Саламаттык сактоо министри Алымкадыр Бейшеналиев. Архив

Саламаттык сактоо министрине кылмыш иши козголобу? Башкы прокурордун жообу

571
(жаңыланган 14:51 21.04.2021)
Башкы прокурор тундурма боюнча текшерүү жүрүп жатканын айтып, кесепетине карап укуктук баа берилерин белгиледи.

БИШКЕК, 21-апр. — Sputnik. Башкы прокурор Курманкул Зулушев парламентте отчет берип жатып уу коргошун чуусу боюнча өз пикирин билдирди.

Депутат Эмил Токтошев "Далилденбеген дарыны бейтаптарга берип жатканы үчүн саламаттык сактоо министрине кылмыш иши козголобу?" деп сурады.

"Бул министрликти текшерүү, сурамжылоо иштерин баштадык. Бизге бир адамдан онлайн-арыз түшкөн, аны ИИМге жибердик. Алар тиешелүү жыйынтык чыгарат. Биз кылмыш ишин козгоо үчүн кайрылууну эле эмес, кесепетин да карашыбыз керек. Эгер зыяны жок болуп пайда алып келип атса, өзүнчө баа берүү зарыл. Биздеги маалымат боюнча, 400 жаран өзүнүн макулдугу менен колдонуптур. Эч кимде оорунун белгилери же уулануу катталган эмес. Бул боюнча текшерүү иштери жүрүп жатат. Кесепетине карап сөзсүз түрдө укуктук баа берилет", — деди Зулушев.

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчынын өзү аконит (уу коргошун) кайнатып жасап жатканы белгилүү болду.

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Ал арада уу коргошунга ууланып Бишкекте төрт адам ооруканага түштү.

571
Белгилер:
кылмыш иши, министр, Башкы прокурор, уу коргошун
Тема:
Уу коргошун чуусу (22)
Тема боюнча
Уу коргошунга ууланып ооруканага түшкөн төрт кишинин абалы айтылды
ЖКнын тармактык комитети министр Бейшеналиевди иштен алуу чечимин кабыл алды
БУУнун КРдеги тутумунун Туруктуу координатору Озонния Ожиело менен ТИМ жетекчисинин биринчи орун басары Нуран Ниязалиев жолугушуу учурунда

БУУнун КРдеги координатору Баткенге жардам берүү боюнча иштерди айтып берди

110
(жаңыланган 23:00 10.05.2021)
БУУнун КРдеги координатору менен жолуккан Ниязов Баткен узак мөөнөттүү жардамга да муктаж экендигин айтты.

БИШКЕК, 10-май — Sputnik. БУУнун КРдеги тутумунун Туруктуу координатору Озонния Ожиело менен ТИМ жетекчисинин биринчи орун басары Нуран Ниязалиев кыргыз-тажик чек арасындагы жаңжалда өрттөлгөн айылдарды калыбына келтирүү боюнча биргелешкен иштерди талкуулады. Бул тууралуу аталган ведомствонун маалымат кызматынан кабарлашты.

Озонния Ожиелонун айтымында, өкмөт менен БУУнун агенттиктеринин биргелешкен иштерин координациялоочу аянтча, иш алып бара турган топ түзүлгөн. Жакында алардан куралган гуманитардык команда жапа чеккен жарандардын муктаждыктарын аныктоо үчүн Баткен облусуна барып келген.

Ниязалиев БУУнун тутумунун Туруктуу координаторуна куралдуу жаңжалдын кесепеттерин жоюу боюнча көрүлүп жаткан чаралар жана жасалган ыкчам аракеттер үчүн ыраазычылык билдирген.

"Министрдин биринчи орун басары Баткен облусу чукул эле эмес, социалдык-экономикалык өнүгүү үчүн узак мөөнөттүү жардамга да муктаж экендигин белгиледи. Ал БУУнун Баткен облусунун экономикасын кайра калыбына келтирүүгө колдоо көрсөтөрүнө жана эл аралык уюмдар тарабынан жардам тартуу боюнча иш жүргүзүүсүнө үмүт арта тургандыгын билдирди", — деп айтылат маалыматта.
110
Белгилер:
ТИМ, БУУ, кыргыз-тажик чек арасы, Нуран Ниязалиев, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Барымтага алынган кыргызстандыктар боюнча Стамбул протоколу түзүлүүдө. Сүрөт
Лейлекте чек ара чырында уурдалган 16 унаанын үчөө Тажикстандан кайтарылды
Максат айылы: өрттөлгөн үйлөр буздурулуп, жашоочулар боз үй, чатырда жашоодо
Бишкектин вице-мэри болуп дайындалган Виктория Мозгачева. Архив

Мозгачева Бишкекке кайрадан вице-мэр болуп келди

83
(жаңыланган 21:01 10.05.2021)
Былтыркы жылдын июль айынын аягында Виктория Мозгачева вице-мэр болуп дайындалып, бирок октябрдын соңунда иштен алышкан. Анын ордуна Айжан Чыныбаева келип, жарым жыл иштеп, ал дагы кызматтан кеткен.

БИШКЕК, 10-май — Sputnik. Айжан Чыныбаева Бишкектин вице-мэрлик кызматынан бошотулуп, ордуна Виктория Мозгачева дайындалды. Бул тууралуу мэриянын маалымат кызматынан кабарлашты.

Кадрлар боюнча бул буйрукка Бишкек шаарынын мэринин милдетин аткарып жаткан Бактыбек Кудайбергенов кол койгон.

Эске салсак, былтыркы жылдын июль айынын аягында Виктория Мозгачева вице-мэр болуп дайындалып, бирок 27-октябрда ал кезде мэрдин милдетин аткарып жаткан Балбак Түлөбаев иштен алган.
29-октябрда Мозгачеванын ордуна Айжан Чыныбаева келип, аталган кызматта жарым жылга чукул иштеди. 4-майда Чыныбаева Facebook тармагындагы баракчасына вице-мэрликтен кетип жаткандыгын жазган. Ал Бишкек шаарынын мэринин милдетин аткарып жаткан Бактыбек Кудайбергеновдун иш ыкмасы менен макул эместигин билдирип, "мамилеси келишпей калгандыгын" жазган.

83
Белгилер:
Айжан Чыныбаева, Виктория Мозгачева, Бишкек, Кыргызстан
Тема боюнча
Президент Баткенге чек ара айылдарын калыбына келтирүү боюнча өкүлүн дайындады
Внеочередное заседание по выборам нового премьер-министра в парламенте Армении.

Арменияда парламент таратылып, кезексиз шайлоонун мөөнөтү аныкталды

0
Парламенттин таратылышына анын эки ирет чогулуп, бирок өкмөт башчыга эч кимди тандай албай коюшу себеп болду.

БИШКЕК, 11-май — Sputnik. Армениянын президенти Армен Саркисян мөөнөтүнөн мурда парламенттик шайлоону 20-июнга белгилөө боюнча жарлыкка кол койду. Бул тууралуу Sputnik Армения агенттиги жазды.

"Шайлоо 20-июнга белгиленип, жарлык расмий түрдө жарыяланган күндүн эртеси күчүнө кирсин", — деп жазылат документте.

Парламенттин таратылышына анын эки ирет чогулуп, бирок өкмөт башчыга эч кимди тандай албай коюшу себеп болду. Армениянын Баш мыйзамынын 92 жана 93-беренелерине ылайык, мындай учурда парламент өзү ишин токтотууга милдеттүү.

Эске салсак, өлкөнүн премьер-министри Никол Пашинян апрель айында отставкага кеткен. Бирок ал кезексиз парламенттик шайлоо өткөнгө чейин министрлер кабинетинин төрагасынын милдетин аткара берери айтылган.

Арменияда ички саясий кризис Карабах окуясынан кийин күч алган. Оппозициялык күчтөр Пашиняндын бийликтен кетишин талап кылган. Жыйынтыгында ал мөөнөтүнөн мурда парламенттик шайлоо өткөрүүгө макул болгон.

0
Белгилер:
парламенттик шайлоо, Никол Пашинян, Армения
Тема боюнча
ЕАЭБ жарандары Россияга Армения жана Беларусь аркылуу кире алат
Армения-Азербайжан чек арасын эмне үчүн РФ чек арачылары күзөтүүдө?