Жогорку Кеңештин депутаты Рыскелди Момбеков. Архив

Момбеков казино мыйзамын өткөрүү үчүн депутаттарга коркутуу болгонун айтты

307
(жаңыланган 13:59 21.04.2021)
Мыйзам долбоору биринчи окууда 8-апрель күнү каралган. Бирок ал күнү добушка коюлбай жылдырылган болчу.

БИШКЕК, 21-апр. — Sputnik. Жогорку Кеңештин депутаты Рыскелди Момбеков Ысык-Көлгө казино ачууга уруксат берген мыйзам долбоорун өткөрүү үчүн депутаттарга коркутуу болгонун билдирди.

Эл өкүлү керек болсо кимдер телефон чалып коркутканын жарыялоого даяр экенин айтты.

"Ыйык Рамазан айында ушул мыйзамды кабыл албай койсок болот эле го. Мунун эки гана жолу бар: айрым адамдардан алкыш аласың же калың элден каргыш аласың. 8-апрелде добушка коюлушу керек эле, койбой койгонбуз, коркконбуз. Бүгүн түнү менен иштешти, керек болсо мен телефон чалган адамдарды дагы айтып берем. Кимдер коркутканын да айтып берем. Отурат ушул жерде көздөрүн жалдыратып, антип үгүттөбөгүлө! Ар ким өзүнүн эрки, эртеңки келечеги үчүн добуш берсин. Канчалаган тагдырлар талкаланган, үй-бүлөлөрдүн көз жашы төгүлгөн. Кайра добуш берүүгө кайтып келели. Мүмкүнчүлүк берип коёлу, мындан эч нерсе болбойт", — деди Момбеков.

Белгилей кетсек, мыйзам долбоору биринчи окууда 8-апрель күнү каралган. Бирок ал күнү добушка коюлбай жылдырылган болчу. Бүгүн аталган демилгеге 68 депутат "макул", 23ү "каршы" добуш берип колдоо тапты. Бирок кээ бир депутаттар адашып "макулду" басып алганын айтып, кайра добушка коюуну талап кылды. Бирок ал сунуш өткөн жок.

Мыйзам долбоорун депутаттар Бактыбек Турусбеков жана Дастан Жумабеков сунуштаган.

Демилгечилердин айтымында, бул документ Ысык-Көлгө туристтик сезонду өнүктүрүү жана бюджетти толтуруу максатында иштелип чыкты. Аэропорттун жанына атайын зона курулуп, чет элдик жарандарга гана ал жакка кирип кумар оюндарын ойноого уруксат берилет. Ал эми кыргызстандыктарга тыюу салынат. Мунун арты менен бюджетке жылына 600 миллион сом түшөт.

307
Белгилер:
кумар оюндары, казино, Рыскелди Момбеков, каршылык, мыйзам долбоору
Тема боюнча
Парламент Ысык-Көлгө казино ачуу боюнча мыйзам долбоорун биринчи окуудан колдоду
Казино мыйзамына каршы болгондор Ак үйдүн алдына митингге чыгышты. Сүрөттөр
Беларусь лидери Александр Лукашенко. Архивдик сүрөт

Лукашенко президент көз жумса өлкөнү ким башкарарын аныктаган декретке кол койду

450
(жаңыланган 13:58 09.05.2021)
Декретте президентке кол салуу, теракт жана тыштан агрессия же башка окуя болуп көз жумса бийликтин кайсы органга өтөрү айтылган.

БИШКЕК, 9-май — Sputnik. Беларусь лидери Александр Лукашенко эгерде өлкөнүн президентинин көзү өтүп кетсе, бийликтин кайсы колго өтөрү туурасында "Суверенитет жана конституциялык түзүмдү коргоо жөнүндө" деп аталган декретке кол койду. Бул туурасында президенттин расмий сайтында маалымдалган.

"Декрет көз карандысыздыкты жана мамлекеттин суверендүүлүгүн сактоого багытталган", — деп айтылат маалыматта.

Декретте президентке кол салуу, теракт жана тыштан агрессия же башка окуя болуп көз жумса бийликтин Коопсуздук кеңешине өтөрү айтылган.

"Мамлекеттик бардык органдар жана кызматта тургандар Коопсуздук кеңешинин чечими менен иш алып барат. Анын отурумуна премьер-министр төрагалык кылат", — деп айтылган анда.

Мындай кырсык болгон учурда өзгөчө кырдаал жана аскердик абал киргизилип, Коопсуздук кеңеши аны камсыздоо чараларын көрөт. Чыккан чечимдердин бардыгы кыйшаюусуз аткарылууусу керек.

Апрелдин ортосунда Лукашенконун жана анын балдарына кол салууга даярданган кишилердин тобу кармалгандыгы боюнча кабар тараган. Беларусь лидеринин айтымында, буга америкалык атайын кызматтын тиешеси бар жана кармалгандардын арасында чет элдик агенттер болгон. Өлкөнүн Мамлекеттик коопсуздук боюнча комитети козголоңчулар өлкөдө куралдуу басып алуу даярдангандыгын билдирген эле.

450
Белгилер:
декрет, кол салуу, Александр Лукашенко, Беларусь
Тема боюнча
ФСБ: Лукашенкону өлтүрүүгө камданып, Беларуста төңкөрүш даярдагандар кармалды
Лукашенконун уулуна генерал наамы берилди
РФ президенти Владимир Путин Тажикстандын президенти Эмомали Рахмон менен жолугушу

Путин менен Рахмон Москвада жолукту

321
(жаңыланган 23:46 08.05.2021)
Тараптар эки өлкөнүн ортосундагы кызматташуу жана жалпы аймактагы коопсуздук маселелерин талкуулашкан.

БИШКЕК, 8-май — Sputnik. РФ президенти Владимир Путин Россия Тажикстанга Афганистан менен чектеш экенин эске алып ар тараптан колдоо көрсөтүүгө даяр экенин билдиргенин РИА Новости жазды.

Бүгүн Россия өлкө башчысы Тажикстандын президенти Эмомали Рахмон менен жолугушту.

"Афганистанда болуп жаткан окуялардан улам аймактагы коопсуздук маселеси курч турат. Тажикстандын Афганистан менен болгон чек арасы узун. Кырдаал сиздин тынчыңызды алып жатканын түшүнөм, негиздүү. Окуя кандай нукта өнүгөрү тууралуу сиздин пикириңиз кызык. Биз өз кезегинде колдоо көрсөтүүгө болгон аракетибизди жумшап жатабыз", — деди Путин.

Ал Тажикстанда Россия Куралдуу күчтөрүнүн 201-базасы жайгашканын, өлкө анын кубаттуулугун арттыруу боюнча иштерди жасап жатканын айтып өттү.

Сөз кезеги келгенде Рахмон Афганистандагы абалга катуу тынчсызданып жатканын белгиледи.

"АКШ Афганистандан аскерин алып чыгарын эске алып коопсуздук маселелерин талкуулоо зарыл. Бул билдирүүдөн кийин өлкөдө кырдаал курчуп кетти", — деди Рахмон.

Президент Тажикстан менен Афганистандын чек арасы 1 300 чакырымдан көп экенин, башкача айтканда, жалпы чек ара тилкесинин 60 пайызын түзөрүн белгилеп өттү. Муну менен бирге Россия менен бардык тармак боюнча, анын ичинде коопсуздук маселеси дагы бар, байланыш бекемделип жатканын кошумчалады.

Андан сырткары, Тажикстандын жетекчиси ЖККУ менен ШКУ уюмдарында төрагалык кылчу мамлекет катары саммиттерге даярдык өз деңгээлинде жүрүп жатканына токтолду.

Жолугушууда Улуу Ата Мекендик согуштун мааниси тууралуу да сөз болуп, тараптар бири-бирин Улуу Жеңиштин 76 жылдыгы менен куттукташты.

321
Белгилер:
чек ара, Афганистан, саммит, Тажикстан, Россия, Эмомали Рахмон, Владимир Путин
Тема боюнча
Путин Жапаровду жана кыргызстандыктарды Жеңиш майрамы менен куттуктады
Медициналык кызматкер COVID-19га тест даярдап жатат. Архив

Бир суткада коронавирус 254 кишиден табылып, 5 бейтап көз жумду

6
(жаңыланган 10:58 10.05.2021)
Кечээтен бери жети медиктен коронавирус аныкталган. Анын бирөө ооруну "кызыл зонадан" жуктуруп алганы айтылды.

БИШКЕК, 10-май — Sputnik. Өткөн суткада коронавирус 254 бейтаптан аныкталып, 257си айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек – 195;
  • Ош шаары - 3;
  • Ош облусу -1;
  • Чүй облусу – 25;
  • Нарын облусу - 4;
  • Ысык-Көл облусу – 17;
  • Жалал-Абад облусу – 9.

Ушуну менен оору илештиргендердин жалпы саны 98 654кө жетти.

Айыккандар:

  • Бишкек – 187;
  • Ош шаары - 7;
  • Ош облусу -3;
  • Чүй облусу – 42;
  • Нарын облусу - 1;
  • Ысык-Көл облусу – 7;
  • Жалал-Абад облусу – 4;
  • Талас облусу - 6.

Жалпысынан 91 816 бейтап ооруну жеңген.

Тилекке каршы, өткөн суткада коронавирус беш адамдын өмүрүн алды. Анын ичинен үчөө Бишкекте, экөө Чүйдө көз жумган. Жалпы жонунан 1 660 киши коронавирустун курмандыгы болду.

Кечээтен бери жети медиктен коронавирус табылган. Анын бирөө ооруну "кызыл зонадан" жуктуруп алганы айтылды.

6
Белгилер:
өлүм, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Айт намаздын Бишкекте окулушу боюнча мэрия пикирин билдирди
COVID-19: медиктерге компенсация төлөө үчүн 243 млн. сом бөлүндү