Улуттук коопсуздук комитетинин төрагасы Камчыбек Ташиев. Архивдик сүрөт

Ташиев: Лейлектин Козу-Баглан суусуна "Ак-Тоок" деп аталган суу сактагыч курулат

448
(жаңыланган 23:50 25.04.2021)
Суу сактагычтын долбоору түзүлүп, ага өкмөттөн акча бөлүндү. Учурда долбоордун түзүүчүлөрү суу сактагыч курулуучу аймакта иштеп жатышат.

ОШ, 25-апр. – Sputnik. Лейлек районуна караштуу Бешкент айыл өкмөтүнүн аймагындагы Козу-Баглан суусуна "Ак-Тоок" деп аталган суу сактагыч курулат. Бул тууралуу Улуттук коопсуздук комитетинин төрагасы Камчыбек Ташиев Өзгөн районунун эли менен жолугушуу учурунда билдирди.

Анын айтымында, ушул жылдын сентябрь, октябрь айларына чейин суу сактагычтын долбоорун түзүү пландаштырылган.

Долбоордун түзүүчүлөрүнө тапшырма берилип, учурда алар суу сактагыч курулуучу аймакта иштеп жатышат.

"Ушул маселе боюнча кечээ, 24-апрель күнү, каржы маселеси чечилип, өкмөттөн акча бөлүндү. Долбоор ишке ашырылып, курулуш иштери башталса, бир жыл ичинде бүткөрүлөт", — деди Ташиев.

Ал Баткен облусу менен чектешкен Тажикстандын Гафуров жана Худжант шаарларына ичүүчү суу Лейлек районунун аймагынан бара тургандыгына, сууну коңшулаш республикага берип коюп, Лейлектин талаалары суусуз кургап жатканына токтолду.

Ташиев "эгерде бул суу сактагыч курулса, анда чек ара маселеси чечилерин" билдирди.

448
Белгилер:
долбоор, чек ара, Тажикстан, Лейлек, суу сактагычы
Тема боюнча
Ташиев: Кемпир-Абадды ушул бойдон калтырып, Өзбекстанга өткөрүп бербейбиз
Ташиев: чек ара маселеси боюнча май айында Өзбекстандан делегация келет
Беларусь лидери Александр Лукашенко. Архивдик сүрөт

Лукашенко президент көз жумса өлкөнү ким башкарарын аныктаган декретке кол койду

445
(жаңыланган 13:58 09.05.2021)
Декретте президентке кол салуу, теракт жана тыштан агрессия же башка окуя болуп көз жумса бийликтин кайсы органга өтөрү айтылган.

БИШКЕК, 9-май — Sputnik. Беларусь лидери Александр Лукашенко эгерде өлкөнүн президентинин көзү өтүп кетсе, бийликтин кайсы колго өтөрү туурасында "Суверенитет жана конституциялык түзүмдү коргоо жөнүндө" деп аталган декретке кол койду. Бул туурасында президенттин расмий сайтында маалымдалган.

"Декрет көз карандысыздыкты жана мамлекеттин суверендүүлүгүн сактоого багытталган", — деп айтылат маалыматта.

Декретте президентке кол салуу, теракт жана тыштан агрессия же башка окуя болуп көз жумса бийликтин Коопсуздук кеңешине өтөрү айтылган.

"Мамлекеттик бардык органдар жана кызматта тургандар Коопсуздук кеңешинин чечими менен иш алып барат. Анын отурумуна премьер-министр төрагалык кылат", — деп айтылган анда.

Мындай кырсык болгон учурда өзгөчө кырдаал жана аскердик абал киргизилип, Коопсуздук кеңеши аны камсыздоо чараларын көрөт. Чыккан чечимдердин бардыгы кыйшаюусуз аткарылууусу керек.

Апрелдин ортосунда Лукашенконун жана анын балдарына кол салууга даярданган кишилердин тобу кармалгандыгы боюнча кабар тараган. Беларусь лидеринин айтымында, буга америкалык атайын кызматтын тиешеси бар жана кармалгандардын арасында чет элдик агенттер болгон. Өлкөнүн Мамлекеттик коопсуздук боюнча комитети козголоңчулар өлкөдө куралдуу басып алуу даярдангандыгын билдирген эле.

445
Белгилер:
декрет, кол салуу, Александр Лукашенко, Беларусь
Тема боюнча
ФСБ: Лукашенкону өлтүрүүгө камданып, Беларуста төңкөрүш даярдагандар кармалды
Лукашенконун уулуна генерал наамы берилди
РФ президенти Владимир Путин Тажикстандын президенти Эмомали Рахмон менен жолугушу

Путин менен Рахмон Москвада жолукту

320
(жаңыланган 23:46 08.05.2021)
Тараптар эки өлкөнүн ортосундагы кызматташуу жана жалпы аймактагы коопсуздук маселелерин талкуулашкан.

БИШКЕК, 8-май — Sputnik. РФ президенти Владимир Путин Россия Тажикстанга Афганистан менен чектеш экенин эске алып ар тараптан колдоо көрсөтүүгө даяр экенин билдиргенин РИА Новости жазды.

Бүгүн Россия өлкө башчысы Тажикстандын президенти Эмомали Рахмон менен жолугушту.

"Афганистанда болуп жаткан окуялардан улам аймактагы коопсуздук маселеси курч турат. Тажикстандын Афганистан менен болгон чек арасы узун. Кырдаал сиздин тынчыңызды алып жатканын түшүнөм, негиздүү. Окуя кандай нукта өнүгөрү тууралуу сиздин пикириңиз кызык. Биз өз кезегинде колдоо көрсөтүүгө болгон аракетибизди жумшап жатабыз", — деди Путин.

Ал Тажикстанда Россия Куралдуу күчтөрүнүн 201-базасы жайгашканын, өлкө анын кубаттуулугун арттыруу боюнча иштерди жасап жатканын айтып өттү.

Сөз кезеги келгенде Рахмон Афганистандагы абалга катуу тынчсызданып жатканын белгиледи.

"АКШ Афганистандан аскерин алып чыгарын эске алып коопсуздук маселелерин талкуулоо зарыл. Бул билдирүүдөн кийин өлкөдө кырдаал курчуп кетти", — деди Рахмон.

Президент Тажикстан менен Афганистандын чек арасы 1 300 чакырымдан көп экенин, башкача айтканда, жалпы чек ара тилкесинин 60 пайызын түзөрүн белгилеп өттү. Муну менен бирге Россия менен бардык тармак боюнча, анын ичинде коопсуздук маселеси дагы бар, байланыш бекемделип жатканын кошумчалады.

Андан сырткары, Тажикстандын жетекчиси ЖККУ менен ШКУ уюмдарында төрагалык кылчу мамлекет катары саммиттерге даярдык өз деңгээлинде жүрүп жатканына токтолду.

Жолугушууда Улуу Ата Мекендик согуштун мааниси тууралуу да сөз болуп, тараптар бири-бирин Улуу Жеңиштин 76 жылдыгы менен куттукташты.

320
Белгилер:
чек ара, Афганистан, саммит, Тажикстан, Россия, Эмомали Рахмон, Владимир Путин
Тема боюнча
Путин Жапаровду жана кыргызстандыктарды Жеңиш майрамы менен куттуктады
Кабулдагы жарылуу болгон жерде адамдар турушат (Афганистан)

Кабулдагы жардыруудан 63 киши каза тапты. Көз жумгандардын көбү кыздар

0
(жаңыланган 10:28 10.05.2021)
8-май күнү шаардагы мектептердин биринин жанында мина коюлган автоунаа жардырылып, андан кийин эки ирет ракеталык чабуул болгон.

БИШКЕК, 10-май — Sputnik. Афганистандын борбору Кабул шаарында жардыруу болуп, каза тапкандардын саны 63кө жетти. Бул тууралуу РИА Новости Tolo News телеканалына таянып кабарлады.

Билдирмеге караганда, 8-май күнү шаардагы мектептердин биринин жанында мина коюлган автоунаа жардырылып, андан кийин эки ирет ракеталык чабуул жасалган.

Жардыруу окуучулар мектептен чыгып бара жатканда болгон. Көз жумгандардын көбү кыздар экени айтылды. Жардыруудан 150 адам жабыркаган.

Бул кол салууга "Талибан" радикалдык кыймылы тиешеси жок экенин билдирди. Афганистандын президенти Ашраф Гани чабуулду талибдер жасаганын айтып, аларды айыптаган.

Белгилей кетсек, Афганистандагы аскердик-саясий кырдаал улам курчуп баратат. АКШ жана НАТО күчтөрү өлкөдөн чыгып, талибдер провинциялардын бир тобун, анын ичинде түндүк тарабын да көзөмөлдөөдө.

0
Тема боюнча
Бразилияда метродо атышуу болуп, 25 киши көз жумду. Видео