УКМК төрагасы Камчыбек Ташиев. Архив

Депутаттар жабык эшик артында чек ара боюнча Ташиевден маалымат угуп жатат

150
(жаңыланган 16:04 15.04.2021)
Депутаттар Тажикстан жана Өзбекстан менен чек ара маселесине байланыштуу соңку кырдаал боюнча маалымат угууну чечкен.

БИШКЕК, 15-апр. — Sputnik. Жогорку Кеңештин депутаттары чек ара маселеси боюнча мамлекеттик чек араларды делимитация жана демаркациялоо боюнча өкмөттүк комиссиянын маалыматын угуп жатат.

Баткен облусундагы ыйгарым укуктуу өкүлү Өмүрбек Суваналиев. Архив
© Пресс-служба президента КР / Султан Досалиев
Парламенттин жыйынын жабык өткөрүү чечими кабыл алынды. Анда депутаттарга комиссиянын жетекчиси, УКМК төрагасы Камчыбек Ташиев маалымат берери айтылды. Ошондой эле бир катар өкмөт мүчөлөрү дагы катышууда.

Бүгүн эртең менен депутаттар Тажикстан жана Өзбекстан менен чек ара маселесине байланыштуу соңку кырдаал боюнча маалымат алууну чечкен.

150
Белгилер:
маалымат, Камчыбек Ташиев, парламент, чек ара
Тема боюнча
Сууну Өзбекстан башкарып калбайбы? Өкмөттүн жооптуу өкүлү менен видео маек
Билбей туруп мени сындап жатышат. Ташиев чек ара маселеси боюнча
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

88
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

88
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты
 Россия президенти Владимир Путин менен Өзбекстандын лидери Шавкат Мирзиеёв менен. Архив

Путин менен Мирзиёев кыргыз-тажик чек арасындагы абалды талкуулашты

360
(жаңыланган 21:26 07.05.2021)
Өлкө башчылары Бишкек менен Душанбенин чырды сүйлөшүү жолу менен чечүү тууралуу макулдашуусун колдой тургандыктарын айтышты.

БИШКЕК, 7-май — Sputnik. Россия президенти Владимир Путин менен Өзбекстандын лидери Шавкат Мирзиёев телефондон сүйлөшүп, кыргыз-тажик чек арасындагы абалды турукташтырууга даярдыгын билдиришти. Бул тууралуу Кремлдин маалымат кызматы кабарлады.

Өлкө башчылары бүгүн пикир алышкан. Президенттер Борбордук Азиядагы кырдаалды талкуулап, Душанбе менен Бишкектин чырды тынчтык жолу менен чечүүгө келген макулдашуусун колдой тургандыктарын айтышты.

Шаршемби күнү Тажикстандын президенти Эмомали Рахмон Москвада Кызыл аянтта өтө турган аскер парадына катышары белгилүү болгон. Сапарынын алкагында РФ лидери Владимир Путин менен жолугуп, анда кыргыз-тажик чек арасындагы кырдаал да сөз болору айтылган болчу. Рахмондун Москвага сапары жана Путин менен жолугушуусу чек ара чыры чыкканга чейин, башкача айтканда, бир ай мурун макулдашылганы да кабарланды.

360
Белгилер:
сүйлөшүүлөр, Эмомали Рахмон, чыр, чек ара, Өзбекстан, Россия, Шавкат Мирзиеев, Владимир Путин
Тема:
Баткендеги кыргыз-тажик жаңжалы
Тема боюнча
Ташиев: бир дагы метр жерибизди бербейбиз, Ворухка коридор ачылбайт
БУУнун жогорку комиссары өкмөттүн чек арадагы жаңжалды жөнгө салуусун кубаттады