Бишкектеги шайлоо участогунда киши добуш берип жатат

КЭДП Бишкек шаардык кеңешине өткөн шайлоо жарышынан четтетилди. Себеп

178
(жаңыланган 10:43 19.04.2021)
Аталган партия болжолдуу эсептөө боюнча шаардык кеңешке киргендердин арасында үчүнчү сапты ээлеген. Саясий уюм БШКнын чечимине үч күн ичинде даттана алат.

БИШКЕК, 19-апр. — Sputnik. Бишкектин аймактык комиссиясы Кыргызстан элдик-демократиялык партиясын шайлоо жарышынан четтетти. Бул тууралуу Шайлоо жана референдумдарды өткөрүү боюнча борбордук комиссиянын маалымат кызматы кабарлады.

Чечим кечээ кабыл алынган. Буга шайлоо күнү добуш сатып алуу, үгүт иштерининин жол-жобосун бузуу, партиянын каржылоосу жана башка нерселер себеп болушу мүмкүндүгү айтылат.

"Партия БШКнын чечимине үч күн ичинде даттанса болот. Эгер Борбордук шайлоо комиссиясынын чечими партияга жакпаса, сотко да бере алат", — деп эскертти аталган мекеме.

Бишкек шаардык кеңешине шайлоо 11-апрелде өткөн. Болжолдуу эсептөөлөр боюнча, "Эмгек"  партиясы (10 мандат), экинчи "Ак-Бата" партиясы (9 мандат) өттү. Андан кийинкиде сегиз мандант менен КЭДП турган.

Ошондой эле шаардык кеңешке "Ата-Журт Кыргызстан", "Ынтымак" жана "Биздин эл" партиялары өткөнү болжолдонду. Расмий маалымат добуштарды кол менен саноо аяктаганда айтылат.

178
Белгилер:
саясый партия, четтетүү, жарыш, шайлоо, БШК, Кыргызстан, Бишкек шаардык кеңеши
Тема:
Жергиликтүү кеңештерди шайлоо (67)
Тема боюнча
Шайлдабекова: партиялардын добуш сатып алганы аныкталса, жарыштан четтетилет
Мурдагы каржы министри Адылбек Касымалиев. Архив

Мурдагы каржы министри президенттин администрация жетекчисинин орун басары болду

10
(жаңыланган 21:48 14.05.2021)
Адылбек Касымалиев 2015-жылы каржы министри болуп дайындалып, ден соолугуна байланыштуу 2018-жылы иштен кеткен.

БИШКЕК, 14-май — Sputnik. Адылбек Касымалиев мамлекет башчынын администрация жетекчисинин орун басары болуп дайындалды. Бул тууралуу президенттин маалымат кызматы кабарлады.

Аталган жарлыкка өлкө башчы Садыр Жапаров кол койгон.

Белгилей кетсек, Касымалиев 2015-жылы каржы министри болуп дайындалып, иштен 2018-жылы кеткен. 

10
Белгилер:
жарлык, кызмат, министр, Адылбек Касымалиев
Тема боюнча
БШК Рысалиевди мандатынан ажыратты. Анын ордуна ким келди?
Жапаровдун жаңы администрациясы түзүлдү. Ким жетектеди?
Депутат Зарылбек Рысалиев. Архив

БШК Рысалиевди мандатынан ажыратты. Анын ордуна ким келди?

15
(жаңыланган 21:43 14.05.2021)
Мурдагы ички иштер министри жана жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген.

БИШКЕК, 14-май — Sputnik. Борбордук шайлоо комиссиясы Жогорку Кеңештин депутаты Зарылбек Рысалиевди мандатынан ажыратты.

БШКга эл өкүлүнөн депутаттык мандатын тапшырары тууралуу арыз келип түшкөн. Маалым болгондой, 10-май күнү Бишкектин Свердлов райондук соту Борбордук шайлоо комиссиясына Зарылбек Рысалиевге карата өз чечимин жиберген. Буга чейин ал Азиз Батукаевди мыйзамсыз бошотуу иши боюнча 300 миң сом айып төлөөгө милдеттендирилген.

Мурдагы ички иштер министри жана Жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген. 

Рысалиевдин ордуна Өскөнбай Жээнбаев эл өкүлү болуп келген. Жээнбаев Жогорку Кеӊештин депутаты болуп катталып, ага күбөлүк жана төш белги берилген. Юстиция министрлигинин маалыматына ылайык, жаңы эл өкүлү буга чейин курулуш компанияларын жетектеген.

15
Белгилер:
мандат, депутат, Жогорку Кеңеш, БШК, Зарылбек Рысалиев
Тема боюнча
Марат Иманкулов Коопсуздук кеңешинин катчысы болуп дайындалды