Кыргыз-өзбек мамлекеттик чек арасын делимитациялоо жана демаркациялоо боюнча УКМКнын төрагасы Камчыбек Ташиев. Архивдик сүрөт

Ташиев: чек ара маселеси боюнча май айында Өзбекстандан делегация келет

232
(жаңыланган 13:41 25.04.2021)
Кыргыз-өзбек мамлекеттик чек арасын делимитациялоо жана демаркациялоо боюнча УКМКнын төрагасы Камчыбек Ташиев башында турган өкмөттүк делегация 23-мартта Өзбекстанга учуп кетип, 24-25-мартта жыйын болгон.

БИШКЕК, 25-апр. — Sputnik. Чек ара боюнча сүйлөшүүлөрдү жүргүзүү үчүн 10-майдан кийин Өзбекстандын делегациясы Кыргызстанга келет. Бул тууралуу Улуттук коопсуздук комитетинин төрагасы Камчыбек Ташиев 25-апрелде Өзгөн районундагы Куршаб айыл өкмөтүндө эл менен жолугушуу учурунда билдирди.

Анын айтымында, эки тараптуу сүйлөшүүлөр Ош шаарында өтөрү күтүлүп жатат.

Ушу тапта өзгөндүктөр Кемпир-Абад суу сактагычына караштуу 50 гектар жердин берилишине каршы болуп акция өткөрүп жатышат.

Эске салсак, кыргыз-өзбек мамлекеттик чек арасын делимитациялоо жана демаркациялоо боюнча УКМКнын төрагасы Камчыбек Ташиев башында турган өкмөттүк делегация 23-мартта Өзбекстанга учуп кетип, 24-25-мартта жыйын болгон. Анда Ташиев кыргыз-өзбек чек арасы 100 пайызга чечилгендигин айткан. Дал ошол жолугушууда азыр коомчулукту дүрбөлөңгө салып жаткан Кемпир-Абад суу сактагычы боюнча маселе каралган. 

232
Белгилер:
чек ара, Кыргызстан, Өзбекстан, Камчыбек Ташиев, УКМК
Тема боюнча
Билбей туруп мени сындап жатышат. Ташиев чек ара маселеси боюнча
Кыргыз-өзбек чек арасындагы "Кайтпас" жана "Өтүкчү" пунктуларынын иши жанданды
БУУнун КРдеги тутумунун Туруктуу координатору Озонния Ожиело менен ТИМ жетекчисинин биринчи орун басары Нуран Ниязалиев жолугушуу учурунда

БУУнун КРдеги координатору Баткенге жардам берүү боюнча иштерди айтып берди

100
(жаңыланган 23:00 10.05.2021)
БУУнун КРдеги координатору менен жолуккан Ниязов Баткен узак мөөнөттүү жардамга да муктаж экендигин айтты.

БИШКЕК, 10-май — Sputnik. БУУнун КРдеги тутумунун Туруктуу координатору Озонния Ожиело менен ТИМ жетекчисинин биринчи орун басары Нуран Ниязалиев кыргыз-тажик чек арасындагы жаңжалда өрттөлгөн айылдарды калыбына келтирүү боюнча биргелешкен иштерди талкуулады. Бул тууралуу аталган ведомствонун маалымат кызматынан кабарлашты.

Озонния Ожиелонун айтымында, өкмөт менен БУУнун агенттиктеринин биргелешкен иштерин координациялоочу аянтча, иш алып бара турган топ түзүлгөн. Жакында алардан куралган гуманитардык команда жапа чеккен жарандардын муктаждыктарын аныктоо үчүн Баткен облусуна барып келген.

Ниязалиев БУУнун тутумунун Туруктуу координаторуна куралдуу жаңжалдын кесепеттерин жоюу боюнча көрүлүп жаткан чаралар жана жасалган ыкчам аракеттер үчүн ыраазычылык билдирген.

"Министрдин биринчи орун басары Баткен облусу чукул эле эмес, социалдык-экономикалык өнүгүү үчүн узак мөөнөттүү жардамга да муктаж экендигин белгиледи. Ал БУУнун Баткен облусунун экономикасын кайра калыбына келтирүүгө колдоо көрсөтөрүнө жана эл аралык уюмдар тарабынан жардам тартуу боюнча иш жүргүзүүсүнө үмүт арта тургандыгын билдирди", — деп айтылат маалыматта.
100
Белгилер:
ТИМ, БУУ, кыргыз-тажик чек арасы, Нуран Ниязалиев, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Барымтага алынган кыргызстандыктар боюнча Стамбул протоколу түзүлүүдө. Сүрөт
Лейлекте чек ара чырында уурдалган 16 унаанын үчөө Тажикстандан кайтарылды
Максат айылы: өрттөлгөн үйлөр буздурулуп, жашоочулар боз үй, чатырда жашоодо
Бишкектин вице-мэри болуп дайындалган Виктория Мозгачева. Архив

Мозгачева Бишкекке кайрадан вице-мэр болуп келди

77
(жаңыланган 21:01 10.05.2021)
Былтыркы жылдын июль айынын аягында Виктория Мозгачева вице-мэр болуп дайындалып, бирок октябрдын соңунда иштен алышкан. Анын ордуна Айжан Чыныбаева келип, жарым жыл иштеп, ал дагы кызматтан кеткен.

БИШКЕК, 10-май — Sputnik. Айжан Чыныбаева Бишкектин вице-мэрлик кызматынан бошотулуп, ордуна Виктория Мозгачева дайындалды. Бул тууралуу мэриянын маалымат кызматынан кабарлашты.

Кадрлар боюнча бул буйрукка Бишкек шаарынын мэринин милдетин аткарып жаткан Бактыбек Кудайбергенов кол койгон.

Эске салсак, былтыркы жылдын июль айынын аягында Виктория Мозгачева вице-мэр болуп дайындалып, бирок 27-октябрда ал кезде мэрдин милдетин аткарып жаткан Балбак Түлөбаев иштен алган.
29-октябрда Мозгачеванын ордуна Айжан Чыныбаева келип, аталган кызматта жарым жылга чукул иштеди. 4-майда Чыныбаева Facebook тармагындагы баракчасына вице-мэрликтен кетип жаткандыгын жазган. Ал Бишкек шаарынын мэринин милдетин аткарып жаткан Бактыбек Кудайбергеновдун иш ыкмасы менен макул эместигин билдирип, "мамилеси келишпей калгандыгын" жазган.

77
Белгилер:
Айжан Чыныбаева, Виктория Мозгачева, Бишкек, Кыргызстан
Тема боюнча
Президент Баткенге чек ара айылдарын калыбына келтирүү боюнча өкүлүн дайындады
Кагаздагы ноталар. Архив

Кыргызпатент сый акысын албай калган авторлорду издөөдө. Тизме

35
Автордук сый акыларды бөлүштүрүүгө жана төлөөгө байланыштуу маселелер боюнча 0(312) 68-00-86, 0(550) 778-450, 0(550) 778-590 номерлерине чалса болот.

БИШКЕК, 11-май — Sputnik. Кыргызпатент чыгармалары телерадиокомпаниялардын эфирлеринде жаңырган, бирок сый акысын албай калган автор, аткаруучуларды издеп жатканын маалымдады.

Мекеме изделип жаткан авторлордун тизмесин жарыялап, андан өзүн тапкандарга сөзсүз кайрылууну өтүнгөн. Автор, аткаруучулар өзүн бул шилтемеге кирип тапса болот.

Автордук сый акыны алуу үчүн талап кылынган документтер:

  • Чыгармаларды каттап, укуктарды башкаруу укугун берүү тууралуу келишим түзүү керек;
  • Автордун же аткаруучунун каттоо барагын толтуруу зарыл;
  • Паспорттун көчүрмөсү;
  • Банктан эсеп ачып, анын дарегин Кыргызпатенттин кызматкерлерине тапшыруу шарт.

Автордук сый акыларды бөлүштүрүүгө жана төлөөгө байланыштуу маселелер боюнча 0(312) 68-00-86, 0(550) 778-450, 0(550) 778-590 номерлерине чалса болот.

35
Белгилер:
аткаруучу, автордук укук, сый акы, Кыргызпатент
Тема боюнча
Кудайбердиева: былтыр Кыргызпатент 8 млн. сомдон ашык акча чогултту