Президент Сооронбай Жээнбеков. Архив

Мен тууралуу эмне дешсе да көтөрөм. Сооронбай Жээнбеков добуш берди

251
(жаңыланган 14:36 11.04.2021)
Жээнбеков саясий туруктуулук жаңыдан бекемделип келе жатканын, анын айткандары кырдаалга таасир этиши мүмкүндүгүн белгилеген. Ошондуктан азырынча унчукпай турууну чечкенин билдирген.

БИШКЕК, 11-апр. — Sputnik. Экс-президент Сооронбай Жээнбеков Бишкек шаарындагы № 1327 шайлоо участогунда добуш берди. Бул тууралуу саясатчынын Facebook тармагындагы расмий баракчасында жазылды.

  • Экс-президент Кыргызской Республики Сооронбай Жээнбеков во время выборов в местные кенеши и референдум по проекту новой Конституции в Кыргызстане
    Экс-президент Сооронбай Жээнбеков Бишкек шаарындагы № 1327 шайлоо участогунда добуш берди
  • Экс-президент Кыргызской Республики Сооронбай Жээнбеков во время выборов в местные кенеши и референдум по проекту новой Конституции в Кыргызстане
    Анда айтылгандай, Жээнбеков шайлоо боюнча журналисттердин бир катар суроолоруна да жооп берген
  • Экс-президент Кыргызской Республики Сооронбай Жээнбеков во время выборов в местные кенеши и референдум по проекту новой Конституции в Кыргызстане
    Ошону менен бирге коомчулукта, журналисттерде ага экс-президент катары суроолор көп экендигин кошумчалаган
1 / 3
Экс-президент Сооронбай Жээнбеков Бишкек шаарындагы № 1327 шайлоо участогунда добуш берди

Анда айтылгандай, Жээнбеков шайлоо боюнча журналисттердин бир катар суроолоруна да жооп берген.

"Бүгүн шайлоо күнү. Бул күнү үгүт иштерин жүргүзүүгө тыюу салынган. Ар бир жаран кимге добуш бергенин купуя сыр катары сактоого укуктуу. Негизгиси — бүгүнкү жарандык милдетимди аткардым", — деди Жээнбеков.

Ошону менен бирге коомчулукта, журналисттерде ага экс-президент катары суроолор көп экендигин кошумчалаган.

 Президент Садыр Жапаров бүгүн, 7-апрелде, Ата-Бейит улуттук тарыхый-мемориалдык комплексине барып Апрель элдик революциясында курман болгон баатырларды эскерди
© Пресс-служба президента КР / Султан Досалиев
"Жеке менин дарегиме да ар кыл ойлор, калп-чыны аралаш пикирлер айтылып келет. Мен мунун баарын угуп, көрүп, анализдеп жатам. Албетте, менде айтылчү сөздөр көп. Бирок азыркы кырдаалда менин сүйлөп, саясатчылар менен талашып-тартышып, диалогго аралашканыма караганда унчукпай турганым — өлкө үчүн чоң пайда. Анткени саясий туруктуулук жаңыдан бекемделип келе жатат. Менин айтканым, дегеним кырдаалга таасир этпей койбойт. Саясий чайкоочулук кылчулар да жок эмес. Мен ошого жол бергим келбейт", — деген мурдагы президент.

Ошондой эле ал үчүн элдин биримдиги бардыгынан кымбат экенин айткан.

"Жеке мен тууралуу эмне дешсе да көтөрөм, чыдайм. Өлкөдөгү саясий туруктуулук, эл биримдиги мен үчүн баарынан кымбат. Дүйнөдө, биздин мамлекетте коронавируска байланыштуу экономикалык абал жеңил эмес. Дагы башка маселелер көп. Мамлекет жетекчилиги колунан келишинче иштеп жатат. Өлкөдөн өткөн дөөлөт жок. Ошондуктан баарыбыз тең азыр саясатты азайтып, жаратмандыкка басым жасашыбыз керек. Менин унчукпай келе жаткандыгымдын негизги себеби — ушул. Буюрса, сүйлөшүүгө дагы мүмкүнчүлүктөр болот", — деп белгилеген экс-президент.

Сооронбай Жээнбеков мүмкүнчүлүктөн пайдаланып кыргызстандыктарды Орозо айынын башталышы менен куттуктаган.

251
Белгилер:
добуш, шайлоо, президент, Сооронбай Жээнбеков, Кыргызстан
Тема:
Жергиликтүү кеңештерди шайлоо (68)
Тема боюнча
Жээнбековдун кудасы Абжалиевдин байлыгынын тизмеси жана сүрөттөрү
Ошто 77 жаштагы карыя добушун 1000 сомго сатып алуу аракети болгонун айтты
Бюллетенди таштандыга ыргыткан. БШКга эки саатта 25 даттануу түштү
Владимир Путин менен Жо Байдендин жолугушу. Архив

Путин менен Байден саат канчада жолугары айтылды

72
(жаңыланган 09:47 16.06.2021)
Маалыматка караганда, эки державанын лидерлеринин сүйлөшүүсү бир нече саатка уланып, эки раунддан турмакчы.

БИШКЕК, 16-июн. - Sputnik. Владимир Путин менен Жо Байден бүгүн Женева шаарында жергиликтүү убакыт менен саат 13.35те (Бишкекте 17.35) жолугушат. Бул тууралуу Ак үйдүн маалыматына таянып РИА Новости жазды.

Билдирүүгө караганда, жолугушууга 10 мүнөт калганда эки лидер Швейцария президенти Ги Пармелен менен сүрөткө түшөт.

Байден менен Путин делегациялары жергиликтүү убакыт менен саат 15.55те кезигип, 17.40та сүйлөшүүлөрдүн экинчи раунду уланат.

Буга чейин Россия менен АКШнын президенттери Женева саммитинен кийин жолугуп, анда адам укугу, Алексей Навальный жана РФте камалган америкалыктар боюнча маселени талкуулай турганы айтылган.

72
Белгилер:
жолугушуу, Жо Байден, Владимир Путин, Женева, АКШ, Россия
Тема боюнча
Кыйынды кыртышы сүйбөгөн саясат
Женевадагы Вилла Ла Гранж

Жыйынтыгы күн мурунтан белгилүү. Женева саммитинен эмнелерди күтүп болбойт?

34
(жаңыланган 09:33 16.06.2021)
Женевада эки державанын – РФ жана АКШнын президенттери жолугарына саналуу сааттар калды. Владимир Путин бул жолу Кошмо Штаттардын бешинчи президенти менен кезигет.

Жыйырма жылдан ашуун убакыт аралыгында Россиянын лидери америкалык президенттер менен он чакты ирет (көбүнесе кенже Жорж Буш менен) көрүшкөн, бирок эки мамлекеттин мамилеси АКШ бийлиги улам алмашкан сайын начарлагандан начарлай берген. Женева саммитинен кийин алаканын жакшырышына үмүт жанабы? Ушул соболдун айланасында Петр Акопов ой толгогон. Макала РИА Новости сайтына жарыяланган.

2013-жылдан (Сноудендин качышы жана америкалыктардын Сирия боюнча соккудан баш тартышынан) кийин Батышта Путин "демократиянын негизги коркунучу" катары көрсөтүлүп, Украина жана Скрипалдар, кибер чабуулдар жана Навальный болгону ошол образга жаңыча түс берген. Трамптын "орустар менен байланышы" жана "америкалык шайлоого кийлигишүү" деген ойдон чыгарылган окуя америкалык истеблишменттин акылга сыйбас аракеттерин даана чагылдырып турат. Мындай шарттарда өлкө башчыларынын жолугушуусу эмне берет?

Диалог үчүн диалогбу? Эки өлкөнүн мамилеси кансыз согуштун аягындагыдай абалга кептелип баратканда бул да аз нерсе эмес. Кадимки баарлашуунун, башкача айтканда аңгемелешүү, сүйлөшүүлөр чындап эле таңсык. Мындайда диалогдун жанданышын кубаттоо гана абзел. Ооба, абдан оор жана натыйжасы азыраак диалог болору анык. Бирок жоктон көрө жогору эмеспи.

Женева саммитине эч кандай үмүт артылбаганын Кремль да, Ак үй да кайталап келген. Акыркы жылдары ички саясий күрөш үчүн Кошмо Штаттарда Россия менен Путиндин тегерегинде эмнелер гана ойдон чыгарылбады? Эми Байдендин администрациясы женевалык саммиттин жыйынтыктарын өз ийгилиги катары даңазалоо пайдалуу. Анткени сүйлөшүүлөрдүн мазмуну жана жыйынтыктары баары бир купуя сакталгандыктан, америкалык администрация аларды өлкө ичинде каалагандай өңүттө жарыялай алары бышык.

Саммиттен эмнелерди күтүп болбойт?

Эки өлкөнүн мамилелери принципиалдуу өзгөрөрүнө үмүт жок, анткени улам тереңдеп бараткан геосаясий карама-каршылык, АКШдагы ички саясий каатчылыктан да улам мамиленин жакшыраары дегеле байкалбайт. Азыр да жок, Женева саммитинен соң деле пайда болору арсар.

Аталган ири иш-чаранын жападан жалгыз жагымдуу жыйынтыгы аталган эки мамлекет элчилеринин кайтышы жана дипломатиялык миссияларынын айрым чектөөлөрүнүн жоюлушу гана болушу ыктымал. Россия жана Кытайга каршы "демократиялардын бирдиктүү фронтун" түзүүгө далбас уруу менен Америка айрыкча Москва — Вашингтон — Пекин үчтүгү жаатында өзүнө өзү залал келтирүүдө. Украина үчүн күрөштө компромисс түшкө да кирбейт. Глобалисттик маанайдагы америкалык элита акырына дейре Украинаны Россияны кысмакка алуу үчүн пайдаланат. Украинаны чындап атлантизациялаштыруу мүмкүн эместигин түшүнүп турса да Вашингтон беттегенин бергиси жок, ал эми бул жагдай америкалык оюндун опурталдуулугун арттырат. Кайсы бир маалда бул украиналык мамлекеттүүлүктүн жоюлушуна алып келиши мүмкүн экени америкалыктарды түйшөлтпөйт. Биринчиден, алар андайга анчалык ынанбайт, экинчиден, Россияга каршы украиналык картаны ойноодон алган тактикалык пайдага маарып, стратегиялык жоготууларды байкаган жок.

Женевада эң башкысы – ишеним болбойт, ал эми ансыз эч кандай макулдашуунун болушу мүмкүн эмес. Анан калса ишенимсиздик эки тарапта тең күчтүү. Бир катар маселелер боюнча карама-каршылыктар бар. Ишеним, иллюзия жана үмүтсүз мамиле түзүү мүмкүн эмеспи? Эмнеге болбосун, дал ушундай шарттарда жаңы дүйнө жаралат. Путиндин артыкчылыгы көрүнүп калган келечекке стратегиялык басым жасап, ал эми Байден күнү бүтүп бараткан дүйнө түзүмүн узартуу далалатында болгонунда.

34
Белгилер:
саясат, жолугушуу, Жо Байден, Владимир Путин, Россия, АКШ, саммит, Женева
Тема боюнча
Кыйынды кыртышы сүйбөгөн саясат
Новосибирск жарылуу болгон автогаз куюучу жайы

Кыргызстандыктар жабыркаган жарылуу: Новосибирскте АЗСтин директору кармалды

0
(жаңыланган 12:49 16.06.2021)
14-июнда аталган калаада автогаз куюучу жайда жарылуу болуп, анда жабыркагандардын арасында үч кыргызстандык бар экени айтылган.

БИШКЕК, 16-июн. — Sputnik. Новосибирск соту жарылуу болгон автогаз куюучу жайынын директорун эки айга камакка алды. Бул тууралуу РИА Новости жазды.

"Кырсыкка себепкер катары автогаз куюу жайынын директору менен инженери тергөө учурунда эки айга камакка алынды. Алдын ала маалыматтарга караганда, газ ташып келген атайын автоунаа газды куюу учурунда коопсуздук эрежелерин сактабай койгону себеп болушу мүмкүн", — деп айтылат маалыматта.

Эске салсак, 14-июнда жергиликтүү убакыт менен саат 18:00дөр чамасында Новосибирск шаарындагы автогаз куюучу жайда жарылуу болуп, анда жабыркагандардын арасында үч кыргызстандык болгон. Буга чейин Тышкы иштер министрлиги алардын экөө ооруканада, бири үйүндө дарыланып жатканын, өмүрүнө коркунуч жок экенин айткан.

Ошондой эле өрттүн жана жарылуунун натыйжасында Кыргызстандын жараны ижарага алып иштетип жүргөн кафе жана кыргыз жараны иштеген дөңгөлөк алмаштыруучу жай күйүп кеткендиги аныкталган. Дагы бир кыргызстандыктын документтери күйүп кеткен.

0
Белгилер:
камоо, директор, жарылуу, Новосибирск, Россия
Тема боюнча
Сузакта шахта урап, ичинде калып калган эки киши көз жумду
Унаа экиге бөлүнүп кеткен. Түптөгү жол кырсык эки кишинин өмүрүн алды. Сүрөт