Евразия өнүктүрүү банкынын башкы экономисти Евгений Винокуров. Архив

Адис: Россия экономикасынын өсүшү Кыргызстанга пайда гана алып келет

118
(жаңыланган 22:22 21.04.2021)
Бүгүн Россия лидери Владимир Путин Федералдык жыйынга кайрылуу жасады. Анда саламаттык сактоо, социалдык саясат, экономика жана эл аралык мамилелер тууралуу сөз болду.

БИШКЕК, 21-апр. — Sputnik. Россиянын экономикалык өсүшү ЕАЭБге кирген өлкөлөргө жана биримдикке жалпысынан эле оң таасир этет. Бул тууралуу Евразия өнүктүрүү банкынын башкы экономисти Евгений Винокуров Россия президенти Владимир Путиндин Федералдык жыйынга болгон кайрылуусу боюнча пикирин билдирип жатып айтты.

"Россия биримдикке кирген өлкөлөр үчүн маанилүү өнөктөш болуп эсептелет. Ошондой эле Кыргызстан, Армения жана Тажикстандын жарандары Россиядан көп акча которушат. Бул өңүттөн алганда Россиянын экономикалык өсүшү ЕАЭБге кирген өлкөлөргө жана биримдикке жалпысынан эле оң таасир этет”, — деди Винокуров.

Ошондой эле ал ЕАЭБдин ички дүң өндүрүмүнүн 85 пайызы Россияга туура келип, 75 пайыз эл ушул өлкөдө жашарын айтты.

Мындан тышкары, экономист Россиянын ички дүң өндүрүмү 3,3 пайызга өсөрү божомолдонуп жатканын кошумчалады.

Бүгүн Россия лидери Владимир Путин Федералдык жыйынга кайрылуу жасады. Анда саламаттык сактоо, социалдык саясат, экономика жана эл аралык мамилелер тууралуу сөз болду.

118
Белгилер:
Владимир Путин, Евразиялык экономикалык биримдик, Россия, Кыргызстан
Тема боюнча
Путинге Байден менен жолугуунун эмне зарылчылыгы бар
Путин: россиялык окумуштуулар үч вакцина чыгарып чоң секирик жасады
Мурдагы каржы министри Адылбек Касымалиев. Архив

Мурдагы каржы министри президенттин администрация жетекчисинин орун басары болду

10
(жаңыланган 21:48 14.05.2021)
Адылбек Касымалиев 2015-жылы каржы министри болуп дайындалып, ден соолугуна байланыштуу 2018-жылы иштен кеткен.

БИШКЕК, 14-май — Sputnik. Адылбек Касымалиев мамлекет башчынын администрация жетекчисинин орун басары болуп дайындалды. Бул тууралуу президенттин маалымат кызматы кабарлады.

Аталган жарлыкка өлкө башчы Садыр Жапаров кол койгон.

Белгилей кетсек, Касымалиев 2015-жылы каржы министри болуп дайындалып, иштен 2018-жылы кеткен. 

10
Белгилер:
жарлык, кызмат, министр, Адылбек Касымалиев
Тема боюнча
БШК Рысалиевди мандатынан ажыратты. Анын ордуна ким келди?
Жапаровдун жаңы администрациясы түзүлдү. Ким жетектеди?
Депутат Зарылбек Рысалиев. Архив

БШК Рысалиевди мандатынан ажыратты. Анын ордуна ким келди?

17
(жаңыланган 21:43 14.05.2021)
Мурдагы ички иштер министри жана жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген.

БИШКЕК, 14-май — Sputnik. Борбордук шайлоо комиссиясы Жогорку Кеңештин депутаты Зарылбек Рысалиевди мандатынан ажыратты.

БШКга эл өкүлүнөн депутаттык мандатын тапшырары тууралуу арыз келип түшкөн. Маалым болгондой, 10-май күнү Бишкектин Свердлов райондук соту Борбордук шайлоо комиссиясына Зарылбек Рысалиевге карата өз чечимин жиберген. Буга чейин ал Азиз Батукаевди мыйзамсыз бошотуу иши боюнча 300 миң сом айып төлөөгө милдеттендирилген.

Мурдагы ички иштер министри жана Жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген. 

Рысалиевдин ордуна Өскөнбай Жээнбаев эл өкүлү болуп келген. Жээнбаев Жогорку Кеӊештин депутаты болуп катталып, ага күбөлүк жана төш белги берилген. Юстиция министрлигинин маалыматына ылайык, жаңы эл өкүлү буга чейин курулуш компанияларын жетектеген.

17
Белгилер:
мандат, депутат, Жогорку Кеңеш, БШК, Зарылбек Рысалиев
Тема боюнча
Марат Иманкулов Коопсуздук кеңешинин катчысы болуп дайындалды