жаранын түздү.

    Бишкек убактысы боюнча саат 20.00дө РФтеги Түштүк Сахалин, Владивосток, Якутск, Иркутск, Красноярск шаарларындагы КР элчилигинин Канцеляриясынын аймагында түзүлгөн референдумдун 13 участкалары, Япониядагы, Кореядагы, КЭРдеги, Малайзиядагы, Казакстандагы, элчиликтерде, Гуанчжоу, Новосибирск, Алматы шаарларындагы Башкы консулдуктарда иштеп жаткан участкалар ишин аяктады. 

    Азыркы учурда, бүткүл элдик добуш берүүнүн 35 участкаларында добуш берүү өтүп жатат.

  • 20:12
    Жаңы Конституция боюнча референдумдун алдын ала жыйынтыгы. АСУнун эсеби

    Жаңы Конституциянын долбоорун канча киши колдоду. АСУ эсеби

    Жаңы Баш мыйзамдын долбоору боюнча добуш берүүнүн алдын ала жыйынтыгын Sputnik Кыргызстандын материалынан окуңуз.
    Дагы
  • 20:08
    Жаңы Конституция боюнча референдумдун алдын ала жыйынтыгы. АСУнун эсеби

    Жаңы Конституциянын долбоорун канча киши колдоду. АСУ эсеби

    Жаңы Баш мыйзамдын долбоору боюнча добуш берүүнүн алдын ала жыйынтыгын Sputnik Кыргызстандын материалынан окуңуз.
    Дагы
  • 20:05

    Референдум жана жергиликтүү кеңештерге шайлоо аяктады

    Өлкөдө 20:00дө добуш берүү аяктап, участкалар ишин токтотту. 

    Өлкө боюнча бүгүн 2 273 шайлоо участкасы иштеди. Жалпысынан референдумга 3 606 201, ал эми шайлоого 3 318 130 жаран катышуу укугуна ээ болду.  

    Алгач автоматтык эсептөө урнасынын жыйынтыгы жарыяланат. Кыргызстанда жергиликтүү кеңештерге шайлоо жана референдум аяктады.


     

  • 19:26

    Саат 18:00гө карата берилген добуштар боюнча маалымат

    Жергиликтүү кеңештердин шайлоосуна 1 024 891 адам келип добуш берип, жалпы шайлоочулардын 30,89 пайызын түздү. 
    Ал эми бүткүл элдик добуш берүүгө 1 061 591 жаран катышып, 29,44 пайызды түздү. Мыйзам боюнча шайлоочулардын 30 пайызы катышканда гана референдум өттү деп таанылат. Азырынча бул босогого 0,56 пайыздык добуш жетпей турат. Бул туурасында БШК төрайымы Нуржан Шайлдабекова саат 18:00гө карата берген маалыматында билдирди.
    Шайлоо участкалары саат 20:00дө жабылат.

    Электронная урна для голосования в Бишкекский городской кенеш на участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
  • 18:41

    Бет кап чуусунда добуш сатып алуунун болгон-болбогондугун ИИМ өкүлү айтып берди

    Бет кап чуусуна байланышкан фактылар териштирилип, добуш сатып алуу фактысы аныкталган жок. Бул тууралуу ИИМдин Тергөө кызматынын башчысы Султан Макилов билдирди.
    Белгилей кетсек, буга чейин социалдык тармактарда Ош шаарында шайлоочуларга акча таратып, алар добуш берүүгө кирип жатканда бет кабынын чекесин тешип, белги койду деген сүрөттөр тараган. Ушул эле сыяктуу ыкма менен адамдарга жашыл түстөгү бет кап тагып киргизип жатканы айтылган.
    “Эки фактыны тең териштирилди. Добуш сатып алуу боюнча аныкталган жок”, — деди Макилов.

  • 18:05
    Национальная валюта. Архивное фото

    Депутаттыкка аттанган талапкерлер шайлоого 155,2 млн. сом коротту

    Шаардык кеңешке катышкан партиялар 120,3 миллион сом, айылдык кеңешке депутат болууга ниеттенгендер 30 миллион сомдой сарптаган.
    Дагы
  • 18:01

    Кыргызстанда өтүп жаткан шайлоонун ирмемдеринен

    Девушка обрабатывает руки дезинфицирующим средством на избирательном участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
    Оператор на избирательном участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
    Мужчина на избирательном участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
    Женщина голосует на избирательном участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
    Мужчина голосует на избирательном участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
    Оператор на избирательном участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
    Женщина голосует на избирательном участке №1219 в Бишкеке во время выборов в местные кенеши и референдум по проекту новой Конституции.
    © Sputnik / Жоомарт Ураимов
  • 17:10

    Саат 16:00гө карата добуштардын жыйынтыгы

    Саат 16:00гө карата  Жергиликтүү кеңештин депутаттарын шайлоого  856 404 адам добуш берип, шайлоого келген жалпы элдин көрсөткүчү  25,81 пайыз болду.

    Ал эми  референдумга (бүткүл элдик добуш берүү) 888 331 адам добуш берип, келгендердин көрсөткүчү 24, 63 пайыз болду. Бул маалыматтарды БШК билдирди.

  • 15:21

    Бүгүн, 11-апрелде Германиядагы үч шайлоо участкаcында (КРдин Берлиндеги элчилиги, Франкфурттагы консулдук агенттик жана элчиликтин Бонндогу бөлүмүндө) референдумга  добуш берүү жүрүп жатат.

    Германияда добуш берүү укугуна ээ болгон 3334 шайлоочу катталган (консулдук каттоого туруп, биометрикалык маалыматтарын тапшыргандар):

    1. Берлиндеги №9029 шайлоо участогунда 1669 шайлоочу катталган;

    2. Франкфуртта №9030 шайлоо участогунда 1207 шайлоочу;

    3. Бонндогу №9031 участогунда  458 шайлоочу.

    Референдум Германиянын бийлигинин уруксаты менен, чектөө чаралары жана санитардык-эпидемиологиялык талаптарды сактоо менен өткөрүлүүдө.

    Бул туурасында аталган элчиликтен кабарлашты.

     

  • 15:17

    АШК мүчөлөрү талапкердин унаасында отурган. Ошто 5 тилкеде жыйынтык жокко чыкты

    Ош шаарында беш тилкеде шайлоо участкасынан сырткары добуш берүүнүн жыйынтыгы жокко чыгарылды. Бул туурасында Ош шаардык аймактык шайлоо комиссиясынын төрагасы Муктар Пазилдаев билдирди.
    Тагыраак айтканда, шаарда мөөнөтүнөн мурда добуш берилген №5279, 5551, 5284; 5904; 5316 шайлоо участкаларынын жыйынтыгын жокко чыгаруу чечими кабыл алынган.
    Пайзилдаевдин №5279 участкада шайлоо комиссиянын мүчөлөрү "Ата Журт Кыргызстан" партиясынын талапкери Чыңгыз Жороевдин унаасы менен кыдырып жүргөнү аныкталган.


    "Бул факты боюнча ошол көчмө урнадагы 30 добушту жокко чыгардык, ушуга жол бергени үчүн участкадагы шайлоо комиссиясынын жетекчисинин кызматтан алуу сунушталды. Бул шайлоодон кийин каралат, себеби азыр чара колдоно албайбыз. Талапкердин өзүн да чететтүү маселеси каралбай болду. Ал эми №5284; 5904; 5316 участкаларында бирден үчкө чейин ашыкча бюллетень чыккан. Ошондой эле №5551 шайлоо участкасында реестрде жок адамга бюллетень берилгени аныкталып, 35 шайлоочунун добушу жокко чыгарылды", — деди Пайзилдаев.


    Өлкө боюнча мөөнөтүнөн мурда добуш берилген 15 шайлоо участкасында жыйынтык жокко чыгарылган. Алар Бишкек, Ош, Токмок шаарлары жана Аламүдүн району.
     

  • 15:14

    Саат 14:00гө карата БШКнын маалыматы

    Саат 14:00гө карата  Жергиликтүү кеңештин депутаттарын шайлоого 674 419 адам добуш берип, шайлоого келген жалпы элдин көрсөткүчү  20,33 пайыз болду.

     

    Ал эми  референдумга (бүткүл элдик добуш берүү) 700 000 адам добуш берип, келгендердин көрсөткүчү 19, 41 пайыз болду. Бул маалыматтарды БШК билдирди.

    Ош облусу — 151 356 адам;
    Жалал-Абад облусу — 147 321;
    Чүй облусу — 95 465;
    Бишкек ш.— 65 740;
    Баткен облусу —59 504;
    Ысык-Көл облусу —57 977;
    Нарын — 46 459;
    Ош —39 786;
    Талас облусу  — 35 037;
    Чет өлкөлөрдө (ТИМдин маалыматы) — 1 355.

     

  • 14:58

    Кара-Суу районундагы Жаңы-Маала айылындагы №5221 "Жаңы-Маала" шайлоо участкасында жергиликтүү кеңешке талапкерлигин койгон Н. Х. жана С. А. аттуу жарандар саясий партиялардын бири акча таратып жана коркутуулар болуп жатканын милицияга кабарлашкан.
    Маалыматты облустук милициянын маалымат катчысы Жеңиш Аширбаев тастыктады.

    Бул туурасында Кара-Суу РИИБдин маалымат электрондук журналына катталып, азыркы учурда текшерүү иштери башталды.

  • 14:35

     Өкмөттүн Жалал-Абад облусундагы ыйгарым укуктуу өкүлү Абсаттар Сыргабаев жубайы менен Сузак районунун Барпы айылындагы №2395 шайлоо тилкесинде добуш берди. 

    Облус жетекчиси мамлекеттин алдыңкы багытын аныктоочу референдум жана жергиликтүү кеңештердин депутаттарын шайлоо өнөктүгү облус аймагында ачык айкындыкта өтүүсү зарылдыгын белгилеп жана тургундарды жарандык милдетин аткарып, добуш берүүгө активдүү катышууга чакырды.

    Жалал-Абад облусундагы 452 шайлоо тилкесинде 672 миң 859 шайлоочу референдумга, 418 участокто 620 миң 106 шайлоочу жергиликтүү кеңештерге добуш берүүгө катталган. Облуста 62 айылдык, 7 шаардык кеңештин депутаттары шайланат.

  • 13:28

    "Мен тууралуу эмне дешсе да көтөрөм". Экс-президент Жээнбеков Бишкекте добуш берди

    Сооронбай Жээнбеков шайлоо боюнча журналисттердин суроолоруна жооп берип жатып, төмөндөгүлөрдү белгиледи:
    "Бүгүн шайлоо күнү. Бул күнү үгүт жүргүзүүгө тыюу салынган. Буга кошумча – ар бир жаран кимге добуш бергенин купуя сыр катары сактоого укуктуу. Негизгиси – бүгүнкү жарандык милдетимди аткардым", - деди ал.
    Ошону менен бирге коомчулукта, журналисттерде ага, экс-президент катары суроолор көп экендигин кошумчалады.
    “Жеке менин дарегиме да ар кыл ойлор, калп-чыны аралаш пикирлер айтылып келет. Мен мунун баарын угуп, көрүп, анализдеп жатам. Албетте, менде айтылчү сөздөр көп. Бирок, азыркы кырдаалда менин сүйлөп, саясатчылар менен талашып-тартышып, диалогго аралашканыма караганда, унчукпай турганым – өлкө үчүн чоң пайда. Анткени, саясий туруктуулук жаңыдан бекемделип келатат. Менин айтканым, дегеним, кырдаалга таасир этпей койбойт. Саясий чайкоочулук кылчулар да жок эмес. Мен ошого жол бергим келбейт”, - деген Жээнбеков.

    Жээнбеков өлкөдөгү саясий туруктуулук ал үчүн кымбат экендигин айткан. 
    "Жеке мен тууралуу эмне дешсе да көтөрөм, чыдайм. Өлкөдөгү саясий туруктуулук, эл биримдиги мен үчүн баарынан кымбат. Дүйнөдө, биздин мамлекетте коронавируска байланыштуу экономикалык абал жеңил эмес. Дагы башка маселелер көп. Мамлекет жетекчилиги колунан келишинче иштеп жатат. Өлкөдөн өткөн дөөлөт жок. Ошондуктан, баарыбыз тең азыр саясатты азайтып, жаратмандыкка басым жасашыбыз керек. Менин унчукпай келаткандыгымдын негизги себеби – ушул. Буйруса, сүйлөшүүгө дагы мүмкүнчүлүктөр болот", - деген мурдагы президент. 

  • 13:28

    Ошто 77 жаштагы карыя добушун 1000 сомго сатып алуу аракети болгонун айтты

    Факт боюнча Жазык кодексинин 192-беренесинин белгилери менен сотко чейинки өндүрүш иши башталып, тергөө жүрүүдө.
    Дагы
  • 13:24

    Бишкектиктер референдумга аз катышууда. Саат 12:00гө чейин добуш бергендер

    Жергиликтүү кеңештерди шайлоого жана референдумга катышкандардын саны 13 пайыздын тегерегинде болду. 
    Жергиликтүү кеңештин депутаттарына шайлоодо 445 533 жаран добуш берди. Бул жалпы шайлочулардын 13,43 пайызын түзөт. Учурда Сүлүктү шаардык кеңешинде 22,82 шайлоочу келип эң активдүү деп табылды.
    Ал эми референдумга 465 121 адам катышып, шайлоочулардын 12,9 пайызын түздү. Бул туурасында БШК төрайымы саат 12:00гө карата берген маалыматында билдирди.

    Бардык региондордун ичинен бишкектиктер жаңы Конституцияны кабыл алууга катышкандардын саны эң төмөн же 9,95 пайызы гана добуш берген. Ал эми Ош шаары 19,05 пайыз менен активдүүлүгүн көрсөтүүдө. 

  • 12:57

    Президент Садыр Жапаров менен жубайы Айгүл Жапарова добуш берди. Жаңы сүрөттөр

    Президент Кыргызстана Садыр Жапаров и первая леди Айгуль Жапарова голосуют на избирательном участке № 1 053 в селе Чон-Арык, во время выборов в местные кенеши и референдум по проекту новой Конституции в Кыргызстане
    © Пресс-служба президента КР / Султан Досалиев
    Президент Кыргызстана Садыр Жапаров и первая леди Айгуль Жапарова голосуют на избирательном участке № 1 053 в селе Чон-Арык, во время выборов в местные кенеши и референдум по проекту новой Конституции в Кыргызстане
    © Пресс-служба президента КР / Султан Досалиев
    Президент Кыргызстана Садыр Жапаров и первая леди Айгуль Жапарова голосуют на избирательном участке № 1 053 в селе Чон-Арык, во время выборов в местные кенеши и референдум по проекту новой Конституции в Кыргызстане
    © Пресс-служба президента КР / Султан Досалиев
  • 12:48

    Бюллетенди таштандыга ыргыткан факты текшерилүүдө

    Ош шаарында бир партия шайлоочуларга акча таратып жатканы жана Бишкекте бюллетендер таштанды урнасына ыргытылганы туурасында ЖМКга чыккан маалыматтар териштирилип жатат. Бул туурасында БШКнын ыкчам чара көрүү боюнча координациялык тобунун жетекчиси Тынчтык Шайназаров билдирди. Аны менен катар Ошто жарандарды добуш берүүгө  бет каптарына белги коюп киргизишкени боюнча кабарланган факты да каралып жатканын айтты.

  • 12:47

    БШКга эки саатта 25 даттануу түштү

     Эртең менен саат 9:30дан 12:00гө чейин Борбордук шайлоо комиссияга мыйзам бузуулар тууралуу 25 кайрылуу түштү. Бул туурасында БШКнын ыкчам чара көрүү боюнча координациялык тобунун жетекчиси Тынчтык Шайназаров билдирди.
    Анын айтымында, учурда 12 даттануу аныкталып бүттү, калганы текшерилип жатат.  

    Мындан сырткары прокуратура органдарына дагы 21 кайрылуу түшкөнү белгилүү болду.

  • 12:44

    Ош шаарынын мэри Таалайбек Сарыбашов добуш берди

    Бүгүн, 11-апрель күнү Ош шаарынын мэри Таалайбек Сарыбашов шаардагы №5555 шайлоо участкасында добуш берди.

    Шаар башчысы референдум жана жергиликтүү шайлоо өткөрүүгө бардык шайлоо тилкелери даярдалып, партияларга бирдей шарт түзүлгөнүн билдирди.

    Мэр Оша Таалайбек Сарыбашов во время голосования на выборах в местные кенеши и референдум по проекту новой Конституции в Кыргызстане
    © Фото / пресс-служба мэрии г. Ош
  • 12:36
    Мужчина голосует на избирательном участке № 1032 в городе Бишкек, во время выборов в местные кенеши и референдум по проекту новой Конституции в Кыргызстане

    Токмокто участкадан тышкаркы 3 тилкеде добуш берүүнүн жыйынтыгы жокко чыкты

    Кыргызстан боюнча кечээ 17 099 жаран негиздүү себептерге байланыштуу шайлоо участкаларынан сырткары добуш берген.
    Дагы
  • 12:34

    Премьер-министр Марипов добуш берди

    Премьер-министр Улукбек Марипов Бишкек шаардык кеңешине депутаттарды шайлоодо жана референдумда добуш берди. 

    Марипов Бишкек шаарындагы № 40 жалпы билим берүүчү мектептин имаратында жайгашкан № 1032 шайлоо участогунда добушун берди.

    Премьер-министр Кыргызстана Улукбек Марипов голосует на избирательном участке № 1032 города Бишкек, во время выборов в местные кенеши и референдум по проекту новой Конституции в Кыргызстане
    © Пресс-служба правительства / Алишер Алиев
  • 11:33

    Жогорку Кеңештин төрагасы Талант Мамытов добуш берди

  • 11:31

    10:00гө карата маалымат

    Саат 10:00гө карата алынган маалымат:

    Жергиликтүү кеңештерге шайлоого 172 139 адам катышты (5,19%)

    Референдумга 181 801 адам катышты (5,04%)

  • 11:21

    Ош шаарында шайлоо кандай өтүп жатат

    Избиратели голосуют на одном из избирательных участков в городе Ош во время выборов в местные кенеши и референдум по проекту новой Конституции в Кыргызстане
    © Sputnik / Зульфия Тургунова
    Избиратели голосуют на одном из избирательных участков в городе Ош во время выборов в местные кенеши и референдум по проекту новой Конституции в Кыргызстане
    © Sputnik / Зульфия Тургунова
    Избиратели голосуют на одном из избирательных участков в городе Ош во время выборов в местные кенеши и референдум по проекту новой Конституции в Кыргызстане
    © Sputnik / Зульфия Тургунова
  • 10:53

    Жапаровдун элге жасаган кайрылуусу

    "Урматтуу мекендештер!

    Бүгүн өлкө келечеги үчүн жоопкерчиликти жана мамлекеттик башкарууда тартипти жогорулатууга багытталган жалпы элдик добуш берүү күнү келди.

    Кыргызстан отуз жыл бою өз жолун таппай чайналды. Бир нече ирет толкундоолор болду.

    Мунун баары — багытыбыздын, ниетибиздин түз эместигинин кесепети.

    Былтыркы октябрь айындагы окуялар мындан ары өз жолубузду тандоону, журтубузда жоопкерчилик менен тартиптин орношун талап кылды. Ал окуялар — тарыхыбыздагы эң ыплас, таза эмес шайлоонун  натыйжасы. Бийлик элдин үнүн уккан жок.

    Бийликтин ушундай жоопкерчиликсиздигинен, адилетсиздигинен, өзүм билемдигинен тажаган эл системалуу өзгөрүүлөрдүн болушун талап кылды. 

    Кыргыз Республикасынын эгемендүүлүгүнүн тарыхында элге биринчи жолу өлкөнүн башкаруу формасын тандоо укугу берилди. Сиздерге белгилүү болгондой, 10-январда кыргыз эли өз жолун тандап, президенттик башкарууну колдоду.

    Ушундан улам, Баш мыйзамды өзгөртүү зарылдыгы бышып жетилди. Илимий чөйрөнүн, коомчулуктун активдүү жана көрүнүктүү өкүлдөрүнүн катышуусу менен Конституциянын жаңы долбоору иштелип чыкты.

    Мындан аркы алган багытыбыз кандай болору Сиздердин бүгүнкү чечимиңиздер менен тыгыз байланыштуу.

    Мамлекеттик башкарууда жоопкерчиликти ыйык тутуп, мыйзамдуулуктун бекем сакталышына багыт алсак гана эл алдында  жүзүбүз жарык болуп, келечекке карай үмүтүн арттырабыз.  

    Мен мамлекет башчысы катары добуш берүүгө укуктуу бардык мекендештерибизди өлкө келечегине кайдыгер карабоого чакырам.

    Урматтуу кыргызстандыктар!

    Жергиликтүү кеңештерге депутаттарды шайлоо жана Конституциянын жаңы долбоору боюнча референдум административдик ресурстар колдонулбастан, адилеттүү, калыс өткөрүлүшү керек.

    Биз буга чейинки бийликтин кетирген кемчиликтерин кайталабай, өткөн күндөрүбүздөн сабак алышыбыз зарыл.

    Демократиялык кайра жаңылануунун негизги шарты — шайлоодо өз сөзүн эркин айткан элдин эрки. Атаандаштык эрежесин бузбай, шайлоону таза өткөрө алган бийлик гана өлкө жарандарынын ишенимин актай алат. Ал эми таза шайлоо өз кезегинде өлкөдөгү тынчтыктын жана туруктуулуктун пайдубалына айланат.

    Ошондуктан мен кыргыз элин жергиликтүү кеңештерди шайлоого жана референдумга активдүү катышууга чакырам, ал эми тиешелүү органдардан шайлоону таза өткөрүүнү дагы бир ирет талап кылам. Күчтүү мамлекетти калыптандыруу үчүн, биринчи кезекте, өлкөнүн негизги мыйзамы күчтүү болушу керек.

    Мен дагы бир жолу бардык мекендештерибизди өлкө келечегине кайдыгер карабоого, ар бир жаранды мамлекеттин келечеги үчүн өз салымын кошуп, туура чечим кабыл алууга үндөйм".

  • 10:36
  • 10:27

    Президент жубайы экөө добуш беришти

    Садыр Жапаров менен биринчи айым Айгүл Жапарова Чоң-Арыктагы №1053 шайлоо участкасында добуш беришти. Андан соң Жапаров сөз сүйлөп, бүгүнкү күндүн маанилүүлүгүн белгиледи. Ал буга чейин Конституция башка жактан көчүрүлүп жазылганын, бул жолкуда биринчи жолу кыргыз эли өзү жазганына токтолду.

    Президент Кыргызстана Садыр Жапаров голосует на избирательном участке № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
    Президент Кыргызстана Садыр Жапаров голосует на избирательном участке № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
  • 10:24

    Садыр Жапаров добуш берүү үчүн шайлоо участкасына келди

  • 10:01

    Милиция күчөтүлгөн тартипте иштеп жатат

    Бишкектин Патрулдук милиция кызматы күчөтүлгөн тартипте иштеп жатат. Шаардык милиция кабарлагандай, тартип сакчылары шайлоо участкаларына жакын жерлерде иштөөдө.

    Сотрудники патрульной службы милиции у избирательного участка в Бишкеке во время выборов в местные кенеши и референдум по проекту новой Конституции
    © Фото / пресс-служба УПСМ
    Сотрудники патрульной службы милиции у избирательного участка в Бишкеке во время выборов в местные кенеши и референдум по проекту новой Конституции
    © Фото / пресс-служба УПСМ
  • 09:55

    Чоң-Арыктагы шайлоо участкасында бюллетень кабыл алчу урна иштебей калды

    Избирательный участок № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
    Избирательный участок № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
    Женщина голосует на избирательном участке № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
  • 09:51

    Чет жакта биринчи болуп шайлоо участкасы Түштүк Сахалинде ачылды

    Чет жакта 48 шайлоо участкасы ачылды. Тизмеде 58 598 жаран катталган. 

    Биринчилерден болуп Бишкек убактысы менен саат 3.00дө Түштүк Сахалин шаарындагы шайлоо участкасы ачылды. Ал эми эң акыркы болуп АКШдагы шайлоо участкасы жабылат. Добуш берүү Бишкек убактысы менен эртең саат 7.00дө токтойт.

  • 09:14

    Шайлоого көз салган байкоочулардын саны

    Бүгүн шайлоонун жүрүшүнө 31 өлкөдөн келген 183 байкоочу көз салмакчы. Алардын арасында Кыргызстандагы дипломатиялык өкүлчүлүктөрдүн, эл аралык уюмдардын жана башка өлкөлөрдүн шайлоо органдарынын өкүлдөрү бар.

  • 09:11

    Баткен облусунда шайлоо кандай өтүп жатат

    Баткен облусунда референдумга карата 218 шайлоо участкалары, ал эми жергиликтүү кеңештердин депутаттарын шайлоосуна 201 шайлоо участкалары ачылып, өз ишмердүүлүгүн башташты.

    Облус боюнча референдум боюнча добуш берчүлөрдүн саны 300 500, ал эми жергиликтүү кеңештердин депутаттарын шайлоого 279 875 киши добуш бере алат.

    Облуста 27 айылдык, 6 шаардык кеңештерге шайлоолор өтүүдө.

    Шаардык кеңештин депутаттыгына 166 мандат үчүн 56 партия жана айылдык кеңештин депутаттыгына 577 мандат үчүн1 633 талапкер ат салышууда.

    Избиратели проходят процедуру идентификации в одном из участков Баткенской области во время выборов в местные кенеши и референдум по проекту новой Конституции в Кыргызстане
    © Фото / пресс-служба полпредства правительства в Баткенской области
    Избиратели проходят процедуру идентификации в одном из участков Баткенской области во время выборов в местные кенеши и референдум по проекту новой Конституции в Кыргызстане
    © Фото / пресс-служба полпредства правительства в Баткенской области
    Избиратели проходят процедуру идентификации в одном из участков Баткенской области во время выборов в местные кенеши и референдум по проекту новой Конституции в Кыргызстане
    © Фото / пресс-служба полпредства правительства в Баткенской области
  • 09:05

    Шайлоо менен референдумду чагылдырган ЖМКлар

    Шайлоонун жүрүшүн чагылдыруу үчүн Кыргызстандан 179 ЖМК аккредитациядан өткөн. Мындан сырткары, шайлоону 25 чет өлкөлүк маалымат каражаты чагылдырмакчы.

  • 09:02

    Садыр Жапаров Чоң-Арыктагы №1 053 участкасында добуш берет

    Избирательный участок № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
    Мужчина голосует на избирательном участке № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
    Люди голосуют на избирательном участке № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
    Мужчина голосует на избирательном участке № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
    Мужчина голосует на избирательном участке № 1 053 в Чон-Арыке во время выборов в местные кенеши и референдум по проекту новой Конституции в Кыргызстане
    © Sputnik / Жоомарт Ураимов
  • 08:50

    Бишкекте участкадан сырткары алты тилкеде добуш берүүнүн жыйынтыгы жокко чыгарылды

    Бир катар саясий партиялардын даттануусунан кийин шайлоо участкасынан тышкаркы алты тилкеде добуш берүүнүн жыйынтыгы жокко чыгарылды. Бул тууралуу Бишкектин аймактык комиссиясынын төрагасы Кайрат Маматов социалдык тармактагы баракчасы аркылуу билдирди. 

    10-апрель күнү Бишкек шаардык кеңешине депуттарды шайлоо жана жаңы Конституцияны кабыл алуу боюнча референдумга шайлоо участкасынан тышкары добуш берүү өткөрүлгөн. Айрым саясий партиялар мыйзам бузуулар болгонун айтып, жыйынтыгын жоко чыгарууну талап кылышкан.

    Бишкекская ТИК на основании жалоб от ПП Республика и ОФ "Общее дело " отменила итоги голосования вне помещения на 6 УИК!

    Опубликовано Кайратом Маматовым Суббота, 10 апреля 2021 г.
  • 08:42

    Борбордук шайлоо комиссиясында 1255 ыкчам байланыш номери иштеп жатат. Чалуу акысыз. Шайлоого байланышкан бардык суроолорго ушул номерден жооп алсаңыз болот

  • 08:40

    10-апрелде шайлоо участкаларынан сырткары 17 099 жаран добуш берген. Бул тууралуу Шайлоо жана референдумдарды өткөрүү боюнча борбордук комиссиясы билдирди.

    Жалпысынан мөөнөтүнөн мурда добуш берүүгө 19 298 киши арыз берген.

  • 08:37

    Шайлоо участкаларында коопсуздукту күч түзүмүнүн 11 миң өкүлү коргоп жатат.

  • 08:36

    Жалпысынан жергиликтүү кеңештерге шайлоодо добуш берчүлөрдүн тизмесинде 3,3 миллион, ал эми референдумда добуш бере тургандардын тизмесинде 3,6 миллион киши катталган.

  • 08:32

    Добуш берүү башталды

    Саламатсыздарбы!

    Кыргызстанда жергиликтүү кеңештин депутаттарын шайлоо жана референдумга добуш берүү башталды.

live
Кыргызстанда шайлоо өтүп жатат. Онлайн-репортаж
+
638
Белгилер:
Кыргызстан, шайлоо, референдум, репортаж
Тема:
Жаңы Конституциянын долбоору жана референдум (190)
Тема боюнча
Бүгүн Кыргызстанда шайлоо алдындагы "жымжырттык күнү". Эрежеси
Шайлоо менен референдумду өткөрүүдөгү кемчиликтерге даттана аласыз. Телефондору
Кыргызстанда шайлоо участкалары ачылып, добуш берүү башталды